一方堂居酒屋

营业中

休息中

尖沙咀厚福街一向都多野食，但今日想食日式料理，就搵到呢間位於厚福街樓上日式料理餐廳食飯🤓🍣一方堂奈良卷$128 一上枱就覺得：嘩 好靚🤩 用上新鮮三文魚、吞拿魚、蟹籽配特制既壽司飯再加入芝士。口感十分新鮮，味道十分配合，值得一試👍🏽🍛鰻魚柳川（配日本米飯） $88 大大片鰻魚片經過烤制，口感依然鮮嫩。蛋十分滑，味道濃郁，配飯一流🫣🐖蘆筍豚肉串$32蘆筍爽脆，豚肉油脂含量岩岩好😋🍶清酒大蜆 $78 大蜆鮮甜，酒味唔會話好濃烈，清甜。🥖炸長芋 $38長芋即係日本淮山，好特別😳清脆。🐟松島魚餅 $88魚味濃郁，口感彈牙。餐廳環境舒適，私隱度比較高，適合同朋友傾偈談心☺️而且食物種類繁多，有壽司、刺身、串燒、炸物等等⋯岩哂三心二意既朋友仔😉

最近見好多人出國去日本旅行未有機會飛嘅我唯有係香港食住等呢日去左間日式居酒屋食晚飯餐廳職員好親民有禮 而且依到佈置都好日系環境好舒服打開餐牌見到佢都有刺身壽司燒物炸物等款式都有齊如果真係揀唔到食咩可以參考下黑板上廚師推介依款沙律上面嘅白飯魚非常香入面魚生有蝦 魚 蟹子而且份量都唔少 另外廚師推介左依款鮟鱇魚肝俾我地望落似芝士魚餅又似玉子食落口感似鵝肝咁 魚肉味好重但配埋佢嘅汁唔會腥幾好食出面好少有依款菜式另外居酒屋串燒必食牛舌係厚身嘅 好香黑椒味唔會難咬白鱔都好厚肉唔會燒到剛剛好京蔥雞肉都好味 食材用料好新鮮鰻魚卷嘅飯加左鰻魚汁已經最特別佢加左菜好有心思點左杯藍色打卡嘅梳打味道均勻 唔會太酸太甜又靚

今晚同朋友叫左1)芝士豆腐沙律開胃沙律前菜，沙律菜新鮮，再加上蟹籽就更好味。2)漬物兩款蒜頭漬，蒜味濃帶一點辣。淮山漬，咬落爽口帶點咸味。3)一方堂奈良卷最特色佢造型似燒賣，綠色嘅係麵粉皮，包住卷物再放上魚生。4) 北海道豚肉炒麵炒麵口感唔太油膩，配以椰菜、紅蘿蔔、洋蔥一齊炒食落爽甜，再放上超細乾紅辣椒絲點綴，好食。5) 牛肉稻庭烏冬牛肉配清湯，簡單又好味，還放滿火箭菜。6) 菠蘿雪葩QQ嘅菠蘿仔，雪到凍凍嘅雪葩，每一啖都好涼快。7) 椰子雪葩真係椰子🥥殼，好有原汁原味嘅感覺。

📍尖沙咀 《一方堂居酒屋》H8附近出名多野食今次同朋友決定搵下d新野去咗一間日式居酒屋餐廳燈光比較暗 可能想營造一個比較舒服嘅氣氛 周圍有啲日式清酒樽 同埋poster裝飾感覺都舒服 坐底同友人傾下計 把酒談心我哋2個人叫咗7樣嘢：三文魚芝士卷 好精緻又吸晴三文魚籽壽司🍣 大大粒魚籽 正吞拿魚蓉壽司串燒🍢牛舌好厚切 雞翼好入味吉列炸蠔👍🏻熱辣辣 又好脆👍🏻👍🏻炸雞👍🏻🐔 唔錯柳川燒🔥滑蛋鰻魚飯🐟 滑蛋撈飯一流

居酒屋午市定食🍣1. 一方堂壽司定食配熱烏冬 $138壽司有8舊 有油甘魚 吞拿魚 八爪魚 魷魚等 全部嘅食材都好新鮮 好有鮮味 又幾大舊 個卷物仲有芝士係入面 咸咸香香 仲有沙律 麵豉湯 同烏冬 係幾滿足嘅定食+芝士年糕 $15外脆內軟 芝士流心一咬就湧出黎2. 刺身定食配飯 $168刺身好新鮮鮮甜 有蝦 海膽 魷魚 帶子 魚等 全部都好肥美 呢個價錢有咁多款刺身都算抵 同樣有湯有飯有沙律+枝豆 $15惹味 係咁japjapjap…………………….🌝午市定食選擇都多 嘢食都唔錯 唔算好多人 坐得舒服🌚樓上鋪 唔太顯眼…………………….

係Openrice一搵尖沙咀居酒屋就出咗呢一間一方堂，見好評咁多就即刻book咗位食室內裝修都有幾日本風格餐牌鱈魚干先上個小食，脆卜卜 開胃送酒壽喜燒鍋一黎放咗個棉花糖，幾特別 第一次見本來驚會好奇怪，但溶哂落去味道又幾夾 甜度適中！牛肉，豆腐，金菇，菜 份量都不錯！南蠻炸雞炸雞要讚一下，外脆內軟之外仲有肉汁！驚喜！雞軟骨西京牛舌甜既牛舌，西京燒汁加彈牙既牛舌炸艺士年糕咬落去仲有流心芝士，年糕煙煙銀銀串燒白鱔肉質彈牙，魚肉幾香嫩總結，CP值高 適合朋友情侶既好地方

放工同男朋友想chill chill 解解星期四嘅鬱悶，無意中經過厚福街見到呢間居酒屋，有爐端燒又有刺身就入去試試 哈哈。18:30黎講都幾多人食~一去到叫咗兩杯啤酒先(送酒嘅蝦乾超好食🤤)，跟住叫咗個壽司拼盤，雞皮餃子，燒牛舌同埋一啲串燒~ 個人最喜歡係牛肉蘆筍串🤣🤍🤍🤍，完全唔乾超多汁👍🏻👍🏻👍🏻下次會約埋一班朋友去傾偈飲杯~~📍一方堂居酒屋地址：尖沙咀厚福街12-12A號藍馬商業大廈9樓

最近都幾鍾意去尖沙咀搵野食~~~不過主要係想食串燒同熟食~有機會再食下佢地啲剌身先!!!· 北海道豚肉炒麵 $88本身諗住食下串燒，都係叫個主食~鐵板上熱辣辣!!!有啲雜菜同豚肉份量好夠2個人食，炒麵好夠味，又唔會太鹹，不過預咗鐵板會油啲~· 忌廉芝士鰻魚卷 $82呢個有6舊，份量好多!!!卷嘅size唔係好大件嗰啲，上面有塊薄薄地嘅鰻魚，至於飯卷嘅飯係鰻魚汁飯，所以唔洗額外點豉油都夠味而裏面包住咗舊芝士同菠菜，芝士都幾大粒幾濃味，夾埋菠菜又唔會覺得好漏· 柚子牛舌 $38呢個係送酒菜但其實我哋就無叫酒飲，不過佢係幾特別嘅~用涼拌方式做，裏面除咗有牛舌仲有啲木耳絲金菇同海藻類，口感都幾豐富。佢將啲牛舌切到一條條，咬落就無咗平時食牛舌爽口嘅感覺，偏淋嘅似牛肚絲不過夾埋柚子味都幾特別!!!串燒time~~~~· 露筍豚肉串 $32唔係粗嘅露筍~係夾住幾條幼嘅~爽口再配豚肉，唔會覺得油膩燒得啱啱好，又唔會太燶· 京蔥雞肉 $30雞肉配京蔥幾好食，不過不失· 三文魚腩 $32魚腩肥而不膩，不過覺得有少少鹹，可以唔洗點調味都得~食返魚既鮮味· 原隻虎蝦 $78/1Size ok 唔

今次就去左尖沙咀嘅居酒屋，呢到好多野食選擇，刺身壽司串燒熱食乜都有。<鵝肝多士，$88>呢個鵝肝多士唔錯，多士脆卜卜，鵝肝入口即融！<西京味噌牛舌，$78>朋友點嘅牛舌，唔太喜好味噌嘅我覺得有啲咸，同埋如果牛舌切厚多少少仲有口感！但整體都不錯。<金馬倫芝士卷，$68>原本唔知呢個咩嚟，我哋就決定點嚟試下。原來係芝士多士，唔算好膩，但係芝士發燒友表示我想再多啲芝士。<黑糖壽喜燒鍋，安格斯牛小排，$238>估唔到有壽喜燒食，仲整左棉花糖，好靚。略嫌甜左少少。<廣島燒餅，$88>呢個廣島燒餅無炒麵底，好似章魚燒咁，有好多菜同八爪魚粒。整體而言，我覺得如果大家想食日本野都可以揀呢間，有好多選擇。食物質素都唔錯！仲有Suntory生啤買一送一吖！

黑松露蕃茄沙律，沙律菜，蕃茄新鮮！蕃茄凍的感覺，配上沙律醋，好開胃，黑松露會蕃茄，更加突出左黑松露嘅味道 。金馬倫芝士卷！有驚喜，想不到他的外皮，原來是麵包造成的，非常鬆脆，而且一點也不油膩，麵包內捲着滿滿的芝士！一方堂奈良卷，配上新鮮三文魚，吞拿魚，蟹籽,感覺好fresh，仲有濃厚芝士，味道特別，值得一試豚肉炒麵。牛舌，厚切😋好味，燒得吾會太老，中間仲好嫩口，juicy ！豬腩肉更好味，瘦肉和脂肪交替，脂肪肥而不膩！！必吃！

最近經常在尖沙咀出沒, 厚福街果頭真係好多嘢食呀。今日就試下係樓上搵食。 🦀甲羅燒蟹道樂有蟹膏、蟹肉、鵪鶉蛋、兩片多士和兩舊似燒賣咁既飯團。廚師將蟹膏、蟹肉和鵪鶉蛋燒完變成一堆蟹醬，把蟹醬塗在多士上一齊食，蟹味相當濃郁，而多士脆口，兩者相當匹配。飯團亦有好濃既蟹味，點賣醬仲正。 🍣忌廉芝士饅魚卷賣相相當吸睛，份量有六塊，芝士味好濃，連飯都係用饅魚汁整的，有心思。 🍢牛肉蘆筍卷蘆筍好嫩，細細條，無渣，牛肉卷偏瘦，食落一點也不油膩。 必點! 👅柚子牛舌有木耳絲、菇、芽菜、白芝麻、牛舌絲和麻油撈賣; 整體麻油味好濃好香，牛舌絲好嫩，只是柚子味不太突出，但整體都不錯。 🐡雞泡魚乾去開居酒屋必叫雞泡魚乾，呢間既雞泡魚乾食既時候仲有微溫，口感亦較為軟身，有點驚喜，而且有回甘，魚味較為突出。 🐟鱈魚乾食落卜卜脆，仲脆過薯片咁，一片接一片，停唔到口。 🥗秋葵有3條，淋身，唔會刺口 🍺<海量>水蜜桃乳酸梳打超大杯，飲落酸酸甜甜，開胃。當左佢係啤酒咁飲🤣🤣

我最近在一家居酒屋中品嚐了壽司、鵝肝多士、豚肉炒麵和鰻魚飯，整體而言，我的用餐體驗非常愉悅。首先讓我談談壽司。這家居酒屋的壽司非常新鮮，每一口都能感受到魚肉的鮮美。特別是他們的鮪魚，肉質鮮嫩，口感滑順，配上醋飯和海苔，味道非常搭配。此外，他們的鮭魚也非常美味，帶有微妙的甜味，吃起來讓人垂涎欲滴。接下來是鵝肝多士。這道菜品讓我大吃一驚，因為它的口感非常豐富，濃郁的鵝肝醬和鬆軟的多士完美融合在一起，讓味蕾感到愉悅。此外，加入果醬的做法讓這道菜品更加層次豐富，令人難以忘懷。豚肉炒麵是我用餐中最喜歡的菜品之一。豬肉切成片狀，煎至金黃色，再加上新鮮的蔬菜和醬汁，整道菜品的口感豐富多樣，令人一口接一口地吃下去。麵條也煮得剛剛好，有著嚼勁和彈性，和豬肉和蔬菜的搭配非常完美。最後是鰻魚飯。這道菜品讓我感到非常滿足，鰻魚片經過烤制後，口感鮮嫩，搭配上白飯和醇香的鰻魚醬油，味道層次豐富，讓人回味無窮。總的來說，在這家居酒屋中品嚐的壽司、鵝肝多士、豚肉炒麵和鰻魚飯都非常美味，每一道菜品都讓我感到滿足。服務也非常周到，讓我對這家居酒屋留下了非常好的印象。我強烈推薦這家居酒屋，如果你想要品嚐美味的日本料理，這裡

尖沙咀厚福街藍馬商業大廈差唔多成幢都係食肆約咗個friend試吓【一方堂居酒屋】我哋比較早食餐廳唔多人唔會嘈到傾唔到偈..超多選擇卷物、寿司、刺身、天婦羅、酒肴、串燒等等蟹肉蟹膏軍艦 ($52) 蟹味極濃魚子壽司 ($58) 唔腥，魚味足夠和牛壽司 ($88) 牛味幾香，不過比較細件大葱($18) 好清甜京葱雞肉($30) 雞肉韌咗少少牛肉蘆筍卷($48) 蘆筍好新鮮大蝦天婦羅 ($98) 炸粉好薄，一啲都唔油，好食北海道豚肉炒麵 ($88) 即叫即炒熱辣辣，夠鑊氣..

今日去左尖沙咀搵舊同事食Lunch，佢帶咗我去一間樓上日本餐廳食。 餐廳以木系設計，日式居酒屋🏮非常有日本情懷。lunch我哋叫咗個午餐定食。午餐定食非常多元化，有A至H餐。我地叫咗其中兩個。跟餐仲附送熱飲☕️G餐 - 網燒安格斯牛扒定食 配 飯 $168有沙律同麵豉湯跟埋個定食。安格斯牛扒非常新鮮，脂肪比例均勻，好有牛肉味。再加埋網燒牛肉味非常香濃。A餐 - 刺身定食配飯 $168刺身定食有甜蝦、吞拿魚、海膽、帶子，估唔到刺身定食有咁多款刺身，非常抵食。刺身非常新鮮，望落去晶凝通透。日後有午餐，會再去試吓其他餐。

尖沙咀午市條街真係好多人到😂不過而家多咗好多上樓餐廳都仲可以休閒食個午餐😊（不過12:30嚟到之後唔夠10分鐘已經坐滿人，見到好多都同服務員有傾有笑，好多熟客）Meun有唔同價錢可以選擇 （仲有優惠午市限定）刺身定食配飯刺身有三文魚腩，魷魚，帆立貝，甜蝦，吞拿魚同海膽😊每款有兩件～～ 都幾厚切 刺身新鮮鮮甜 呢個價錢有呢個質素係有驚喜👍🏻網燒安格斯牛扒定食薄燒牛扒燒得比較乾身，但係咬落去仍然嫩口😊一啲都唔油膩😊改咗叫熱烏冬 係我鍾意食嘅幼身烏冬👍🏻兩個套餐都有跟麵豉湯，刺身定食仲多一個沙律追加兩個小食芝士年糕同柚子牛舌本身以為柚子牛舌係一大片燒好咗嗰啲，原來係切碎仲加入咗金菇、冬菇絲，撈埋芝麻麻油 呢個小食，好好送飯😇水蜜桃乳酸梳打好大杯😂酸酸甜甜好開胃酒類飲品仲有買一送一，想飲番杯又多個好地方😊