一喜日本料理

营业中

休息中

朋友生日，我們匆匆忙忙訂了這家餐廳看到這裡食評不錯 環境也蠻漂亮整家餐廳都蠻新乾淨的感覺，光明，舒適而且不限時，一伙人聚會真的很棒豆腐雜菜沙律 軟殼蟹牛油果卷出名吃和牛 我們選了和牛炒飯 但這個有點失望 調味不足 而且吃不出牛肉的油脂肉香 也許炒飯浪費了材料不能作準來到戲肉1餐廳沒有附送蛋糕 但朋友預先協調下 他們於壽司拼盤加上了生日牌和蠟燭 令壽星很開心當中蝦壽司最正，吃出鮮甜味的大蝦炒豚肉烏冬，惹味牛舌超肉厚，我最推介侍應還主動幫我們把它分拆串燒*不收切餅費還幫我們把蛋糕加上裝飾，加上雪米糍，寫上祝賀句，實在超窩心，亦令我們平凡的蛋糕生色超多服務質素，侍應們很nice, 實在令我們對店子感覺加分

尖沙咀真係好多野食揀，今次就食返餐日本野啦。呢間係要搶lift 上7樓，唔算太多人等lift，上到去都有位，好彩唔洗等。環境好乾淨，坐既位唔迫，幾舒服。之後我就同同事嗌左d 野食，等大概15分鐘左右，d 野食都陸續到。每人都有一個細沙律，但有d d 酸。。同事嗌左呢個三文魚魚生飯(走辣)，好大碗，個心形砌得幾靚。我就食左呢個叉燒烏冬，烏冬幾有咬口，份量都適中。另一個同事就食左呢個洋蔥豚肉生薑燒，唔會太咸，個汁幾入味，份量都唔少。其間有同事唔小心掉左筷子落地，都未舉手要求比對新筷子，店員已經好主動甘拎返對新既筷子比我同事，真係好細心。呢間野都幾抵，個餐係免加一，服務又好，唔錯唔錯。

諗住揀野日本野同朋友慶祝生日， 揀嚟揀去唔知食咩好， 最後誤打誤撞揀呢度地點都方便， 嚟到環境好靚， 坐晌窗邊好舒服， 2個人叫咗個壽司拼盤，再食下d熱野， 刺身， 仲有串燒！樣樣都好新鮮，壽司拼盤咩款都有， 新鮮抵食， 可以咩時令野都食吓！ d刺身好甜美，個豆腐鍋都好味，好有驚喜，飲埋cocktail，正呀， 完美既一餐！串燒就都係揀自己中意既牛舌個啲食， 熱辣辣嚟到， 都好好食！食到攬住個肚走服務態度也不錯，樣樣都好好， 有機會再返去食！

拍拖紀念日。同男朋友講想食ramen restaurant ，點知佢揀左呢間🤔見面果陣同佢講不如食平d啦，點知佢話又係你話要romantic restaurant 😑😑(原來佢唔識咩叫ramen...)見到d評價都好極端下。甘我親身試左其實就覺得都幾抵既，埋單係貴d但其實個份量係好多😂😂😂我地叫左精選壽司拼盤，黑目將，水母刺身同埋一個牛柳鍋飯。鋪頭將壽司，黑目將同埋水母刺身都放埋一齊，擺得好靚，超級吸晴，真係見到都已經好開胃。其實食左d壽司我都已經覺得飽😂😂但好想講d壽司真係好新鮮，全部好似入口即溶，連平時唔係甘鍾意係香港食吞拿魚既我，都覺得呢度既吞拿魚都幾好食。水母刺身唔岩食😂😂爽口既感覺好古怪都係鍾意食池魚多d。不過師父既刀法都相當了得。最後呢個飯真係不得知了。。。估唔到份量甘多相信都多過兩嘜米！飯就普通味啦，係牛柳好林。但實在太飽喇，下次都唔會再叫呢個飯，廢時做大side鬼！

二人晚餐,慶祝生日,想在尖沙咀食刺身,在Openrice睇了食評後決定試下。打去查詢時知道唔收切餅費,就決定食呢間了。我地6點就到了,第一枱客,安排坐在窗邊位置,幾舒服。枱上面有今天新鮮到的海鮮,一向喜歡吃金目鯛,$788價錢仲算幾抵食,要了一條金目鯛,一隻活赤貝,和水母刺身。水母刺身好爽口,口感唔錯金目鯛和活赤貝質素正常,價錢合理海膽大蝦 $98如果唔叫大蝦會好d,咁細隻叫做大蝦,難免令人失望,好彩味道還是不錯。油甘魚和蟹柳壽司 一般般軟殼蟹天婦羅ok飯團硬而無味燒燒和帆立貝好味金目鯛的頭尾我要了煮湯,清清地,幾甜,唔錯鰻魚飯都ok池魚食左一大半先記得影相味道係大部分日本餐廳都應該係呢種貨,冇特別,用黎送飲都ok,價錢唔貴。仲有支300ml清酒,埋單$1800幾,咁樣食發算唔貴,值得一試。如果想食飛機魚會再去

諗住幫男朋友慶祝生日飯 點知中哂伏 成餐飯dead air哂入到去坐低二人枱時好逼點好哂菜坐左半個鐘都未上到食野跟住店員安排轉返大枱時個心終於舒服少少但都係要等左陣先有剌身結果食完刺身又要等半店鐘先有壽司……之後火鍋同羊架都分別又係各等半個鐘即係全程兩個鐘上四道菜真係乜心情都無哂 坐都坐到飽喇……同埋d野其實1d都唔平 收既價錢係銅鑼灣/尖咀高檔價錢野食其實係好普通 刺身壽司唔係唔新鮮 牛肉火鍋唔入味 壽喜燒湯底唔夠甜羊架都一般啦真係唔會食得出驚喜 食過同區同等價錢既真係好過多多聲至於服務 前枱三個人 整壽司既得一個廚房我估先得一個 但係成場都係客人上菜速度真係好慢好慢 又要上錯剌身叫油甘魚變帆立貝 店員問要唔要取消帆立貝壽司我地話好結果又照上左食完壽司都飽哂時 想cut左個成百幾蚊的羊架但話已經整緊cut唔到喇不過最後又係等左半店鐘先上羊架……說好的整緊呢同埋最好笑係 竟然係自己幫自己點蠟燭……店員話：我依家點左你地影相會溶架 你地影完之後自己點蠟燭啦！自己黎 ok? ok！成餐飯埋單$1280 其實老老實實我加多400蚊就已經可以上去海景餐廳食西餐又或者係其他鋪食到好好既

在赫德道happy hour 後，打算附近隨心搵間日本菜試下，估唔到今次幾有驚喜啵刺身拼盤，有十款，兩個人食已經好滿足，肉質好鮮甜，聽說食材是日本新鮮空運的，我特別喜歡個帶子同海膽. 生蠔，實物比想像中大隻！有我隻手掌咁大，食落重有好重海洋味道黃金燒帆立貝，面層醬汁好juicy，燒得好香好入味又口唔會油立立。環境都幾舒服，牆上有好多壁畫，個格調用黎做佈景影相打卡應該幾正。果晚兩個人去都坐左好耐，waiter 無催人走，整體服務OK。總體食物水準唔錯，對得住個價錢，份量幾大件下，人少少既話食套餐會抵D。Anyways , 會再幫襯

今晚兩個人去尖沙咀，因為都已經9點幾，所以想食得精啲，一喜已經去過好多次了，由西貢搬出尖沙咀都依然keep 得好有水準，平民價錢，每次都食得好開心😄個併盤靚到呢🤤！刺身好新鮮，水母刺身好爽口👍🏿兩個人食份量剛剛好，非常滿足的一夜之前黎過有食其他野如牛肉飯同串燒都好好食，環境都好舒服，可以慢慢坐同傾計，呢度份量都比出面嘅大，所以大家都唔好眼闊肚窄，慢慢叫，慢慢坐，鬧市中可以搵到咁好嘅地方好難得！

OpenRice 啲相片，有時候也應該 update 吓，本來睇到有個二人套餐幾好，諗住兩個女仔唔食太多、但又想食精啲，點知一坐低話個二人餐冇咗好耐，我哋當堂想起身走人，但奈何已經係晚上九點半，咁就焗住食。點咗個牛柳鍋飯、豬軟骨拉麵、幾串串燒（蠔、雞皮、牛柳），個飯太大，根本係兩個人份量，但又唔提啲客，結果我食唔唒，浪費了一半飯，啲牛柳係唔好食的，串燒蠔、雞皮還可以，餐廳啲價值好極端，$138 有一大碗（有兩碗幾飯），但差唔多價錢，淨係鐡板一塊鵝肝，啲刺身也是比較貴，就算好普通嘅三文魚都要過百，不過，都冇辦法，我哋本來係嚟食二人餐，哩間餐廳，以前應該係走偏高檔路線，而家就做返啲普通港式日本餐廳，真的好普通，唔會特別想去，唯一好嘅係啲位幾好坐，但二人餐哩單嘢，真係好失望～（佢樓下個餐牌都有，但上到餐廳個餐牌就冇，咩事者～ 😒）

禽晚睇電視，見人食日本野，決定今日到我食🤤。成日都覺得自己好幸福，可以想食咩就去食！更幸福係，抱住要食好味日本嘢嘅心情嚟試， 無令人失望，呢度無嘥quota。有籮牌，可揀新鮮海產。第一味，一定係沙律，有四塊豆腐，豐豐富富，新鮮好味！好平的海膽，一板有好味好甜的，但都有好幾條有💩味。食過難食海膽嘅就知果種味有幾難頂。賣相好，但質素好參差。佢舊Wasabi好正😗，門口海報話係新鮮磨。叫左呢塊勁嘢，開頭幾小塊同蔬菜係小姐幫忙燒嘅，開爐用牛膏，勁多煙🌫，怕怕🙊。之後淨番四塊，俾我自己玩。都好味嘅，多脂肪果啖就更油嫩。最正係完全無筋，輕鬆咬得開，有牛的甘甜香味。燒物，即叫即燒，好夠乾身，好味，但當然需要d時間啦！最後叫個湯飲，好足料，魚頭炸透再放湯，好香口，一d都唔腥👏🏻其實我食親野都係每次叫一兩樣，分幾次叫，因為可以樣樣都夠熱夠凍食，張枱又唔洗咁迫。另外，開頭一心諗住要食嘅，最終食住食住可能口感已轉左想食其他嘢，又唔會一開頭喪叫到食唔晒。今次食完塊牛，已經覺得飽又油，唔想再食咁多串燒，所以好節制。埋單，其實除左塊牛，其他都唔貴，食物及招呼都好有質素，由七點幾食住、坐住到十點，小姐一路適當時斟水

Went there with a friend and found the restaurant exceptionally bright for the evening. I would think a dimmer lighting would create a cozier atmosphere. On the table was a basket of wooden planks with names of fish which were freshly arrived and its price. The price was for the whole fish or for the pre-apportioned size of a large fish. That's quite interesting. We had no idea what the fishes were by just reading the names and it wasn't easy for the waitress to explain either. It would be bett

今天是老公的生日，半個月前已開始四出搵餐廳。結果選擇了呢間日本餐廳，不負所望，食物水準不錯，性價比高！2位服務專員也很親切。最驚喜是他們店為我們準備了好好味的壽司生日蛋糕！大滿足！

Lunch同同事一齊去左食日本野，呢間新開既時候就有去食過，好耐冇上黎。環境同之前一樣都係咁舒服，只係人流真係多左好多人，我地冇訂位，咁岩有張空枱如果遲少少就冇得食啦下次都係要訂定位先。一開始見到menu有咁多既選擇，真係唔知食咩好，又想食熱野又想食刺身。最後同同事諗左好耐，都係食最愛既魚生飯雜錦魚生飯，有三文魚、吞拿魚、甜蝦、八爪魚、北寄貝等。所有的刺身都好新鮮又肥美，飯的份量都多，食完都真係好飽仲有埋沙津同湯

Was looking for a place to meet clients, some light drinking will be great! One of my colleagues suggests Ikki Japanese to me.The restaurant is close to tst east, 2 blocks next to K11, easy to access.When the lift door opens at 7/F; both the clients and me were impressed by the painting on the wall.... technically a printed decal on the wall.We were warmly served in a VIP room. The restaurant is decorated with paintings. The owner told me, all the paintings came from same master, including those

一個人食飯突然好想食日本嘢，上網搵咗一陣就決定一試。星期五晚上到去得兩檯客，起初有啲擔心，但都決定坐低。好多嘢都想食，最後就叫咗太刀魚半條、帆立貝、活赤貝、油甘魚刺身，再加雞泡魚干、兩串串燒、燒飯團，個姐姐仲好好咁問我駛唔駛要半份油甘魚，佢都怕我食唔曬食材好新鮮，所有刺身都好本來有啲擔心太刀魚會腥，但一啲都唔腥，味雖然淡但爽口，再加埋佢嘅酸汁，好好味呀，熟食亦不錯，其實我叫嘅份量兩個人都夠食，埋單雖然有啲貴，但都值得再去