一期一會日本料理 (已結業)

feb 24, 10,4人來lunch,我叫咗 : 1) 豚肉生薑燒定食 (hk$53)i) 前菜-只喺微辣,ok ii) 豚肉生薑燒-豬肉調味得宜,亦唔乾,只喺煮得輕微耐咗add add(唔嚴重),但連埋洋蔥絲食,都幾惹味-最啱送飯食 iii) 麵豉湯-正常 iv) 甜品 (補償品)-女店員請我哋食作為久候嘅補償-事源友人叫嘅金菇牛肉卷定食漏咗單.........我哋3個,全個餐都食晒都未嚟.......期間已經向同1女店員(身份應該唔低級,因唔洗著制服)3催4請都出唔到..........第3次先承認漏咗單.........話等多4分鐘就得.........不過4分鐘又4分鐘都未嚟..........我哋緊喺又追啦因為打工仔午飯都喺食1個鐘啫-女店員 : "我哋都催咗廚房出好幾次........但佢哋都喺唔肯出........不如我同你取消咗佢"-友人 : "咁有咩餐可以比我揀,可以嚟到比我食?"-女店員 : "你就算叫其他嘢,睇嚟佢都做唔到比你" (講到咁,你即喺想點?.........要友人空住肚走咩.........想叫我哋埋單牙?.........我見門口位好多人等緊枱)

佢個名都幾到point呀... 真係唔會再有下次!! 詁說年廿九... 我地見d食評都ok... 一行三人諗住試下呢間新餐廳...點知出事!!!1:00 到齊人叫野食... 3個set lunch (2x烏冬壽司定食+1x刺身定食)1:30 冇動靜 (連茶都係我地request左兩次先有人俾我地)... 催第一次...... 之後每5分鐘催一次... 每次經理/侍應都詁好快到... 但所有野食都係冇到... 1:45 經理"俾住"d凍既前菜我地食 (擺明一早已經整好既前菜要等左45分鐘)1:50 我地request下經理先上麫豉湯... 係用紙杯上!! (真係第一次見用紙杯上菜... 開party??)1:55 終於有野食... 但我地個lunch time亦已經完左喇 壽司刺身都係切出黎... 唔明點解要一個鐘 講番d野食 (最後以9秒9吞下)...前菜 : 只記得有幾條芽菜... 麫豉湯 : 正常用粉開既質素... 都ok既... 餐湯好難有咩要求...烏冬壽司定食 : 壽司既飯係暖既... 明顯係剛煮起就用... 影響埋上面既刺身... 暖既壽司感覺都幾差 加上舊飯又實...

今晚與朋友二人走經灣仔，一心想吃日本菜，但又吃厭了那幾間連鎖壽司店，最後走到修頓球場對面看到這間商業大廈內的日本料理，便膽粗粗登門一試。餐廳位於大廈內 1 字樓，位置較為隱蔽。餐廳雖為日本料理店，但卻裝潢成新派西餐廳格局，燈光略為昏暗，頗有格調。食物方面，這裡有一般的壽司刺身、爐端燒、炸物等，也有不少和風料理。我們雖然只有兩人，但卻點了很多食物，吃得捧腹才肯離開！ 三文魚刺身：三文魚不算頂級貨色，脂肪較少，但尚算肥美可口。 活赤貝刺身：是日推介之一，活赤貝非常鮮甜，完全沒有腥味，果然是推介之作。 海膽壽司：不像平日常見的軍艦紫菜卷物，七至八片海膽直接放在壽司飯上，份量顯然較多，而且海膽也很新鮮，不過似乎吃慣了海膽與紫菜及壽司飯的配搭，缺了紫菜好像有少少不足罷。 海膽卷：就像常見的蟹柳、青瓜卷般，但卻換上海膽。看上去海膽的份量好像較少，但吃下才知是錯覺，滿口充斥海膽的鮮甜，必吃之選。最後我們共點了兩客一共十二小件，真貪婪！ 芥辣八爪魚壽司：與坊間的芥末八爪魚壽司如出一轍，味道不差但卻不甚突出，可以略去吧。 一期一會卷：店員極力推介，儘管點了一客。其實是壽司反卷，材料則是以日式餃子

O個日同媽咪2個人去左灣仔, 行去軒尼詩道諗住去食 Tea. 點知忽然有個男仔遞左張 Leaflet 比我媽咪, 之後我媽咪就停低左腳步. 就細心睇o個張lunch Leaflet, 見到原來係食日本野. 咁我媽咪就問個男仔間野係咪新開, 仲有係咪有 Tea 食. 個男仔話有..咁我地見Leaflet d 野食好似好吸引, 咁就上左去呢間 度食. 以小博大既心態!! 由個男仔帶我地上去間"一期一會" , 一入到呢間"一期一會" , 就比我有種好 comfortable 既feeling. 因為佢地裝修係用白色為主, 仲有好多度開左既大窗, 所以空氣好流通. 真係幾寫意..咁o個日去到, 成場都係得我同媽咪2個, 但係我見所以既 staff 都唔會因為少人而 "Hea" 囉.個個staff 都仍然企到直一直, 穩守自己個岡位咁. 之後就有一個男仔倒左 d 熱茶比我地. 而另外一個好似老細咁既人走過黎好熱情咁招待我同媽咪. 我地問佢有冇Tea Set, 原來佢話Lunch set 就係Tea Set, 咁我媽咪就話岩岩個男仔同我地講另外有Tea Set既...個老細話可能o個個同事攪錯左.

同事告知附近開左間新既日本餐廳，梗係要黎試下喇！三文魚刺身＆三文魚壽司：切得厚身，雖然色澤有ｄ暗，好似唔太新鮮既感覺，但食落口都好有口感，都算甜既．清酒煮大蜆：美中不足有少少沙，湯底清甜,兩公婆飲晒成鍋湯，唔錯．大蝦天婦羅：五隻大蝦，爽甜啊．蒜茸燒帆立貝，燒到好香，ishi ．軟殼蟹手卷：紫菜好脆口，好多新鮮既蟹子同軟殼蟹一齊食落口，多麼的幸福喱．

第一次寫食評，寫得唔好就我請食飯 (有拖冇欠) 好，尋晚和同事開完 OT 鬼死咁累，又鬼死咁餓，想起有同事去過一間附近新開的日本野，咁就一於試下。間野比較隱閉，雖然對住大馬路軒尼C道和修頓球場，但樓下冇咩指示，唔係有人帶都真係唔知有間日本野。不過最緊要好食。坐低啦啦淋叫野食。睇 menus 其間留意到四周發覺佢同其他日本餐廳果種 "懶係" 有格調的裝修好唔同，呢度親民和光潔得多。但同事就話要好似 "和民" 咁先好。不過我就話呢間坐得舒服自在，唔焗促。可能因為新開，客人唔多的關係，招呼得好好。有個自稱老闆的推介了炸魚磷和燒魚皮。魚皮就食得多，魚磷? 點食呀。咁佢話送碟試食，咁就試下啦。開頭以為係一堆魚磷炸出黎，點知個樣都好好睇，而且好薄 (0.02mm ??) ，食落咸咸地脆脆地，如果有啤酒就一流。再食佢個燒魚皮，開頭諗住好似食魚旦粉果D魚皮，但原來係好唔同的，塊皮燒到有焦香，佢塊皮還有些魚肉的，就好似食燒乳豬咁有皮有肉，極度推介！唔諗咁多叫老闆再黎多碟魚磷同魚皮，同埋因未有酒牌自己落樓下間 OK 買啤酒了。之後試左個三文魚刺身、珍寶帶子壽司同花之戀，唔錯，最特別是佢地自家制的 wa

叫左2碟salmon sushi, $9一件..好肥美..玉子,帶子etc見上面post碟炒飯..我地又叫....清淡左d~~炒雜菜..有小白菜..超搞笑立貝..okay串燒餃子雞翼1客得4條..因為5個人...可以調整咖!!好似腊腸..的..東西...普通~~甜品雪米糍. .chocolate芯 好似粒糖咁包裝..幾搞鬼5個女仔好好傾....坐左3小時...送左pancake with banana 一客...服務好好幫我地按lift廁所...

一班朋友出黎聚一聚, 又要搵個地方可以坐下傾下計, 又要有酒飲都唔係咁易. 有朋友介紹係灣仔新開既 "一期一會" 就上去試O下. 最喜歡係個燒骨腩, 好特別, 好好食, 其他地方未食過! 帶子壽司又係好好食. 食完成口都係帶子既鮮甜, 真係齒頰留香! 個感覺好幸福呀 老闆介紹O左一期一會卷, 壽司飯包炸日本餃子, 除O左SIZE 大舊O左O的, 食既時候會散, 如果唔係都幾特別, 值得一試! 以食物既 quality 黎講, 價錢算係合理. 最好係唔使俾 $150 開酒 費, 可以一路飲一路傾計.

午餐時間只有 set lunch 選擇, 老闆請諗住食好 D 散叫, 點知等左好耐好耐先黎 2 個手卷 (叫左 3 個), 又再等多好耐好耐先黎個牛油金菇, 再好耐先黎個已經黎過重複左既手卷, 見到佢有個加州卷整好左, 又唔知點解要好耐先有人上比我地, 催左一次, 跟住黎番個岩既手卷, 有位似餐廳老闆既男士好心問我地個餐重有乜未齊 (因為重有好多人等位), 我地同佢講, 叫左 6 樣野甘耐只黎左 3 個, 佢就話幫我地跟, 成個過程我地已經坐左成個鐘, 重要係得 4 成入座率既時候已經 order, 又坐左好耐 (你知 lunch hour 一分鐘都已經係平時既十分鐘甘長架啦), 比多 5 分鐘佢, 都係冇動靜, 我地搵番個位男士埋單, 佢就話比番個 discount 我地, 重送上一個手卷話係請我地食 (即係先前提及黎錯左個個手卷, 起碼 15 分鐘前做起, 又應該係冇人要個個), 我地冇要到, 等埋單既時候, 個侍應又再送多次同一個冇人要既手卷黎......等到張單埋到黎, 我地左右兩邊遲過我地黎但已經食完又食飽既 2 桌客人都比我地早走得見到佢地既 set lunch 就密密送,

整體上不錯, 價錢算偏貴, 地點方便, 但入口太暗, 不太顯眼。3個人食左六樣, 但有一樣係送。吉列豬扒烏冬個主角豬扒麻麻地.. d油味重少少.. 唔係咁新鮮; 個烏冬幾好, 夠彈牙.. 海膽刺身係包一堆飯同幾塊紫菜.. 咁可以自製壽司。要讚係個大蝦野菜天婦羅, 真係幾好味.. 鹽燒秋刀魚, 無腥味.. 果個話自己唔係老闆既唔記得係阿浩定阿豪, 推介我地食個鹽燒xxx花蝦.. 不大驚喜d檸檬汁蓋左鮮味.. 肉質'un'少少, 來源地係xxxx 哈哈.唔講, 我地仲笑係咪用日本海鹽燒.. 因為等左好耐, 但果位老闆即時補番, 又送左個蟹籽沙律我地等住食..最後送3粒雪米糍佢不停問下我地意見..點知我地俾勁多意見佢, 仲攞少少玉子俾我地試.. 不過甜少少. .個老闆同我地幾好傾...仲傾埋養貓, 同學h亦係愛貓之人.. 應該有下次既.. 不過唔知幾時... 老闆, 睇左記住下次見到我地俾85折我地3位..... .p.s 新張大吉. 你係樹出coupon 每$100送一至二款小食, 一係每$100俾9折

一班朋友好耐無見，約食飯，高談大吃，要就腳，又要坐得舒服，知道灣仔新開樓上日本餐廳，即管一試。食物有水準，價錢適中，老闆特別介紹以下菜式，又真係唔錯燒三文魚鮫：甜美多汁，不咸不膩，最好有酒，下次一定要記得帶酒珍寶蝦刺身：蝦身鮮甜，仲可以要求兩吃，將蝦頭鹽炸，無得頂珍寶帶子壽司：超巨形帶子，好睇又好味OPENRICE網頁介紹餐廳資料寫左開瓶費要150大元，攪到唔捨得帶酒，只有美食，無酒飲，後來向老闆反映，至知道原來資料有錯，餐廳仲未有酒牌前，自己帶酒係免收開瓶費，下次一定要帶酒，唔好浪費D美食。

最近知道灣仔有間新的日本料理可以在午餐時間訂位, 所以就去試下~~~成間店坐滿曬~~環境不錯~坐得幾舒服~我們叫魚生飯和饅魚定食~~~首先番茄前菜酸酸地幾精緻~魚生飯好大碗, 食到好飽~饅魚定食份量都好足~重要係他們的野食係整都好靚, 唔會求其放埋一就了事~還有甜品送, 係雪糕糯米糍只可惜的單亂曬,&出菜好慢可能新開未協調到la~~

係灣仔番完工, 打算find下d好野食, 見到新開張又做promote, 就同d同事膽大大試下la!一試之下, 哇個燒三文魚同個燒大”大”子再加個海膽正到爆ａｒ（因為大餓無影到個海膽同燒三文魚相），　食食下，　個老闆走過來問下我地佢ｄ野食ｏｋ　ｎｇ　ｏｋ，　佢都幾好笑容又幾ｎｉｃｅ　ｗｏｗ！食物ｇｏｏｄ，加份！　環境唔會太嘈，加份！ｄ人唔ｃｏｏｌ有笑容，加份！值得再來！！

一班朋友, 三五成群, 個個好人, 搵個地方, 舒服食飯, 實在好難。行經灣仔, 抬起頭來, 一期一會, 好鬼詩意, 溫純燈光, 上去試試。(多謝阿Sir嘅詩意。)一個環境舒服, 用心製作食物嘅地方。最愛他的燒骨腩, 只聽名稱以為是燒味, Waitress姐姐介紹是燒魚骨(她的態度好好, 笑容可親啊~), 點了一客, 誰不知同桌友人一食唔停, 最終Order了三客, 配波子汽水, 好有"佬Feel"。哈哈。其實這裡的確有蘭桂坊Pub Feel, 只是健康一點飲波子汽水。環境氣氛一點都唔差。唔記得講, 燒魚骨加了汁調味, 所以並非坊間一般的味道。而且, 魚質鮮嫩 (燒完都咁肥美! 正正正! 不得了。), 好驚喜。期待更多的燒物出品。

有日放工係灣仔買電腦嘢, 朋友介紹附近開左新餐廳, 順路試新嘢。這間新開餐廳, 坦白講, 好Surprise。無諗過鄰近駱克道酒吧區嘅灣仔, 竟然有一間純樸簡潔嘅日本餐廳 (其實都似日本居食屋)。餐廳似白色小屋, 但又有個石鋪超巨嘅壽司吧, 感覺SOHO。因為無諗過這區會有間格調咁獨特嘅餐廳, 所以真係好Surprise, 坐底感覺好Relax。我地兩個人order左2個晚餐加多一個招牌卷壽司。個晚餐跟普遍日本餐廳差不多, 前菜主菜麵豉湯有齊, 朋友order嘅咖喱雞扒定食ok, 我自己order嘅雜錦壽司手打烏冬定食都唔錯, 壽司面嘅魚生好新鮮, 有鮮魚質感。烏冬湯可以濃郁D就更好。不過全晚最驚喜是招牌卷"一期一會卷壽司"。香脆餡料卷, 面層一片燒溶左嘅芝士混合醬料(唔知咩成份, 不過好rich, 好正, 好夾), 入口口感香脆軟滑。同朋友一人一件放入口, 跟住大家都講唔到嘢, 因為感覺好滿足, 好溫暖。好難形容, 一定要試。餐廳係灣仔老牌竹昇麵隔離樓上, 好易搵。因為而家新開, 尚未爆場, 不過以佢地嘅出品同價錢, 我估都好快會多人識。希望店主Keep住水準。我會再來。