一幻拉麵

营业中

休息中

昨晚第一次到荃灣一幻拉麵，叫咗招牌一幻蝦湯拉麵。第一口試湯，味道很淡，蝦味也很淡，溝了很多水似的。跟我在日本札幌機場一幻食到有濃郁的蝦湯拉麵是兩回事。香港有很多比這間拉更好食。對荃灣一幻失望，不會再去。

北海道過江龍 #一幻拉麵 一直都好想試～屯門每次經過都排長龍。。。竟然今日比我見到 #荃新天地 分店無人龍呀！！ 仲要食滿 $100 送 $100現金券！即刻衝左入去同班仔食返碗拉麵先～ 原來一幻只限荃灣新店先有嘅 #獨家 及 #期間限定「黑蒜叉燒蝦湯拉麵」($78)‼️除了一貫香濃的甜蝦湯底，更加入已爆香薑蓉和蒜蓉，最後加入 #日本黑蒜油，那黑蒜味道是成碗嘅精髓！ 堅吸引！👶👦🧒 彥彥哥哥同細佬堅鍾意 #黑蒜叉燒蝦湯拉麵，濃郁蝦湯配不肥不瘦的叉燒，小朋友仲飲哂成碗湯添～最重要係飲完唔口渴！激讚這個 #真材實料無添加湯底！小朋友飲都無問題～ 👍👩第一次食嘅卡卡，真心推薦給未食過 #一幻 嘅你~麵質彈牙有口感～是卡卡暫時食過拉麵中最喜愛的一間！每啖麵都能掛滿湯汁~配合埋香脆麵酥及香蔥，吃完真的很滿足～叫埋酸酸甜甜涼拌木耳小食，夠哂醒胃呀～ 👨卡佬 最愛 #季節限定 #蝦汁胡麻冷麵 ，配埋 #香辣甜蝦棷菜沙律 ~食完都唔會覺得膩呀！絕對係清新夏天之選呀！夠哂Fresh呀~ 怕唔夠飽，叫埋超濃蝦味嘅 #蝦味飯糰，真係有蝦🦐架~好好食~👦哥哥話要一個月食一次喎~哈哈~聽話就帶你去啦～🤭

成日去荃灣經過一幻拉麵都見到排晒長龍，每次都好想試吓究竟係咪真係咁好食，難得今日見條隊唔算好長，就即刻沖去排隊！入座後先知原來而家荃灣分店做緊推廣活動，消費任何金額都會免費送NAMCO遊戲一局；或者可以選佢嘅指定套餐，咁就會送NAMCO遊戲咭一張(5局）！見網上評語同朋友都極力推介佢嘅蝦🦐湯底，所以就分別叫左蝦🦐同豚骨🐽味，試下有咩分別😎🍡味荀 & 青瓜木耳 HK$15(各）味荀口感好特別，外皮軟滑但咬落爽脆，咸味都適中！青瓜木耳因為經醋調味過，酸酸地好開胃！🍡餃子 HK$35一開始都怕會熱氣，點知咬落好軟綿仲要有肉汁，食到有日式煎餃的香氣！🍡辛辣味增蝦湯拉麵 HK$88食拉麵真係最重要係湯底，一黎到即刻飲咗啖湯，好濃厚嘅蝦同味噌味，兩者兼得同埋個味一樣咁突出，真係好少有！同埋我真係唔可以睇小佢嘅辛辣味，真係都有啲辣！而麵條方面軟硬度都適中，我男友最後飲到連湯麵無得剩😌🍡濃厚豚骨拉麵 HK$128今次勁貪心咁加左糖心蛋同叉燒！叉燒足足有5塊咁多，仲要好大塊🤣🤣可能係因為揀左濃厚味噌，湯底真係相對上有厚度，飲落去都比一般湯底較為杰身，所以相比之下個湯既蝦味無咁突出！糖心蛋亦煮得好軟身，

😋[]之前喺尖沙咀食過，一直都念念不忘佢地個蝦湯底😋今晚終於可以喺荃灣回味下呢份由札幌遠道而來的味道🦐🦐🦐原來9月份荃灣店有一幻xNAMCO活動，惠顧指定套餐/金額會有NAMCO遊戲卡送，有機會贏到蝦湯拉麵變身抱枕🦐食完麵我地當然即刻拎埋張卡去玩啦😝😝一入到去見到人地夾到好羨慕🥺🥺雖然我地唔成功夾到抱枕，不過過程已經玩得好開心🥰有得食好野，又有得玩🥳🥳🎈招牌蝦湯拉麵 $88 +叉燒 $30招牌蝦湯麵當然係必點，最鍾意湯既組合、濃度同粗幼麵都有得揀，岩晒所有人口味👍🏻就算我揀左幼麵都好掛湯，湯底好濃好有蝦味🦐另外紅薑天婦羅又係賣相亮點📸每碗拉麵都有半隻溏心蛋同埋叉燒，但係為食的我當然仲會另加叉燒先滿足😝🎈黑蒜叉燒蝦湯拉麵 $78 + 溏心蛋$10 + 叉燒 $30黑蒜味係荃灣店限定，當然要試下啦😋多左層黑蒜味味道更加豐富左，叉燒仲有炙燒過，食落會更香😋絕對值得一試👍🏻👍🏻🎈雞髀菇 $22🎈餃子 $35🎈北海道限定梳打 $38🎈白桃味梳打 $28

之前想食一幻好耐，但幾次都咁岩要排長隊，所以放棄左😂今日我地夜晚六點幾到，好彩唔洗排隊直接入得👏🏻咁岩9月份做緊食玩祭🎉消費幾多錢都可以送Namco遊戲咭比你玩，我地食完野行去試玩下夾一幻抱枕🤭不過我地唔夠lucky夾唔到～見到有人夾到好羨慕😖🍜食物🍜二人套餐$238（拉麵2碗，小食二款，飲品二款）1️⃣招牌蝦湯拉麵：湯底揀了原味，另外口味揀了鹽；湯底飲到鮮蝦味，唔會太咸味岩岩好，飲完唔口渴👍🏻揀了幼麵偏軟身，但都可以做掛湯，加了紅薑天婦羅會有畫龍點睛效果。2️⃣黑蒜叉燒蝦湯拉麵：荃灣限定版，粗麵比較有咬口，湯底黑蒜味都幾出眾，叉燒薄薄地又燒得幾香。3️⃣餃子：外皮煎得唔錯，而且餡料都是滿滿的。4️⃣木耳：食拉麵點可以少咗木耳，最鍾意個口感。另外加了$38 甜辣小蝦沙律🥗小蝦甜甜辣辣幾開胃，咬落去係脆卜卜。💥環境💥有吧台，梳化位都有，地方幾乾淨唔迫夾嘅感覺，裝修好似真係去咗日本食拉麵咁，而見到門口仲有拉麵賣。💥服務💥一入門口已經店員好主動咁招呼，其他店員都係有禮貌，上食物速度時間都算快。

都唔知點解會咁多人覺得一幻好食其實佢麵質係好既 不過湯底就真係失望想像一下你叫碗拉麵 湯底係唔咸既 掛上個粗麵到只會食到麵既味道如果你食既係飽肚 又唔介意比錢（$78-90）咁食下都可以既其實真係唔好食真係要食呢 食個蝦杯麵d蝦味重濃郁過佢我撈麵 同湯麵都試曬認真 真係冇下次 因為真係冇味我會更推介位於長沙灣個間舖專食蝦沾麵 因為實在太難食 我一定會寫足200字 提醒大家 千祈唔好去食太大期望 遠大失望真係未食過比依間更難食既湯底一篇兩篇劣評我諗都阻唔到大家去試如果真係要試 就一定唔好揀黑蒜油 因為出前一丁個麵同湯重好食過佢

荃灣新開嘅一幻拉麵，主打係蝦味湯底，第一次黎食，感覺就真係……😥😥.叫左2碗唔同湯底嘅拉麵，一碗係黑蒜油豬骨湯底，一碗係蝦湯底，好奇怪，2碗都係一樣有蝦味😅講返湯底先黑蒜油湯底：有少少蒜油味，蝦味就相覺重啲。湯底好濃好結，啲蝦味都算重，但就無鹹味勁淡又無蝦嘅鮮甜味，同時覺得油份比較多，食落都幾難頂🤮.蝦湯底：純蝦味嘅湯底，同樣好濃、好厚、好結、好重蝦頭味、好油膩嘅感覺、無鹹味、無鮮甜味。不過因為約蝦湯底嘅關係，呢碗嘅味道比較正常，但整體都係唔好味😓

話說，荃新天地開左呢間一幻拉麵🍜每次經過都有人大排長龍。今日6點半，時間尚早，就同老公入去試試。服務態度非常好！員工超有禮貌。我哋叫左個二人套餐。套餐包左兩碗拉麵，一碗係黑蒜叉燒拉麵👆🏻，另一碗係辛味蝦拉麵👇🏻拉麵有得自己選擇粗幼，黑蒜味就正常發揮。但蝦湯底真心好正，好濃郁。🦐🦐🦐🦐🦐😋小食有三款，揀左煎餃子🥟，溏心蛋同木耳。之後老公仲追加左蝦味飯團🍙 ((´･_･`)唔記得咗影相) 但唔特別，所以唔洗叫😂

荃灣新開咗一幻，經過就入咗去食，因為真係好想食日本嘅拉麵呀。…喺門口等嘅時候已經聞到好大陣蝦醬，櫻花蝦嘅味。結果喺門口排咗大概五分鐘左右已經入得 ，但係最後嗌完食嘢食等就等咗十分鐘先有。…黑蒜叉燒拉麵 $78我嗌咗荃灣店限定嘅黑蒜叉燒拉麵，舊叉燒就得一片，黑蒜味都幾重，麵嘅份量多過餸好多。…招牌原味拉麵 $88男朋友就嗌咗招牌原味拉麵，揀左鹽味，夠咸，份量大啲，叉燒多幾塊。…蝦味飯團 $20最後嗌多左個蝦味飯團， 蝦味就有啦，但係啲涵就得兩三粒蝦乾。…overall嚟講係好食嘅，所以幾推介。…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍🤍價錢：🤍🤍🤍…🐝🐝

📍 一幻拉麵 一幻拉麵近日係荃灣開左間分店😚 小編本身都幾仲意食拉麵 就同朋友一同去新分店打個靚卡😝-黑蒜叉燒蝦湯拉麵 $78呢款口味係荃灣分店限定嘅口味 所有麵麵條都可選粗或幻 仲可以揀半份或者全份拉麵🍜如果本身係細食嘅 可以揀半份嘅份量就啱啱好😝呢個湯食落去味道好濃郁 碗麵有半隻糖心蛋同埋一大塊叉燒 麵條食落去彈牙 口感唔錯👍🏻蒜味同埋蝦湯味融入得幾好 湯底偏重口味🤧蝦汁胡麻冷麵 $88食左一碗熱辣辣嘅拉麵 都想試吓佢哋嘅冷麵🤪佢哋嘅冷麵配料都好豐富！仲有三大隻蝦🥰蝦食落去彈牙 口感好好👍🏻 再加上其他配料 食落去口感都唔錯 今次嘅麵我哋就揀咗幼麵😚 望落去同粗麵嘅size分別唔算太大🤭 麻醬嘅份量都多 所以食落去都濕潤🥰叉燒飯 $45係中等份量嘅叉燒飯 嗰飯都有唔少叉燒🤭仲有一啲蔥同埋汁～ 飯食落去軟熟叉燒有肥有瘦 又唔會過咸 啱啱好😝蝦味飯團 $20飯食落去嘅口感就比較黏牙 紫菜咬落去脆間唔中會食到蝦肉～ 如果啖啖都有就更正🥰餃子 $35平時小編都幾仲意食煎餃 所以一見到餐牌有就立刻叫左🤣 一共有5隻餃子🥟食落去外皮少脆內裡肉汁都多❤️ 好味😋青瓜木耳 $15食落去味道都唔錯 鹹

讚1.撈麵既麵質幾好噃，爽口滑溜彈1.蝦味比起開張時淡左好多好多，連啲紅色既蝦脆都淡口左好多，整到成碗嘢都無乜蝦味，溏心蛋係凍得透左心，而且邊沿位係熟左，水準係呢區計係唔得噃

蝦湯超濃，是好是壞，因人而異，以我口味，蝦湯係濃郁但也覺得太鹹，蓋過了蝦味，很可惜，冇辦法飲到多過兩啖湯。油，超油，超多油，可能係制作這款湯麵的原固，碗內很多油，我嘗試盡量享受這碗湯，但是......真係冇辦法再飲下去，我食過咁多間拉麵店的出品，很少會沒有飲曬碗湯，睇不到碗底的多謝字句😐流心蛋，蛋黃已經半熟透，流心效果不理想，蛋白的外圍比較白淨，應該係浸醬油的時間太短，所以無嘜味。叉燒超簿，無特別賣點，所以 no comment。

之前行過荃新天地一期, 見到一幻裝修中, 滿心期待! 直到七月初終於開始營業啦, 頭4 日有買1 送1, 但係真係好多人排, 而且夾唔岩時間, 所以冇試到呢個咁正嘅優惠。有日放工, 諗唔到食咩, 行過荃新天地, 我同老公不約而同咁話: 不如試下一幻啦! 當日未夠7 點, 可以直入。食店當時只有做緊2 人餐, 不過我哋覺得有D 貴, 所以選擇單點·每人都係用點餐紙嚟點餐。既然有荃灣店限定, 就試呢個啦! 仲加餃子。餃子味道一般, 唔算特別好食! 黑蒜叉燒蝦湯拉麵唔係好食到黑蒜味同蝦味, 感覺似兩種咁標誌性嘅味道俾互相蓋咗咁。有D 失望呀! 我同老公都覺得尖沙咀果間好D, 食物好食D, 而且又有海景睇! 下次會去返尖沙咀果間分店食! 

兒子考琴試表現出色行經一幻拉麵店他要求的獎勵便是晚餐要食這拉麵這拉麵店成日經過，都大排長龍我一向好怕排隊，但都答應了兒子即管一試其真實感恩都唔係排左好耐，20分鐘便可以入座了！入到舖內，聞到好香濃的蝦湯味！嘩！已令我覺得應該味道都不錯！我地3個人，和各叫了不同口味黑蒜：感覺令蝦湯味道減淡了原味招牌：好好味的蝦湯呀！ 好正呀！拌麵：一樣都有濃蝦味每碗都有叉燒和流心蛋，都好好味呀！整體我都俾好高分，服務，餐廳整潔都很好！但食完碗麵，我飲左好多水

尖沙咀店的一幻拉麵光顧過，拉麵好吃。今次見荃灣開了分店，也去試試，看看味道如何。我知道集團式經營的麵店，大致上供應的餐款都是統一了的，味道也大同小異。不過荃灣店新開，要搞搞新意思，推出荃灣店限定的黑蒜叉燒蝦湯拉麵，所以我也要了一碗這款拉麵，然後就是每店都有的蝦湯拉麵，再加一份餃子。和其他分店一樣，點菜紙簡單易看，湯底、口味、麵條粗幼、加不加配料、小食，飲品，寫得清清楚楚，還有飯類供應，只要在自己喜歡的食品旁打個剔，交給待應就完成落單。先來的是餃子，一份五隻，每隻都煎得焦香好吃，滿滿實實的豚肉，咬一口肉汁到達口腔，啖啖肉入口很充實。再來就是荃灣店限定的黑蒜叉燒蝦湯拉麵，叉燒微微被火炙，肉質肥瘦平均，糖心蛋蛋心綿滑，麵條煙韌彈牙，蝦湯味道濃郁，木耳絲和麵酥都增加了不同口感，黑蒜油陣陣濃香，真的吃到雪雪聲，這碗拉麵令你味覺和嗅覺都在享受食的樂趣。接住來是招牌蝦湯拉麵，這碗蝦湯拉麵和之前在其他分店吃的味道一樣，麵身爽，叉燒嫩滑，蛋味香，湯底蝦味濃郁稠密，果然是招牌拉麵，水準統一。拉麵店主打就是吃拉麵，雖然價格不便宜，但吃到一大碗質量良好的拉麵也是值得的。這個月還有消費100元送100元的現金券