一樂燒鵝

营业中

休息中

野食一般，表妹外國回來帶了男朋友，她男朋友未食過燒鵝我就帶他們來食，點知服務員態度差到爆，一坐下就一直摧點單，人地未睇清楚又點落單呢！一般茶記都有杯水比下，呢間咩都冇，就連要杯水都要19元！

平時見咁多人排隊食野一定轉頭走，難得今日食晏有人肯陪我等， 即管試一試。 等了約15 分鐘，终於到我地，舖內擠滿人，地方狹窄，枱櫈密密麻麻，一張3呎x2呎枱安排我倆坐一邊，另一邊就安排2大人1小童坐，有啲擠迫。伙計一分鐘問3次order未! 最後我倆各自叫咗燒鵝髀瀨粉 $118/碗)及一碟細叉燒($100/碟)。等了一陣分别兩碗瀨粉及一碟叉燒到喇！食物質素尚算可以，燒鹅無乜味，肉質可以，叉燒太鹹，但肉質可以。 埋單成為$336，我掏出$500+$5+2個$0.5，冇禮貌的收錢員(後生仔)，指指佢背後個牌唔收毫子($0.5唔收)，咁算！我將所有硬幣收回，待他找錢，佢找回其中一個黑色疑似$2，我禮貌地要求換番一個正常$2，他好寸話唔換，我話毫子你話唔收就唔收，你找回黑色疑似$2，又唔換，咩道理？ 唔係$2 嘅問題！係態度問題！！ 雖然最後都換番畀我！就算被評為一級食店，但只有九流服務， 可悲！

一樂就是一個很簡單的燒鵝檔，除了各種燒臘鹵水，只有白飯瀨粉撈面，連鵝油撈面都沒有。兩間的燒鵝都不便宜，吃燒鵝這事也似乎從來輪不上性價比這種說法，畢竟也是高檔燒臘。 哪家燒鵝最好？這也要看運氣。出爐時間，部位，切鵝師傅當天的心情都可能成就或者毀了一盤燒鵝。 不願冒風險的話，酒店的中餐廳如澳門譽龍軒等會對出品有更嚴的品控。燒鵝不像煮粥下麵條，它對材料，細節和品控都有著更高的要求。 當年的鏞記本身就是高檔酒樓，做好燒鵝自然有著這些條件。 一樂屬於小店的翹楚，來一樂這種小破店就只有燒鵝這一個目標。但拋開煙火氣與情懷，只論燒鵝，譽龍軒等真正的頂級中餐廳的燒鵝不會比一樂差。但沒有強迫症的話，Stanley 街上的這間燒鵝檔還是可以滿足你對燒鵝大概的想象。

連續幾年獲米芝蓮車胎人推介嘅「一樂燒鵝」今日終於一嚐，之前已經好想食架啦，因為中環出名既野食都有幾間，間間都收堆左係我個必食list入面，試均簡直係我既小心願呀！我見食評對呢間「一樂」嘅評價十分兩極，究竟我又食完有咩感覺呢？！士丹利街，唔難搵！🔹馳名燒鵝瀨粉盛惠 $56中環價錢，抵唔抵就睇你點睇！食落其實OK，點為之OK？ 就係正正常常，冇咩驚喜，有D真係過度吹棒左呢碗燒鵝瀨粉。幕名而去，三個字，「唔．值．得」！燒鵝肉質老了一點，冇咩肉食，相對細件左小小，瀨粉分量OK ，夠一個女生去食，男生就一定唔夠飽呀！伙記們嘅態度好多人都話……有待改進！但我其實覺得OK既！因為老店係咁上下吧！唔好期望就會有驚喜架啦！.總括嚟講，唔太抵食，但好想試吓米芝蓮推介嘅燒味都可以試吓嘅！一次就夠啦不過。

今日要去中環取文件,經過史丹利街,見到一樂燒鵝門口有幾個人排隊等位,自己都排埋一份,好想試吓係唔係咁好味,都知到一碗燒鵝瀨粉唔平,終於入到去,間鋪太少位啦,坐低叫咗碗燒鴨瀨粉及一碟腐乳通菜,燒鵝真係好好味,通菜一般,價錢貴咗啲,食一次就冇所謂,覺得啲侍應好冇禮貌。

行過中環諗緊食乜嘢好見到一樂燒鵝😍之前喺附近整頭嘅時候叫過外賣覺得好好味🥳不過夜媽媽門口仲一堆人排隊唯有外賣拎走...瀨粉又賣哂。燒鵝又唔夠。迫住要雙拼😭

這是我第一次寫食評，希望各位朋友不要中伏！上星期六晚，與太太在中環找地方吃飯，因聞一樂之名已久，便前去一試，結果十分失望。叫了一碟义燒飯(62元)，飯少得可憐，义燒又瘦又乾。一碟燒肉燒鹅双併(例牌175元)，燒肉過咸，燒鹅韌而無味。同時，所有食物都唔熱。地方擠迫，未起身走，啲伙計已经同其他客人講話我走，服務太差。

今日咁岩喺中環做野，打算食埋個lunch先走，一路都想試呢個燒味店，不過見到門口條長龍，每次都好卻步，今日難得有時間，就決定試下佢。撞正閒日lunch hour，大概有十幾人喺我前面，正當我諗住要等好幾個字之時，個姐姐見我一個人，就即刻叫我入去坐。我點左叉燒燒鵝飯($62)，唔駛3分鐘巳經有得食。講真，佢個賣相並無好吸引，可能全部都啡啡黑黑嘅關係啦，而且個飯好似好少咁。呢度燒鵝出名皮脆肉嫩，果然無令我失望。佢無加好多調味，所以可以食得出個原味，烤味好香但又唔會蓋過本身鵝味，唯獨個皮唔係真係咁脆，不過都算唔錯。我反而對個叉燒有高d嘅評價，夠肥又嫩，咬落去好淋好軟👍🏻Overall我覺得唔錯，如果鍾意食燒味嘅絕對要試下，不過對我黎講，試過一次就夠，如果下次要排長龍，我未必會再食。

有時候一間餐廳的成功不單一食物好吃，還要有基本的禮貌和服務。雖然一間茶餐廳，我不應該期望會有什麼服務。但阿姐姐真的無禮貌可言。入到店入面，有一位姐姐問我要什麼，我就指著餐牌’燒鵝脾瀨粉’, 但姐姐完全沒給我任何回應之下，就去左後面張枱下單。 (呢個情況下我係完全模不著頭腦究竟姐姐有落單還是沒落單呢？) 我等佢落完後面枱張單後，我再望一望佢，佢超惡皺眉地答’未必有鵝脾，我要去睇下先架’!! (即係咁，你當初答我一句，你要睇睇先 唔得？) 最後係有另一個姐姐行過來跟我說沒有鵝脾啦。而那位惡姐姐，係從沒有去了解究竟有沒有鵝脾。🙄🙄好食唔好食真係見仁見智。但無禮貌既印象已經令人連食都不想食了。

同太太點左一碟叉鵝飯同一碟燒腩鵝飯，每碟$62。叉燒切得太大舊，好硬，燒腩太鹹，燒鵝無乜味，飯太少，男士食應該唔夠飽。服務態度一般，店員唔會主動提供甜酸醬，要問佢地先會俾。

邊個話我傻 請你食燒鵝🦆 燒鵝相信大家都中意食😋 而現時香港一共有兩間燒鵝店 拎到米芝蓮一星 而今日講既一樂燒鵝就係其中之一間😋 開始之前 我想話一話佢既價錢 佢由5xx 加到今時今日既610 真係貴左好多☹️ 我係其他燒味店都仲見到3xx一隻 你就知佢個價錢定得有d過高🙃好似專做旅客生意 唔再理香港人一樣☹️ 服務就唔講啦😂 大家都明😌-我地就叫左1/4隻 諗住可以比Karen 食下個比比啦😂 咁佢人流咁旺就有個好處 就係貨源出得快 d鵝唔會放左好耐 🤤 新鮮度有保證🤤 一上到尼已經覺得個色幾好😌 深色 未食都估到佢個皮都幾脆🤙🏻 一食夠去 果然係脆 而且鵝肉厚 味道重🤤 好味😆 再加上佢自家製既酸甜醬（palm sauce) 好清新 好好味🤤 連karen 都話好正 要比7分😂😂 總結來説 大家不周時去食下就可以 一定滿足到你味覺 但係有少少貴🤧-🎈中環士丹利街34-38號地舖-平均傷害：$92.5好味值：7/10

一提燒鵝，很多人會即時想起鏞記或深井。鏞記雖名氣大，但其招牌燒鵝的水準已大不如前。現在於鏞記附近，開了另一間燒鵝名店「一樂燒鵝」。 「一樂燒鵝」沒有奢華的裝潢，也沒有舒適的用餐環境。要品嚐一口燒鵝，更要在門外排隊輪候。餐廳唯一的依靠，就是自家燒製的招牌燒鵝。餐廳更因此名物，成功摘下車軚人推介，名氣更盛。以一間港式燒臘店而言，一碟燒味飯索價近百其實一點也不便宜。小編本想點選的「燒鵝脾飯」更要 $118/碟！可能餐廳生意太好，鵝脾熱賣，為免其他部位滯銷，竟然不能單點燒鵝脾！要吃鵝脾的話，請至少點一份下庄 ($185)！另加粉麵白飯一客。這客燒鵝燒得皮脆肉嫩，因皮下脂質少，小編也能開懷連皮多吃幾件。除脆皮吸引外，鵝肉的肉味亦十分濃郁，並留有少許肉汁，大家也吃得津津有味！整體而言，雖然「一樂燒鵝」的燒鵝定價進取，但能交出可口的味道，實而不華。他日吃燒鵝多了一個好選擇！

我們公司在和記大廈，上週打去電問滿600元送，當天直接去買拿了這張紙，上面寫滿500送，剛剛打電話去要訂明天中午，說要一千多才能送？問一千多多少也說不出來，不送就不送不要在那邊寫「歡迎外賣，專人送到」，看來著實諷刺，原來這就是米芝蓮一星的服務態度，算是見識到了，了不起啊！

同太太和仔仔食了兩碗燒鵝瀨和一碟义鵝飯。分量少，味道一般，服務差。沒有下次。跟以前差了很多。價錢就升了很多，可能只做遊客生意，不需要回頭客。很多外國人和國內人幫襯。

I feel that it could be better. The char siew was quite literally as hard as a rock. I had to really chew to get to it.The goose was okayish. The skin was good but I expected more from the meat.Service wise I waited for a few minutes and there was space available