一幻拉麵

营业中

休息中

海港城有好多餐廳⋯之前食左一燈⋯今次就試下一幻⋯佢出名個個蝦湯沾麵⋯咁就叫左呢個⋯同一般拉麵鋪一樣可以揀湯的濃度⋯要唔要蔥呀⋯我覺得最特別個樣野就係佢有個紅薑天婦羅脆脆⋯我本人認為一定要加！有左呢個脆脆成碗麵係會加分⋯雖然本身碗麵都唔錯⋯我就比較鍾意幼麵⋯如果食撈麵就食粗麵⋯另外仲叫左個煎餃子⋯味道就普通啲⋯好似食緊王將咁⋯不過本身叫餃子都無諗住會有咩surprise. By the way我地絕對會再返黎食

難得早收工，約下家姐來海港城，順手用晒佢啲Coupon 買鞋，yo~!!🤣🤣買完嘢無理由就咁走啫。。家姐又有coupon ，指定食肆滿$100 可以用一張$50 coupon ，最多用10張，都幾抵用！🤣🤣既然係咁，無理由浪費左啲Coupon 啫！😂😂😂😂望下有乜食肆用得先，一幻喎有，家姐話想試，家姐個女又話想試，試下囉，反正我都鍾意食拉麵！🤣🤣🤣🍜🍜🍜🍜一去到門口，有位，唔使等! yeah~~ 不過其實我地都係早嘅，未到7pm 就去到！日式和風既店面，都因應疫情下關閉左一部份店面進行清潔！🧹🧽睇下有乜食先，招牌蝦湯拉麵配個適量豬骨湯底，粗麵（店家推介），配麵酥 ，再加左碟餃子，家姐就要左店家推介既鹽味湯底同粗麵，而重口味既肥豬女就要左濃味豬骨加粗面！ 其實大家個湯底都係有蝦湯底，家姐嗰個就較清，可以成碗飲晒個湯既，豬女既就濃啦，濃到真係漏咁滯，我嗰個就適中既，不過最後都係死唔晒，都係漏！但對於唔係特別鍾意蝦嗰隻味嘅我，我覺得加返啲豬骨味好啲。🤣🤣🤣麵身都幾有咬口，同加左個麵酥我覺得好好食左，一定要加呀，呢個真係好食！👍🏻👍🏻👍🏻仲有就係個蒜蓉，真係磨得好幼細，加埋去個湯底度，好似又有

一幻拉麵終於嚟咗香港，要去試下。疫情底下既香港都有好多人外出食飯，今日星期五，我地一家四口，8點排隊，等到8:45先有位。因為店內卡位、四人枱比較少，主要bar枱或二人枱，因為有老人家又有小朋友，所以都係想坐四人枱。Order拉麵都係自己揀想要嘅用湯底濃度、配料等......我哋三個都係order湯麵，份量都幾多，比較鍾意幼麵嘅質感，佢個湯底真係好香，濃濃蝦湯😋質感比較杰太太叫咗一個辣嘅拉麵，真係幾辣，唔食得辣既唔好叫呢個。另外仲叫左一個叉燒飯，有好多蔥，分量唔算多，叉燒半肥瘦，都好林，好入味。仲叫咗個蝦飯團，有一塊紫菜，好香蝦味，有幾粒小蝦仔到我哋走嘅時候都仲有人排緊隊

海運大廈食店都很短命，今次來了下次就找不著，原來是倒閉了。與熟識經營者談到如何在海運大廈持續經營食肆，說笑道這是一門很高深的學問。略略說一下，平日午市這兒絕不擔心，樓上寫字樓辦公室客人眾多，放飯時間會突然如潮水湧來。即管是高級食肆，亦由秘書訂枱開幾支美酒，多少錢結帳不成問題反正是公數罷了。反而晚上這裡就如死城，特別是低檔餐廳，附近沒居民缺乏街坊生意，奢侈零售店又早關門，更有感蕭瑟詩意，影殘燈無焰影幢幢，暗風吹雨入寒窗。平日晚上特來嚐試一幻名物—蝦湯拉面。制作方法簡單，在家也試了幾次，買秋天當造海蝦，貪其蝦頭滿膏，留頭及殼待用，肉身可用作煮其他菜式。先蒜頭起鑊，放蝦頭及蝦款煎香，再加入高湯慢火煮透入味，隔渣即成蝦湯。說雖然簡單，但很難做得如此出色。這簡直是神作，蝦味濃郁，湯呈暗橙蝦膏色。嚐一啖蝦湯，香氣迴盪口中，感覺同時吃掉十多隻海蝦之膏香。拉面、叉燒、蛋變得次要了。看著維港夜景，嘆一碗高質蝦湯，也不用一百元，真的生意難做。想不透如何烹調，店內也獨沽一味蝦湯，那拆了的蝦身去了那兒呢，估計也是用粉開的吧。

朋友有海港城餐飲現金卷見呢間日本拉麵店用得就走去試上次去日本東京都想試呢間可惜行程太緊湊食唔到🙈可能依加少左人出街周末午餐時間唔洗等有得食😂入面環境舒適乾淨企理窗邊位置仲有維港景😳呢度主打蝦湯拉麵🍜叫左最基本既招牌蝦湯拉麵$88揀左原味湯底 鹽味 幼麵本身有諗過加唔加埋豚骨湯底但呢度主打蝦湯就跟佢餐牌推介既手指公揀好香好濃但偏咸叉燒唔肥 薄 但份量較少個人偏好幼麵幼麵無我平時食開咁幼似粗麵多過幼麵😂溏心蛋略嫌過熟變成熟蛋一粒 無溏心感覺😂驚喜既係佢有得揀落唔落麵酥(紅薑天婦羅)其實薑味唔重怕食薑既都可以一試脆脆地 用黎配拉麵增加口感建議分開上 一齊上好快冧唒😂😂😂整體黎講拉麵中規中矩為左用現金卷仲叫左餃子$35比平時既餃子脹卜卜入面係菜同豬肉味道中規中矩因為拉麵得太少叉燒岩唒用黎配拉麵😂埋單用埋現金卷折實$132每人$66 抵到爛

行街行得夜，見呢間有折扣50%off，又係海港城咪諗住試下，入去可能就關門都唔expect有咩服務，不過態度係差差地既。然後拉麵愈食愈咸，肉得兩片係講緊又迷你又薄果種。最後係餃子，難食到我地各咬一口就放底左。唔係果種腥臭味係本身係咁定點啦，總之就難食啦。不會再泥亦不推介。

海港城現在做緊一個推廣活動，推出左一系列美食優惠券，每消費100蚊就可以有50蚊折扣，咁今次消費完之後就好好彩咁抽到優惠券。見到個餐廳list，有間一幻拉麵，我印象中e間餐廳都係幾多好評下，於是就去試下啦！去到之後都好多客人，等係就好彩重有位，入面有得睇海景，但係都無位啦，於是我地就坐左係出少少近門口位置，餐廳嘅抽風就差少少啦，都幾大味，而我地一行二人就點左以下食品。餃子5隻，基本上你會見到差不多每枱客人都會點，皮薄，而且唔多油，裡面係菜同肉，唔洗點醬油都已經好好味。主角手招牌蝦湯拉麵，一放上枱就已經香噴噴，試左一啖湯之後你會發覺有好濃郁蝦味，溏心蛋絕對交到貨，之後我地重encore ，麵我選擇左粗麵，食落去好彈牙，你會食得出師傅煮麵嘅時間係剛剛好，因為個心重有少少硬，但係浸多一陣就會標準返，叉燒肥瘦剛剛好，成碗麵評分好高，而我朋友就選擇左辣湯，我不左一啖之後都覺得幾惹味，唔會係盲辣，好香。整體黎講都高質，就算無優惠券都係值，會再黎幫襯。

朋友一直都話一幻唔錯，今日終於試下。最近一幻做緊優惠，用app訂位仲有半價。先叫咗個蝦汁伴麵，肉好多，份量超足。但個蝦汁就冇乜蝦味，普通通通。之後叫的蝦湯拉麵就好好多，湯夠濃，麵又好食，口感同軟硬度都剛剛好。不過，都係冇乜蝦味。不過因為半價，埋單真係抵食到爆，個位又對正海景，性價比嚟講係100分

來到一幻，叫了一碗特濃蝦汁叉燒伴麵。特濃蝦汁叉燒伴麵除了以叉燒粒作配料外，亦有糖心蛋，蔥，紫菜和薑。叉燒頗腍，不過不夠香口，如果可以煎一剪會比較好。糖心蛋煮得剛好，不錯。蝦汁的味道其實不太濃，既沒有蝦殻的味道，亦沒有蝦的鮮味。麵頗彈口，惟有少許鹼水味。蝦汁伴麵不是難食，但整體感覺就像是一碗帶有鹹味的汁加上幾種配料的伴麵，未夠特色。性價比偏低，如以接近100 元的價錢來說，絕對可以吃到質素更好，更用心的製作。

尖沙咀店環境十分優美，面向維港，可惜我們是來吃午餐，否則晚上才來就可以一路品嚐拉麵一路欣賞美景。我們叫了兩款拉麵，每碗拉麵都配上兩片叉燒和半隻溏心蛋。叉燒不會太肥，肥瘦適中。辛辣味噌蝦湯拉麵（$88）：這個辛辣味噌蝦湯是香港限定的，當然要試一試。辛辣味較重，因此蝦味有些被蓋下去，如果不太能吃辛辣的可能就要注意。招牌蝦湯拉麵（ $88 ）：湯底可以選擇豚骨的份量（原味/適量/濃厚），還可以選擇口味（味噌/鹽味/醬油）。個人十分喜歡原味加鹽味，一上枱就可以聞到濃濃蝦味。配上胡椒粉，拉麵味道更加出色。

依間拉麵喺海港城入面，平時都唔多係海港城入面食飯，但有日行過見到呢間拉麵都幾多人排隊，所以就跟住排黎試下好彩條隊郁得好快，所以等左一陣就入得去我見到佢個餐牌入面有既拉麵款式唔算好多，但見到佢個招牌蝦湯拉麵好似好吸引咁，就叫左個黎試下。湯底我揀左原味、味噌，麵款就揀左粗麵個拉麵一送到黎真係好香，湯底飲落去蝦味都超濃郁頭個幾啖食落肚真係好正，但越食就覺得越鹹，唔係幾頂得順如果佢冇咁鹹應該會好食好多。。

位於尖咀既蝦湯拉麵見食評不錯,決定過黎試下環境開揚,又有大玻璃對海,靚景送麵講返重點,雖然賣點係蝦湯但湯底其實重有其他配搭,可加豬骨湯再配味噌,鹽味等等,有不同組合而我當然選擇最基本,純蝦湯鹽味粗麵食拉麵第一樣野一定飲啖湯先果然好濃蝦味,無令人失望麵條彈牙掛湯半熟蛋好食,义燒味道都不錯可惜得薄薄兩塊,份量少左dd囉....總括黎講味道不錯,只是份量黎講對我差少少以上食評只反映本人立場,如有雷同,實屬不幸

之前係東京食過呢一間拉麵店，我就念念不忘。其實上年已經開左一幻好耐，但人龍一直都冇減退，直至呢排終於少左人。係海港食食咩都貴，但呢到一百蚊就有找，抵食之選，仲可以坐窗邊有維港海景睇。最近仲做緊優惠，食滿一百送你一百蚊優惠卷下次用（消費$200），姐係半價！！我太回味日本果陣既味道，於是都係叫返個原味濃蝦湯拉麵，個湯一如概往濃濃蝦味但唔會太咸，有兩塊薄薄叉燒同半舊糖芯蛋。如果男仔黎食可能份量不太夠，可以另加麵底或者再叫個煎餃子。

臨近聖誕，購買慾特別旺盛😆撞啱商場做緊聖誕優惠有coupon，為咗唔好嘥咗佢哋，唯有繼續留低消費啦😂繼續作戰之前揀咗【一幻】醫肚，食滿$100就可以用一張$50嘅coupon，抵呀👍🏻仲可以回味一下北海道拉麵嘅味道😋【辛辣味噌蝦湯拉麵】一上枱就聞到好香蝦味，湯底保持到北海道原創嘅鮮味同埋濃度，粗身麵條硬度適中有咬口😋望落去以為好少，但因為湯底好濃，食下麵飲下湯其實都夠飽👍🏻【煎餃子】上枱熱辣辣，煎到微焦嘅餃子皮包住juicy內餡，讚呀🤩

因為中左戲飛，所以平日都要同仔仔出街晚飯睇戲呢。本來老公話佢睇架，打算好似上星期咁賣甩仔仔去二人世界。點知最後老公因工作未能陪同，所以就搵仔仔陪啦。同仔仔出街食飯，當然係選佢鍾意架啦。一幻好似雜誌都有賣過的，因個名都唔係第一次聽，諗住應該都唔差就去食下啦。成百蚊碗拉麵，真係好貴，重要完全唔覺得有乜好好味。最大既味覺係～鹹死人。叫左少麵的鹽味拉麵，少麵我都食唔晒，其中一個原因係好鹹囉。食少少就勁口渴。當場就飲左2杯水。仔叫左醬油味，比我果個更鹹。佢話好彩佢冇叫多麵，因為一向鍾意食拉麵既佢都唔太鍾意，佢重要幫我食埋我果半碗。主要原因可能係佢個湯底好似係蝦黎，我仔一向麻麻地蝦，所以佢真係唔欣賞依間野既拉麵。唔知係咪因為係閒日，所以都唔滿座，可以話少人添。另外佢成百一個麵係幾貴，但佢做緊Promotion，留收據尾，下次再幫襯好似滿200減100定150減100？唔太記得，因為佢半賣半送我都唔想再食。