一幻拉麵

营业中

休息中

今日去試左呢間係日本都好出名的拉麵，如果你喜歡吃濃味拉麵(例如：無敵家)，這間也是不錯的選擇，至少係香港叫做似樣嘅拉麵我點了個特濃豬骨湯+醬油嘅拉麵🍜先講湯底：豬骨味濃，有掛口嘅感覺，但略為鹹左少少，頭一兩啖湯OK，但之後越食越鹹（我飲咗四杯水）麵：麵質有粗麵、幼麵選擇，我自己選擇咗粗麵，彈牙有咬口，不錯义燒：可以加$30要多啲义燒义燒入口溶化，肥瘦適中，好味，雖然有點薄糖心蛋：我都加左隻(好似$10)有流心效果，好入味服務態度：有善，好好禮貌，值得一讚

經過海港城、晚餐突然間想食日本拉面､於是便選擇了以蝦湯為主打的拉面。蝦湯拉面/特濃蝦湯拉面$88我們今次選擇了這兩個蝦湯拉面､而且可以選擇湯底口味及麵條粗幼.以蝦湯為主打的湯底十分濃郁蝦味､也有豚骨香味，但特濃蝦湯拉面係食到最後覺得有點點喊。如果坐近窗口會看到維港美景一邊食拉面一邊欣賞維港景色感覺超級寫意同享受。有時間的話也想試試在日間到一幻拉面店一邊食拉面一邊G欣賞維港日间的風景，應別有一番風味。

做食肆及餐廳一點不易，一定要有必殺技，特別是拉麵戰埸！我本身不特愛日式拉麵，亦怕薄如紙，又味淡鞋口的所謂叉燒，故能讓我留下深刻印象的，沒有五隻手指 (屋台村的豉油拉麵，鳥華白雞湯，函館黄金鹽味及倉敷蔬菜湯底)，一幻是其中一間，因其湯底的濃郁蝦味，有點接近龍蝦湯，亦比本地以賣蝦麵的老字號的湯頭更出色，加上兩片大叉燒，半只温泉蛋及配料，是Harbour City當中較抵吃的食店。點了一個二人餐，配餃子，飲品，重點是可拿走兩盒拉麵。餃子先上，屬不過不失，皮有軟熟口感，但餡兒偏少，散叫的話，不一定要點。家人各點不同的拉麵款式，試了鹽味、豉油及乾撈，鹽味屬最出色，因蝦味最被彰顯，豉油湯底吃到中段，則會覺得有點過濃，要靠其烏龍茶冲洗一下口腔，乾撈看上去是配料十足，叉燒角切，也多了紫菜，不過就不能享受到一幻蝦湯精妙之處了，故可以不叫。麵條有煙靱感，也有麥香，叉燒是入味及有肉香的，加上大量的葱粒及紅薑脆脆，吃罷能給人滿足的感覺！值得推薦給愛吃較重口味的食客！從今以後去北海道，可把胃留給海膽飯、蟹宴及奶製品了。

蝦湯拉麵/特濃蝦湯拉麵 $88拉麵可選湯底濃度、口味(味增、鹽味、醬油)及麵條粗幼 蝦湯十分惹味香濃鮮味 充滿豚骨和鮮蝦的香味但如果全部喝下去還是有點膩的感覺 麵質不會太軟 配菜有叉燒兩片及半隻糖心蛋-餃子 $35熱辣辣的餃子雖然味道不算很驚喜但餃子皮很薄、勝在新鮮製作-維港美景配上美食真的是一流的享受👍🏻 真心值回票價😆 環境也有別於普通拉麵店會急著要走、環境寧靜、適合情侶和朋友聚餐😁大家到海港城時不妨一試吧！

一幻本店創業於2009年，是一幻的原點。據說一幻每天都會使用60kg的甜蝦來熬湯。以超濃的甜蝦湯底最吸引大家，市場少見！店舖面積大，樓底高，木​​紋基調非常明亮乾淨，有家庭的溫馨感覺。店舖以開放式廚房，可以欣賞到廚師烹調拉麵的過程。其中一面窗可以望著海景吃拉麵，雙重享受。一幻有三種湯底，包括原味(純蝦湯)、適量豚骨豚骨蝦湯及濃厚豚骨蝦湯。而口味亦有三種選擇，包括鹽味、醬油及味噌。麵質都有兩款可選：粗麵、幼麵。店舖內提供的水是凍水來的（似日本般這樣）。但最後就我選擇了冬日限定的辛辣味噌蝦湯拉麵 - $88湯底味噌辛辣味重，真的有點辛辣，叉燒肉味濃， 有口感，而溏心蛋不夠流心，麵條選了粗麵，不易腍，有咬口。

同朋友於閒日七點半左右到達餐廳，門口有小人龍，不過好快有位！餐廳深入有好多枱同吧枱位，有部分仲可以睇海景。一睇menu發現主食小食選擇都唔多，希望貴精不貴多啦！‘唔該一碗湯拉麵一碗濃湯撈麵餃子一份’餃子最先上枱，外貌已經小輸蝕，可能廚師心急，睇都睇到唔夠香脆。mmmmm...表裡都一樣好一般，有點失望濃蝦湯非常一讚非常欣賞: 一啖湯一啖麵，濃郁惹味麵條彈牙但略為硬身，溏心蛋不太溏心，但叉燒片就挽回一分濃蝦撈麵一顯功架，麵條跟濃蝦汁份量剛好，不會太乾身亦不會太多汁麵條依舊偏硬身，喜歡冧身嘅朋友可能可以提醒一下師傅值得一讚係麵既份量，非常充足，男士食都足夠！濃蝦嘅味道係足以挽回所有既不足！價錢合理，環境舒適，一定會有下一次！！

一直覺得香港的拉麵水準和味道不及日本，但價錢卻比日本的貴很多，所以很少光顧香港的拉麵。今天特意為了可以望著海景吃拉麵而來的。店舖面積大，樓底高，裝潢簡約光亮。一行窗邊位可以坐擁海景，能夠望著海景吃拉麵實在賞心悅目。可是太遲了，來到的時候已有數位客人在排隊等候開門，結果窗邊位已滿，只能坐卡位，十分失望。開放式廚師吧枱，可以近距離欣賞廚師烹調拉麵的過程。濃厚豬骨拉麵 ($88)叉燒肥瘦適中拉麵彈牙湯底濃厚卻偏咸還推出了自家品牌的盒裝拉麵，同樣有味噌、醬油及鹽味三款選擇，喜歡的話可以買回家試試自煮。

📍今次就試左黎自北海道既一幻拉麵🇯🇵，位於尖沙咀海運大廈既分店，仲有另一間分店係灣仔既。環境行簡約木質既路線，而且坐窗邊仲可以欣賞埋維港夜景添🌃。當天大約晚上7點半到達，如果唔坐窗邊可以直入唔使等位。一幻主打蝦湯，而家仲有香港限定蝦汁拌麵，我地每款叫左一個黎試下🙂❌特濃蝦汁叉燒拌麵 🦐🦐🦐每碗入面已經包左切粒叉燒同埋半隻溏心蛋🍳因為我唔食蔥同薑，所以走蔥同麵酥(紅薑天婦羅)。上碟賣相已經唔係好吸引，擺得好雜亂，隻蛋又變哂型😑拌麵無得選擇麵條，default選用左粗麵，麵質偏硬🤢。蝦汁算多而且偏稠，食落個麵唔會覺得乾爭爭，而且蝦味好重，第一口入口感覺唔錯🤥。但食到一半果陣，覺得蝦汁愈來愈鹹，同埋因為佢稠身，個口感覺好漿住😵，狂灌水解渴解漿口。溏心蛋唔算好流質，但未去到唔流，不過隻蛋變型得黎又凍冰冰就扣分lu❄️! 至於叉燒，切粒的確唔錯，同拌麵幾配合，味道都可以。不過就偏肥，做唔到油而不膩既感覺，最差係有一舊成舊都係肥膏，一條肉痴住都無🐷🐷🐷⭕️蝦湯拉麵 🍜可以多D選擇俾你揀👩‍🍳，可以揀湯底，口味，麵條。而今次就揀左原味湯底，鹽味🧂，幼麵。蝦味都足夠，幼麵亦唔會好似粗麵咁硬🥢。由於湯底偏

食過LCX另一間日本過江龍，自自然然會想試埋另一間！裝修方面，一樣保留左日式孤獨面壁位之餘又有卡位，部分座位仲有得望海景添。用木黎做主要設計元素，不乏和風味道。一幻主打蝦湯，一次過點左拌麵同拉麵兩種食法，就睇下邊款好食D！______________________________🔸 特濃蝦汁叉燒拌麵 $88依款為尖沙咀店限定！話明拌麵，姐係無湯。相反利用特濃蝦汁與其他配料撈起。厚切叉燒肉粒、蔥花、紫菜、麵酥鋪滿哂碗面，而溏心蛋就放正中間，賣相不錯。蝦汁份量適中，能令麵條充分地沾上醬汁，不會過鹹。部分叉燒夾住少量脂肪，有咬口。🔸 蝦湯拉麵 $88拉麵比起拌麵自由度會高少少，因為湯底、口味、麵條都可以自己做選擇。因應自己口味作配搭。今次我揀左適量豚骨湯，鹽味，幼麵。湯底除左有濃郁既蝦湯，特別既係Mix左豚骨湯底，夠香，不過食到最尾覺得有少少鹹。最特別係有麵酥 (紅薑天婦羅)，出面較為少有。🔸 餃子 $35/5pc價錢合理，皮夠薄，無太特別地方。．by VIN環境分數: 8.5/10食物分數: 7.5/10

海港城大家都知餐廳嘅價位唔平，平時真係好少去個到食飯，一段時間冇去，估唔到開左間價位中等既拉麵店可能新開加上位置多，平日晚上7:00幾到達都仲有幾多空位。職員安排我地坐bar table, 再望入去，靠窗的bar table 可以望到海景！望住海景食蝦湯拉麵應該好正，可惜滿左😭一幻拉麵主打蝦味拉麵，仲有尖沙咀店限定，另外仲有飯。2個人剛好一人試一款湯麵同拌麵，怕唔飽，加多碟餃子😂同一般拉麵店一樣，水，調味用具係台上方便你自助。拉麵好快上左，拌麵就慢d蝦湯拉麵：揀左推介的豚骨湯底配味噌口味加麵酥(就係紅色一粒粒) 。首先飲啖湯，真係好香蝦味，麵煮得剛好。不過食到一半覺得愈來愈咸，係甘飲水。叉燒普通，未至於好乾身蝦汁拌麵：底下有蝦濃湯汁，湯汁比蝦湯更鮮同咸，拌埋一齊其實幾好味。個人覺得拌麵既叉燒更好食，有入味。餃子：睇個賣相就知...就係普通冷凍餃子求其煎2下。食到一半突然隔離一排人一齊走，應該係旅行團自由時間d人入左呢間食。下次希望可以坐到望海景既位啦~

海港城如果需要有維港的景色的餐廳，可能會覺得價格高昂。不過凡事總有例外，二口子拍拖崇日的我們，永遠日系食物最吸引我們。來自北海道的「一幻」，主打甜蝦製成的蝦湯，有別於傳統的豬骨或醬油湯底。入內大多以木系為主，環境舒適又美觀。場內深信最吸引莫過於有吧枱可遠眺維港的夜景，燈火通明美麗極了。餐牌上的種類不算太多，專注做好某幾款食物。分別有「香港限定」特濃蝦汁叉燒伴麵、蝦湯拉麵、叉燒飯、蝦味飯糰、餃子、溏心蛋等。「香港限定」特濃蝦汁叉燒伴麵又點可能不吃呢？喜愛吃溏心蛋的我，忍不住追加多一口。伴麵的份量其多，叉燒軟腍而有味，配合香蔥、紫菜及有麵酥滿帶口感。有麵酥是我最鍾情，口感脆卜卜原來是紅薑天婦羅與濃郁的蝦湯及煙韌的伴麵，味道上非常恰到好處。蝦湯拉麵與伴麵價格均等，湯麵更顯蝦湯的味道。湯底有原味、適量豚骨或濃厚豚骨之分。囗味則有味噌、鹽味、醬油味道。麵條可選粗身或幼身。拉麵的蝦湯更見濃郁不會太咸，而且滿滿甜蝦掛湯。濃郁的豚骨配上豚肉，吸收蝦湯的精華滋味無比。蝦味飯糰$20，餐牌上有一個推介的符號。因為這個符號決定試一下，飯糰外層有脆身的紫菜，飯糰飯粒經過醃製連同蝦肉、紫菜同吃，配搭得宜。吃拉麵

喺海港城happy hour完已經9點，上網睇睇訂檯折扣，近近地黎食碗拉麵~ 問問可唔可以安排坐窗邊位,幸好剛有位呢度款式唔多,主打係蝦湯拉麵我點了特濃蝦汁叉燒拌麵呢碗係無湯既，不過有D香濃蝦汁，所以唔會覺得乾！叉燒係切粒，唔係薄薄一片，食起上黎有質感得多，份量仲幾多添。拌上青蔥，紫菜絲，麵酥（紅姜天婦羅)，撈埋一齊食層次口感豐富。辛辣味噌蝦湯拉麵味噌夾雜住濃湯味道，辣辣地幾惹味，幼麵麵條掛湯入味叉燒係薄片，相對之下比較中意拌麵既叉燒 

有名的過江龍，位於海港城，對住最美的海景，又點會諗到佢既食物同服務可以令人咁失望🤢鹽味蝦湯拉麵(適量豚骨)(粗麵)$88賣相不錯，顔色鮮豔吸引。鹽味蝦湯香氣濃郁，表面浮了一層油保溫，但入口蝦味頗淡。麵有超強的鹼水味🤢雖是正宗日本拉麵的特色，但實在太重味🙄配料有兩片叉燒加半隻味玉，份量尚算合理。蝦味飯糰$20飯質感和調味都不錯。惟蝦味不足，配料亦只有少量蝦米和紫菜。🙄整體來說，一幻拉麵絕對有空間改善。

👫食完lady m做下午茶，行咗陣街就開始肚餓🙈 見呢間拉麵店都幾多人嚟食，就嚟咗試下啦🍜一一一一一一一一一一一一一一#特濃蝦汁叉燒拌麵 <$88>呢碗係尖沙咀限定嘅拌麵👻賣相好吸引，蝦汁雖然少但足以撈勻成個麵，蝦味好重，濃郁香醇👍🏻麵質軟硬適中，都幾掛湯🍜叉燒份量都幾多，切到一粒粒好易入口，不過口感偏硬又乾身，所以食落一般😕整體味道啱啱好，唔會太鹹😋一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️（5個❗️最高）一一一一一一一一一一一一一一💑提提你：▪️10% Service Charge

囡囡黎尖沙咀打針，行過見到有拉麵食又唔算多人排隊，咁就試吓啦。入到去呢原來佢嘅湯底全部都係用蝦做嘅， 成間餐廳都瀰漫着好香既蝦味。我同老公分別叫咗一碗拌麵同埋一碗湯麵。佢嘅面質彈牙，湯底超香好濃郁，夾埋好多蔥花，飲落真係好香口。老公碗拌麵睇落都超特色， 佢因為肚餓所以加咗底， 佢都話碗麵好好食。我認為碗拉麵唔需要加蒜蓉都好好食， 因為佢本身個湯底就也好濃既蝦味。下次經過都想再嚟食多次，再試埋佢嘅餃子。餐廳其實同一般拉麵店嘅裝修差唔多，地方好闊落，感覺好乾淨。