一幻拉麵

营业中

休息中

今日同友人去海港城試食來自北海道既過江龍「一幻拉麵」海港城係有一排海景座位，有海景位、有吧枱、有卡位可惜今次就坐唔到只係坐喺偏向門口位置一幻出名蝦湯拉麵宣稱每日以新鮮甜蝦頭熬製湯底想當年我喺東京新宿已經品嚐過一幻當時食就覺得非常新鮮同驚艷因為好少可會試到咁濃既蝦汁湯底拉麵粗麵底亦非常掛湯每一啖都食到濃濃蝦湯味三種湯底包括純蝦湯、適量豚骨蝦湯及濃厚豚骨蝦湯調味方面亦有三種選擇，分別是鹽味、醬油及味噌自由選擇配搭唔同湯底、調味同埋麵條粗幼度我就揀咗蝦湯，鹽味同粗麵食落覺得無日本咁正(可能太高期望)一開始當然要飲啖濃郁蝦湯先，相當鮮甜每碗麵都會跟兩大塊叉燒，肥瘦適中，唔錯另外有半隻溏心蛋比較特別係自家製脆脆麵酥(Menu寫係紅薑天婦羅)味道幾香口，食落幾過癮Overall嚟講都唔錯有機會都會再嚟幫襯!

愈黎愈多過江龍拉麵係香港開~坦白講試過唔少都令我好失望!!😔所以哩間黎自北海道既"一幻拉麵"雖然係東京新宿店食過真係一試難忘🤤🤤🤤🤤🤤但係佢過到到香港~我都係因為有"9月份生日優惠"先有興趣過黎試下~🤣🤣(正日免費拉麵一碗~生日月份就拉麵一碗半價)一入到黎就覺得店內裝潢很不錯!!!感覺很日式~很舒服~而且入D既座位~仲有海景添!!!不過一入到黎~我覺得店內有少少蝦腥味~😯叫左碗▶️招牌蝦湯拉麵~($88)▶️適量豚骨+鹽味+粗麵食拉麵~第一啖當然既試下個湯啦~🥘湯頭做得不錯~有蝦味~亦不會太濃郁可能我揀左適量豚骨~蝦腥味都唔算好勁~麵亦都做得不錯~👍👍彈牙~掛湯力都好夠~配菜方面我覺得隻溏心蛋好好味!!!!雖然整體黎講不及日本分店咁好味~不過得覺得佢應該係我暫時最滿意既過江龍🥰🥰🥰

餃子唔係日本脆嗰隻但我個人更喜歡。幼麵比粗麵好食，因為粗面有陣鹼水味。每碗拉麵配兩塊叉燒加半隻糖心蛋。適量豬骨湯底完全冇味。原味湯底重蝦味啲。特濃豬骨湯底比較多豬骨味，但無左蝦味。建議大家喜歡鮮甜就叫原味湯底。鍾意重口味就叫特濃豬骨湯底。叉燒同糖心蛋都係正常嘢，不過不失。日本地道拉麵店一般配冰水，但這間店啲水竟然冇冰。

尖沙咀這家一幻拉麵聽說是有海景的~不過我們沒有被安排到靠窗的坐位,只好說這家拉麵店真的很大,那時候8點半左右去,不用排隊的.之間在日本有試過一幻拉麵,回香港也想再吃一下.湯底是蝦味,不是太濃的,但吃起來也是有很重的蝦味.這個濃度我覺得挺好的,至少不會膩.豚肉很腍,合格有餘~基本上就是日本的味道.唯一一個小問題就是..它的上菜賣相很差..湯底基乎浸過所有食材..沒什麼問題的,就只是不美觀~下圖的豚肉都是我用筷子挑起的..

過江龍拉麵喺香港越開越多 但唯獨喱間最得我心🤓除咗好味之外 環境都真係幫佢加咗唔少分除咗有獨毒食飯都唔怕嘅面壁吧枱位 仲有望到靚海景嘅座位呀！邊個仲話要睇海景食飯一定要book貴餐廳食西餐呀？😏.🍴適量豚骨蝦湯鹽味粗麵🦐HKD$88（加一後 HKD$97） 一幻出名專賣蝦湯㡳 分別有原汁原味純蝦湯、豚骨蝦湯或者濃厚豚骨蝦湯三種揀 亦即係睇下蝦湯係成個湯㡳佔幾多%除此之外仲有得揀要粗麵定幼麵 要鹽味、醬油定味噌做調味 真正做到麵條個人化💯拉麵即叫即整 保證嚟到熱辣辣🍜湯㡳濃而不膩 即使直接飲都唔會話好咸 更加完全無蝦湯最怕嘅腥味🤤麵條彈牙掛到湯 口感適中叉燒有兩片 做到入口即融效果而溏心蛋就仲係半凝固狀態 滑嘟嘟〜如果鐘意食蝦嘅朋友就千奇唔好錯過喇！.推薦度：10/10

得知生日有半價，即刻拍心口話請生日朋友仔食🤣一入門口已經聞到極濃蝦味，坐低一人叫一碗面。第一碗辛口蝦湯粗面，湯底都幾辣同較稀，蝦味濃郁，鍾意口感人士食粗面岩曬，爽口彈牙🤤第二碗招牌蝦味豬骨湯幼面，呢個湯底可能有豬骨，所以湯質感較傑，面質軟綿🤤得兩碗面點夠食架，加多份煎餃同蝦蝦沙律：煎餃極普通，百街惠康貨仔...蝦蝦沙律其實似蝦乾沙律，同樣無特別...下次齋叫兩碗面好了...

跟同事在harbour city的barhappy hour 完之後有啲肚餓，跟住就黎左呢間都頗有名氣嘅一幻拉麵。我們是在9時多來的，人客也不是很多，於是我們選了最近窗的位子，一邊欣賞著Victoria Harbour的 美景，一邊吃著拉麵和朋友談笑風生，是人生一大樂事。我點了蝦湯拉麵，點了最濃味的湯底，愛吃蔥的人別忘了點要蔥呀！店員在拿拉麵岀來的時候，蝦湯的香味撲鼻而來！這湯底比起其他拉麵店的都濃郁得多，拉麵硬度適中，而叉燒味道以及口感也不錯。

見到有生日優惠想試下，去之前都有先睇下食評，見到不少人話太鹹，但心想反正生日免費，一試無妨吧。結果是真的太鹹，湯底和蛋都好鹹，叉燒更是超級鹹🤢而且湯底比平時拉麵湯底油膩，可能只適合重口味人士。這次選了粗麵，因為見一般拉麵較少有提供，感覺較特別，但麵質很硬🙈如果似其他拉麵店可以選軟硬度會更好。整體個人覺得不至於好難食，但以正價來說有其他更好的選擇，應該不會再來了🙈

話說我之前係東京旅行買左一幻味噌拉麵回來，小食多怪，真的震撼了我的味蕾，食過咁多款呢類型嘅拉麵， 一幻拉麵完全係我杯茶，立即愛上了🥰今次仲買左盒鹽味拉麵🍜回家嘆😝廣告睇到有9月份生日優惠，一碗拉麵半價，即44元🥰一個人出到來尖沙咀，就順便潮聖我的初戀... 一幻拉麵🍜，尖沙咀呢間店對住維港的窗口位大約有6-7個座位，入座時問一問有冇窗口位，服務員立即幫我安排，佢話迫迫地，比到個位我😊 都唔算迫吖！對住個靚夜景食拉麵，另有一番風味！自己都可以浪漫㗎😆辛辣味噌蝦湯拉麵🍜88元甜辣小蝦沙律🥗38元由入門口、落單、清潔、埋單，幾位的服務人員，都非常有禮貌，亦很勤快👍🏼👍🏼👍🏼

舖內其實只有三款拉麵選擇，兩款屬香港限定，另一款是招牌蝦湯拉麵，全部都係$88一碗，配料可加可減，亦有飯類、小食、飲品可供選擇。其實係香港限定同招牌蝦湯麵之間我都掙扎了一輪才決定叫招牌蝦湯麵，配適量豚骨湯底、清淡的鹽味，從基本的產品試起，最能反映食店的實力。甜辣小蝦沙律 $38沙律面有帶軟蝦殼的蝦米，大少適中，很有咬口，附有味道酸酸甜甜，少辣的醬汁，拌爽口的新鮮的椰菜絲一齊食，令胃口大開。招牌蝦湯麵 ＄88 (另加$30 叉燒 3片)上餐時間都很快，一碗熱辣辣，濃濃的蝦湯味撲鼻而來，每次我都習慣先喝一口湯，嘩 ! 超鮮甜，心想究竟入面放了多少北海道甜蝦熬製出如此既濃郁又鮮甜的蝦湯來 ? 真的忍不住連續喝多了幾口。我選了幼拉麵，掛湯力不錯，麵質彈牙。每碗麵上都會跟兩片叉燒，不過我這义燒控就加了$30三片叉燒；叉燒有半隻手掌大，肥瘦適中，咬口十足；另伴隨半隻溏心蛋，及由蝦湯、麵粉混合紅薑油炸而成的自家製脆脆麵酥，這個脆脆味道都幾特別，帶紅薑香味，微辣。望著維港吃著蝦香四溢的拉麵，真是一件賞心樂事。今日專登一早12點到達尖沙咀海港城，為的就是這一家來自北海道札幌的 "一幻拉麵"，據聞他們每一

本人最中意食拉面，偶然一碗味道濃郁的拉面都令放lunch的我精神為之一振！一幻有分豚骨蝦湯辛辣同唔辣之分，湯底面底都有得跟自己的喜好都有得跟自己的喜好挑選，為左易咬d,當然食個幼身面，廚師煮既時候不失火喉，面條彈牙又吸哂湯汁，叉燒有油香又不肥膩，令我最驚喜的。。。。。。就是生紅薑天婦羅脆脆（建議另外上，想食既時候先加落去，可以避免淋哂的問題！一啖湯，一啖面，味覺刺激一浪接一浪！拉面的靈魂湯頭，由於豬骨加蝦，二樣的配合十分融合，味道豐富令人回味!

每次一個人食飯都愛吃拉麵.今天去了左一幼 尖沙咀便便地又夠飽 拉麵是也 麵： 選左粗面 ， 鐘意有口感的我 覺得不錯 軟硬度適中 若你是鐘意諗身， 佢可能偏硬.湯底：確實係有蝦味 好新鮮感覺 重口味的我不錯. 可能選左濃厚豬骨 有点咸 但可接受 食完會想食甜品. 去對面食ice cream 就啱啦 包2 塊叉燒 半隻糖心蛋. 下次可以另加多隻， 可能我一直是糖心蛋迷.蛋好味 好鐘意食 味道剛好叉燒正常 夠諗 肥瘦適中. 其中一塊有点咸. 湯底引唔住喝了幾淡， 不過有点肥. 上吓好啦

朋友告知8、9月生月可半價或免費食一幻的拉麵，咁好offer當然要試下。拉麵選擇不多，一律係佢招牌蝦湯底，可選加豬骨味以及辣定吾辣。麵亦可選擇粗麵或幼麵。湯底的蝦味真的好濃蝦味，但喊了一點，飲完有啲口渴。麵質我選擇了粗麵，沾上濃厚的蝦湯好入味，但麵身硬了一點，可淥耐啲。如果另加材料的話， 一碗麵會包兩塊叉燒及半隻溏心蛋，吾大食的話其實都夠飽有餘。叉燒尚算鬆化但無咩肉味。其實就算無優惠$88碗拉麵都吾貴，都可以一試。

是日點餐:特濃蝦汁叉燒伴面- 份量足夠, 可選粗 / 幼面- 蝦汁夠多, 夠伴面, 味道不錯, 未算特濃- 有半隻溏心蛋、紫菜絲、炸薑絲、蔥作配料- 叉燒粒都幾多, 味道不太咸~!番食指數 :　

我與朋友睇完小Q電影後，因為生日月份有半價，所以決定食這間店。很好的是晚上十點三才Last Order, 很方便客人，睇到九點幾都仲有地方落腳。十點一左右到，店舖無咩客，都好多位，兩個人，當然想對住坐。但服務員態度指住一定要坐中間長枱，問多句，就已經好無禮貌咁答我地。好快咁叫左兩個麵。我選左唔辣既叉燒拌麵，但上黎既係辛辣麵。侍應解釋因爲我有選到麵條，所以覺得係辣個款。我見佢無覆單，都奇怪，因為另外一間好出名食拉麵既會同客人對一次。本身唔想麻煩換過，但我試了朋友個碗，個辣太辣，頂唔順。佢都有幫我換。但個服務員一路行走一路應我地，又聽唔清佢講咩，咁樣亦好無禮貌。推介食物：1. 特濃蝦汁叉燒拌麵，好味！不會乾，亦不會太多汁，剛好，麵彈牙，叉燒肉質唔鞋。份量夠，蛋超好食。正常食物：1. 餃子🥟餡都好足份量，皮唔厚，不乾，賣相幾靚。可行既話，建議晚上可以留返入面窗口位或附近位置俾客人坐，有咁靚海景但客人無得享用，好可惜。