一家

营业中

休息中

餐廳好骨子、乾淨，連碗筷都靚靚。店員爽快有禮貌。餐牌多選擇、有特色，食物價錢公道。 ✦ 香炸鳳尾魚即劏即炸，食落香脆、甜甜哋少少辣，可以連骨當小食食，好開胃。 ✦ 小籠包皮薄餡靚，肉團鮮美，多湯。見隔籬枱兩個人嗌咗四籠。 ✦ 醬炒花菜茶樹菇椰菜花茶樹菇各有口感，索晒啲汁之餘，依然食得出清甜。 ✦ 一家葱油白切雞滿滿嘅葱油，顏色鮮豔，上枱聞落已經好香，一啖食落去食口葱油香。雞肉份量多、嫩滑、有雞味，聽店員講係新鮮走地雞。值得一提係完全唔膩，兩個人清得晒。 ✦ 財氣滿滿 (東坡肉拌麵)This is the best. 賣相靚之餘，東坡肉肥瘦分明、肥而不膩瘦而不柴，而且非常入味、食落甜甜哋。拌麵沾晒東坡肉醬汁，好食。強烈推介。 ✦ 滋潤養生茶 (季節限定)新鮮雪梨、無花果、蜜棗、玉竹等，養生潤喉，好啱冬天飲。 bookmarked, 下次嚟筲箕灣做嘢再返嚟食其他菜式。

平日收工想食番中菜，喺筲箕灣食咗間唔錯嘅上海菜…係唔錯到拎到米芝蓮嘅…一家喺筲箕灣嘅形薈，呢間一家連續拎到米芝蓮必比登推介。一家醬鴨 $80呢個醬鴨嚟到嘅時候相當熱辣辣，而且味道好夠味。最重要嘅係肉質好嫩，以鴨嚟講係做得好好。仲有以$80嚟講佢嘅份量係幾多。上海春卷 $48我個人好欣賞呢個上海春卷。因為佢入邊係有好多菜，雲耳，咬到好有質感，唔會淨係得炸粉，更加唔會食到一口油味。財氣滿滿(東坡肉拌麵) $128呢度嘅特色菜，會有專人嚟將東坡肉剪開。加上特色醬，撈勻之後個麵味道唔算好重，明顯地菜式嘅味道重心放咗喺東坡肉度，好合理。蟹粉鍋貼 $138呢度嘅真正大佬。蟹粉鍋貼個名字好似好普通，但食落個蟹粉味好重。同鍋貼肉嘅味道，夾到不得了。個人認為係今晚最好食嘅菜式。據店員講，蟹粉當造嘅時候先會有呢道菜供應。大展鴻圖 (栗子紅棗發發糕) $88呢個栗子紅棗糕，質感鬆軟，食落有啲似具質感嘅馬拉糕，當然味道係以紅棗同栗子為主，蛋糕中間亦有一粒粒嘅栗子。最重要係，佢唔係好甜，呢樣嘢我好欣賞。滋潤養生茶 $40餐牌上冇嘅菜式😆 據店員講每年冬天，佢哋就會預備呢個非常滋潤嘅飲品。熱辣辣嘅紅棗、杞子、龍眼

米芝蓮推介：一家連續兩年贏得米芝連推介的《一家》上海食店。踏入廳堂飽覧一片懷舊景象，很迴味！店員先奉來香片一煲@$8開胃消滯，水滾茶靚。然後2杯精緻飲品：①🥤溫文爺爺 $40伯爵茶+海底椰+椰子芝士雲。茶香濃海底椰幾爽口加上如cream一般的芝士雲，頗特別！② 🥤滋補養生茶 $40雪梨、沙參、杞子、桂元、麥冬、紅棗，材料十足，補吓身子滋潤香甜。🥢小籠包（4隻）$58熱辣辣湯汁四濺！🥢糖醋小排骨 $82排骨煮得甜酸交集，味道恰到好處！🥢黃花魚石鍋淮山麵$118石鍋盛載夠哂保溫，黃花魚泡炸得好香口入味，淮山麵以魚湯做底，相得益彰！🥢外婆墨魚烤燒肉流心蛋$148精選肥瘦均稱的五花腩，加上巧手秘製醬汁，烤肉不論色、香、味都能做到💯分，幾件墨魚有咬口，正👍！👅甜品：棗泥拉糕 $52清甜紅棗泥製成的糕點，不覺膩不太甜，味道宜人！今晚真係食到超飽，可惜忘記咗叫番碟青菜🥬，但總體上都很滿意和滿足。

琴日收工，約咗住喺筲箕灣嘅friend，諗住喺附近食個晚飯，點知就俾我發現呢間隱世米芝蓮！佢嘅菜式係喜出望外而且出色。我哋叫咗麻辣酥炸鳳尾魚😍呢一個上枱熱辣辣，超出色，我嘅同行朋友唔食魚嘅，佢都不停食，佢話好好食，佢係炸到酥酥脆脆連魚骨都食唔到。然後再配上麻辣嘅汁，啲麻辣汁吸晒落落去啲魚肉度，會忍唔住不停放入口。😋嗌咗個紅油抄手，個紅油好香，抄手有五粒，入邊全部啖啖肉。好香好惹味。仲有佢哋嘅招牌香蔥油雞，見到個蔥嘅份量真係嚇親，超級無敵多蔥，但係佢嘅蔥係勁新鮮，對於我呢啲鍾意食蔥嘅人嚟講，真係超正，而且啲雞係勁嫩滑，♥️送飯超正。仲有叫咗個鹹肉菜飯，佢用一個石鍋墊住上，所以食到後邊都仲係熱辣辣。甜品我哋嗌咗又係佢嘅招牌，炸芝麻團，其實就係黑白芝麻流心湯圓，佢係超級超級熱，真係要等一陣先食，佢嘅外層黑白芝麻炸到超鬆脆，糯米皮又夠薄完全冇油膩嘅感覺，內餡嘅芝麻蓉超留心，亦都唔係話好甜。我都拍咗兩粒。😂😂值得一讚係佢嘅飲品，同舖頭名一樣舖頭名叫一家，佢嘅飲品就係一家人嘅稱呼，例如爺爺嫲嫲爸爸媽媽等等，我哋叫咗杯養生嘅雪梨紅棗杞子麥冬，呢個季節飲啱啱好，仲叫咗杯姪女，係芒果芝士奶蓋配香片，成餐都

米芝蓮推薦筲箕灣世一上海菜世一上海菜，連續幾年米芝蓮推介，一定要去食 ！七里莊酒糟醉雞 $88醉雞肉嫩鮮甜帶淡淡酒嘅甘香 ，又唔會苦，雞皮係脆嗰隻，雞肉拆走大部份骨頭，連雞髀都冇咗舊骨咬落啖啖肉好滿足 ，調味值得一讚石鍋鹹肉菜飯 $108食上海菜一定要食菜飯！鹹肉好惹味，米飯煮得岩岩好，粒粒分明，調味恰到好處，鹹肉嘅鮮味滲晒落每一粒飯裏面又唔會鹹，有3人分量紅油抄手 $68抄手嘅餡俾得一啲都唔手軟，蒜香鮮甜，彈牙，醬汁鹹甜鮮辣，辣度適中，唔會太辣椒鹽肉排配金元寶 $137肉排厚切條狀，方便易食，一定要配埋甜酸醬，好香口金元寶春卷皮裏面包住肉，鍾意香口嘢嘅唔可以錯過，配老式酸甜醬好好食滋潤養生茶 $40冬天叫一杯飲落真係好舒服，有媽媽嘅味道，足料，雪梨紅棗枸杞龍眼，每日配方都會變非常外父 $40冇諗過食上海菜都可以飲到台式飲品！芒果奶蓋配香片!好飲！炸芝麻團 $48咬落去煙煙韌韌，流心黑芝麻餡，好食到爆炸店員好貼心會問有冇啲咩會唔食一家 (筲箕灣)筲箕灣筲箕灣道393號形薈地下G04號舖

係個頭放工，就去筲箕灣嗰度新樓嘅商場形薈行下。見到有間米芝蓮推介上海菜，叫一家，就入去試下。入面係一啲比較新派嘅裝修，有卡位，坐得比較舒服。口水雞鍾意食辣嘅朋友仔係必叫的！醬汁調得剛剛好唔會太辣。啲雞煮到啱啱好嫩滑，正😚蟹皇玉帶伴鍋巴呢個係電源推介嘅，喺出面未試過，佢係一啲蟹黃醬中間有舊帶子下面就係一個鍋巴托住。食落好特別，醬汁帶出帶子嗰個鮮味🤤外婆紅燒肉嗰個肉嘅部位超靚，全部都肥瘦相減，一食落去feel到即刻上腦😱😱送飯一流👍鮮肉鍋貼啲鍋貼係即叫即煎。行落去肉汁非常多咁爆出嚟😚玫瑰桂花湯圓叫咗個湯要作為結尾，佢同出面啲湯圓唔同嘅係會有淡淡嘅花香。同埋食完覺得個人冇咁濟👍下次如果有人想食上海嘢我都會再推介呢間餐廳畀佢😉

好友約我去位於筲箕灣道393號形薈地下G04號舖的《一家》食午餐，環境舒適，裝修清雅，很有中國風格。我和好友點左個 葱爆牛肉粒炒拉麵（午餐）$65，有餐湯（粉葛排骨湯）及前菜（豆角）；糖醋小排骨 $82，蒜蓉爆鱔絲 $188，小籠包（4隻）$58，甜品係 缸鴨狗玫瑰桂花湯丸 $48，飲品係 熱滋潤養生茶 （杞子+龍眼乾.. 等）$40，非常外父（伯爵茶+芒果芝士雲）$40，中國四寶茶 每位 $8。葱爆牛肉粒炒拉麵味道唔錯，牛肉味濃好食，拉麵彈牙；糖醋小排骨酸酸甜甜好惹味，爆鱔絲係原煲上檯，然後點火爆燒，鱔絲非常香嫩；小籠包爆汁好味；桂花湯丸好味道，熱滋潤養生茶好潤喉，非常外父十分好飲。

最近發現筲箕灣都幾多嘢食，今次特登去試下有米芝蓮必比登推介嘅上海菜，餐廳當日都幾多人，食物都無令到我哋失望，真材實料嘅感覺，推介值得一試。上海脆皮素鵝件件脆卜卜，入口又唔會感覺油膩，食到最後凍左都仲係脆口的。蟹粉鍋貼（5隻)鍋貼應該係即整，熱辣辣有脆皮，即食仲會爆汁，食到有蟹嘅鮮甜味道👍👍外婆紅燒肉。墨魚。流心蛋五花肉肥瘦相間，入口帶軟綿綿既感覺，唔會覺得油膩。仲有彈牙墨魚同流心蛋，咩都有得食下，配搭一流又可以食多幾款。蟹粉扒豆苗蟹肉蟹粉份量好多，配上大量鮮嫩既豆苗👍👍扭擰妹頭朋友話飲落酸酸甜甜好開胃，裏面仲有爆爆珠去增加口感。滋濶養生茶店員介紹係自家製作既時令飲品，用咗好多唔同材料，例如雪梨，杞子等，飲落唔會好甜，最近開始進入冬天好岩飲下滋潤一番。高力芒果奶黄（4件）一改傳統既高力豆沙，入面係芒果奶黃，唔會太甜，配上糖粉食用，為呢餐畫上完美句號。

呢間餐廳係上海菜式為主，店內環境充斥中國特色，個人覺得坐得好舒服，室內擺設同裝修都好有氣氛，適合生日聚餐、朋友聚會、家庭聚會🎊當時叫咗幾個菜式都覺得好唔錯，印象最深刻嘅係蟹皇玉帶拌鍋巴，有四隻鍋巴，每隻鍋巴上面都有一粒好大粒嘅帶子，上面就係蟹黃醬，味道鮮甜，擺盤都好靚好精緻！另外我都好想推薦蔥油涼拌山藥，雖然佢只係一個前菜，但係真係做得好出色，山藥好清爽，配上上面嘅炸蔥，好開胃🤤以下是圖中菜式及參考價錢💵・　蟹皇玉帶拌鍋巴 ($148)・　蔥油涼伴山藥 ($55)・　外婆紅燒肉拼流心蛋 ($148)・　金銀蛋煙腿炒飯 ($108)・　滋潤養生茶 ($40)・　溫文爺爺 ($40)・　炸芝麻團（5隻） ($48)・　茶芥 ($16@2)

‘今次終於約到食上海嘢！環境都好舒服，裝修行復古風。去到先知餐廳原來仲係23-24年米芝連必比登推介餐廳嚟🥰糖醋小排骨份量都唔少，酸酸甜甜夠曬入味🥰小籠包熱辣辣仲好多湯！加埋醋之後味道好豐富蟹皇玉帶拌鍋巴鍋巴上面有好大隻帶子，加埋蟹黃醬，啖啖蟹肉。一家蔥油白切雞超多蔥，肉質都幾滑唔會鞋口☺️清炒豆苗豆苗新鮮嫩滑，仲有幾大塊火腿😆滋潤養生茶瀟灑契爺📍 一家 (筲箕灣)筲箕灣筲箕灣道393號形薈地下G04號舖環境🤍🤍🤍🤍🤍 味道🤍🤍🤍🤍🤍 打卡🤍🤍🤍🤍🤍 抵食🤍🤍🤍🤍🤍

店名: 一家地址: 筲箕灣筲箕灣道393號形薈地下G04號舖筲箕灣站A2出口，行4分鐘環境: 4.5/5價錢: 4.5/5味道: 5/5筲箕灣形薈有一間米芝蓮中菜館，一直都想試，今次同朋友經過，決定試下😝佢地長期人氣旺盛，大家記得book位🙈蟹皇玉帶拌鍋巴❤️❤️❤️❤️❤️$148鍋巴十分鬆脆，咬落口感十足，面頭加上滿滿嘅蟹皇玉帶，鮮味之餘，外加上一份層次感🤩一家蔥油白切雞❤️❤️❤️❤️❤️$138呢個係米芝連之選，上枱有滿滿嘅葱花，件作為愛葱人士大喜❤️白切雞超嫩滑，皮薄肉嫩，肉質細膩，完全唔會太過油膩，就連葱花都十分新鮮🥰小籠包(4件)❤️❤️❤️❤️❤️$58每粒小籠包個皮都幾薄&通透，睇到少少內裏嘅肉餡&湯汁🤩加啲醋同埋薑絲，啖啖入口都感覺被鮮肉高湯包裹住，綜合嚟講好感，美美細膩😍麻辣香炸鳳尾魚❤️❤️❤️❤️❤️$78不論啱啱放喺枱面還是係放耐咗，仍然都可以保留鳳尾魚嘅酥脆油香口感🤤味道帶點微辣，側邊有兩個半粒青檸，加入青檸汁之後多咗一種fresh嘅感覺，一啲都唔單調！不愧係米芝蓮菜色！😋炸芝麻團（5隻）❤️❤️❤️❤️❤️$48新鮮熱辣辣炸起，每粒芝麻都鋪滿咗黑白芝麻粒，一擺上枱就好香嘅芝麻香味👍🏻咬落去嘅時候外脆內軟糯

食物整體都唔錯，特別鍾意麻辣香炸鳳尾魚，鍾意食魚乾小食嘅人應該都會鍾意。食落好似薯片咁脆，但一啲都唔油膩 。入口仲甜甜地，after taste慢慢滲出淡淡嘅辣味，食落有層次，做開胃小菜一流！蔥油白切雞係用香港走地雞做嘅，肉質好滑 。比超級多蔥包圍，但同時唔會比蔥搶晒啲味，食落係會有淡淡酒香，送飯超正。鍾意食肥豬肉嘅一定要試外婆紅燒肉，肉同埋肥膏嘅比例啱啱好，好啱送飯 。伴菜嘅墨魚幾有咬口，要記得食埋 。棗泥拉糕係全人手做嘅，真係食得出係用紅棗泥整出嚟，面頭有薄薄一層椰汁，整體感覺好夾，而且唔太甜，啱晒飯後做甜品。飲品方面，叫咗兩杯嘢飲，分別係滋潤養生茶，同埋扭擰妹頭 。前者係seasonal，今季材料有蘋果龍眼杞子等等，夠晒清甜同埋滋潤 。扭擰梅頭用左雜莓、柑桔等水果味道酸酸甜甜，清爽開胃，仲加咗爆珠，好有口感加分位：餐廳環境舒適企理，店員服務態度好好，見到我件白色外套掛咗喺凳背，主動幫我套上凳套，以免整污糟件衫，非常貼心。

最近係筲箕灣食到間有水準嘅上海菜，原來呢間係連續2年榮獲米之蓮推介，裝修帶點懷舊風格，以木調為主色，卡位望落去好似一間屋咁，有家嘅感覺小籠包（4個） $58輕輕力拎唔會穿，皮薄又唔係好易穿，餡料豐富，肉汁多，點埋浙醋更好味口水雞 $88麻香辣俱全，頗辣的，雞件軟滑多肉，夠曬入味，份量都幾多，送白飯係唔錯嘅選擇外婆墨魚烤紅燒肉，流心蛋 $148呢味係經典上海菜，唔係間間都食到紅燒肉肥瘦相間，食落唔膩，肉質軟腍，個汁甜甜地墨魚厚身，幾彈牙，流心蛋個蛋黃好香菜類蟹粉扒豆苗 $188豆苗上鋪咗好多芙蓉蛋，蛋香味濃，又煮得好滑溜，豆苗幼嫩帶汁，咬落爽口《飲品》養生茶 ，天氣凍，飲熱嘢就最適合每星期會轉款式今次有龍眼，蘋果，杞子，黃芪，紅棗，麥冬，甜甜地，滋補養顏冇諗過上海餐廳會有呢啲茶飲，好潮啊！霸王大哥屬於清新系列，有柑桔薑伯爵茶，好多薑絲，青檸，酸酸地幾開胃，好fresh

睇完戲之後想找些食。但一個人不知道可以食什麼。呢排股市樓市暢旺。搵間貴小小有氣氛餐廳。獎勵下自己個胃。搵一間米芝蓮餐廳**高力奶黃**這道甜品的外觀精緻，金黃色的外皮透著誘人的光澤，輕輕一咬，外皮酥脆，內裡的奶黃餡料則如絲般滑順，這種甜與香的完美結合，熱騰騰的咬下去。更是美味可口。**蔥油白切雞**則是一道經典的中式佳餚。雞肉的選材非常講究，肉質鮮嫩，入口彈牙。雞味特濃。經過精心的處理，保持了肉的原汁原味。蔥油之多滿滿覆蓋全隻雞。香氣撲鼻而來，淋在雞肉上，讓整道菜品更添風味。每一片雞肉都切得恰到好處，搭配著清新的蔥香，讓人感受到一種簡單卻又極致的美味。**高湯小籠包**，這道菜品的魅力在於其精緻的工藝。小籠包的皮薄而韌，包裹著鮮美的肉餡和濃郁的湯汁。輕輕一咬，湯汁瞬間在口中爆發，肉餡的鮮美與湯汁的香濃交織在一起，讓人陶醉。搭配著醋和薑絲，讓整體味道更加立體，令人回味無窮。這道小籠包不僅是味覺的享受，更是一種視覺的盛宴。**樟茶鴨**鴨肉經過熏製，散發出獨特的香氣，肉質鮮嫩，口感滑順。每一口都能感受到樟茶的清香與鴨肉的鮮美相互交融，讓人感受到一種深厚的文化底蘊。這道菜品的色澤誘人。一家

筲箕灣竟然收埋左一間米之連必比登推介既中菜？😍作為港島人絕對唔會錯過🌸雜果糖醋魚（半條）｜$198魚身裹上炸衣，魚皮炸到非常香脆，充滿魚油香。加埋糖醋酸酸甜甜既味道非常開胃。最加分系魚肉已經幫你去埋骨，食落啖啖肉。🌸七里莊酒糟醉雞｜$88雞肉香滑，酒味濃厚🌸蟹粉鍋貼（5隻）｜$138蟹黃餡既鍋貼，底部香脆，非常滋味～🌸上湯豆苗｜$128一上枱充滿豆苗香氣，上湯既特別之處在於能夠保留豆苗鮮嫩口感同豐富既營養成分，簡單得黎又會令人回味無窮。🍹霸氣大哥｜$36🍹瀟灑契爺｜$40