一期一會日本料理 (已結業)

有日放工係灣仔買電腦嘢, 朋友介紹附近開左新餐廳, 順路試新嘢。這間新開餐廳, 坦白講, 好Surprise。無諗過鄰近駱克道酒吧區嘅灣仔, 竟然有一間純樸簡潔嘅日本餐廳 (其實都似日本居食屋)。餐廳似白色小屋, 但又有個石鋪超巨嘅壽司吧, 感覺SOHO。因為無諗過這區會有間格調咁獨特嘅餐廳, 所以真係好Surprise, 坐底感覺好Relax。我地兩個人order左2個晚餐加多一個招牌卷壽司。個晚餐跟普遍日本餐廳差不多, 前菜主菜麵豉湯有齊, 朋友order嘅咖喱雞扒定食ok, 我自己order嘅雜錦壽司手打烏冬定食都唔錯, 壽司面嘅魚生好新鮮, 有鮮魚質感。烏冬湯可以濃郁D就更好。不過全晚最驚喜是招牌卷"一期一會卷壽司"。香脆餡料卷, 面層一片燒溶左嘅芝士混合醬料(唔知咩成份, 不過好rich, 好正, 好夾), 入口口感香脆軟滑。同朋友一人一件放入口, 跟住大家都講唔到嘢, 因為感覺好滿足, 好溫暖。好難形容, 一定要試。餐廳係灣仔老牌竹昇麵隔離樓上, 好易搵。因為而家新開, 尚未爆場, 不過以佢地嘅出品同價錢, 我估都好快會多人識。希望店主Keep住水準。我會再來。