一碗肉燥 (喜薈)

营业中

休息中

今日傾盆大雨, 走進長沙灣一碗肉躁吃飯順便避雨, 店內坐滿人, 店員請我等等, 等了5分鐘左右就有座位了! 時間2:30 pm , 有下午茶吃!! 選了BB餐, 七味魚餅串燒配原味肉躁撈麵, 凍紅茶! 好快就上菜, 溫度唔算太熱, 微溫啦! 肉躁撈麵上有些菜粒同半隻蛋, 但個撈麵好濕! 味道一般啦, 魚餅無乜味, 靠面頭的七味粉吊出少少辣味! 飲品好多冰, 所以唔太夠喉!! 原本覺得細細碗應該唔夠飽, 但食完又覺得岩岩好! $31 有埋飲品都算唔錯

一碗肉燥 係長沙灣開左一段日子，但無乜機會入去試，今晚終於同太太黎試下。望落鋪仔細細原來入面都幾多枱，七點幾晚市唔駛等位，正。自己劃飛，一人一張好似唔太環保。主要係揀麵定飯，同埋咩餸。飯就揀左個撈起，即係可以揀三款餸。揀左黑糖豬軟骨、台灣腸同埋雞翼，加埋本身有的肉燥同埋半隻蛋，都幾豐富。豬軟骨味道普通，夠淋；雞翼做唔到有兩隻中翼，不過味道無乜特別；台灣腸有一條，一般台灣腸味道；蛋無特別；肉燥揀左辣味，基於本人唔算好食得辣，所以覺得有少少辣，不過可以接受，送飯一流。三餸黎講幾抵食。另外叫左個回魂黑醋豬軟骨撈麵。整體評價同個撈起三餸飯相約。個餐包杯蜂蜜紅茶，加左$6轉左其中一杯做泡沫珍珠奶茶。蜂蜜紅茶幾好飲，杯珍奶就普普通通不過不失。最特別係呢度凍飲熱飲同價，係香港好少有。整體黎講都值得推介，五十蚊包飲品味道唔錯。行過可以一試。

本來去麥記，從遠處就比佢店面設計吸引左，行多兩條馬路都走去試。 超可愛的蛋蛋公仔，餐牌，餐紙，名片，制服，裝修，全部都好kawaii 呢！叫得做一碗肉燥,當然叫乜都是會有肉燥。我點了雙併，黑醋豬軟骨和餃子，餐包飲品。飲品是大杯的蜂蜜紅茶，還用了同logo系列的杯子，feel到老闆的心思。飯的賣相不錯，有豆和蛋。但我就like熱野，呢兩樣餸都是凍。豆都算鮮味，蛋有驚喜，是溫泉蛋。豬軟骨味道幾好但不夠軟，要煮耐些。餃子正常，普通。都係個句，細心，有餃子醬用碟仔分開上。肉燥是佔了一半，味道ok.一個set $44無加一，都算okLunch hour都要等一陣先有位。我坐近門口，有人等位時見人多，企係到唔入又唔出，頂住大門，冷氣走晒，食食下滴汗。其實，等位時都應該諗下其他人，世界會美好d。

幾十元吃到台灣味道的一個不錯選擇。舖頭整體嘅裝修十分有心意，入去之後見到好多黃黃白白嘅顏色， 令到食慾大增。餐牌亦都十分簡單，有飯撈麵及湯麵選擇，撈麵湯麵需要另加3元，用了一個很有趣的稱呼肉燥，他們稱為「燥底」。嘗試一下這個香辣肉燥麵，味道應該不是小辣類型，如果不是吃得辣的，要留意一下。上菜速度十分快，一下單轉頭兩分鐘內即到！那個麵條很有彈力，但是麵粉味不太足。選了一個三餸撈麵，餸菜之外，還有豆角及滷蛋，十分抵食。

長沙灣好多野食，不過環境闊落，坐得舒服，可以揀呢間。肉燥不太肥，味道偏甜，蓮藕餅幾香口，有爽爽粒蓮藕，惹火牛肉夠冧，少少辣，流心蛋好味呀，飯的份量偏少。餃子味道幾好，不算厚皮，個黑醋魚柳的炸粉太厚，無咩魚食到。免費蜂蜜檸檬茶味道怪怪的。

一碗肉燥（餐廳名），51蚊，三餸連肉燥連蛋連無檸檬既檸茶。飯餸暖，應該煮定，但保溫做得好？肉燥味濃。或者台菜本身就味濃？蛋未全熟，無老。黑醋豬軟骨，一舊，味重，但有酸，唔止喊，有少中和。台灣腸，原來係臘腸？但又無一般臘腸咁硬，應該界乎臘腸同脆皮腸之間既口感。味質似臘腸而濃到約四分一。附圖中，黃色既係蛋餃。佢特別。用蛋皮當外皮包木耳同肉等作餃。特別在，單獨食，佢味同質感都怪。但喺成個飯都太重味既時候，時世做英雄：佢成為救世主，拯救成個飯：佢味淡。一啖重口味，一啖淡蛋餃，正正平衡返成個飯既味濃度。

經開長沙灣諗緊食咩好，一下子就被依間好搶眼嘅黃色台吸引😂 成間鋪嘅設計好得體好可愛，個珍珠奶茶飲管燈好搞笑😆講返野食，鹽酥雞扒超鬆脆! 肉質唔乾好滑好夠味😋 仲有海苔粉，梅子粉同七味粉可以調味，handsup就揀左梅子粉，帶點點酸甜味幾正，記住落多啲先食到味👍🏻 肉燥夠濃唔算油膩，好食～ 另外三杯雞都唔錯，份量都幾多，食完兩個人勁滿足😆

「一碗肉燥飯套餐」 ($50)評分：4/10. 唔好俾佢色彩繽紛嘅樣呃到我覺得呢間肉燥飯系不折不扣嘅徹底😱 飯餐可於配主食三款 (豬軟骨，台灣腸，煎餃子，魚餅，蛋餃，腰果肉叮叮) 但質素實在馬虎得很 (我覺得自己食緊餸豆餸尾，尤其係堆肉丁😕鹹到喊) 個蛋角幾特別嘅不過其實依然係格格不入多啲。堆豆角更加顯得好多餘 😧 純粹係想加啲綠色令到顏色豐富啲 (?) 話自己係台灣肉燥飯，就算 free ride 晒啲配菜，好歹都花心思係啲肉燥到呀但佢地嘅肉燥係好濕汁多過肉而且得個鹹字好似飯堂啲汁撈飯咁 😓 真係無野好講。條台灣腸系成碗飯最正常嘅。可悲矣

朋友話想食呢間台灣店，去到撞正lunch time!勁多人入到去一人填一張落單紙，簡單易明！好難得好快脆諗到食咩揀左個。識撈。自選三餸三餸有，台灣腸。阿一蛋餃同埋惹火牛肉可能撞正lunch time ，等左都好一段時間好彩黎到都幾好咁！除左自選果三個餸之外，佢重有大量豆同半隻蛋（好好味）台灣腸唔會乾身！蛋餃就有少少凍既感覺，不過個牛肉好好有驚喜，少少辣，啖啖肉，唔會un肉燥撈埋之後，食麵有埋少少湯汁加肉燥，好野味叫左杯熱既蜂蜜紅茶！唔太甜！有蜂蜜既微甜，剛剛好啊！！

前往看潑水節前，到了長沙灣覓食。這次是專門去找這間一碗肉燥的。店的名字很簡單，店名也是食物名。身處喜匯的餐廳，裝修也很特別，大大個公仔是一粒飯來的，而店內就有豬和雞。這裝修已道出了有乜食。來到一碗肉燥，試試他的鹽酥雞扒飯也好，雞扒也有肉燥的，可選原味和香辣。再選了跟餐的蜂蜜紅茶。點餐是點餐紙，填好後交店員就等食。好在早來，不然就要在門口等位了。店內有圓枱也有長枱，都算坐得幾舒服。食物來到後，店員會遞上一排3罐的味粉，有七味粉和紫菜味，灑上雞扒上，顏色都幾靚，也增加了雞扒的味道。一個餐，除左原來，加埋味道，總共試了4款不同口味。說回飯本身，份量夠食有餘，飯夠熱，肉燥也夠香口，雞扒就外層夠脆，但肉不會很乾身。整體配搭好好。除了飯，這裡還有麵的，不過還是飯配肉燥更匹配。又係一間我會再來幫襯的餐廳。

是日經過長沙灣，周圍走嚟周去咁啱見到依間台灣麵👏🏻👏🏻個樣裝飾得幾新淨！就入左去其實係因為我見依間有鹽酥雞同埋肉燥😻😻😻重點係有得轉麵！加曬分！好吃鹽酥雞排原味燥底麵🍜💕💕滿滿的一碗仲包埋蔥同蛋🤣(有好多台灣店都唔足料😓😓) 冇諗到個面係意粉，原本以為一定係米線，早知要飯🤦🏻‍♀️🤦🏻‍♀️ 鹽酥雞嚟講，佢上菜個陣係熱辣辣，曬曬炸起外脆內軟，仲好多汁，不過長沙灣依個位置，就有啲難再次光顧了😢

經過見到店舖又簡潔又時尚裝潢設計吸引了我們好可惜就是外面沒有泊車咪錶唯有向服務員要求座近門囗位置當時服務員也很樂意接受逃過了抄牌的事情好肚餓二話不說就馬上點了我喜歡肉燥和鹽酥雞扒立即叫了一個雙拼肉燥+鹽酥雞扒飯⋯肉燥不會太鹹太多汁鹽酥雞扒外香脆內嫩又不會太油膩仲有三種配料（柚子粉、海苔粉、七味粉）俾你加入鹽酥雞扒上邊更加好味呵仔煎餅加埋甜酸醬簡直太配合回魂黑醋豬軟骨套餐有紅棗紅茶附送⋯一杯凍一杯熱⋯非常之好味值得推薦一定再來！你地都要繼續努力呀！服務態度簡直係一流！

1. 回魂黑醋豬軟骨＋阿一蛋餃燥底飯 (L6. 識撈-自選兩餸)（午市$43）有得自選兩餸，正！😝豬軟骨大舊又淋身，不過蛋餃就冇咩味😅好彩有濃郁肉燥中和，係頹食好選擇！彤樂評分：8/102. 手搖煎雞翼＋台灣腸燥底飯 (L6. 識撈-自選兩餸)（午市$43）相對感觀上料就少D，不過都保留一如以往台灣腸味，煎雞翼就唔夠香脆啦🙁彤樂評分：7.5/103. 泡沫珍珠奶茶(跟餐升級特飲)（＋$6）本身無糖，可以自己加糖，岩晒怕肥嘅你！😍珍珠偏細粒，易消化同幾好趙口😆彤樂評分：8.5/10

今天放假沒約朋友，便簡簡單單到屋企附近的台式餐廳吃Lunch~午市推介中，肉燥飯餐已吃過很多次，今次改吃“識撈”。✔️: 配料豐富，有台灣黑橋牌香腸，豬腸衣香脆，咬下時甜香的肉汁溢出，非常惹味; 溏心蛋蛋香軟熟; 豆角及西芹鮮味爽脆。😋✖️: 原以為撈麵是常見的幼麵，但原來是白烚意粉，無味意粉不太吸汁(肉燥)。另外，雞柳粒的肉香被西芹味全蓋過，兩者味道有點違和感。😥熱蜂蜜紅茶，一如以往的，充滿香甜的蜂蜜味🐝及醇厚的紅茶味🍵，味美可口!總結，配料及飲品保持水準，但下次還是穩穩陣陣點這裏的肉燥飯🍛，肉燥與白飯才是絕配呢!

喺深水埗呢個咁多嘢食嘅地區，要勝出真係好難！而喺深水埗舊區竟然有一間裝潢咁年輕嘅餐廳，真係吸引到好多人！我好早去到，我走嘅時候已經大排長龍！我覺得最好食係咸酥雞球！炸雞啲粉好薄，入面有好多肉汁！肉燥要食辣！佢有三種粉比我地加，分別係紫菜、七味粉同埋山椒粉！貪心嘅我當然試曬！我覺得山椒粉有少少伏，我推介七味加紫菜！肉燥方面，份量唔多，但味道好濃，肉燥半肥廋，唔會太肥，冇咁罪惡！飯入面有好多菜，健康！