一番日本料理店 (已易手)

前幾日...諗住食日本餐個陣..行左幾多間店都好多人最後經過呢間最少人..決定黎呢間食...叫左個細刺,女朋友叫左地獄海鮮拉麵,我叫左個飯細刺有３文,希靈,赤貝,甜蝦,鱆紅都幾新鮮廚房野都唔差...可以講,正~~仲見到有１磅３文魚叫.....一定會再黎少數壽司+廚房都唔差既店服務方面都唔係話太差,過得去....成日幫我地加水

二人晚餐, 選擇了一番. 星期六夜晚去, 等左差不多八個字先有位.碗未乾, 有點水, 仲要發現左有隻死蚊滋, 叫侍應換過.先上三文魚, 但係竟然未有筷子. 喂, 離譜左d 喎!三文魚$45 (八片)真係唔新鮮, 食唔到一點鮮甜, 係就係未至於淋pet pet 既.鹽燒鯖魚定食$40, 有前菜同麵豉湯, 鯖魚係燒得唔錯既, 皮脆魚肉香甜.什錦天婦羅$45(4蝦+蟹柳+3瓜菜)炸得好脆, 同埋幾大件.埋單本來$130, 收錯左我$125. 衞生, 服務加上三文魚既唔新鮮, 令我揾唔到再黎既理由

好遠到元朗食依個大大件, 依間係朋友推介的.6個女仔, 分享了一大"窩"蟹籽沙律, 約有30塊的豬頸肉, 8塊刺身, 之後我自己食o左4件sushi, 有2個三文魚, 2個鰻魚, 同1個八爪魚.以大件為大前題佢都做到ge, 我都唔望佢新鮮ga la. 我地一開始覺得自己一定食得哂, 冇叫少飯, 但其實少飯會好d. 我之後係當豬頸肉係sushi餸咁一齊食, 都叫食得哂la. 不過總括o黎講都唔係話好平, 同埋坐唔耐, 環境都唔係太, 個沙律一到重有件o野飛o左上去tim lor.

6:45pm已經爆棚,離譜!!個樓面哥哥仔好大個鼻,係門口叫極都唔比飛仔,幾好食幾大件請我食都唔o黎啦.你估元朗只係得你做日本菜咩?

週六，難得的全日留在元朗。無他，星期一要考試了，我的假期卻只有睇戲、睇碟、唱k、拜年，不惡補一下實在不行... ~_~"　想不到，最大的收獲還是食。中午家人提議食日本菜，反正新年間期飲茶(囍慶)、中菜(湘川滬)、西餐(cafe gute)、buffet(Neway)等等都食膩了，覺得食一下壽司、魚生之類都不錯，便答應同行。　經過田中還未開門，要到初九才啟市，我與媽咪都認為老闆賺得太多了，不旨在。幸而還有一番，更好，因為細妹喜歡一番的料理，說比田中好味。　是日她點雞扒拉麵，豬骨湯底確幾入味，水準僅次三上及博多；而且雞扒大大件，才售$30且包一杯飲品，真的很抵食。我就點花之戀，其實三文魚還是田中好味，不過是日出品味道都合格ok，而且$38兩件完全足夠填飽一個人，都算抵食有餘了。媽咪就吃最簡單的三文魚壽司($20)，不要看它價錢平，份量卻是不輸花之戀的，一樣的填肚!我們還點了腐皮炸蝦卷($28)，不過口感較油，而且味道真的幾似中式腐皮卷，感覺上怪怪的，不太推介。　新年期間餐廳要收加一，其實都無所謂，是日埋單才不過$128，不貴，還相當好意頭呢!　到這裡大家可能很疑惑，大食家庭才點那麼少東西嗎

Of couse, the service is really bad, customer need not to expect about the respect and politeness form the waitress. Remember! When you go inside the restaurant, your objective is EAT. Please don't think anymore or you will feel upset, hahaha~On the other hand, the food is very BIG. All food are oversize! If you are the first time to eat, I advise you that don't order too much.

隨住元朗越來越多日式餐廳~呢間野真係可以唔理~唔知點解仲咁多人排~味道差~連壽司基本知識都冇~唔係大就得架~咁多飯我去買幾碗食得啦~壽司係應該料多過飯~而且要比人一啖過~咁先係壽司囉~再講~態度太差~我見過佢地同人嘈~估唔到自己都要同佢地嘈下~大家想食好野既可以諗下酒泉同金田~真係唔錯

也許...真的改善了...但....這是我上一次的經歷:我與男友六點半去到,出奇地唔洗等位,入到去,個女侍應叫我地坐落地玻璃窗口位,我當時都幾有禮貌地問:「可唔可以坐開面個張?」點知個女侍應竟然以老師叫學生的態度同我講:「唔得!!一定要坐呢度!!」然後仲要用手拍一拍張,嘩!!你當我係咩呀??我係客人呀!你咁態度?!!我同男友忍住唔發火,一路食的過程,都見到個女侍應對住其他的客都係超惡劣的態度,後來有個中學生話要10個位,個女侍應又發表佢的「偉論」!「十個人呀?我地只俾到七個位你咋,你諗清楚先好入黎呀!!!!!!!」我聽到真係OOOOOO晒咀,現今竟然仲有個侍應會同個客講「諗清楚先好入黎」?這是什麼世界??個次之後,我就發誓唔會再去,這是我的親身經歷,宜家講返都仲係好嬲!!講真,我唔係要五星級的服務,但最少應有的尊重你都要俾到我呀~~係咪??我咁辛苦搵錢,仲要我俾錢你但受你氣,你無野呀????希望果個女侍應可以反省下啦!!!!

今日特登走入元朗食一番無見到大家所講o既服務態度咁差service都幾好呀，雖然等左好耐，問左幾次但帶位哥哥都好有耐性咁答我見到d侍應都好支力，但係佢地都好有禮貌喎壽司好大件好抵食，6個人埋單300蚊，仲要超飽而且D野都幾新鮮，尤其鐘意佢用三文魚腩去做花之戀，好正而且質素仲肯定好過田中...我上次食田中真係好唔掂呢度食物款式又多選擇，暫時係元朗區日式野首選

因為時間尚早, 很多餐廳也未開, 試下此間, 可能是6時故可以坐到很寛敝舒適的卡位, 先叫了兩客三文魚壽司及兩客鰻魚壽司, 見到不少人買外賣, 三文魚壽司的魚生很大件, 飯團超級巨型, 相等於一般壽司的飯團3-4倍, 三文魚幾新鮮但質素普通, 鰻魚是我吃過鰻魚壽司最king size, 很肥美, 味道也不錯, 吃了兩件壽司等於吃了一碗飯有多, 所以吃不下其他東西了, 買了三文魚、鰻魚、蟹籽壽司回家, 因為太大件一個飯盒只可以裝兩件壽司, 返到屋企, 仔仔見到咁大件壽司也嚇一跳.以上是數月前的事, 見到以下食評所以也補回一則, 以下網友的遭遇幸好沒有發生在我身上, 覺得此店service 也ok, 食物也很超值, 其實壽司的飯團不適宜過量, 不吃浪費, 吃了兩件真的很飽也吃不下其他東西, 雖則抵食但至今也未去第二次, 但環境及service 也比田中及嘩鬼....好.

其實係幾個禮拜前食, 我記得食左"刺身", "炸蝦卷", "牛肉鍋", "蟹子沙津"等(其他唔記得), 所有野都好大件好多, 而且味道估唔到又ok喎, 最後飽到食唔晒都係每人$50幾, 真係好抵好抵~ 不過服務就真係麻麻, 但都有keep住幫我地加茶, 我諗係人太多招呼唔黎, 所以攪到面黑黑... 而排隊既人真係太多喇, 而且地方太細, 如果可以唔駛等咁耐都可以keep番咁大件咁抵就好喇... 想食平日本野時, 我都會再黎既~

朋友第一次帶我到呢度食，係門口呆等30分鐘。其他人講既"黑面神"好似唔多見喎，可能俾人"叮"LAD野食好鬼大件，不過食落無乜特別，例牌叫蟹子沙律、一碟三文魚壽司、鰻魚壽司、吞拿魚壽司。另叫炒什菇，黑椒炒硯。其實食落一般，只不過用"大件夾低食"為招來手法。蟹子沙律：果一大盆蟹子沙律，用一大個膠湯碗兜住。其實蟹子、栗米只佔大約25%，其餘只係青瓜，沙律醬符配料，不過食物溫度夠涷，35蚊算係可以作為多人食用既頭盤。三文魚壽司：(參考同版食評D相)真係好大件，呢度一碟等如出面2碟，我D FRIEND 直頭將佢D飯團打散落碗仔就咁扒飯....(不如自已煲飯)，三文魚同D飯都唔夠涷...食落一般，不過18蚊出面搵唔到咁大件。其他都係咁上下。

食過1次一番...件件sushi都好大件...舊飯成個拳頭咁大..但完全冇醋味..同食白飯冇咩分別...真系1件1碗飯...唔覺得有幾好食囉,,,我同男朋友2個人order左個雜錦拼盤同salad..真系勁full...食剩d飯...覺得勁浪費呀自己,,,.不嬲都知一番d服務態度吾好..果次去食仲見到個waitress同個男食客喊交...爆曬粗咁....最後個男食客仲報警tim...我好8掛咁聽佢同個police講野..原來成日都有人報警投訴嫁...次次行過都見到好多人排隊...值吾值就見人見智喇...相比起一番...我都系中2食麻布十番多d...dear editor:點解好似吾見"麻布十番"既page?佢12月搬左鋪...煩+上..謝

一家9 人諗住食番餐, 因為唔想小朋友失望而一等再等, 最後決定永世都唔會再去食, 有$$ 食飯, 但係冇理由要受氣!!!1. 人齊先入坐就一早知, 點知人齊後都要等1 個鐘, 理由係"冇大枱", 不過原因係班waitress / waiters 不斷入4 既人細枱, 原全冇諗過留2 張細枱變1 張大枱;2. 終於坐低, 先問waitress 要幾杯熱茶, 答案係"冇杯呀!", 居然係21 世紀仲會有呢種答案!!!! 3. 上菜既服務又係一絕, 點會有人攞開你食緊係碗, 原因係佢要放菜係枱, 即係你面前!!! 你叫我點食, 定抑或叫我唔會用碗食, 定抑或叫我坐開d 唔好阻住佢上菜!!! 4. 未食完就收碟, 謊死你賴死唔走, 機乎開聲要你"埋單走把喇你地!"最後結論: 千其唔好再去, 冇人幫襯佢, 睇下佢仲會唔會咁得戚, 不過話時話, 咁既服務態度, 點解仲有咁多人幫襯!!!

講真, 呢間野啲態度真係勁差!!但單講食物, 我覺得幾好, 所以咁串都成日見人排隊食.三文魚剌身大大件, 好新鮮,天婦羅好脆,其他試過鍋物, 炸物, 小食, 拉麵, 樣樣都唔錯.如果態度可以好啲就好喇!