影片
招牌菜
食记 (31)
就算侍应皆后生靓仔靓女无黑面,"POOR SERVICE"二字已是最佳评语~离公司近,所以来过三次~第一次,初见其樱花便当,惊为天人~ 尤其是便当内的切饼,真与外面十数元的无异~服务是有初开店的凌乱感,但未至差劲~ 毕竟侍应皆似供读生,或许要时间适应运作~第二次,相隔不久,水准已下降~ 本想重温令人倾心的便当,但甜品已变成美X西饼~服务,就是等了又等~ 添茶时手震, 一台人想要叉吃甜品(便当只配快子一双,用沾满咸食的快子夹西饼,爽!)要分成几次来送, 侍应不知奉给客人的到底是什么东东, 无口特性....这些已经见惯不怪~最近一次去, 已经是到了每个餐皆有其命数的地步~即是: 餐厅要个SET在客人ORDER后45分钟才上,任客人三催四请,都不会改变~满目可见,客人光坐在等食~ 上菜时间约20至45分钟....迫客人在3分钟内干掉食物再跑回公司~而且,已经全无服务可言~ 你的要求没人会回应~以下摘录餐厅内所受所见~ 看各位有没有兴趣浪费宝贵金钱和时间去体验~ 客人:我等了半个钟啦,请跟一跟单~侍应: 哦,好(眼见侍应听完后做其他事情,5分钟后,再招同一个侍应)客人: 你有跟单吗?~侍应: ...要 埋 单吗?请等等.客人有碟定食突然放到面前) 我要的是鸡肉定食,这个像牛肉哦~侍应: ....(呆30秒)....我也不知道这是什么侍应: (放下面豉汤)客人: ....(已经吃完主食)侍应: (放下面豉汤)客人: 已经有了~侍应: 无所谓啦侍应: XX拉面~客人: 我们没有点这个. 但还差一个AB定食~侍应: (10分钟后) CD定食 这样的服务质素,并非因为人手不足. 亦不似煮得慢,而是管理问题!~餐厅分几个位置~ 楼面(传菜),SUSHI巴(出菜处),厨房楼面十分忙乱,但不是ORDER太多,而是侍应只管在餐厅内无目的跑来跑去:拿了食物出去,却会跑回去说忘了要送去哪, 又或食物有了,却没人知道该送哪一枱,放凉食物~ 又或根本不知道自己接下去要做什.... 没固定职员结帐,有人埋单,楼面要自己去打单,那便少了一个人~出菜处却经常见到闲置的员工,见很多客人要求服务,也不会出去帮忙~ 楼面问菜该传那枱,也不清楚~午市已是如此,不妨再参考下面诸位的晚市经历吧~
继续阅读
今日放工同同事去庆祝生日，非常扫兴。我地叫左寿司拼盘，出已经系好慢好慢，我当系用心制作所以慢，当系倾下计慢慢等。等左成半小时终于出现......仲乜会同 menu 上有咁大分别既？咁多三文鱼既？ d 带子一粒都冇。叫人黎睇佢地解释话因为冇晒鲜带子，转左做三文鱼。加上最近好多鲜带子食物中毒个案令佢地缺货呢d 系乜野道理？我落单果阵你唔出声？何况三文鱼同带子既价值好唔同㖞.......海胆、墨鱼、吞拿鱼极不新鲜，一阵腥味............
继续阅读
原本谂住可以开开心心咁庆祝母亲节...但系走既时候竟然系成肚气而唔系食物...我地既情况同上一篇食评一样...日期又系一样...但系时间唔同 !!我地系book左8点半...其实都觉得好奇怪,,竟然有位!!我地选呢间放题既原因系为左方便老人家...佢地住系附近,费事去咁远,,同埋我睇过下面有d食评都唔算太差,咁就胆粗粗试下...点知就出左事喇!!8点半上到去都几full,个心即刻定哂..谂住冇死啦.点知我地原来系最后入座既一台.坐低左就开始叫野食,佢有两个价钱选择一个系168一个系198 , 198就多左d其他野可以叫,但其实都唔系d好特别既野食,不过都冇乜所谓!大家都肚饿喇,又有小朋友,咁就拿拿临落单...等左3个字,黎左d野饮先...再等多3个字黎左碟应该系野菜豚肉既野...跟住又再等等等...黎左碟刺身...等左一个中先食左以上三样野...大人等得,小朋友都等唔到啦,唯有催下佢,,佢话会帮我地跟...跟住陆陆续续都系黎d串烧..同埋炸野...寿司竟然一旧都冇黎过...我地再催...佢话会再帮我地跟...我地想食既烧鸡亦一只都冇黎过...我地问佢既时候,佢同我地讲串烧10点中就暂停...成台人即刻呆左...有冇搞错,有冇都讲声吖...我地使唔使比200蚊黎食你d炸饺子,炸八爪鱼丸呀??热食既选择又唔多...刺身既选择就更加吓你一跳...d吉列炸毫个心系冻既...八爪鱼丸都系一样...最于都冇再等...系个半中就系食左d咁既野...一定唔会再有下次...唯一值得赞既就系, 有个类似店长既男仔,服务态度好好...
继续阅读
其实我都系第一次写食评~本来事发第二日已经上黎打食评~但见成个星期都仲末post到所以谓有再打多次啦因为呢间铺实在太离谱啦~所以唔写唔得上星期六(5月8日)系一年一次既母亲节我同我既屋企人一行六人(5大1细)一齐上左呢间"一期一会"做节星期五晚我就已经打去book台~因为其他日本放题好多都已经full左记得在杂志中见过呢间"一期一会"所以就上左去做白老鼠啦当日8:30我既细佬同佢老婆同BB到先~除后就到我同da & ma一齐到人齐~叫野~拎起D点野食纸我:下......无野下话~得四张纸咁少细佬:唔紧要啦~每样点多D咪得啰ok~第一转㖞唛都点D啦,刺身,寿司,串烧,天妇罗,小食9:00俾单~机本上果日可能母亲节前~人比较多我星期五book台~都可以比张一睇就知加出黎既台比我~good ar唔知其它人几时book台既呢????等左好耐~大约9:30豚肉炒杂菜~一人一注~食晒9:40串烧~A~我明明叫左好多串嫁~点解得６串咁少既~转眼食晒细佬老婆野食咁少既.....不如再叫啦好再叫~因为之前D野都未到齐所以唔敢叫咁多啦9:50一名女员工行过黎话串烧会系10:00后会停所以又点多次野啦~再顺手点下其它野先D野食都开始慢慢黎啦~但寿司,手卷从来末到过小丸子~~~中间冻既~冻既程度系中间完全系冰箱拎出黎末解冻果只啰炸生豪~~~情况同小丸子一样~但生豪始终系海产所以食落去系臭既刺身~~D甜虾都末溶雪~又唔鲜甜天妇罗,薯条~~好食呀~够热牛油带子~~过浓~所以苦既清酒煮蚬~~十几个壳得４~５旧肉之前果３次都叫过既串烧鸡翼到最后一只都无黎过是关已经过左10:00亦都问左D员工佢地都话无所以非常失望亦都开始嬲嬲地啦当时我就问果位男员工我地叫D寿司同刺身呢我地9:00以经叫既寿司同刺身因为漏单既关系最终只系黎左一碟唔齐野既刺身而果名男员工都好识做~同我地讲本身我地系$198一位既~依加收我地$168啦ok~再食啦~其实呢个时候屋企人都巳经好嬲啦最后黎左碟寿司屋企人食左个鳗鱼寿司一口~发现D鳗鱼既口感完全似橡跟始时我的爸爸开始嬲到不可接受向一名男员工大闹~讲真我都真系从来未见过我爸爸在街上食饭食到闹人既可想而知有几"好食"啦呢度D食物亦都唔知点解到最后我地一家六口系唔洗钱食到呢餐饭中间发生唛野事我唔再多讲啦我只知道食完呢餐之后仲要再去第二度食野啰但我地走既时后~果名男员工既服务态度都好好~直得赞既总括呢讲呢间食店只系漏单(情况非常严重)~食物黎得慢(放题黎嫁)~D野食麻麻地之外都无唛特别
继续阅读
为左唔想星期一要返早工的妈妈辛苦,我地一家四口选择星期六夜晚庆祝母亲节。原来book左尖咀烧魂一,但系唔包野饮；book左中环熊本,但又因为好唔就脚所以都系唔去。最后我星期6睇饮食男女,见到一期一会个白色招牌好靓,好似好pro咁,试下打去订位,点知竟然仲有位。。因为其他日本放题,好似五月花,青叶,郎田等等都已经full左,呢间竟然未full!其实次次我去食放题/自助餐之前一定会上OPENRICE及下,今次因为即日订位无得上网就「那」野啦>__<" 仲要「那」得好甘添!首先我订位订左6:00,但系果日我地全家人早到左,大约5:40就到,所以问下可唔可以上去先,佢话OK,咁我地就上去坐,个位好好,系窗边,但最弊系竟然未开冷气,d窗又开左,本身星期6已经好热,谂住早d上去系叹冷气....不过人地存开始,唔开冷气都有原因!所以我地都无出声~净系睇定有d咩野食拣先。跟住6:00,佢地开冷气啦,点知个冷气劲冻! 冻到我同我家姐结冰咁济。仲要间餐厅直到6点几7点钟先有另一d客人黎,所以冻上加冻冻冻冻冻冻冻冻冻,我亦到愈坐愈心寒,因为间野我拣架嘛,仲要无客人黎! 真系好担心~~~上次我介绍屋企人去佐敦另一间日式放题,果间真系好好食,屋企人仲赞我拣得好,但今次呢间真系令我名誉扫地!我地6:00已经俾单,叫左刺身,每款叫左8件左右啦,点知呢,去到成6点半定唔知6点40分先至有刺身上桌! 据我所见, 个刺身/寿司部师傅,同埋一个好似负责洗碗既金毛仔,系不断系度倾计既,而且仲洗得好求其添。我见唔到个师傅,但见到个洗碗仔成日同左边方向倾计,应该就系个师傅...d侍应都有解释系因为今日得1位师傅,所以会慢d...其实系好慢好慢至真!我食过好多间放题,真系第一次中招中得咁应! 放题既速度真系好重要! 你入到去系预左已经每人要俾百几二百蚊,你愈等再代表你愈蚀啦,所以一度等一度心情超差!!! 母亲节黎架大佬! 倾少阵计切快d啦! 仲要我地叫吞拿鱼...佢「梅」到劲难食..入口林BAT BAT，仲要切到成pat野咁,好似食完再吐返出黎..真系好夸张!!><但系其他刺身都好好食, 三文鱼好肥(我觉得有点太油),乌贝(?)好爽口,我地叫左好多^^,墨鱼都系好爽口,几好味~有一只好特别既,好似叫白玉豚?(唔记得@@)~呢只都好好味~类似三文鱼的口感~之后再叫寿司..叫左帆立贝同鳗鱼....我第1次食白色帆立贝系完全无鲜味架Q__Q真系好想喊~因为我地叫左4件,我食先,之后食到无晒表情,都唔敢话好唔好食!平时我一食完一定会话..嗯!好味~或者嗯!唔错~但今次我完全连个「ok」都讲唔出口..因为真系好干身! 无味! 寿司饭一夹就散! 唔店呀!! 暖架件寿司!!!! >___<弹完之后又再赞返先~成间店有一个好值得赞赏既哥哥仔~佢系玻璃后面既厨房负责整串烧~我由6:00开始就见佢一直默默咁烧,无倾过计,真系好勤力!而且d串烧真系好好食! 因为好多日式放题都系衰在串烧上~~但系呢间串烧真系好味!我食左好多串鸭肾 ^^""" ~~盐烧鸡翼好好味~皮脆肉嫩~~我爸爸好欣赏秋刀鱼~~另外鸡软骨都好食!熟食方面~有个黄金青口唔错!^^~网烧牛扒都唔错~至于牛肉锅...汤底太普通~算系咁,但d牛肉几唔好食。。。。全日最好味既系「清酒煮蚬」！如果有人唔好彩入左去,又食到一肚火,食呢个真系会下晒火^^~~因为真系坚好味~~个汤超好饮!! 一定要点呀^^~~~最后...奉劝大家唔好点汽水..要点柠茶/柠水/奶茶...因为d汽水好稀,明显沟左水,仲要无咩汽~真系正到无人有 ~无汽可乐虽然间野既食物令到我唔会再去,但真系要赞餐厅的侍应生的态度都好好,虽然全部都系好后生的女孩/男孩~~但系女孩子的态度好好~^^ 我妈妈中途食到好生气, 因为花之恋寿司由6:00点到我地就走得都未到~~忍唔住好恶咁讲左几句~~但佢都好好笑容,次次走埋黎都同我妈咪讲野,想佢下火咁~~我觉得佢服务态度好好 =] 抵赞丫~
继续阅读