一番日本料理店 (已易手)

每次經過元朗教育路, 發現街上總有2大堆人在排隊等位食飯, 一間是"田中" 另一間是"一番". 所以上星期就跟朋友一起從老遠走到元朗, 滿懷希望的期待一頓很好的日本菜晚餐.我們6:30到,已見到一條長達100米的人籠(可能是星期六的關係), 我們亦不例外地排隊攞"籌".等了又等, 我們等到8:45pm才可進場, 但此時一點食意都沒有了, 只有不滿.....因為這間餐店的管理實在太差勁!!他們限定1小時進餐時間, 而且人齊後方可入座.因為座位有限,我們只好耐心地等. 但大約到了8:00pm, 一批又一批的人可不用排隊就入座, 原來他們是訂位的, 訂位要求是只要每位成人食滿100元, 小童50元便可. 他們將所有空位都給了訂位的人, 攞"籌"的一個都沒有入過.....所以我的朋友就立即打去嘗試問訂位還可以嗎....他們答:可以啊..幾位呀..幾點到....最可笑的是他們7:00已停止登記派"籌"了..因為人太多....咁樣做生意的話,在外面等了2-3個鐘的人便不用食晚餐了....變成食宵夜.......足足對了2個多鐘, 終於可以入去食了...食物只是得個"大"字....係"舊"飯好大.

我平日去元朗食日本野就去開「田中」既，果日同幾個朋友入左去元朗諗住試下新野就去左呢度。教育路中有好多間日本食店，但多人排隊的只有「一番」同「田中」，今次就試一試「一番」喇。下午六時多黎到元朗，泊好車之後去排隊等檯(好似飲茶咁)，六點七收到一張十幾號既等候飛仔，一直在門口等到七點半才開始有人出來。門口原本寫左咩人流管制(每檯只可食一小時)(最多四個人一張飛)之類之類，但就冇人去實行，又冇人去管。又等到八點半(兩個鐘喇)，開始去了解一下點解可以咁耐都冇位既。原來你如果入去大大聲媽d服務生，係可以怏d有檯(重十個人一張飛都得)，你如果打電話去訂檯係可以唔洗排隊。咁我開始唔明點解要"排隊等檯"...... 不過我等左兩個鐘，雖然好熱同有d唔開心佢地安排得咁屎，但係點都會等埋落去既... 九點喇，可以入得去食喇，壽司的確大件，但壽司用平米做(冇飯味)，我叫完都冇食過d飯，只食左d魚生就算。ok，叫剌身，叫左兩碟雙併($50蚊一碟，每碟八片，唔太厚切)。之後又明左佢點解可以咁大碟，係因為「一番」唔切d魚生既廢料部位，食起上黎就唔好食囉。服務生態度勁差，如果有任何投訴，為免反被寸親，唔投訴好過。當然

有朋友說不好，有朋友說好，但無論如何都想試一試。朋友A 說「一番」的服務態度差，但是我又並不太覺得如是。因為之前已經到過金田吃飯，所以可說是有比較吧！壽司的確大件，比起金田的還要大，而且款式都頗多。這次我們有四個人，我點了個蟹籽沙律，男友問了好幾次是否真的要點這個，因為真的很大。而我真的點了，真的很大，幾乎吃不完。刺身蠻新鮮的，牛油炒蜆也很有風味....真的值得一試，但是等了一個多小時才有位.....站到腳痠了....

早前經朋友介紹一試後, 已經推介過多人到此店, 個個都讚不絕口, 常到此店的其一原因係可以訂木台, 最低消費為$100, 但省卻如田中必需等位的麻煩!此店刺身非常新鮮, 大大件, 大部份都很出色, 也較壽司飯上的刺身靚, 一分錢一分貨! 唯獨是海膽水準非常不隱定, 一時鮮甜, 一時醒, 不建議選擇!壽司大件到嚇死人, 飯方面較腍, 醋不是太夠, 但壽司上的刺身非常大件, 有幾吋長的鰻魚及三文魚, 雖不是上佳貨色, 但也很新鮮! $128/20件壽司拼盤超抵食, 但通常是無可能吃得完的! 其他卷物如加州卷或手卷等, 同樣驚人地大件!其他的料理也很好味, 如炸大蝦, 腐皮蝦, 鐵板帶子, 金菇牛肉卷等都十分出色, 炸蝦及帶子都大大隻!如果想經濟點, 就要等位好一段時間(約一小時), 但就没有消費限制, 約$50/人都可以吃飽飽! 環境當然是好逼的小店, 坐得一點都不舒服! 位的姐姐仔例牌黑口黑面, 態度極惡劣, 但面對門外一大群不耐煩的等位食客, 這勉強可以原諒的!注意此店逄星期一休息, 訂位一滿了就不聽電話, 一幅唔休做的樣咁, 而且任何時候經過門外也人山人海, 建議訂位, 到了就同門口

之前常聽住在元朗的朋友說, 有間日本壽司店的壽司抵食夾大件(我想就是田中吧!), 奈何地點太遠又聽說要排隊,所以沒提起興趣去試. 上個月終於與同事到'一番'試食, 我想...作為香港人總要去一次.5個人(2男3女)叫了9碟壽司, 1碟壽司卷及1碟小食, 最後竟然吃剩1碟壽司飯. 因店中1件壽司的體積等於大家正在使用的滑鼠!! 普通女孩子相信吃1碟壽司已經夠飽.至於食物質素: 飯嫌不夠醋味, 魚生新鮮, 飯和魚生略為不成比例(飯應該要扣底), 日本芥辣醬於開水時粉與水的份量剛好. 至於壽司一口一件的原意就暫不討論了.抱歉, 我不太喜歡以數字評分^-^