一杯屋 (已結業)

星期五晚需要輕鬆一下，系銅鑼灣SOGO附近發現呢間小店，地方唔大，但枱與枱之間唔會逼，同朋友飲酒傾下計就最適合不過。餐牌選擇非常多，連生蠔都有，可惜朋友唔好生蠔，唯有留返下次先。前菜枝豆朋友好鍾意食枝豆，每次見到有都必點，呢度既枝豆係用上特別既醬汁調製，辣辣地非常開胃，極速掃清光。牛油果蟹籽沙律牛油果夠熟，勁多蟹籽鋪滿係面，份量十足。明太子雞翼即叫即炸，熱辣辣好好味，雞翼去骨再釀入明太子，啖啖肉食得好方便，雞翼控必點。酥炸鰈魚呢個係見隔離枱點左先既，一上枱嘩一聲，估唔到咁大碟，魚炸得好香脆但又唔會乾，會保留到肉汁，送酒一流。炭燒極上牛舌推介一定要點呢度既炭燒食物，睇住師父不停咁燒，絕不馬虎，牛舌好彈牙，好香好Juicy，肉嫩，有油脂香，正。海膽海鮮炒飯有海膽，蝦，帶子，魚，啖啖都食到料，好開心好滿足，炒飯炒得乾身，粒粒分明，加埋d蝦毛仔，惹味非常。

午飯時間走進這間居酒屋，環境很寧靜舒適。餐牌上面有許多唔同既午市定食，實在係令人難以決擇，所以就問左職員睇下有咩推介比我地，原來呢間餐廳既主打菜係日本仙台牛舌，而老闆係日本人,見職員咁強烈推介,一於就試下一人前既極上牛舌定食同埋點多一份照燒雞扒定食.呢到係自助式飲料,我地無叫飲品，自助式都有幾多選擇，有紅茶,咖啡,橙汁,乳酸飲品之類。我就揀左乳酸飲品,酸酸甜甜的又幾開胃等了不夠十五分鐘，食物就送到了,唔會話需要等好耐 閒聊幾句享受下高空望出去既風景 又幾寫意..

星期六放假最中意出去行下食下好西.午餐時間嚟到銅鑼灣呢間一杯屋，一心想試下佢地既牛舌。見鋪頭介紹燒物用上紀州備長炭，牛舌用上仙台牛(嚟自日本高質)。應該不錯！店內環境佈置似日本食店，相信夜晚一定很有氣氛！我揀左坐bar台位置，可以見到師傅同店員準備食材既過程.午餐定食有Drink bar，無限量供應飲品，有麥茶、凍烏龍茶、橙汁、Calpis、凍珈琲和即磨珈琲,多款選擇任你揀!入番正題，有多款午餐定食，我一心諗住嚟試牛舌，所以選擇左份極上牛舌味道十分好味，牛舌充滿炭火香味，爽脆的。真的好味。滿足,另外仲叫左一盤刺身,炒雜菜同埋小丸子等,味道都唔錯 值得一試!

今天有事來到銅鑼灣，打算係附近搵餐廳食埋個Dinner，行行下就到咗逸園呢邊，見到8樓係一間居酒屋，就心血來潮想去試試😋呢度嘅氣氛塑造得好好，腳踏入呢個地方，就感覺自己已經身處於日本當地嘅居酒屋一樣Menu都有非常多選擇，反而令人苦惱咗好耐，因為樣樣都好似好好食，但係又冇幾多個胃裝得落咁多美食！ 日本五花腩炒拉麵賣相非常正！平時或者都食多咗一般湯拉麵，冇諗到呢度會有炒拉麵，炒完嘅拉麵望落仲同大阪燒有幾分相似。五花腩同拉麵一齊炒埋後更加香，肉夠嫩滑鮮甜！ 炭燒日本雞拼盤五串串燒拼盤！每一款都係唔同款式嘅肉，每款味道都非常美味，簡直就係一次過滿足五個願望咁，一次令嘴巴有五種唔同嘅非凡享受。 雖然兩樣食物整體份量唔多，不過一個人食落都覺得夠飽肚，而且真係好食得每食一啖都覺得係享受！下次有機會再嚟到附近嘅話，一定要再上嚟一杯屋試其他美食。😋

食開普通茶餐廳,有時就會好想食番啲日本料理,而今日就決定同朋友嚟到銅鑼灣呢邊既居酒屋~既然專門嚟到,當然要食番啲平時冇乜機會會食到既嘢食我嗌咗個法國芥末籽醬牛柳定食,而朋友就嗌咗個和牛粒溫泉蛋飯!無論係邊個都似乎好好食!不愧係落咗芥末籽醬既牛柳,牛柳變得又辣,但係辣得嚟又充滿芥末籽醬既香味,而肉質嫩滑,十分好食,只係因為好辣所以食左一兩件就要飲一啖水或者飲品嚟緩和一下,加上我呢個係定食,有白飯,又有湯,配菜,仲有點牛柳既醬汁,基本上唔會擔心一個定食食唔飽而朋友嗌咗個和牛粒溫泉蛋飯, 雖然平日係某啲餐廳都會見到有溫泉蛋飯,不過係專門食日本料理既餐廳叫既溫泉蛋飯,應該會更加好食,佢亦話溫泉蛋伴飯非常好食!我地仲嗌咗兩款小食,章魚燒&串燒,邊款都係值得一嚐既小食!

係銅鑼灣收工,成個人十分疲累,不過隔日就係假期了,決定今日要去食一餐犒勞自己嘅晚飯!於是嚟到呢間居酒屋因為到達時肚已經餓得打鼓, 坐低冇幾耐, 我已經迅速落單, 嗌咗幾樣食物 .首先係和牛粒溫泉蛋飯, 設計很用心, 係用八粒牛粒圍住中間嘅溫泉蛋, 隔離就以少少草作為裝飾, 令到成碗飯嘅賣相更加昇華, 睇到口水都流不停!實際上味道也一流! 溫泉蛋伴飯, 令到白飯唔會乏味, 食完一啖飯再配一粒牛粒! 牛粒口感也非常正。.之後係日式燒安格斯牛扒定食, 安格斯牛平時覺得貴而冇乜機會嗌來食, 今日難得就嚟食下! 佢燒得顏色非常光滑, 熟度控制得夠好, 碟下面都滲出少少嘅汁, 香味撲鼻! 而味道不愧係安格斯牛, 十分美味! 比一般嘅肉鮮甜好幾倍, 食完之後再食返其他肉, 或者都會覺得唔夠好食。 .開始有啲飽嘅感覺,就決定嗌多個燒雞皮餃子同芝士蛋糕就收手。餃子嘅皮因為有燒過,皮比一般嘅餃子仲要脆啲,香口啲!.而芝士蛋糕係作為飯後甜品而嗌嘅, 表面灑上咗少少紅色嘅粉末, 我用叉小心翼翼將佢切開成一細舊再放落口, 佢嘅味道係比我想像中更加好食! 我以為會好似一般蛋糕咁甜, 但係佢既甜度正好恰到好處, 唔

聽同事講，逸園8樓有間唔錯既居酒屋，即使唔係去專門飲酒，裡面既料理都係一流水平，叫我有機會就去試下。於是今日趁住同人冇約，係收工之後就即刻走去一杯屋，睇下佢既料理到底有幾正!!Menu太多種類既食物，反而令人難以選擇，定食、壽司、魚生、拼盤，無論係邊樣都想嗌，但係呢啲係一個人負擔唔嚟既份量，所以嗌太多只會變成浪費，已經開始後悔冇約其他FD嚟啦！不過唔緊要，都可以嗌其他幾想食而且係一人份量既食物。而我就叫咗個日本五花腩炒拉麵，拉麵比較常見，不過炒就比較少見啦？所以一於一試。個樣望落有幾分似新鮮出爐既御好燒，但香氣又唔太一樣，各有各香！炒拉麵非常彈牙，口感一流，加上味道經過調味後變得更加香口，五花腩亦非常好食！對於比較細胃既人，炒拉麵既份量或者會啱啱好，不過對於我個胃比較大既人嚟講，就似乎仲未夠！於是就叫多咗一個日式燒安格斯牛扒定食，牛扒熟度燒得啱啱好，非常入味，而且份量都多，食完我已經好飽，不過又夠晒滿足下次應該要搵多啲FD一齊嚟食！

同朋友係銅鑼灣行完街，就想係附近食埋晚餐先返去，於是我地嚟到呢間一杯屋😋呢間主要係食日本料理，特別係刺身、海鮮之類。不過依家我極之想食肉，所以無刻意去嗌海鮮食物😁見到「法國芥末籽醬牛柳定食」個名已經非常吸引，忍不住就嗌咗一試❤️因為係定食，所以係連飯連菜，而且有配菜、又有湯！牛柳上灑咗唔少配料，令牛柳調味調得更加香口。而牛柳確實夠嫩滑！如果覺得唔夠味，仲有醬汁可以點，絕對唔會乏味🤤🤤🤤之後仲叫咗個炭燒日本雞拼盤同埋日式炒雜菜，串燒拼盤實在是十分美味，串燒款款都係唔同種類嘅肉，絕對唔會厭🤪食咗咁多肉，都係要食啲菜嚟平衡一下，所以就叫咗日式炒雜菜，不過因為係炒既，味道唔似一般雜菜咁重菜味，炒完有陣淡淡香氣，而且口感好正，非常好食👍🏻👍🏻👍🏻

上個月去完日本旅行，好懷念當地嘅美食，咁啱俾我發現左銅鑼灣有一間評價唔錯嘅居酒屋，同朋友去食個Lunch試下先！😋一杯屋特選魚生飯，一次過滿足晒食盡唔同種類刺身嘅願望，有三文魚、牡丹蝦、墨魚片、三文魚子、立魚 等等... 全部都好新鮮，三文魚好肥美，隻蝦好大隻又鮮甜！呢個魚生飯仲配埋茶蒸碗、麵豉湯同前菜沙律🥗，沙律好新鮮，蒸蛋好滑。性價比高日本五花腩炒拉麵，真係好鍾意食和風口味嘅拉麵，薄切嘅五花腩好香口，拉麵亦炒得口感好好唔會太淋，亦唔覺得油膩食埋個唔會太漏嘅芝士蛋糕做甜品，好滿足嘅一餐！

今日收工之後就諗住去食魚生刺身，不過銅鑼灣呢邊好多餐廳，專門食日本料理既餐廳都好多，所以一時之間都諗唔到要去邊間食。諗起之前同事同我講，逸園果邊有間居酒屋唔錯，所以就去睇睇，原來係8樓有一間，咁就唔搵啦決定上去試下啦！因為想食魚生刺身，所以叫咗個極上刺身五點定食!！定食即係成個餐，有飯、有湯、有配菜,，而刺身都有唔同種類，隔離仲有蝦頭同一啲花草做裝飾，成碟望落去好美觀好吸睛！我就特別鐘意佢嘅三文魚刺身，因為三文魚係唔同餐廳到食到嘅都有好劣之差，呢度嘅三文魚刺身就可以話係VERY GOOD啦！除咗定食仲叫埋個鰻魚青瓜卷同吉列蠔，因為第一次見鰻魚青瓜呢個配搭，所以很好奇諗住一試！點知又比我想像中好食，鰻魚夠肥美～吉列蠔外脆內軟，脆脆既外表配合裡面食到嘅蠔真係格外美味！同事真係無介紹錯推薦俾大家

之前都同朋友嚟過呢間一杯屋,不過果次只係食左少少串燒同飲酒,冇嗌過其他食物,今次又咁啱嚟到附近,順路上嚟食一餐飯!本來就幾想試試呢度既定食,因為定食都有幾款可選擇,睇左一輪就決定嗌個極上炭燒牛舌定食,炭燒牛舌純粹聽到個名就已經令人流晒口水啦!而牛舌燒得熟度夠晒好,顏色望落都係燒得最靚既,真係極之美味!!另外仲嗌咗香煎鵝肝同之前有食過既炭燒日本雞拼盤,亦即係串燒拼盤鵝肝上面灑咗唔少調味用既嘢,令到成件鵝肝更加鮮甜串燒都係一樣好食,因為每一款都係唔同既肉,唔會話食到一半就覺得厭!

突然又想轉下食日本菜，今日收工在銅鑼灣接個朋友仔，其後我們上網搜尋下附近的日本餐廳，找尋到一間人氣幾高的居酒屋「一杯屋」，見到很多正面評價，吸引了我馬上打電話去訂枱食晚飯。「一杯屋」位於銅鑼灣軒尼詩道525號澳門逸園中心8樓，交通十分方便。我點了一杯屋好出名的一杯屋特選魚生飯,一上菜好精美,啲碗碟都好有日本風格,魚生非常新鮮,赤蝦好大隻鮮甜, 茶碗蒸好滑又足料朋友仔就點左個日式野菜炒拉麵,拉麵好惹味,賣相好吸引顏色豐富最後仲點左一份香煎鵝肝, 鵝肝入口即溶,香味一直係口中唔散,真係勁正,下次會再黎的

今日突然好想食日本野 於是係晏晝既時候就嚟左呢間一杯屋食晏.佢係樓上鋪 環境寧靜舒服,都幾適合同一兩個朋友或者同埋另一半上嚟靜靜地咁享受或者閑談下,個氣氛好好.我就點左個日式野菜少拉麵,,平時食開既拉麵都係湯多,未試過炒 又幾特別喎!食落發覺原來炒既拉麵又唔差 幾好味,佢炒出嚟既拉麵有經調味料 炒完出嚟好夠味而且仲要好香,唔會話用炒出到嚟會好硬身,口感都唔錯.另外我仲有點左入吉列蠔做下小食咁,炸得酥酥脆脆,而蠔既肉身又保持到軟熟,效果好好,蠔味突出 好好味!😋😋

今日約左個姊妹出嚟食餐好既,於是我地就揀中左呢間燒串煲,上網睇到個陣都覺得好吸引架喇,嚟到門口就已經聞到陣陣既香味!坐得左之後我地點左燒蝦 即叫即燒 燒到出嚟香噴噴又熱辣辣,燒到出嚟既蝦 蝦肉鮮甜惹味 蝦身又夠大隻!跟著仲有呢個燒鮑魚,燒完出嚟唔會話太乾身,而且都係好厚肉 好有口感,再嚟仲有呢個扇貝 肉夠大粒仲有滿沛既粉絲真係好正,諗番起都流口水真係.另外仲有白膳 原來魚都可以咁樣燒真係好少見,雖然佢外面睇落黑黑地 但食落仲好有白鱔既味道 完全唔會係燒lon,我仲點左羊架同魷魚 燒完未攞到出嚟已經聞到超香!下次一定要再食!!

銅鑼灣崇光百貨出口附近臨立著多間不同形式既餐廳，中法德日菜，讓你目不暇給。是日經過sogo一帶，原打算lunch走到時代食街看看有咩選擇，卻被澳門逸園中心門外長長人龍吸引。經友人介紹，原來7樓一間名為「一杯屋」高級日式料理餐廳午市推出午市飲品放題優惠，吸引大量人客排隊😎😎入到門口，整間餐廳燈光較暗，以裝修格調來說絕對是高級日式餐廳，店內以日系木板裝飾，同時提供6-8人細木板間格，俾客人有一個私人傾計空間😊坐低後侍應先奉上熱毛巾抹手，感覺與日本當地高級omakase 店相同，讓客人先放鬆潔淨一下😌非常細心1. 上炭燒牛舌定食1.5 size 升級版牛舌唔係一樣容易處理既食物，好多時火喉太大，容易令到牛舌過硬，但一杯屋完全無呢個問題，牛舌預先加入黑椒調味，再放入炭爐燒香，表面微微焦香，內裡粉紅肉嫩，非常好食🤪每份炭燒牛舌配上一份茶碗蒸、牛肉茄子、大蔥蜆肉湯、蘿蔔蓉鵪鶉蛋，只睇定食款式已經與眾不同🥰茶碗蒸蛋黃汁夠濃，蛋汁加入蟹柳冬菇海鮮湯讓蛋汁海鮮味更重，再加上大廚加入蝦乾令或咸香味更出；特別要介紹蘿蔔蓉鵪鶉蛋，侍應建議與白飯混合享用，白飯加入蘿蔔蓉口感更多，而鵪鶉