一番日本料理店 (已易手)

屋企無飯開. Daddy 就話去金田買壽司返屋企食.返到屋企一開個盒, 就知daddy 去左一番買. 因為金田d 壽司無咁大架. 有少少失望, 因為一番d 壽司出名得個大字, 質素差.-三文魚好唔新鮮. 淡如無味.-鰻魚好韌. 咬好耐先食到.-d 飯一夾就鬆.-芥辣一d 都唔辣.佢d 壽司真係得個大字, 仲要係舊飯大. 想食飯咁不如自己煲, 自己整咪仲好! daddy 話佢等左個外賣30 分鐘, 嘩..整果幾舊"飯團" 洗唔洗30 分鐘呀??ps:自從受過該店店員不禮貌對待. 加上質素每況愈下.已經bad list 左佢.唔會再去!

向來對元朗的日本料理給予很高的評價,能做到如此價廉質佳。朋友推薦的《一番》,聽說「大份夾抵食」,心想也可以一試,便專程相約友人到此聚餐。到達門口已心感不妙,排隊的人數不少,門口裝潢不提也罷,最討厭的是那貼在門口的「告示」..甚麼限時吃飯、要齊人才坐下、還有要五分鐘下order..最討厭的還是那位「門口小姐」,態度差劣,更在門口和經過的相熟朋友傾談不下數十分鐘,好,入餐廳,沒有人擺放好餐具。算了..仍在看餐牌的時候,突然走過來說一句「開始計時一分鐘..」。算了...叫了:炒什菜(＄30)雜錦壽司20件(＄128)一客鰻魚壽司二件(＄25)炒什菜是一般貨色，只是本人愛好素物，頗大碟，但令人氣憤的是，還剩下很多時，那侍應已以九秒九的速度收起。壽司，確實很大大大大件，指的是魚生下的飯。我一個女孩子，吃下一件已有飽意。魚生還是一般元朗日本店的份量，相比下即不足以「送飯」了。三文魚不新鮮、吞拿魚和白玉豚只是可以、帶子是我吃過最腥最差的、鰻魚很乾身，其他也真是一般。另外兩位男生也吃不下三碗多的飯，剩下很多，感覺不好受，很浪費食物。同場內，發生食客和侍應們爭執事件，比大排擋更嘈雜。服務真的差得很過份，

以下事件是當日我在餐廳內,看見我的朋友開始:事件一: 我朋友一行8人光顧貴餐\廳,其中一人有架BB車,希望入內睇下有無位放車,阻男黑面神阻止,仲叫我朋友放車出門外,同保證不理會有人破壞/偷車.(我朋友一行8人光顧了另一間日本料理)事件二: 男黑面神向女黑面神講述(事件一),女黑面神稱讚男黑面神事件三: 有人在門外同女黑面神講完野後,女黑面神返餐\廳後不停用粗口鬧番條友(自言自語)事件四: 男黑面神目光呆滯,十叫九唔應,當時男黑面神企在我身邊,但又唔理我,叫下佢\即走第二邊企事件五: 問你死未? 波子汽水十幾蚊支(貴!),卻要貼張海報話:\"波子汽水十幾蚊支,問你死未\"(垃圾)事件六: 奉茶時男黑面神將1杯只有五分三杯茶放在上時,發出巨大聲響及濺出五分一茶,sorry欠奉,不抹乾,不換價紙......事件七: 碗(未用)有污漬,十叫九唔應,我自已去換,換完後被男黑面神發現,怒超住我食品:大而無當,等於俾一粒豆你,要你食成碗飯,冇癮下次貼錢俾我都唔會去今次我想俾負二十(差差差差差................)

我D FD話一番成日排長龍"甘有日晚上11點幾冇咩人咪去見識下有幾好食囉...我地叫左3文魚次身..加洲卷.油魚亦等等..D 3文魚唔得囉..食到唔想食..加洲卷就大到你阿媽都唔應得...蟹子小到呀..1舊加洲卷就1碗仔飯..完全係食飯囉..油魚亦OK啦..不過和民好食好多囉..其他D壽司大舊到....唔係大件低食囉..我寧願細舊好味囉...BAD

元朗日本料理素來自成一格,食物比人大比人平連鎖店都打唔入不過大而冇當就本末倒置了壽司飯太大,剌身唔好味唔計味道,你咁則飽人人地叫少d野你都賺少d熱盤都好普通...食過兩次再冇去過當中都有推介:芝士豬扒反卷呢個外賣番屋企都ok如要等咁耐我會去田中..反正都係等...田中d壽司都係元朗比較穩定不過而家都係去酒泉,唔駛等太耐食物又ok,最重要唔駛趕頭趕命...

不是家人介紹，我也不會想到來這裡食野。她們的說法是：好誇張，比田中還要大得多；不過味道只一般。好的，都決定要見識見識。　週六的中午去到，人龍幾長。由於限制用餐時間是一小時，等待時間比田中(限食45分鐘)有過之而無不及。等了半小時多始有位，因為知道份量非同凡可，四個人只點了以下食物：　吞拿魚沙律壽司-真的太誇張了...$18兩件，已夠食飽一個人...三文魚軟殼蟹卷-$45四件，是比較正常的大小。軟殼蟹新鮮炸起味道ok，但三文魚味道頗差。難怪家人要阻止我點三文魚壽司/手卷!雜錦天婦羅-$45就有四件海老，加上一些雜菜。由於即叫即炸，新鮮度不錯，不過炸粉幾厚，以味道計還是一般滑蛋牛肉飯-才$30竟包一杯飲品，湯及中華沙律。不過飲品(菊花蜂蜜)太甜，中華沙律有"宿"味，滑蛋牛肉飯本身大份而味道普通　四個人食得飽飽，埋單居然$150有找，以量計真的很平；不過如果要求質素的話，你會幾失望。試一次無妨，要我再排隊來食？我情願排消費高一倍的田中~

睇到好多人都話服務唔好..今日就去左試試都OK啦無話咩特別黑面係d人懶懶閒咁囉都會主動加下茶會主動收下碟可能俾人投訴得多改善左d壽司好大件咩事-0-? d人都食唔晒..原碟黎原碟走好浪費!!整體還可以啦PS *** 我家姐話上次有個師奶同d侍應嘈仲打架仲星把左個女侍應maybe係傳說中的黑面姐姐......

去錯地方,以為門口咁多人果個就係田中,原來係一番,anyway,我同男友照叫外賣,服務生話等15分鐘,我地就足足等左起碼半個鐘,又熱又焗既天氣,真係~>.<我地叫左墨魚、三文魚、吞拿魚壽司,加蟹子沙律同加州卷。返到屋企打開,好老實講真係哇一聲既,因為好大件囉.蟹子沙律好好味,食晒。而壽司,我地食左第一件已經唔想食,飯係一個拳頭手握咁大,但係舊魚生好細,仲要唔新鮮兼無味----邊個想食壽司係為左舊飯?自己煲飯食仲好啦.我飲左好多啖維x檸檬茶先吞得落塊吞拿魚同怪味墨魚.而加州卷,我幻想中係好多蟹子黏住個面,點知...咁少既?104蚊,就算幾大件都唔抵囉,我地留低左好多飯無食.另外一提係居然無味噌湯賣,無言.食完哩次,我地唔打算再幫襯lu.

唔知點解元朗咁鬼多日本料理, 咁多競爭下有d舖頭仲可以大排長龍, 於是我同bf都跟風走去排餐矇試下係咪真係咁抵食. 裏面當然好細好迫唔會坐得舒服, 張枱都放唔晒我地order既食物咁濟. 不過講真真係幾抵食, 同埋我覺得味道都唔錯. 我最鍾意叫芝士豬扒卷, 雞軟骨串同埋炒蜆(不過d蜆其實幾多沙下)黎呢度千祈唔好叫壽司(除非你想淨食壽司塞飽自己), 係得舊飯大, 其實都唔抵食. 同埋元朗d日本料理多數就係人齊先比你入架, 同埋都會限時食, 真係無情講架. 因為日日都大排長龍, 佢地根本都唔休做. 如果你係接受唔到佢地既"規矩", 咁奉勸大家都係唔好幫襯元朗既日本料理, 因為真係貼錢買難受~ 又或者你可以比每人$100既最低消費, 咁就可以唔駛排隊攞籌又唔駛限時咁入去食.

食物普通,但以這兒的去貨量則不太合格,稱不上新鮮,而且態度惡劣,等了長時間還要受你氣!過份!等位中途,還有人想打尖,這兒真的要檢討檢討~

如之前幾位食家所言，呢度食物既份量係好大件(大得有點嚇人)，味道都唔錯，沙律係用大兜上，見倒已經驚。服務就真係一般。推介雜菌炒飯，好惹味，好多料。飲品係超超超甜味道，我地問佢可唔可以少甜，佢話只可以走甜，無得少甜，真係奇怪!

雖然係好遠但係就真係好抵呀我地7個人叫左6件壽司(真係好大件呀)一份三文魚卷($26有6大件)沙律$19好多料炸天婦羅鲭魚雞軟骨軟殼蟹卷每人都係$47服務就一般同埋等位都幾耐不過都值ge

呢間野服務差無人不知了, 但刺身平又好味, sushi 大件夾抵食絕對又係人都知, 點樣避重就輕, 見人見智, 我就會訂位同選擇買外賣了!Boxing Date 去元朗朋友家bbq, 我提議買d 日本野去, 買了一磅三文魚刺身, 20 件sushi, 總共$216。去到一拿出來, 大家都嘩嘩聲的, 看來他們也和我第一次見到一番的sushi 一樣嚇呆了。三文魚刺身一會兒就被8 個人掃清, 而sushi 就淨下四件, 明顯地一人2 件一番sushi 加幾片刺身, 是已經覺得飽了, 味道絕對ok, 但又未能叫做'一番' 的, 但抵食就是絕對的了!

呢間野ｄ服務態度簡直可以用"不知所謂"黎形容!!首先等位,派籌同叫人入座既時候d態度已經係極之唔友善!!好,之後入去,叫壽司,d壽司係好大件,d刺身都唔算差,因為真係好抵.同埋叫炒蜆都好味.仲有牛油炒雜菇都ok.好喇!跟住叫佢地加茶,第一次叫佢示意叫我等陣,好啦,等左5分鐘倒,我再叫,佢再唔老黎地叫我等多陣,我再等,又等左5分鐘,我再吹佢,佢先以一個極差既態度幫我加茶.呢d咁既服務態度真係令人可恥!

前幾日我同個fd 6:20pm去買外賣(佢地6:30pm開門)咁6:30pm開門啦,咁我地就同個女侍應講話,我地買外賣架~佢就叫我地企埋一邊等~等左差唔多10分鐘,我地就問佢得未,佢竟然話今日唔做外賣~嘩,大佬,你地唔做又唔貼張野出黎,又叫人企埋一邊等外賣,你依家先話唔做?仲要唔問你都唔講...我地同班都係等外賣既人一齊狂鬧個女人,個女人最尾先貼張"冇外賣"既野出黎,仲要眼超超咁啤住我地~~最後我終於忍唔住爆粗鬧人,扔低句:你估我一定要食你地呢間野架...就走左~~我以後就算餓死都唔會幫趁呢間野, 大家都唔好幫趁,費事又貼錢買難受!!!