一碗肉燥 (喜薈)

营业中

休息中

咁啱行過附近等過馬路既時候兩頭望被可愛既icon吸引一碗飯可以化身為咁kawaii既商標吸引人注意已經係成功既第一步對台灣既食物有偏意既情意結今年無去過台灣食當地美食反正要食飯 就試一試佢價錢合理叫左個兩餸既香辣肉燥飯 外加台灣腸份量足 望落都幾吸引第一口食落已覺得相當不錯肉燥香而帶微辣 惹味甜不辣脆皮牛肉 其實食唔出甜不辣既感覺但係係好食的 好淋好軟高雄蔥香肉排 一般 無驚喜台灣腸就平凡大家認知的 性價比高 會再黎開餐

下午1420到店。門口亦沒有人等。因為食過好多次，記得有下午茶，所以就問係幾點。服務員遞上午餐紙說未到時間，再問下就原來係1430.我地話咁就等多陣先叫，個男人同我講“咁你要出去等”我問“冇聽錯下話？”你門口一個等的人都冇，我係直接入到餐廳的。仲有，你已經有空位，點解要咁樣叫人走？你可以有禮貌啲，亦可以考慮搵返個人帶位避免我呢啲精明消費者為左慳幾蚊坐左你個位。最後，你可以唔搞下午茶，唔好搞完之後又唔安排好，又要歧視人

愛台灣菜特別係肉燥飯的朋友見上網介紹呢間一碗肉燥不錯，專登同佢去長沙灣食。下午去到，完全不用等位。套餐配埋的蜂蜜紅茶，真係好蜂蜜，好甜。辣肉燥麵，少少辣，於我不太食得辣的人來說，剛剛好，中意食辣的人可能完全不覺得辣！啲麵其實不錯，但肉燥無乜味，豬頸肉煮得唔夠。最大問題係雞扒，令呢個負評誕生。炸得還算香脆，但好大舊粉而且舊粉好難咬開，令人不禁要先去皮先可以食，但雞肉有明顯冰鮮味，去左皮後難以入口，而且好多肥膏同筋。有三種調味粉食雞扒叫左碟小食:雞翼同台灣腸，台灣腸同市面上的無乜分別，不過不失。雞翼都算脆，都不錯。

用 the gulu 拎飛等位 , 好方便。叫左鹽酥雞排撈麵 + 辣肉燥 + 另加份黑醋豬軟骨。雞排真係好多件呀，一黎到，店員都會比三隻粉自已灑上雞扒😋好味的，而辣肉燥真係辣辣地，又唔錯喎，出面好少有得揀辣同唔辣既肉燥架嘛，而豬軟骨 + 7蚊有兩件仔，不過用黑醋整出黎，我覺得唔太好食了。紅燒牛肉撈麵 : 牛肉好淋，好正😋😋泡沫珍珠奶茶 : 好飲呀，佢仲可以自已加糖漿，唔使飲到甘甜，我鐘意的。😋😋😋價錢都唔貴，真係食到十分飽。😃

一起身就見到掛八號風球，又係星期日掛，今年數過掛5次八號波有3次都係星期日，天文台有無咁鬆手呀😓😓又係邊度都無得去，想出去行下都唔得訓多陣就起身，落街搵野食，條街都好大風，風吹埋黎連我著住件外套都仲好凍同家人行左去食肉燥飯，呢間之前行過都好多人係門口等位，今日就無咩人，就入去試下裝潢都幾光猛，中間嘅坐位就似吧枱咁我就叫左個蔥香肉排肉燥飯肉排幾好食，咬落好軟身，連埋蔥食都唔錯👍🏻另外仲有流心蛋，但肉燥就一般般，而且撈埋飯一齊食會好鹹連埋杯野飲嘅價錢就$46，算係呢區嘅中價啦

雙拼肉燥飯(黑醋豬軟骨+台灣腸)$40連餐飲🐷🐷🐷估唔到雙拼飯包埋溏心蛋 質素仲不錯🐣黑醋豬軟骨有驚喜 滷得入味 肉質軟熟 軟骨保留微微脆度 最特別係個黑醋味 酸酸地 好香好好味😍😍台灣腸非常麻麻 乾同無咩肉味 唔好叫😐😐主打嘅肉燥飯滷汁不錯 咸香不過濃 肉粒瘦肥都有👍👍仲附送柴魚片同豆 cp值好高😎😎不過假如啲飯乾啲好啲 因為滷汁令本身軟熟嘅飯更軟🙊.佈置超有心思 好多🐣同🐷係附近嘅醫院做真係正😈😈

一碗肉燥店面已黃色為主，遠遠已留意到呢間店。台面既餐紙有佢地既logo公仔，俾小朋友盡情發揮想像畫畫，大人又可以食餐安樂飯幾好。餐內食物選擇不算多，但食物質素卻有驚喜。所有餐選主食先，在配上肉燥(可揀辣/唔辣2款肉燥）。送蜂蜜紅茶，轉其他可+$。也有小食可加。鹽酥雞排香脆可口，肉質嫩滑，炸粉不會太厚，份量超大块。面類反而一般。泡沫珍珠奶茶好飲，自己落糖唔怕過甜。唯一缺點，送太多飯過少。

之前見到呢間餐廳成日排隊排長龍，琴晚終於有時間去見識下餐廳環境都唔錯，d公仔真係好得意本身諗住想試下個香葉三杯雞，點知唔小心落錯左不過d員工都好好人，話幫我問下廚房可唔可以換過左大概5分鐘後就有得食啦味道黎講我就唔係話咩食家，不過我又真係覺得幾好味個肉燥飯都幾好味，份量都夠飽肚有突最後杯珍珠奶茶，有夠茶味d珍珠又夠咬口，同埋都幾滑總括黎講我會比85/100絕對值得再食多次

其實起初拎位係唔知要拎飛定walk in就得，因為D職員同客人完全零交流，叫又唔應，完全無視我地！除左我地，仲有D客人都好似我地企係左係度唔知點好，到後黎先見到有呢部「拎飛」機，服務態度真係要改善一下～～～講番食物先~鹽酥雞扒肉燥飯 $51 食晒啲飯都仲有好多雞扒，雖然肉燥汁只係一般貨色，但好岩撈飯食，而且佢塊鹽酥雞扒好大塊，炸得香脆，加上半隻既滷水糖心蛋，真係食得好開心！台灣腸係另加既，最估唔到係有Ｄ調味粉可以自己落，我同朋友都倒左勁多既海苔粉，味粉仲有山椒粉/七味粉揀！3款味粉~雞翼豬頸肉肉燥飯 $40一樣有糖心蛋!豬頸肉　很腍，味道夠！不過相比下，我覺得鹽酥雞扒吸引Ｄ！時菜 $5我地坐既係高枱，所以坐得有D唔舒服><餐牌

長沙灣很多舊樓重新建造後，多以底座做大型商場，樓上住宅的香港典型建築形式，這店就在新建大廈地舖，裝修很明亮，簡潔，牛肉麵味道不錯，但缺少了地道台灣口味，湯底亦已經不像，港式多些，味道還可以，牛肉比較細塊，不像其他店用牛展，黑醋豬軟骨麵，都不錯，但豬軟骨硬了少許，豆漿無糖，讚，附糖水，可以自己調較。

之前行過見到成日排長龍，不過見多數食飯時間啫，今次就下午茶去，堅唔洗等位，雞朳確係幾正嘅，但都唔及味粉咁吸引，加咗味粉落雞朳度，風味就唔用哂，正，但肉燥就麻麻，珍珠奶茶都係一般啦，味粉配飯就正好多，味粉有幾款（紫菜、七味粉）同外面食嘅味粉係真係有分別，價錢方面，合理，大眾化，裝修好新頴，全店都用黃黑色，勁似元氣，附近泊車就差D，沒乜錶位，要泊去元洲商埸或新樓車場，整體都算唔錯既選擇，所以可以再去食下其他野

還記得上次特意去試另一間新開的人氣台式餐廳的經驗,一直都遲遲未試呢間同樣大人氣的台式餐廳,因為大多人幫襯,怕又要等又中伏😅由於呢間餐廳開了一段時間,人潮終於減退,加上機緣巧合下,在同事邀請的情況下,終於在晚飯時間一試呢間。初試就一定係叫最出名,最常食,最多人推介的肉燥鹽酥雞扒飯啦！呢個飯同其他餐廳比較絕對係高質素果批。一放低最吸睛的就係果隻半流心的滷蛋,呢個精心的配菜已經將好多出名的鹽酥雞扒飯比下去。肉燥份量剛剛好,夠撈飯得黎又唔會令個飯好濕,肉燥又唔會調味調得太濃,相當可口。到塊鹽酥雞扒,份量唔小,絕對夠食。雞扒未身唔細件,唔駛加勁多炸粉令雞扒變大變厚。雞扒果真炸得夠酥脆,加上店員足夠,廚房一煮好就能奉上給人客品嚐同樣地,鹽酥雞扒都係配有粉(三種口味)俾客人自己落,添加一份玩味跟餐唔駛加錢有杯凍綠茶,對有選擇困難的我黎講,可以解決選擇飲品的麻煩。當然,好似只需要加3~5蚊,餐飲就可以選其他台式飲品(如珍珠奶茶)。由於我和同事都比較大食,所以決定跟餐加點左個小食,呢個九層塔雞翼其實唔錯,只不過有鹽酥雞扒在場下,雞翼明顯無噤吸引。但佢個九層塔有炸過,加上小小鹽粒,食落爽口又香呢間餐廳食物

肉燥係台灣必食之一，香港都有間連鎖肉燥專門店幾成功。不過都係鐘意食小店。今日嚟到長沙灣哩間一碗肉燥試下。講真如果唔係經開，特登過嚟食都幾唔方便。店舖唔近地鐵，做街坊生意多。裝修設計好年輕，黃色好sharp, 唔講以為去左漢堡店。晚市包飲品，四，五十蚊一份，價錢都算過得去。回魂黑醋豬軟骨飯味道沒有台灣風味，反而似上海個款味道。豬軟骨有四件，雖然味道ok, 但炆得再淋d會更好。主打叫肉燥，講真有點失望。唔係難食，但食唔到台灣風味，有點港式肉燥嘅感覺。好吃鹽酥雞排撈麵賣相份量都好吸引。雞排好大件，外皮酥脆而薄。味道中規中矩，不過有少少油味，扣少少分。另外，店員會送上三款調味粉，方便客人自己調味，不錯。

有朋友入左院，去探佢的時候經過里到，見到隻雞仔幾得意，就決定探完病之後幾個朋友一齊去試下。平日晚，重要七點半左右，竟然都滿晒坐，要等位囉😲於是侍應問我地四個肯唔肯坐吧位（即係高腳椅），肯的話就馬上有位。四個餓到上心口，當然無問題啦👌🏻👌🏻👌🏻內部裝修好有心思，用上卡通的🐔🐽做牆紙點菜紙一人張，好方便👍🏻而且全部都係套餐組合，價錢十分經濟。最貴的套餐都唔過$62，除非你再加小食啦，重之埋單一個人一百蚊有找🤑黑醋豬軟骨，附送溏心蛋半隻🐣豬軟骨香甜鬆軟，啲軟骨連我里個無牙婆都咬得開。跟飯的肉燥可選辣同唔辣，里個係唔辣的，咸度適中，內裡重有少少肥豬肉，送飯一流🍛不過飯量對男生來說有點少跟餐加$5要左珍珠奶茶🍹一般台式食店所飲到的味道，正正常常，無特別朋友的辣肉燥飯配鹽酥雞扒雞扒炸得非常好，唔油唔肥，啲皮又薄又脆，食埋落肚都無咩罪惡感🙊肉燥里件事都係辣的好差啲唔認得，三色調味粉，自己配搭。我挺喜歡山椒粉，麻麻辣辣，好得意😋當然，大部分人都係用海苔的，我明。紫菜飯感覺朋友跟餐唔洗加錢有蜂蜜紅茶，即飲沖劑，無驚喜朋友貪得意叫的-九層塔烤雞雜菜鍋望落好清淡，朋友話蔬菜份量算多，有紅蘿蔔/豆角/脆玉瓜/

相約很久沒見的中學同學晚餐，剛好同學是在附近上班，她就推薦這家台灣魯肉飯給我。位置都易找，m記對面就是了！我們分別叫了鹽酥雞扒魯肉飯及台南鳳梨豬排魯肉飯，味道都不錯，台式食物一般偏油，魯肉飯都當然偏油，也是很正常的！味道不錯！特別是鹽酥雞，有3款不同味道的調味料自己調味的！也有不少台式飲品選擇！個人覺得也是聊天的地方，不會怕有入座時間，我們都愉快的聊了差不多兩小時！