一杯屋 (已結業)

星期六同同事收工之後過左銅鑼灣嘆日式午餐，呢間佢講左好耐既一杯屋，我地終於來試😃餐廳好細心地係窗台擺滿各式各樣飲品比顧客選擇，另外餐廳亦有販售唔同既酒類，適合夜晚係呢到放鬆嘆美食既客人! 🥢極上刺身五點定食: 講明五點 就係有五款刺身啦!五款入面我款款都好中意，因為每款都好新鮮，套餐就跟左飯、湯、沙律、蒸蛋，真係好抵👍🏻🥢鰻魚青瓜卷:飯已經被鰻魚汁包圍，啖啖滿足，燒鰻魚配上青瓜，夠曬fresh好想叫多碟!🥢燒原條魷魚:最好既係切得夠細塊，方便客人咀嚼，同埋燒汁已經滲入去魷魚入面，每一啖都覺得好有味道，煙煙韌韌好有口感。🥢蘆筍豚肉捲:蘆筍燒完之後，仲保留原有既鮮甜味，中和豚肉既鹹味

呢日心血來潮好想食日本野，中午即刻約左個係cwb返工既老友食返個日式午餐xppp我地揀左間係澳門逸園中心既日式居酒屋落腳~~呢度既裝修格局同一般既日式居酒屋無異，空間感都唔錯，都坐得幾舒服♥♥♥午市時段除左可以散點食物，亦有提供不同款式既套餐，平均都係百五蚊左右，有埋前菜沙律、日式蒸蛋同湯品，價錢都好合理！睇完menu, 三心兩意想試多d幾款食物既我就揀左封面既“ 一杯屋牛舌精選便當”HKd$228+10%，唔食生野既老友就要左個“蒲燒鰻魚定食”HKd$188+10%☜☜等左大概5-10分鐘，我地既便當同定食都一拼送上~~呢日除左有粟米雜菜沙律，仲有胡蔴菠菜卷作為前菜 ：）而湯品係昆布大蜆清湯，味道清甜而鮮！日式蒸蛋亦無失手，質感滑溜 蛋味香濃♪♪♪便當一份四格，先有三色刺身（鲑魚、鯛魚同海膽），鯛魚鮮甜、鲑魚肥美、海膽味濃！另一格既日本蠔則鮮而味甜，蠔身飽滿，正~~對下既兩格分別係燒牛舌同迷你豚肉溫泉蛋丼✔✔牛舌香軟而不失爽彈，實為高質！！！豚肉丼亦不遜色，飯粒分明飽滿，帶微甜既汁醬混合半熟既溫泉蛋係perfect match ~~而老友既蒲燒鰻魚便當望落都好誘人，難怪都獲老友大讚x

上網見到openrice呢間日本餐廳好多人推薦,就同mommy來撐抬腳,兩個人食吾到太多野,揀左兩個最有興趣既試 *雜錦吉列拼盤定食 同 炭燒開邊花魚* 雜錦吉列拼盤定食包括左 魷魚圈,炸蝦,炸蠔,涼菜毛豆,沙律.蒸蛋,味增湯,一個定食入面有咁多種類野,食到好飽好飽,最岩大家一齊share食,全部炸物都係現炸,可以食到吉列蝦既肉質鮮美,炸蠔更加係juicy,鮮味濃,日本米粒粒分明又飽滿,好滿足啊! 炭燒開邊花魚,就係用備長炭燒既,仲要係室內燒,聽講老闆洗左好多錢先整到,真係好有心機阿!花邊魚肉質嫩,同埋比較幼身,配飯食一流,另外我擠左檸檬汁係上面,更加清新!

上個月岩岩去完日本,好掛住日本既靚景同美食,決定去居酒屋搵番日本既味道聽講呢到係用備長炭燒烤,所以好多人都聞名而來,而我地今次就無叫到串燒,反而叫左兩個主食*和牛粒溫泉蛋飯煎到嫩口又juicy既和牛粒,大大塊其實都吾係粒咁簡單流心蛋撈埋飯到食,蛋香味濃,仲有沙律仔同南瓜送飯!*法國芥末籽醬牛柳定食煎到嫩口又juicy既和牛粒, ,配埋意式翠玉瓜增添不少甜味,同埋味增湯 都好日本feel餐廳既碗碟都好日式!屬於高價位既日本餐廳,環境同裝潢一流!一定會再來幫襯!

友人介紹來到呢間居酒屋,今次來到我地叫左”照燒雞扒定食” 白飯,味增湯,茶碗蒸,沙律,照燒雞扒甜甜地,仲要已經切左件,而且擺碟好靚添! 煎到金黃色個皮好脆!!! 豚肉生姜燒,配埋青椒一齊炒,好難得咁食到青椒既甜味,豬肉片都醃得好入味,肉質鮮嫩,唔會太老 吉列蠔,兩大舊,一咬開已經感覺到鮮甜既蠔味,同埋好新鮮 刺身,重頭戲就係呢個刺身拼盤,吞拿魚同蝦一咬落有回彈既感覺,沾埋芥末更加突出!生蠔一啖就可以吞落去 ,咕嚕咕嚕! 整體來講個拼盤好值回票價,相信係高質素既新鮮材料 !

今日同朋友去左銅鑼灣呢間上樓嘅居酒屋食飯、吹水、敘舊法國芥末籽醬牛柳定食牛柳好腍，火候剛好，肉味香濃，配左芥末醬令味道變fresh，口感一啲都唔油膩🤗極上炭燒牛舌定食餐廳嘅炭係用日本紀州備長炭，所以炭燒出嚟嘅食物香得黎只留有炭燒嘅效果，但唔會留底炭嘅味道，食落只剩底食物本身嘅味道同炭燒嘅口感🥰🥰牛舌係厚切，味道同口感都無得頂😋正👍🏻👍🏻chesse cake睇落好似好普通嘅cheese cake，但食落好creamy，味道好香濃，正係一啲都唔簡單😍😍

一杯屋-和式風格濃厚日本菜館門面以一格格木紋格仔背景襯托著有梅花圖案的招牌，內裡格局以木屏風作分間，深木色系的桌椅，牆身掛著一幅幅日本的風景畫像，濃厚的和式風格。汁煮牛舌炆煮得入味腍身的牛舌粒，作為餐前小食過過口癮。特上刺身定食包羅萬有的特上刺身，陣容和拼盤相當吸引。有厚切的三文魚、肉質腍身的鰹魚、彈牙起膠大甜蝦、爽口白身魚的章紅魚和鮮甜帶子，再配上魚湯、櫻花蝦茶碗蒸、煙薰三文魚沙律，完整的一客定食。一杯屋牛舌特選便當四官格的日式便當，首先有新鮮生蠔，忌廉感滿滿而且海水味適中；第二格是刺身盛，有三文魚、章紅魚和鮮甜的海膽；第三格是炭燒牛舌，外皮燒得香口，外圍牛舌肉質彈牙，中央五成熟度非常腍身；最後有和風牛肉飯，中央放著冰鎮日本雞蛋，形成啫喱狀的蛋汁，依附在牛肉、洋蔥和飯粒上，和平日流心蛋汁的不同，口感更豐富，味道更為有層次。

放左工就會想食好西稿勞自己，同frd target左呢間日本料理，入到去好置身日本居酒屋，職員亦十分主動好客，忙碌的一天得到放鬆～今次叫便當套餐，可以一次過食到佢唔同料理既水準🤤辣味支豆係好日系既螺肉章魚沙律辣味，再食埋佢個煙三文魚黑醋沙律，清新開胃～ 趁熱辣辣第一時間食佢個茶碗蒸，嫩滑既蛋配上鮮味既菇、櫻花蝦同蟹棒肉，十分滋味！刺身鮮美，wasabi係現磨個種！牛舌係超級好食！表面燒得又香，又夠淋，鋪係下面既椰菜同紅蘿蔔都入曬味，伴飯一流🤤鰻魚燒得勁好味，鋪左珍珠米無底，吸收曬d鰻魚汁既精華🤤最後食埋個炸芝士，香濃脆面內里又軟滑😍炭燒喜之次定食$168呢間日本野唔單止野食好味，擺盤都好肯花心思。喜之次魚肉燒得香身得黎肉質唔會乾，重點係唔落汁都好味，落少少醬油同檸檬汁又係另一口味，真係每一道料理都好有驚喜！包括佢碗望落平凡既大蔥牛肉湯，好濃郁，飲到心都暖埋😍

今日難得出到去銅鑼灣食飯，當然要食我最鍾意既日本野，因為平時真係無乜機會食咁長時間既lunch。。。有朋友介紹話一杯屋既野食唔錯，而我本身又未試過，就聽佢講去試下去到好似日本既居酒屋咁幾有格調，即時懷念去日本既感覺。坐低左就快快手叫野食，因為餐廳裡面都幾多人，怕要等好耐等左十幾分鐘我叫既定食就黎到，多野到放滿成個盤。首先有前菜係煙鴨胸沙律，酸酸地幾開胃。之後麵豉湯同枝豆都正正常常，而最好味我覺得係個蒸蛋，蒸得好滑溜，一入口就已經滑到去喉嚨。主菜就係炒牛肉粒，都幾腍至於朋友就叫左小菜，係炒豬肉同炒麵，見到炒麵炒得幾有鑊氣，上面仲有紫菜添。而炒肉既份量都好多，唔會凈係得蔬菜。整體感覺唔錯，下次可以再黎試其他野食

放假當然要周圍尋找美食， 最近愛上日本料理。刺身、魚生、壽司我都仲意😋😋， 過往只懂幫襯某些大型連鎖店，但這些店鋪通常都不會有太大驚喜。最近朋友在cwb搵到間不錯嘅日本料理， 款式種類多，而且刺身新鮮質素高。 我們選擇中午時段來這裏， 朋友已預先安排精美的菜式，不用我煩惱😚😚😚首先出場嘅，就係非常吸引的刺身拼盤。日本生蠔， 肉質豐厚棉滑 ，海水味較重， 是蠔味比較淡口的品種。🦐 珍寶甜蝦刺身， 味道鮮甜甘香，入口質感嫩滑。珍寶帶子， 厚身的肉質富有彈性，味道鮮味甘甜。🐟赤色吞拿魚，肉質實、有咬口， 沒有 大拖羅的油膩感， 反而有一種清爽的感覺。另外仲嗌咗兩款食品 ，精緻的定食盒🍱， 用傳統日式器皿盛載， 既精緻又美味 ，放了四款不同料理😍😍😍， 有刺身( 三文魚)、炸物、 炭燒、 同埋汁煮料理。日本黑豚炒拉麵， 煙韌嘅拉麵配上日式醬汁， 加上大量嘅薄切黑豚肉， 真是非常惹味。

今晚同男朋友去到一杯屋到食dinner😛首先要左個刺身拼盤丼上面有好多唔同日本新鮮直送嘅大片刺身首先我最鍾意就係隻牡丹蝦蝦肉爽口而且好juicy 😛又夠大隻外面就鋪左幾層三文魚口切片加八爪魚感覺好rich 而且好有滿足感而且仲有左口魚等等 都好豐富上面仲有好多魚子🥺🥺我好鍾意阿第二個就要左個炒麵面係用咗日本直送嘅面😛食落去質地好重小麥味而且好多肉片去炒,加埋佢地用左日本既豉油☺成碟都勁香而且唔夠喉我哋仲叫咗個酥炸魷魚圈添😘感覺唔算太油膩而且好香口勁好食 用黎現野飲傾下計真係一流

唔知點解，經常返工都會想食日本菜做午餐。可能個感覺係下午食好啲就會有動力做埋之後嘅嘢。某日個同事帶我嚟呢間一杯屋食午餐，估唔到又幾有驚喜。佢午市係有定食叫嘅，我哋就一人叫咗一set。我不嬲都好鍾意食炸物，所以就揀咗雜錦吉列拼盤定食。個定食除咗有前菜、沙律、麵豉湯之外，仲有一個茶碗蒸，10分滿足。佢嘅雜錦拼盤有兩隻大炸蝦，炸皮唔會過厚，大蝦肉質新鮮，好彈牙，午餐可以食到真係好滿足。而我同事就叫左個炭燒開邊花魚定食，呢種魚同秋刀魚有啲相似，同事俾我試左少少，炭燒味好香，油脂亦都算豐富，唔會燒到乾爭爭。貪吃嘅我哋仲追加左一份小丸子嘅小食，都係好食嘅。最後每人買單唔使$200 ，食咗一餐好豐富好正宗嘅日式午餐。多謝同事介紹！

同朋友行街行到攰, 大家都好耐冇食過日本嘢, 決定對自己好啲, 嚟到呢間位於Sogo附近嘅日式居酒屋, 地方都幾寬敞, 座位之間用屏風劃分成唔同嘅區域, 感覺唔錯😊我哋嗌左刺身拼盤加生蠔, 日本五花腩炒拉麵同燒雞皮餃子😍刺身非常新鮮,特別係牡丹蝦刺身同帆立貝刺身😍牡丹蝦超大隻, 味道鮮甜而且啖啖肉, 蝦頭仲有膏真係不得了! 帆立貝刺身好肥美, 質感爽滑, 非常滿足! 另外生蠔亦好新鮮, 蠔味濃郁帶上少少鹹海水味, 食多幾隻都唔會厭😋日本五花腩炒拉麵份量都幾多, 五花腩切得好薄, 而且非常入味, 入口質感軟稔, 配上特製嘅醬汁, 減去肥膩感, 非常唔錯😋燒雞皮餃子外皮好香脆, 咬落去非常香口, 而且餡料有滿滿嘅肉汁, 成件事非常邪惡😭

朋友約食飯，精心挑選一杯屋。係銅鑼灣澳門逸園中心入面既餐廳一般都唔便宜，心諗荷包要大出血。不過一杯屋係少數用備長炭的食店，所以幾期待一杯屋既串燒。餐廳採用木傢私，營造一定古典氣色。牆身貼上不同畫像，其中以藝妓為主題嘅畫最令我着迷。一坐低後職員即刻遞上熱毛巾，同埋送上前菜，係牛肉茄子卷。麻醬豚肉沙律份量多，麻醬同沙律菜一向係絕配，黑豚肉將麻醬沙律提升更高層次，另外亦加咗七味粉，更加惹味。鯛魚簿切賣相非常驚艷，師傅用白裏透紅嘅鯛魚砌成玫瑰花，令我完全捨不得食。肉質好爽口，食落少少咬口，並散發淡淡甘甜。鯛魚可以點普通醬油或酸汁，個人更喜愛後者。真係每一片都超薄，唔知有冇0.01咁薄呢！今次雞串燒比平時有啲特別，五款串燒都係屬於內臟，由左至右分別係雞心、雞胸軟骨、雞尾、雞腎同雞頸。每款各有特色，個人最喜愛非雞心莫屬，孜然令肉味更突出，口感亦獨特。酥炸鰈魚果然夠酥脆，不過有啲鹹，所以要沾一沾附送既汁，可以降低鹹度。除左魚肉，魚鰭、魚頭都炸到好香脆。正所謂「食得唔好嘥」，最後我同朋友食到骨都冇最後既菜式係日本和牛蕎麥麵。職員好貼心咁幫我地分開兩碗。每人有兩至三片和牛，非常奢華。和牛不愧係和牛，即使

前菜汁煮牛舌-味道清甜帶有牛味，牛舌有口感又嫩化柚子海鮮沙律-大蝦新鮮彈牙，配柚子汁沙律，非常開胃，底部仲有海量涼拌魷魚，非常足料沙律👍🏻Taoro 刺身-刺身係必點👍🏻👍🏻小編個個係中拖羅，魚香滿瀉，入口即化😍係香港食拖羅暫時食過最好吃，最接近日本新鮮度👍🏻👍🏻串燒-小編推介雞心，醬汁非常濃郁應該係特製，配上口感軟滑雞心非常惹味另外雞頸都好值得一試👍🏻出面正常係骨位，依個係原全無骨，食落有半肥瘦口感👍🏻香菇炒螺肉-螺肉非常爽口👍🏻👍🏻重點香菇炒得非常香口，充滿菇味，小編唔好菇都食多數口🤩和牛稻庭麵-面質滑身，有口感，湯頭濃郁，牛肉半生熟上台，味道香濃，牛肉肉質鮮美、細嫩👍🏻