一幻拉麵

营业中

休息中

今次係第三次幫襯一幻，第一次係喺札幌，第二次都係呢間海運大廈不過上次懶寫食評，喺札幌食過非常好食，所以喺香港再幫襯，今次禮拜日晚七點幾唔洗等位直入bar枱，兩個人叫咗兩碗招牌蝦湯拉麵和一碟五隻餃子，幾分鐘後餃子嚟到，餃子好熱不過餡料淋嘅不太新鮮，而拉麵呢我喺點餐紙上tick咗粗麵和濃湯，食完餃子好快拉麵嚟到，蝦湯底非常鮮，流心蛋ok係流心嘅，叉燒薄薄地兩片ok啦不過唔係入口即溶嗰隻，粗拉麵有咬口係我至愛，朋友叫咗幼麵，不過我分唔到同幼拉麵有幾大分別，個人覺得整碗拉麵最特別之處係個湯底非常好飲而且熱辣辣出煙，還以為自己身處於日本食緊拉麵，我以前喺香港食過好多日本拉麵店佢夠膽死整碗拉麵係暖嘅，$88一碗拉麵另加一喺海運大廈來講價錢算便宜

行完誠品，見餓餓地就諗住搵啲嘢食下啦，過咗隔離海港城嘅依間一幻拉麵，有望住海景嘅吧枱位，又有卡位，坐得都幾舒服。每個位仲有熱水位，又有冰水提供，硬件嘢都做得唔錯。第一次食，自己就叫咗個招牌蝦湯拉麵，佢嘅配搭係可以湯底（原味、適量豚骨、濃厚豚骨）再配個口味（味噌、鹽味、醬油），今次就揀咗個原味配味噌，係幾濃嘅蝦味，又唔會太腥，但就真係重口味之選，個湯頭有啲「結」，對我而言係鹹到有腎病咁嘅，食完要即刻飲番一公升水。而個幼麵配依個湯就不過不失啦，叉燒同蛋都係正正常常咁啦，不值一提......而朋友就叫左個特濃蝦汁叉燒拌面，依個係香港限定款黎，而個麵底就set死咗配粗麵，拌麵的而且確係配粗嘅麵條係最夾，但啲切成粒狀嘅叉燒就真係一啲都唔吸引啦，粒粒都係叼柴皮咁，香口膠咁。而除咗食物質素以外有好大嘅改善空間之外，最需要改善嘅就係員工嘅態度，話曬都日式餐廳啊，就算做唔到日本嗰套，都唔好俾差過茶餐廳嘅服務態度我呀，黑口黑面咁，仲要收我加一......

Its my second visit to this ramen shop and this one I was attracted by the all-you-can-eat ramen promotion for only $18 upon ordering one ramen. As a dumpling lover, I ordered 3 rounds of dumplings, as they are really good and meaty, and its not oily at all! One thing to highlight is there is no spring onion in the dumplings, which I usually hate, so I would say its a very good all-you-can-eat offer! (The original price of 6 pieces of dumplings is $35) For the ramen, I ordered the spicy prawn on

平常經過都見很多人排隊這次終於試了😍這次試了一幻嘅招牌蝦湯拉麵～ 同朋友食一個食咗粗麵一個食咗幼面！ 呢兩種面要選擇嘅話我自己比較喜歡粗面 質感比較重！ 講到佢哋嘅湯底真係幾濃蝦味！ 同埋份量都比較多 所以呢個價錢值得去試! （$88）另外都是咗佢個蝦飯團佢係用蝦湯整出嚟嘅飯團所以都幾濃蝦味！但佢個杏鮑菇就有啲失望比較普通同份量比較少！但最值值得讚嘅就係佢個環境！ 咁岩坐正窗口位對住海港城對出海旁個景！ 🥰 食落都好舒服加晒分😋

最近真係唔敢四處覓食，但有時真係難免要出去。出去成日就要搵地方食嘢而且吊頸都要抖抖氣，長期留係屋企中會發霉的（當然外出要注意個人衛生及身體狀況）依家啲餐廳都好注重衛生，每間餐廳都有幫我哋度體溫，呢間餐廳都有幫！會嚟呢度食嘢，其實好大原因俾佢嘅優惠宣傳吸引左嚟～睇返之前啲post，原來佢唔同時間都有唔同嘅優惠推出，當有優惠嘅時候去幫襯，就會好抵！今次嘅優惠係加$18 ，就可以任食煎餃子！！拉麵選擇唔多，特別我同朋友都唔食得辣，就基本上得三四款選擇⋯然後我哋考慮到，哩間舖頭出名嘅係佢嘅蝦湯，咁冇理由唔試吓佢嘅湯拉麵！所以我哋兩個都嗌左佢招牌蝦湯拉麵～朋友嗌左特濃湯底，我嗌左正常嘅；兩個都好有蝦味（好味）咁鍾意濃定淡真係好視乎個人嘅口味～拉麵同埋佢嘅餃子，其實我個人會鍾意食啲餃子多啲～而我鍾意肉餃。佢咬落去真係啖啖肉，皮薄餡靚，我哋嗌完一碟又一碟，大滿足！！可能太耐冇出街食飯，食得好開心；你問係咪好好味？正常質素啦，但咁抵嘅價錢可以任食，真係好開心～

來到海港城食晚餐 選了這家日式拉麵店🍜 其實這是我第二次光顧了～ 第一次來的時候剛好坐在海景旁用膳 維港夜晚景色美不勝收 十分難忘😍 但今次來到不幸餐廳沒有開放海景位 所以只能嚐嚐他的美食吧！今次點了辛辣味噌蝦湯拉麵、招牌蝦湯拉麵🍜和一份餃子🥟.兩碗蝦湯拉麵都有濃郁蝦味🦐 有點像蝦子麵那種湯底味道 湯底偏鹹 但沒有豬骨湯那麼膩 每碗拉麵可以自選麵條 我們就選了幼麵 麵底份量比其他拉麵店多很多 男生食應該也不怕不會飽了🤣

   來自日本的一幻拉麵相信大家都不會陌生，今天突然拉麵癮發作，又因為疫情關係不能外遊，一幻拉麵就能夠解決我這個拉麵痴的煩惱。   一幻拉麵坐落于尖沙咀海運大廈，環境優美，外望維多利亞港令人心曠神怡，美景伴美食更添情趣。  我們點了招牌蝦湯拉麵，蝦湯濃郁實叫人滿心歡喜，喜歡鮮蝦的朋友一定不能錯過。拉麵麵質彈牙、爽口，份量亦十分多。我的男性朋友也認為麵量十分足夠。义燒味度適中，肉質亦幼滑。  我亦特別點了香港特別版的特濃龍蝦汁叉燒拌面，這款麵為香港特別版，其他地區是沒有的。這款拉麵是一種較粗生的拉麵。入口更見煙銀。面上佈滿大大粒的叉燒，要特別一提就是它們的麵酥..就是紅薑天婦羅，麵酥加上葱粒分配合，吃起來份外有層次。

因為見到有推廣優惠活動就去試吓，事源係咁嘅。食日本野在門口排隊等入座好正常，比d耐性是常識。 排到我既時候，見到最少3枱客已經比錢離開咗，咁我好合作等人執好準備好就會叫我哋入座啦，等左超過5分鐘，見幾個靚妹侍應行來行去傳下菜，抹下枱，再過多5分鐘都無人望過門口一眼無人安排客入座。 我入到去見到最少有3台是已清空可以入客既，問題是而家香港d侍應唔會理客人感受，客在門口等幾耐對佢哋是無關痛癢。我諗唔到呢個世界上仲有邊度服務態度，服務質素會差得過香港。 講番野食，其實算唔伏既（好難揾到唔伏既），不過9流服務質素真係唔會再幫襯同埋另一個事實是隔離個兩母女張枱有曱甴，仲要佢兩個企起身5分鐘想等唔到服務員望佢哋一眼講真，想做生意裡面班靚妹要全部換走，再認真train 人，而家係毫無管理

聽講呢間係日本都係一間好出名嘅拉麵店，諗住趁而家人少少，就黎試吓。點知原來都好多人排隊㗎，都等左差唔多成20分鐘先至入到去，但係都幾值得嘅。點左佢嘅招牌櫻花蝦湯底拉麵，個湯真係好好飲，我忍唔住都飲咗半碗。佢嘅櫻花味啱啱好，唔會太鹹，我自己就覺得只要一碗拉麵嘅湯底做得好，就已經事半功倍啦。雖然佢個面普通咗啲，但係整體嘅感覺都好好。我嘅朋友帶咗個撈麵，我自己就覺得湯麵比較好食，但係都唔錯呀佢嘅豬肉。另外想推介一下嘅就係呢個飯團，佢個飯本身係有味道嘅，的而且確好高級，佢嘅飯亦都好有咬口最後，為咗健康嘅關係，嗌左個木耳食，出奇地好食。佢應該用咗啲麻油同埋唔知乜嘢醬汁撈埋左一齊，真係好好食，完全唔會寡。

今日終於嚟到呢一間尖沙咀海港城嘅一幻拉麵啊。見到佢有唔同選擇又有蝦湯嘅拉麵又有拌麵，我就今次特別少少嗌左呢個拌麵冇湯嘅黎試試。一見到碗拌麵就知好足料賣相都非常之吸引好有色彩，真係忍唔住要即刻拌一拌，佢嘅豬腩肉，咬落都幾有咬口肥肥地都幾好食，麵質就帶點粗係粗麵嚟嘅，咬落都幾有咬口算係高質麵。但係我略嫌佢呢碗野都有少少鹹。如果可以淡啲就好啦。下次真係要試一試佢嘅湯拉麵，見好多人都係叫呢碗，應該都幾好食。因為今次呢碗拌麵又真係有啲鹹。

海港城又多一間日本拉麵選擇，先講環境，可以望住180度無遮當海景食拉麵, 只系$88一碗，實在划算. 如其他拉麵店都系用一張紙點麵, 湯底有原味蝦湯、適量豚骨或濃厚豚骨, 我就揀左原味蝦湯, 呢個湯用左蝦頭、蝦湯、蔬菜等熬煮成特濃蝦汁，再加入蝦油、蒜蓉、蝦味醬油煮成，味道濃厚, 麵條選150g幼麵或粗麵, 既可以仲有日式叉燒, 肥瘦適中, 配合半隻溫泉蛋, 不需要另外加蛋, 簡宜系大滿足, . 仲有餃子, 木耳, 味筍等小食可追加, 尤其喜歡蝦湯既人士不可錯過.

巳經係第三次黎呢間餐廳，因為第一次去巳經覺有個湯底好香，滿滿嘅蝦味非常濃郁。今次都係獨孤一味叫番招牌蝦湯底拉麵，絕對係令人想飲晒個湯嘅，拉麵質素都好好，軟硬適中。越讚！

尖沙咀一幻擁有無敵海景，與樓上的一燈一樣，我常經過海運大厦，但都只是經過，兩家麵店都沒有光顧。疫症期間，在家悶得發慌，走到尖沙咀海濱散步，晚上七時走到海運大厦。一幻這間尖沙咀分店是三間分店中空間最狹長最空曠，我入座時約有三四成客人在內，門口負責收銀的職員引我到面向無敵海景的吧檯位置便離開，我在點餐紙點了東西，望了一會兒海景，想點菜時卻沒有侍應，店內唯一侍應正招待遠處另一名客人，我等了約七至八分鐘那名侍應才走來，後來才發現店內還有一名疑似老細/經理的人。在鋪頭門口看著餐牌，2020年一幻的新品居然是炸醬麵，早前本人曾經草草地對於各拉麵店推出的擔擔麵有一点的研究，炸醬麵在日式拉麵店都是第一次聽到，還要在一幻這種以蝦汁出名的拉麵店找到，感覺詫異。在一幻吃拉麵，當然首選是揀招牌蝦湯拉麵($88)，再不是次選香港限定的特濃蝦汁叉燒拌麵($88)或辛辣味噌蝦湯拉麵($88)，炸醬麵根本是冒險之選，店員還說這個炸醬麵有點微辣，點菜紙上亦有寫上是微辣。我這個人就是那麽的愛挑戰，於是選了這個炸醬麵，還有小食餃子($35)及可口可樂($15)，連加一服務費是$152。在等候食品到來時，冰凍汽水先來，一幻亦

日本過江龍 人氣拉麵記得當年初登香港 排哂長龍 不過疫症情況 晚市唔需要排隊今次選了 特濃湯底 正濃郁蝦湯底 好鮮甜 唔會太油膩如果唔喜歡濃郁的 可選正常而且亦有醬油 麵豉等味道麵底 可選 粗 幼 湯中加左少少細蝦碎一啖拉麵 一啖湯 正除左拉麵外 仲點了 餃子 可惜餃子 一般 不過不失順帶一提 bar 枱位置 可望維港海景

而家通常有啲質素嘅拉麵都要差唔多100蚊一碗， 最近海港城做緊優惠 ，我有一啲50蚊嘅coupon ，所以食呢間一幻拉麵就會好抵啦！ 第一玩嘅就係佢哋嘅叉燒撈麵， 再配上佢哋嘅香龍蝦汁,真係好好食！鍾意食乾身撈麵嘅可以試下呢一個！ 當然唔少得佢哋嘅招牌特濃蝦湯叉燒拉麵啦 ，其實佢哋係湯出真係好濃味又有濃郁嘅蝦味， 面嘅硬度亦都好適中 ,可以自由選擇 ，再加上去其他配料亦都唔錯好出色不過佢哋嘅湯汁就真係比較出色啦！ 而且如果可以坐入面就有無敵大海景!nice！ 疫情嘅關係 ，我見到其他嘅員工都好勤力把關， 每枱食完的客人， 餐桌同枱面都會進行清潔 ，切底進行消毒咁就食得安心啦！