之前行過荃新天地一期, 見到一幻裝修中, 滿心期待! 直到七月初終於開始營業啦, 頭4 日有買1 送1, 但係真係好多人排, 而且夾唔岩時間, 所以冇試到呢個咁正嘅優惠。
有日放工, 諗唔到食咩, 行過荃新天地, 我同老公不約而同咁話: 不如試下一幻啦! 當日未夠7 點, 可以直入。
食店當時只有做緊2 人餐, 不過我哋覺得有D 貴, 所以選擇單點·
每人都係用點餐紙嚟點餐。
既然有荃灣店限定, 就試呢個啦! 仲加餃子。
餃子味道一般, 唔算特別好食!
黑蒜叉燒蝦湯拉麵唔係好食到黑蒜味同蝦味, 感覺似兩種咁標誌性嘅味道俾互相蓋咗咁。有D 失望呀!
我同老公都覺得尖沙咀果間好D, 食物好食D, 而且又有海景睇! 下次會去返尖沙咀果間分店食!
