一杯鐵板燒居酒屋 (已結業)

星期五大概7點半左右去食，唔多人，唔洗等位。環境寬敞舒適，卡位大張有私隱度，格局都跟足日本風。一兩個人可以坐鐵板燒位，更有風味👍🏻野食全部黎得好快，5分鐘已經差唔多齊，唔係一件好事🤡關西燒係最好食嘅，自選餡料揀咗豚肉同埋牛筋。外皮幾煙韌，切完拎起都無爛，豚肉同牛筋都好入味，係咁多汁醬嘅情況下都可以食到牛同豬肉嘅味，用料新鮮。👍🏻串燒叫左牛舌，鵪鶉蛋，雞肉。認真麻麻，牛舌太咸，鵪鶉蛋皮燒乾咗，雞肉亦乾身無哂肉汁，似係預先燒好，有人叫再翻熱。諗諗吓都係，如果唔係點會5分鐘就拎到出嚟😟成$30一串，牛舌仲要四十幾，完全不推介。蟹肉牛油果卷（ $86 ）無特別，蟹肉唔多。餃子唔錯，比一般食嘅日式餃子豐滿，皮香脆，料juicy。（$45 ）鰻魚石頭鍋飯（ $98 ）飯無咩咬口，鰻魚就還好，有魚香。整體食物質素參差，本身用料應該幾新鮮，但烹調手法浪費左食材。

我同老婆叫左關西燒二品同豬肉餃子。豬肉餃子同關西燒二品都新鮮熱辣，熱到出煙。餃子香口皮脆，關西燒二品亦好足料。店內空間寬躺，枱與枱之間有充足空間，唔會坐得逼夾，裝修唔錯。店員殷勤有禮，好快會埋去你個位度睇吓你有咩好需要。咁嘅價錢，有咁嘅食物質素，仲有咁嘅服務態度，仲有好好嘅環境，我覺得真係好值。

幾年前食過apm果間好鍾意佢個關西燒今日黎到元朗形點決定再幫襯一下!!!先讚一讚呢間野嘅裝潢一入到去就好似置身日本咁有私隱度較高嘅小包箱亦有望住鐵板燒師傅嘅吧台一杯關西燒 ($118)今次叫左三味 (豚肉 雞肉 蝦仁)一黎到個賣相已經好吸引侍應會先幫忙切開9份佢個關西燒真係好足料每一啖都食倒配料 非常滿足!!!海膽蟹肉牛油果卷 ($180)呢個完全係比menu幅圖吸引左雖然價錢唔平 但一場黎到好想試下實物同圖片上嘅差不多六件海膽蟹肉卷 鮮味十足海膽都算大pat而且質素唔錯石鍋鯛魚湯 ($148)奶白色嘅魚湯 睇樣就知鮮甜湯入面有幾片鯛魚仲有菇 豆腐 同娃娃菜鰻魚石頭鍋飯 ($98)呢個飯正正常常 冇咩驚喜鍾意食飯焦嘅朋友會鍾意但略縑佢D鰻魚太細舊同太少喇另外再叫左海鹽荔枝梳打 ($45)個人認為佢落得太多鹽搞到杯野過鹹搶哂清新荔枝味 好可惜T^T整體黎講食物質素唔錯價錢方面貴左少少不過既然冇得去日本旅行就係香港食好D啦!!!! 

位於元朗yoho mall 的這家居酒屋整體裝修是有日本的風味平日晚上完全唔需要等位但食物價錢比較偏貴，而且份量偏小叫了一份‘ 竹’ 的鐵板燒套餐有鮑魚、銀鱈魚、粒粒牛肉燒、炒雜菜、炒飯、清酒煮蜆同甜品鮑魚好清甜好爽口但銀鱈魚份量真的比較細不過都燒得岩岩好牛肉燒到5成熟，粉紅色的牛肉肉質好鮮嫩可口甜品係綠茶紅豆麻薯小食方面炸雞份量都係比較少，但肉質是唔錯的牛油果醬伴活帶子配上牛油果醬食帶子，好像有點奇怪帶子燒得啱啱好，但size比較細

今晚出元朗找朋友拿東西。點知「貴人出門招風雨」 大風又大雨，仲要係黑色暴雨警告生效中⚠️...門面以居酒屋🏮方式作裝潢，幾有味道有卡位，亦有4人方枱，都有吧台。被人抺住酒杯🍸暢談。我地叫左「一杯關西燒」可以在關西燒里加入不同的配料，我今次加了豚肉跟魷魚🦑。以為居酒屋的份量都系比較細。點知是兩個人的份量。味道夠，不錯👍🏻好香魷魚味我地又叫左三文魚茶漬飯本身好期待，話曬這間餐廳自稱系用「大阪街景的裝潢，將地道之大阪風味活現眼前」，一間地道的居酒屋點少得茶漬飯呢。可惜，我失望了感覺在吃泡飯，沒有鰹魚湯的香，也沒有茶漬飯應有的味道之後系蕎麥麵這個不錯👌，不過建議如果要食，最好加曬Wasabi落去。連我不太吃辣的人，吾落曬去，都覺得無咩味道。落左Wasabi，即刻提顯左醬味的香甜叫左個燒香脆鱈魚干真系好脆，有別於一般居酒屋食既魚干。加埋沙律，系幾好餸酒的最好味的是小食雞軟肉用左韓國炸雞果種炸法，所以好香好脆得黎又吾會太乾系筷子🥢套上看到一張幾得意既字包。「滿腹幸福」沒錯！食飽好野 我就很快樂

今次係一杯係飲咖啡 日本餐廳有咖啡飲真係難得 而且仲要唔錯添 令餐飯更完整四個人有三個都選擇咖啡 可想而知飯後一杯咖啡係幾咁重要限聚令放寬至四人 所以我們四個朋友又相聚我們都好注意衞生又乖很少外出見面食飯都做足措施又用公筷以防交叉感染我們叫了四個套餐 包括前菜麵鼓湯 主菜有燒烤有魚生豆腐煲 又有咖哩豬柳 大家分享 充足又豐富

小編已惠顧貴日式居酒屋數遍，觀察到員工處事態度很不積極，而且小部份員工沒有耐性。由進門開始，連最基本接待處也沒有一位職員到門外接待客人，而且一句招呼也沒有跟客人打，欠缺基本尊重和禮貌; 身為一間日本居酒屋，連一句招呼都唔同客人打，完全不可以接受！此外，貴店服務效率十分差劣，落單都要等很耐才有人應，而且上菜速度十分慢，當天已經沒有很多顧客，都要等成25分鐘，全程都沒有一位職員理會，留意客人需求，故服務質素欠佳，員工欠積極和耐性; 到埋單時員工也慢條斯理，要等很久才有人理會，還說等多陣，轉頭會幫你，故貴餐廳員工處事態度給小編有種懶散的感覺，全程更沒有一位職員有笑容。唉！食物質素已經咁一般，服務態度那麼消極，效率那麼差勁，唔怪得成間野無咩人，唔洗排隊等位啦！這些生意唔憂做的居酒屋，Yoho 有咁多著名又好食的日式餐廳，點解仲要揀呢間呢？相信還有更多、更好的選擇，呢間無服務、無質素、無效率嘅餐廳，都唔會再有下一次！

食肆每隔一段時間便會推介不同的菜式，所以我和友人久不久便來進餐。預早訂枱可以坐在私隱度較高的雅座，開心暢談一番!飲品選擇了兩款，分別是三得利黑啤(大杯)和熱的陳年柑桔蜜。柑桔蜜味道濃，還有一小件青檸提供。黑啤是友人的至愛，香氣和味道甜美。牛肉石頭燒飯想食得飽肚，當然要點個飯。上菜時，店員會主動幫忙拌勻或選擇自行拌勻，我們選擇自己處理，可以看看材料及調整飯焦。醬汁足夠調勻整鍋飯，牛肉本身已經入味而且嫩滑，所有材料拌勻後都幾惹味，有香味又有香口飯焦配搭，可以迎合同枱不同口味的需要。海膽蟹肉牛油果卷至愛的海膽有推介，不可不點! 共有六件，海膽和蟹肉在卷上，富鮮味，整件味道和諧，口感綿綿。一杯關西燒安排的座位可以遠望鐵板區的主廚主理關西燒的過程，是個不錯的體驗。見到表面厚厚的醬汁，飄來似日式小食小丸子的香味。又大件又多菜的抵食關西燒，裡面分散放了肉塊，填滿了菜絲，面上淋滿醬汁，有香味，切開時熱騰騰，好味!炸豬扒外表一看已感覺到酥脆，咬一口後確實如是，炸得夠乾身。有兩款醬汁，豬扒汁和美乃滋，其實不用沾醬汁都好味。蟹肉忌廉比想像中大件厚身，同樣咬落香脆。蟹肉忌廉味道適中，沒有油膩感，還有沙律菜及醬

疫情下冇得去日本旅行，惟有食日本嘢補償吓啦！平日中午Yoho Mall間間餐廳都要等，睇嚟個市開始復甦喇滑蛋揚雞飯壽司定食燒比目魚我食燒鱸魚，配菜豐富，尤其欣賞燒冬菇同茄子，不過塊魚就薄咗少少。lunch menu包飲品，呢間嘅咖啡好香，奶味又濃，好多顧客都會揀嚟飲

念念不忘元朗店，今年再來食還是保持得好好，滿足離開元朗～ 他們的小食冷盤都出色，每次必點洋風白魚沙律，永無落差，醬汁加上刺身配合完美，非常好食。今次黎到有個特別推介- 海膽白身魚菜卷，好抵食，海膽勁鮮甜，酸醋令成道菜好開胃。一杯燒大份到d料爆出黎，好厚身又不會太油膩，夾係入面嘅牛肉牛筋算多，大大粒，牛味濃又淋身。只不過下次就不會再叫燒鴨胸了，雖然燒得剛好，但始終有點韌。值得飲柚子燒酒，好清香又不失酒味

一杯鐵板燒居酒屋的環境很有日式味道，以前很喜歡到此吃飯，與好友暢飲詳談，但感覺服務及食物每況愈下，現在已很少光顧了。晚飯時間店內沒有其他顧客，因此很快便被安排入座，入座後並無茶水提供，詢問後店員表示沒有茶水供應，熱茶每壺38元，於是每人點了一杯飲品。但用餐後店員竟遞上一杯清水，實在皇恩浩蕩，感覺不太好，難怪顧客越來越少。梅子燒酌梳打：淡淡的梅子味燒酌。黑啤：就是一般的黑啤。一杯關西燒：不是平常脆脆的口感，而是外皮像粉皮包著滿滿的餡料，包括有牛腩肉，炒雞蛋、椰菜等，外圍被濃濃的醬汁包圍。壽司盛合六件：壽司盛合六件，有海膽、吞拿魚蓉、甜蝦刺身壽司、三文魚刺身壽司、吞拿魚刺身壽司，尚算新鮮。串燒雞中翼：不過不失。雞肉京葱串：京葱爽脆，味道鮮甜。串燒雞軟骨：雞軟骨爽口。燒牛舌：牛舌有筋，不夠爽口。鹽燒活鰻：鰻魚燒得皮脆肉嫩，但稍嫌骨太多。

今晚happy friday來元朗既一杯食野, 都一段時間冇黎, 今晚主要食串燒, 包括有京蔥燒肉串, 雞軟骨, 鰻魚, 牛舌, 雞中翼, 配上七味粉, 都幾好味,推介燒鰻魚, 燒到皮脆肉嫰,仲有就係日式薄餅即一杯大板燒, 材料豐富, 有牛肉, 牛根, 菜絲同蛋,加埋6件壽司(有海膽, 蝦, 三文魚, 吞拿魚, 魚等), 壽司都算新鮮,海膽味道唔算太濃, 但魚都有咬口, 加埋杯premium黑啤, 簡約一餐, 但都要500幾蚊, 算係中上價錢的食店

晚餐要自己煮的話，真係好鬼頭痛，不過出街食，都一樣係會好頭痕最終決定去yoho mall入面嘅一杯鐵板燒居酒屋食日本嘢！餐廳屬和風設計，可能時間尚早，人客唔多！有幾款套餐可以選擇，啱我尼啲有選擇困難嘅人最後我哋揀左個鐵板二人精選。另外，晚餐就緊係要來一杯：巨峰同柚子梳打前菜、主菜連埋甜品，總共九道菜式！刺身三點，赤吞拿魚同埋甜蝦係我至愛鐵板帆立貝、鮑魚：兩款嘅味道唔錯，鮑魚非常爽口，好好味道鐵板和牛薄燒什菌：和牛未至於入口即化，不過牛嘅味道都算唔錯，菇菌就偏淡！茶碗蒸個蛋好滑囝子味噌湯，基本上係多左一粒肉丸嘅味噌湯沖繩豚肉飯，應該係類似燒汁煮嘅豚肉，都幾惹味！尼個二人套餐包括嘅款式多，份量剛好，價錢都算合理，可以一試！

第一次光顧，坐卡位感覺舒服，點了兩份午餐，先來麵鼓湯，味道與一般無異，內有海帶，我覺得欠豆腐，沙律菜新鮮，令你感到開胃，前菜是麻醬菜，入口較香，菜也軟身，主食是燒鯖魚，魚的大小也合適，燒至剛好，入口有魚汁，魚肉不會有焦味，皮是脆脆的，而鼓油有少少檸檬汁，當然也提供檸檬給喜愛的人士再添加，白飯也有一種香味，像是由竹炭煲出的味。海之幸飯：單看賣相已事分吸引，每樣魚生或刺身味道鮮甜，樣樣也要比讚，午餐也配有前菜、湯和沙律菜

同男朋友睇完戲接近10點，係yoho mall搵野食，選擇唔係淨好多。試一試男朋友成日話想食的一杯。入到餐廳，有日本居酒屋的格局，加上好多日本嘅 “招牌”,好似真係去咗日本咁。餐牌以燒物和佐酒小食為主。好肚餓的關係，叫左一客一杯關西燒，一客牛肉石頭燒飯同一串燒牛舌。關西燒的份量都好大，入面主要係椰菜和少量蒟蒻。醬汁唔錯，但失望的係椰菜好苦，勉強食左幾舊就唔想食了。牛肉石頭燒飯，上菜時熱辣辣，牛肉都多，醬汁同飯撈埋，幾惹味，可惜份量太少。牛舌有兩款，呢隻係普通的，另一款係和牛舌。真係好普通下，燒得唔會太乾身，但都冇咩驚喜。一杯比較適合一些鍾意同朋友飲下野，傾計嘅人。食過一次，未必會再來，價錢唔係平，而且除了小食同燒物外，選擇不多。