一碗肉燥 (喜薈)

营业中

休息中

呢間都食左好幾次了，今次爲你們寫個食評啦！ 因為我覺得幾值得推介比大家的！首先講裝修，個裝修幾有趣，又可以用app等位好方便的。我每次去都會叫個鹽酥雞肉燥飯有半隻流心蛋 ， 流心好味多汁開頭第一次食唔知有流心蛋，係張點菜紙上加左所以提大家本身己有半隻仲有紫菜粉比你自己無限加，紫菜狂既我勁加真係好好味！ 加埋杯熱珍珠奶茶！好享受的午餐我之前叫過麵，但飯始終好味過麵，肉燥份量都多架！之前加個蠔餅 當然唔似大排檔果d好味 但可以頂下癮當小食食架

不時經過長沙灣有留意到這店，裝修帶點得意，這天碰巧沒吃上午餐，便匆匆來這裏吃個超速下午茶，由進店到吃完只不過20分鐘。我特別喜歡這店的設計，主要用鮮黃色，加上很多可愛的公仔，以及呃like潮下的霓虹燈，想不到普通的集團式(屬大快活旗下)台灣快餐也能走這麼年青突出的路線。原味肉燥飯回到正題，茶餐選擇有五款，價錢也很便宜，最貴不過$38，還包飲品。既然餐廳主打肉燥，必要認真試試。下單不過2分鐘，店員已端出肉燥飯，配菜有豆角及流心蛋半隻。很可惜，肉燥甚是難吃，完全不是台灣吃過的那種味道，而是像魚香茄子肉碎不知到混了什麼醬油的合體。豆角沒味，只有流心蛋是值得給一個「好」字，吃到一半棄掉。手搖脆雞翼及煎餃子套餐小食選了這兩款，想著應該不會「中伏」，也是事與願違，同樣失望。手搖雞翼看著好像似模似樣，吃下去是完全沒有味道，只靠沾醬。煎餃子就是超級市場買到那些急凍貨色的味道，皮厚又沒有肉汁。好在有一杯熱飲下下火，不過回想起也是過甜。完全被這家店的裝修騙過了，只吃了些連38元也不值的食物，相當不滿意。寧願多走兩條街，叫夠38元的魚蓉燒賣來吃。

雖然早排天氣寒凍但無阻我地繼續出外搵好西其實長沙灣荔枝角隱藏著好多好吃既食店只係平日都愛留在公司呆著放棄了大好外出食好西既機會呢間位於長沙灣喜薈地下既一碗肉燥 Taiwan Bowl主打吃傳統台式既店以肉燥飯聞名餐牌每好幾個月就會轉換新菜式有套裝也可以自選 絕對符合香港貪新既概念雖然肉燥飯吸引不過唔太好飯氣既n_cc跟鄰居都各叫了肉燥撈麵n_cc這款是黑醋豬軟骨+台灣腸由下單至上枱不到十分鐘效率之高實在不用怕要等麵身不會過軟 有一定咬口肉燥味道中規中矩不會過咸又不會太淡口配上黑醋豬軟骨又是另一番風味豬軟骨偏向稔身入味不過都不會太咸台灣腸嘛...沒有什麼特別不過整體來說味道配合算是沒有違和感套裝中還有餐飲點了熱蜂蜜紅茶其實說到底就是紅茶加入蜜糖而已就是甜甜的紅茶不過杯子倒是可愛趣怪個人認為若然路經附近可以一試值得一提是差不多時近1點左右就會十分多人不過上菜速度之快相信等位也不用太耐吧?!一碗肉燥長沙灣青山道399號喜薈地下2號舖

長沙灣近兩年自大四喜入伙變化不小。是晚一個人經過見元州街、興華街交界的餐廳裝修醒目，貪方便就走咗入去試試味道。餐廳主打台式肉燥飯，所以座底唔洗諗就落肉燥飯套餐；點選原味肉燥 加 招牌菜 好吃鹽酥雞排。隨餐端上海苔、梅子 及 七味粉 三款味粉供灑上雞扒，鹽酥雞排好厚好大塊，加上肉燥、半隻滷雞蛋及伴菜己經將飯完全覆蓋，感覺超豐富。炸雞皮脆肉軟加上七味粉提昇惹味；再加醬香肉燥拌飯，趴下趴下轉個眼就成碗飯食曬。剛開始用餐時見餸菜份量都唔少，仲要係肉燥醬加炸鹽酥雞都有啲驚會唔會好鹹，但係由第一啖到最後一口都無問題就連少少口渴都無。不過如果可以平返十元八元就更加好。

新年周圉揾食，很多食肆仍未開市，逛呀逛，見很多人在等位，一於選這間。很快可以入座，套餐只是幾十元而且包基本飲品一杯，大部份人點吃配飯的套餐，只要加$3就可以轉吃撈麵，即管試試。套餐: 黑醋豬軟骨+黃金魚餅+撈麵+蜂蜜紅茶豬軟骨的黑醋味不是很濃，魚餅一般般，麵就比預期好，初看還擔心麵條粗粗的，搞不好會煮太腍，怎知吃上第一口，它圓圓滑滑，而且彈口，就愈食愈起勁，難得放了很多豆角&半隻蛋，實在Yummy。 開心地吃了個滿意的“開年飯”, 希望今年都有食神！

肉燥飯一向都鍾意食，今次特登揸車係食。一入到去比佢裝修吸引，有雞有豬。睇埋menu就覺得算抵食，平均一個餐都係5，6十蚊，我地叫左2年餐加個菜，其中一個餐轉左珍珠奶菜都係加$6，抵。豬軟骨肉燥拉麵，有青豆同糖心蛋，正。個蛋堅係流心嫁。個珍珠奶菜，係個珍珠居然甜過年奶菜嘅，個珍珠好煙韌，係個奶茶可以再甜少少，反而個珍珠唔應該咁甜，不過整體夾埋都尚可嘅。3餸飯，有蛋餃，煎餃，豬軟骨同肉燥底飯，加埋青豆同糖心蛋，好似有6個餸咁，好抵。個菜，係都有肉燥嘅菜芯。 單係個價同個裝修，都會想再黎嘅。2人都係百二蚊，抵食。

今晚同老公行完花市搵野食，見到呢間舖面幾sharp 醒同埋有位就入左去啦～坐底睇menu, 基本上不是太多選擇，佢主打肉燥，有得自由揀配菜，跟肉燥飯或麵～配菜選擇都幾多最後揀左兩碗肉燥飯set,再加左個蚵仔煎，台灣菜嘛一碗肉燥飯㨂左黑醋豬軟骨，炸雞翼同台灣腸。一上菜，有驚喜有流心蛋同豆角跟埋，而且份量都幾多！即刻試下，個黑醋豬軟骨好稔好入味雞翼同台灣腸也不錯個肉燥肉比菇的份量多，味道都ok.但個飯就好稔，見人見智啦另外一碗揀左蛋角，台灣腸同貢丸⋯呢個就無乜特別啦至於蚵仔煎好失望⋯雖然份量好大，但無乜蚵仔，比較油，好似食梗糯米粉咁⋯真係麻麻地個set免費配紅茶～埋單$130，晚餐來說，性價比高～

聽朋友介紹, 說味道不錯! 在長沙灣約朋友下午茶, 就去試囉。因為时間接近四点, 人不多, 正值交更时間, 因為屬優惠时段, 價錢算實惠。 我点了肉燥飯, 朋友選撈面;  肉燥製作的味道不錯, 比許多自稱本地台式食店, 台味濃郁多了! 另外, 珍珠奶茶好飲, 尤其珍珠Q彈, 值得一讚!朋友的撈面也有水準, 但我还是較喜歡我選的飯^^

今次晚餐一行人叫了三個餐， 一個是糖醋豬軟骨麵，另一個是牛肉飯和鹽酥雞飯。牛肉飯不錯，豬軟骨夠軟淋， 如果入口即化就更好了。鹽酥雞粉漿太厚，只能吃了一口粉， 不值得推介 。加錢叫了小菜，包括蚵仔煎和台灣腸， 最不抵食是台灣腸加20元才有小小一條腸。蚵仔煎的蚵仔份量少得可憐。配餐配搭的肉燥做得不錯肉燥很好吃！配菜新鮮，糖心蛋不用太多工夫，不過不失。但飯的份量太少，男的根本不飽。結而言，肉燥味道好，都會考慮再來吃。

平時好少去長沙灣，琴日有事去果頭，行過一碗肉燥，見佢裝修得得地，果粒icon幾得意，我又鍾意食台灣野，就入左去食個晚飯啦。我食鹽酥雞排肉燥飯，塊雞排大都見唔到啲飯，咬落都皮脆肉嫩。店員仲比左3隻唔同味嘅粉比我沈，我揀左梅子粉，甜甜地撞落鹽酥味都幾ok。肉燥有好多肉粒同菇粒，個汁好香好濃。50幾蚊包野飲，都化算。我叫左蜂蜜紅茶，茶濃唔太甜，啱我。唔黎長沙灣都唔知有間裝修得意，潮嘅台灣餐廳，同埋鍾意啲裝修，食具設計都好有幽默感。問過店員話開左都有半年，係呢區都算坐得舒服，可以hea吓嘅餐廳。

嘗試一碗肉燥的新菜單，基本上舊的招牌菜仍在，並加入新的小菜。肉燥飯底依然不俗，但餸的質素明顯差了。排骨像沒有先調味就落鍋炸，外表不俗，但只有排骨外層有味，中間味道欠奉！肉質好鬆，像被鬆肉粉蹂躪了幾日似的，口感甚差。希望其他新菜式沒有以上問題，否則又少了一個選擇！

平時中午呢間唷都大排長龍, 所以今次同幾個同事就喺the gulu攞定飛先。作為一間快餐店黎講一碗肉燥啲裝修都算幾得意, 隻吉場物個樣又鬼咁過癮。我就點左個回魂黑醋豬軟骨原味燥底撈。肉燥入味拌面都算一流, 面身本身有少少太乾, 有啲肉燥就中和返。不過又唔可以話好台式, 話係港式風味比較貼切。個豬軟骨黑醋都算係開胃, 但略嫌軟骨太脆, 炆淋啲會好食好多。另外佢仲送個熱嘅紅茶。總括而言, 以快餐店啲standard黎講呢間可以一食。

舖頭開11 點半，11點40黎到，已經有幾枱客啦。中午有飯麵套餐，平均四十幾蚊，包一杯蜂蜜紅茶，轉其他餐飲加$3，泡沬珍珠奶茶加$5。叫左個鹽酥雞排肉燥飯，可以叫多肉燥架，轉湯麵加$3，加左杯泡沫珍珠奶茶。個飯有半隻糖心蛋，超好味，如果加一隻要$5。雞排有3款味粉俾你自己調味，有海苔粉、七味粉、同梅子粉。梅子味幾清新，開胃。炸雞排好滑，雞皮有陣陣既蛋黃味，略嫌咸味唔夠，味道偏淡，雞皮炸完比較厚硬。珍珠奶茶，奶味偏濃，帶有淡淡茶香，糖女係自己加既，甜味可以自己調較。一個午餐$56，個飯仲要好大碗，雞排都好大塊，珍珠奶茶都係加$5，仲要唔使加一添，真係幾抵食。唯一唔好就係坐位唔多，一個人黎，分分鐘要坐BAR枱架，不過都有過鈎俾你掛袋既，都算貼心。

食野好耐無讚過，呢間是例外，尤其荔枝角區lunch time，坐得好少少都+$80，以為自己去左中上環返工：讚：   1. $40 雙餸大大碗多飯多餸＋飲品（凍飲都不加錢）2.  飯餸熱辣辣端上3.  每碗已standard有肉燥, 伴菜及半隻流心蛋（隻蛋暖番少少就100分）4.   高雄蔥香肉排──塊豬排好林好入味5.  黑醋豬軟骨──繼續好入味6. 熱飲大大杯：+$3台式奶茶無落定糖，唔會甜耶耶，奶＋茶味似台式不太濃，好啱我 同事杯蜂蜜紅茶都好飲，有晒味唔會淡某某7. 環境好Good, 樓底高光猛＋新淨＋乾淨＋有Design，連落單支鉛筆都是自家野8.  員工都ok, 制服乾淨企理，安排入坐有系統（不過齊人先好入坐）9.  Feel到有heart做食肆，好欣常賞，多謝比我有個happy lunch time! 必定會再去！

個日Mr. C跌親，要搵鐵打，經過開長沙灣，我好肚餓，要搵野食先。佢又話唔可以食紅肉、蛋、又唔可以食酸野，等等。哎，我見有間好似幾多人既臺灣肉燥飯餐廳，入去攞位先算！呢間係自己用餐紙自己點餐。好吃鹽酥雞排燥底飯，原味肉燥，配蜂蜜紅茶$51 (我多手再叫咗個糖心蛋+$5，但原本已有半只蛋)呢碗上檯個時，我已經覺得好吸引。好colorful。 個雞排超大份。炸得好香脆，肉質鮮嫩多汁。檯上面有三盎，分別為梅子粉、海苔粉、七味粉。我三款都加咗，全部都要試！個人黎講，覺得七味粉最開胃！肉燥ok，分量剛好，肉粒肥瘦適中。撈飯一流！個流心糖心蛋，雖然我點多咗個，但好好味！食多個完全沒問題！每碗都有跟埋小小綠菜（同埋撈咗幾塊獅子狗卷粒響裏面），幾健康，感覺好良好。自選雙拼- 甜不辣脆皮牛肉+高雄蔥香肉排，原味肉燥，配蜂蜜紅茶$40係。Mr. C話唔可以食牛。但唔知點解佢點咗個牛腩。哈哈。仲好。我可以同佢交換一塊！個牛腩好淋好正。外面又炸得好脆。Mr. C話同佢想象既一樣好食。我對佢個肉排就冇興趣，但係佢話都好好味，好入味同埋都夠淋。唯一就係個蜂蜜紅茶比較甜咗啲啦。。。等我下次搵Mr. C食lunch