一杯鐵板燒居酒屋

营业中

休息中

之前食過堂食幾好，見好耐冇食過，所以特登過去買外賣，仲有七折，以為同堂食應該差唔多，點知返到屋企打開和牛得三小片，銀雪魚得兩隻手指咁大塊，仲要勁唔新鮮落勁多調味料蓋過啲雪味，以後唔會再去

我同老婆各自叫左一個油甘魚西京燒定食。落單時話會等耐d。OK啦！無咩所謂。等左半個鐘左右終於都上菜了，但係望落都唔太理想，燒到有點兒黑，反轉背仲大驚喜！完全燒到黑哂，基本上係燒到變成乾果種，咬落仲要有陣燒到變成炭果浸燶味，d魚肉質感柴皮咁鞋，無哂水份油份。我叫個店員黎問話，佢話d西京醬係咁，有糖份既野一經火燒過會變黑，生先唔係黑喎！佢眼神仲話比我知我好似無食過西京燒咁。講真，我食過不下20間西京燒既魚，食左十幾年都未見過咁樣，請我黎食都唔會食d垃圾落肚丫！

嚟左apm咁多次都冇乜機會試，今次終於都食到！今次叫左大板燒(3個餸)豚肉、蝦仁、蟹肉大板燒幾好食，重點係個醬！不過個人不太食到蝦仁，唔知係咪太細睇唔到，唔多覺眼。不過因為太耐冇吃過大板燒，更加覺得好吃😋我地仲叫左胡麻火灸三文魚卷，不過個人覺得中規中矩，有少少貴，冇乜特別驚喜。下次可能會試過其他。至於串燒既部份，就叫左牛舌同雞肉京蔥串燒！牛舌係幾推薦再encore!!!!覺得幾好食😋雞肉同京蔥好夾！

離開觀塘呢個咁多人嘅地方之前，梗係要把握最後機會約一約朋友食飯啦。今次揀咗APM 4樓嘅一杯，傳聞係非常不錯嘅一間食店，所以今次就係試一試。叫咗一個lunch set，壽司加蕎麥麵。一上枱，個樣非常靚仔，分量亦覺得啱啱好。前菜係一啲類似羅伯斯牛蒡絲嘅食物，唔錯幾好食，甜甜地㗎。之後食咗個蕎麥麵，份量唔係好多，大約半個出前一丁，味道來講都唔錯。最後梗係品嚐一下個壽司啦，食材來講中規中矩，味道都幾好，最值得讚嘅係壽司唔係一夾就散，飯好實淨下，而且師傅手勢不錯，唔似係求其將舊魚生放喺飯上面，一夾就食材同飯分離果隻。總括而言，不論餐廳質素同食物質素，性價比都幾高，不妨一試。

之前試過喺度食夜晚，今次試lunch set。12點到唔算多人，餐廳有鐵板燒位，感覺油煙都幾大。Lunch 都算幾多選擇，每樣大約$100左右。因為想食刺身同熱野暖肚，所以叫左烏冬加壽司六件既餐。感覺比晚餐時好味，壽司新鮮，有我最愛既左口魚、三文魚、蝦同三款魚類壽司，仲有四件迷你青瓜三文魚壽司。蝦壽司非常鮮甜👍烏冬份量適中，有菜同菇，不過不失.成個餐飽肚，抵食，仲有前菜跟👍佢冇餐飲，比左杯水，我認為如果serve 熱既茶會加分啲☺️

「 一杯鐵板燒居酒屋 」喺觀塘apm都開咗好一段時間，不過一直無去試，次次路過都見到好多人喺度等位。今次我哋星期三夜晚7點咁上下去到，都等咗幾張枱先有得入座，不過有少少奇怪嘅係店內其實都有唔少吉枱，直至到我哋用完餐都無人坐，但都係要等位。餐廳係好地道嘅居酒屋裝修，環境寬闊，有食鐵板燒嘅吧枱位、有卡座、都有普通枱。枱與枱之間相隔較開，同朋友傾計唔會俾隔離枱聽到，私隱度高。menu做得幾有心思，雖然文字嘅排版有啲唔易睇，不過樣樣菜都有配圖！嘢食方面我覺得唔錯，一杯關西燒有芝士同牛筋，好多醬同好足餡，超多椰菜，好好食！蟹肉牛油果卷好fresh，細細件容易入口！鹽燒三文魚茶漬飯帶有淡淡嘅茶香同三文魚嘅香味，美味又飽肚！道湖淺蜊啲蜆好大隻，不過有兩三隻有沙！

味道okay, 個關西燒上桌個陣個人覺得幾靚，但個人吾太喜歡個服務員話幫你分，未比得切反應，相又未影，就切個井字係中間，佢切個陣已經話未影相，佢仲切僅，心唸算啦，個人食係three topings, 山芋，元貝同白身魚，中間有椰菜。口感算okay軟熟，沒煎黑

2人行，叫左2份特上刺身$280+10%。食物質量係ok👌，新鮮和衛生，可惜上菜失了分😓。下單後，最先上是沙律🥗和飲品。吃左2口，便是整碟刺身，拍照完仲未有飯和其他，於是招手問問🧐，被告知。。。來跟。。。等左一陣，冇影，咪開始吃，吃了三份一，才上飯🍚，味噌湯，前菜/漬物。味噌湯，除了咸味和幾片海帶外，零配料，不喝😑也罷。漬物，又係海帶🥴，厚切，條狀，正常，冇特別。特上刺身，七點😋:  鮭魚salmon 3片，鮪魚toro 2片， 章魚 2片，牡丹蝦1衹， 海膽uni 1片，帶子hotate 開半1粒 和 油金魚hamachi 2片。甜品係厥餅，每人一粒，平日2粒放同一衹碟，個人都覺得麻麻地，因為支叉仔好難篤得實件厥餅，更何況現在有疫情🙄!？

2/5除了套餐的炒飯和石頭鍋飯不錯，其他食物都不過不失。Except for the set meal fried rice and stone pot rice which are better, the other foods are just fine.#queenbeoly_middine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

今日做節飯揀咗日本菜，一杯有鐵板燒加居酒屋食物。現場環境充滿日本氣氛，如果你想食鐵板燒，可以預訂鐵板燒前座位食物整體上係可以嘅！魚生壽司新鮮，燒餅一流！一杯燒餅係非常之好食encore左一個裏面有牛肉同芝士！海膽蟹肉壽司就有啲失望，因為海膽太少性價比差，但味道係好食！燒雞泡魚乾就冇得輸啦！本身都係一個美味，但係份量太少另外，主食方面有兩個係半價：鐵板燒鱸魚：略嫌太乾同唔夠鮮味洋蔥炆牛尾：極度鹹！牛尾炆得好太諗啦，似乎係已經炆咗好多日和牛玉子卷都可以，但係，和牛太薄，性價比差！建議都係可以叫一啲比較大路嘅食物，好似豆腐牛肉鍋，鹽燒魚頭，琵琶蝦鯛魚鍋都可以！

今日辛苦左一日，獎勵一下自己食好d!果然呢間日本餐廳0️⃣失望！好驚喜🥰🥰🥰首先去到d waiter哥哥好有禮貌！呢個態度已經好日本🇯🇵😍加埋室內嘅佈置，就好似飛左去日本食個dinner咁😗今日黎左靚秋刀魚，quality好到刺身食，所以一試！我覺得咩都唔加直接食好似最原味最鮮👍🏻<秋刀魚刺身><洋風白身魚沙律>沙律🥗撈勻所有汁黎食酸酸甜甜好開胃<豚平關西燒>平日好驚關西燒好大舊粉好飽肚，但呢個又唔會，同埋佢份量好適中唔好膩😜<壽司盛合(6件)>咁樣送碟壽司黎好有風味😛每件壽司都好yummy好新鮮！<柚子燒白金豚肉>呢d燒肉加上水果味好有特色，食日本野必點！<海鹽荔枝梳打>好開心佢嘅梳打好足料👍🏻

入面裝修扮居酒屋既，算係特別既~今次當然又點了燒鮮帶子。本身都唔知自己的喜好，但睇番每次出外用餐有帶子都會叫的時候就知原來自己好中意食呢個鮮帶子貴過急凍好幾倍但好味幾百倍的，好爽而中心有點軟滑，冇燒過火~個汁好濃，超好味之後係一碟吞拿魚刺生好味的，但原來會好飽LOL 而且可能唔係全生而係燒過的關係，外層有點熟，像吃一魚一般。略厭唔夠滑同油脂(?)燒雞翼一般冇死的了，一定好味呢10件壽司原來睇落好少，但夾埋之前的野原來係會食唔哂LOL有一件海膽，然後琳撥走了一大層後吃了下面的飯LOL但又唔想令人察覺我地冇食，於是琳好認真咁講: 不如塞D海膽入個蝦頭度?但其實呢個諗法係經過精密思考的LOL 海膽似蝦膏麻，而且蝦頭就係會唔食剩係到的麻~(BY 經常食剩一半而且眼闊肚窄，但又怕人地目光的琳)呢個係琳一心黎食呢間的原因點知關西燒同我想食的大阪燒有分別啦，雖然質感好Q彈帶點咬口，燒汁同蛋黃沙律醬好味，但實在好飽LOL

每次去食哩間日本料理都要大排長龍等好耐因冇電話訂座 冇網上預約 (改善一下會更好)店內座位多 日式居酒屋格調若果唔怕有油煙味可以坐鐵板吧檯 可以睇住師傅整大板關西燒豚平燒粉漿 蛋豚肉 燒肉汁同蛋黃漿口感脆脆豚肉同蛋 再配上絕配燒汁 正~~哩個都幾飽肚大板關西燒份量較大 仲會加埋大量椰菜 可加配料 有點厚身 配上絕配燒汁 好滋味 非常飽肚凍蒿麥麵 好驚喜賣相簡單清淡蒿麥麵 麵唔會煮得太軟 剛剛好配上生鵪鶉蛋 令麵質更滑麵汁味道剛好 好清新既感覺串燒即叫即燒 熱辣辣上檯總括: 價錢中等 味道好 環境舒適 – 性價比高 難怪咁多人排隊

疫症期間，心情麻麻，所以中午lunch諗住食好啲，同事們話去「一杯」。早一日打電話訂位，告知Lunch只有1小時食，所以我們一行四人很準時到達，二人限聚令，位置相隔很近，Lunch set有很多選擇，平均價錢$118 ，加$5有咖啡奶茶☕️我點的Lunch有刺身三款，一個牛肉飯，一個麵豉湯，仲有一碟小小嘅前菜。個人感覺：刺身感覺還新鮮，牛肉飯偏甜，麵豉湯偏淡。男同事選擇了一個安格斯牛套餐，都是有麵豉湯、前菜，但牛肉份量少，佢食完話完全唔夠飽。另外一位男同事也是，食完也不是覺得飽。😅我們去的當日中午，「一杯」差不多全部坐滿，都幾受歡迎，寫字樓客人頗多。服務方面，不過不失，不算太熱情，並沒有日本餐廳的感覺。總的來說，味道方面還可以，但份量偏少。如果以男士來說，可能份量比較不足。

六時許觀塘區竟然有一間大排長龍的居酒屋，就算要等差不多一句鐘也想去試試看。外賣餐牌全部日式一百元有找，但堂食的話，幾件壽司已動輒二百大元以上，為了吃餐化算的唯有叫非日式食品。結果……真的是一分錢一分貨。這個石頭鍋飯和炒意粉完全是翠X茶餐廳貨色，但價錢雙倍；最大杯裝的draught beer也只有380ml……太刻薄了吧！還是叫回日式的，但這個大阪燒窮得只剩下麵粉頭！還還是叫回居酒屋應該叫的東西：串燒！可惜，最大路的燒雞皮，燒魚干之類都欠俸，換來這個雞皮餃子，還可以啦……