影片
更多
2005-09-06
21 浏览
我平日去元朗食日本野就去開「田中」既，果日同幾個朋友入左去元朗諗住試下新野就去左呢度。教育路中有好多間日本食店，但多人排隊的只有「一番」同「田中」，今次就試一試「一番」喇。下午六時多黎到元朗，泊好車之後去排隊等檯(好似飲茶咁)，六點七收到一張十幾號既等候飛仔，一直在門口等到七點半才開始有人出來。門口原本寫左咩人流管制(每檯只可食一小時)(最多四個人一張飛)之類之類，但就冇人去實行，又冇人去管。又等到八點半(兩個鐘喇)，開始去了解一下點解可以咁耐都冇位既。原來你如果入去大大聲媽d服務生，係可以怏d有檯(重十個人一張飛都得)，你如果打電話去訂檯係可以唔洗排隊。咁我開始唔明點解要"排隊等檯"...... 不過我等左兩個鐘，雖然好熱同有d唔開心佢地安排得咁屎，但係點都會等埋落去既... 九點喇，可以入得去食喇，壽司的確大件，但壽司用平米做(冇飯味)，我叫完都冇食過d飯，只食左d魚生就算。ok，叫剌身，叫左兩碟雙併($50蚊一碟，每碟八片，唔太厚切)。之後又明左佢點解可以咁大碟，係因為「一番」唔切d魚生既廢料部位，食起上黎就唔好食囉。服務生態度勁差，如果有任何投訴，為免反被寸親，唔投訴好過。當然
下午六時多黎到元朗，泊好車之後去排隊等檯(好似飲茶咁)，六點七收到一張十幾號既等候飛仔，一直在門口等到七點半才開始有人出來。門口原本寫左咩人流管制(每檯只可食一小時)(最多四個人一張飛)之類之類，但就冇人去實行，又冇人去管。又等到八點半(兩個鐘喇)，開始去了解一下點解可以咁耐都冇位既。原來你如果入去大大聲媽d服務生，係可以怏d有檯(重十個人一張飛都得)，你如果打電話去訂檯係可以唔洗排隊。咁我開始唔明點解要"排隊等檯"...... 不過我等左兩個鐘，雖然好熱同有d唔開心佢地安排得咁屎，但係點都會等埋落去既...
九點喇，可以入得去食喇，壽司的確大件，但壽司用平米做(冇飯味)，我叫完都冇食過d飯，只食左d魚生就算。ok，叫剌身，叫左兩碟雙併($50蚊一碟，每碟八片，唔太厚切)。之後又明左佢點解可以咁大碟，係因為「一番」唔切d魚生既廢料部位，食起上黎就唔好食囉。服務生態度勁差，如果有任何投訴，為免反被寸親，唔投訴好過。當然，如果你冇要求，服務生態度ok架。不過我見冇咩人俾tips佢地(我有俾)。
牛油炒蜆食到我成口沙，要清一清肚子既朋友一定要叫。
蟹籽沙律基本上係青瓜絲(90%)加蟹籽(3%)加蟹柳(3%)加沙律醬(4%)，你叫唔叫你自己諗喇。
我見海膽係用日本既cheap版野(來貨價四十幾蚊果隻)，味道應該唔得，冇叫。
下次都係去反「田中」喇，田中唔係好食，但我諗專業既水準高呢度小小喇。
小注：全晚最好玩就係響門口等位時睇裡面d男男女女張一件基本上全部都係飯又驚人地大件既卷物如加州卷或手卷等食入口。唔通而家d人都食入口既野都重量唔重質乎？
张贴