一休日本料理 (已結業)

昨日同幾個朋友去食飯本來想去魚心試下, 結果經過呢間野門面唔錯同埋都好似幾多人食咁就入左去試下….結果我地3個人叫左:$25/半磅三文魚1個窩燒雞&1個窩燒牛柳定食1個雞軟骨鉸子1個芒果蟹籽沙律1條燒青魚一見到$25/半磅三文魚….黎到一見到大家都覺得佢一切得非常核突..同埋都唔知夠唔夠半磅囉….都算….食落極之係………”惺”同埋非常唔新鮮!!!!仲有0個兩個窩燒飯係”甜”到爆架!!!鉸子無咩特別不過無咩料………….係個芒果蟹籽沙律同埋條燒青魚食得下….一次就夠喇唔該….每人都食左近$100…真係…下次請我都唔會去..已經無下次!

噚晚同男友去MK睇戲男友介紹去一休食日本菜所以打算一試一開始先order了半磅$25三文魚刺身但刺身比較薄..亦不算肥美但以$25來說...還可以再order了一個清酒煮蜆不過不失..接著是蝦天婦羅呢個真係唔係好得啲炸粉好厚..啲蝦比較細隻好似食到一口粉咁...唔好食再叫了一個店內有名的龍蝦卷其實同一般反卷有點像但都ok....不過不失..但食唔到有龍蝦肉眼見枱枱都叫三色刺身所以忍唔住都叫了一客但.....極失望雖然$88一客三色刺身唔算貴但啲魚唔係好新鮮又唔肥美..所以經過此經驗應該唔會推介朋友黎!!

款式幾多, 夜晚定食質素同份量都有保證魚生剌身都係大路野, 不過貨素参差, 最常食嘅三文魚合格, 不過甜蝦就有D "霉霉地"....價錢百幾蚊左右, 屬於抵食環境有D迫, 一班人5~6人食的話勉强可以

由返學o個時已經黎過一休食la...學生黎講一個定食30蚊倒仲有野飲....唔錯la...今次再去一休~味道依舊....以前就會叫拉麵...而家就多數會叫定食lunch....可以選2款料~我和男友分別叫jo 饅魚炒飯and 角切刺身飯炒飯好大碟~食jo一半就食唔晒lu.....相反刺身飯唔算大...岩岩好....男友話幾新鮮....

有日約左ＧＦ出旺角　佢提起之前同同事幫襯間日本野食都ＯＫ喎　於是就去依間試下囉．．．滿以為有好野食啦．．點知失望而回．．．首先，食物唔掂．．．叫左個拉麵．．但佢Ｄ麵質同其他鋪頭既好唔同．．．食落去好似米線咁．．．．另外跟拉麵件三文魚壽司．．．又細件　好似手指尾咁細而食落去唔係好新鮮．．．另外，我叫個拉麵午餐跟既三文魚壽司兩件．．．等左好耐，等到我同ＧＦ食晒麵同佢個定食，野飲都差唔多飲完　佢都未黎．．．．我懷疑個待應漏單．．．因為佢落單時跟本無寫低，就咁聽完就記．．．催左幾次，都係話就快就快．．．．都唔明點解整兩件三文魚壽司都整咁耐．．．只少３０分鐘．．．．食一次已經夠　無下次～～

去到通菜街搵野食... 炳記,沙嗲王同西門町都係好好的choice,,,不過今次呢....就去左一休la....兩個人叫左三樣野...天婦羅定食,吉豬定食同埋25蚊3文魚3文魚比其餘兩樣好... 有鮮味,,,不過就唔知足唔足斤兩la天婦羅定食... 感覺上大盛比佢好得多吉豬... um...唔夠淋滑...不過就唔係鞋口la....今次冇睇食評就走左做烈士.... 下次都係睇左先去la

之前同strong出mk睇戲前佢帶我尼呢度dinner好多野食揀..我地叫左好多好多好多好多..多到迫爆張枱嚇親人=v="三文魚刺身半磅,海哲,沙律燒魷魚筒,好大隻下..仲有好多好多壽!!搞到食唔哂個沙律要拎走呢..呵呵但整體上都唔錯,野食都尼得幾快唔算太貴只係多人既時候真係坐得幾迫下

尋日去左呢間一休食..個朋友極力推薦..我都滿懷希望..點知離時極度失望食物點左2客三文魚刺身-無鮮味, 只有口感雞軟骨-炸"張"失敗, 都無咩點食, 平時最鍾意雞軟骨會食唔停.係呢間食左一陣停左手魚生飯-普通海瞻炒飯-有腥味, 食左幾啖停左手服務成日問人D野到齊未.吹人走..好煩總結好似虐待緊自己個胃..下次請都唔去呢間野

一行四人同其中一個朋友慶祝生日,大家旨在搵個地方hea吹水order什錦壽司拚盤,一板海膽,清酒煮蜆,天婦羅,及其他小食....坦白講,d壽司確實ma ma地,的魚生好似唔係咁新鮮,海膽就ok新鮮,清酒煮蜆就太少清酒味,攪到好似清水烚蜆,其他小食亦一般. 稍為出色的明太子蝦丸同魷魚筒飯

lunch time泥到,唔洗等位.一見餐牌,其中一張係有十幾款比你任選2樣.跟miso soup,餐飲,白飯,中華沙律.-咖喱吉烈豬排-個咖哩汁好杰.有薯仔粒同蘿蔔粒.應該係煮左好耐耐果d.因為個汁d水份都無野.個豬排炸得好出色,唔油,但係肉好乾,好實-芝士焗海鮮-所謂海鮮只係得d少細舊的青口,硯,三文魚碎,芝士焗得係最好ga la-豬軟骨-黑'蚊蚊',唔講唔知係日式,勁似中式無鍚排骨,d味都有d似,係無左酸味.-煎雞排-無肉汁,d肉好乾,但係佢本身又有少少汁跟埋..好奇怪飯-好硬...可能我食唔實啦...餐飲可跟金桔檸檬水..overall..佢似係有十幾款餸煮好晒,放晒o係度,要時只要一'茟'or有需要時會reheat....咁罷到明,好唔得啫...

$33-三色魚生飯味道一般,唔會好好食,又唔算係差..包埋面豉湯同飲品..都好抵食,個樣都幾靚！

1.SEAFOOD炒烏冬,,,好咸,,如果唔係咁咸就好好食2.芝士軟殼蟹,,,,蟹唔熱,,,芝士冇嘜味,,,麻麻地3.芒果蟹子salad,,,,mango好甜,,,,青瓜冇苦味,,,,good4.半磅三文魚,,,,呢個好食過9代,,,,good

同兩個朋友去左一休，試左海膽炒飯、炒烏冬、蒜片牛肉、三文魚刺身及五碟壽司。海膽炒飯真係完全唔得，有異味，好腥好嘔心，我地淨係3分2冇食到.......蒜片牛肉好食，三文魚刺身都OK平，其他都OKD食物好極端..........如果冇碟炒飯呢間野其實不錯的，價錢OK

放假同老公出街食飯，決定去一休，因為兩星期前去過食咗啲壽司同特價三文魚刺身，都覺得ok好食，雖然唔係咁好坐，但都冇諗住坐好耐，是但啦！食完就走囉，所以決定再去。今次叫咗豆腐牛肉窩、三文魚明太子沙律、三色魚生飯、2份特價三文魚刺身。下次再去嘅話都係叫壽司及魚生最穩陣，事關個窩認真唔掂，啲肥牛肥到我從來冇見過，啲肥油浦哂喺面，根本冇可能食到，食咗啲豆腐後都冇再食過。老公食魚生飯，個碗係大，飯係多，但要好味至得！啲飯醋味不足，飯身太濕，粢吓粢吓咁，好彩啲魚生仲可以。沙律個樣太求其，是但將兩塊生菜放喺底，on top有啲青瓜絲、明太子、三文魚切粒、蟹籽，啲菜嘅size太大，究竟有冇諗過客人放唔放到落口，咬三四啖先可以食哂一片菜葉，啲沙律醬味唔夠酸同香，除咗食到成咀白哂外，食完都唔党食完沙律咁。最好都係啲特價三文魚刺身。的確係好多人去，好逼人，但上菜唔算耐，都係食完就走嘞！都會再去，不過唔會再叫其他食物，都係淨食魚生同壽司lu！

昨天與朋友到這日本店食晚飯, 叫o左:壽司併盤$88 (14件)北寄貝壽司$15 (2件)油甘魚壽司$18 (2件)三文魚刺身原價$50 (半磅)但食滿$100(不計此刺身) 可以半價計算, 即$25半磅價錢ok, 食品ok但上菜極慢!!!o的侍應的回應係: 係o甘o架啦, 係要等o甘耐, 因為好多單。em...建議這地方不宜太餓時去食, 否則一定餓死!