一休日本料理 (已結業)

最近和男友去食午餐(都成2點幾去o家)~入到去無人招呼,但個時間鋪無咩人食野= ="!唔知點解呢!食野一般la...但個魚生刺生定食(個名好似咁,係午餐黎既),就唔係太好食!

我都去過依間日本野好幾次,因為我同男友都覺得幾好!!同埋幾抵食既,不過環境就唔係太靚~~野食就幾新鮮既,服務就需要改善下!!

作為平日lunch既地方算唔錯~~價錢好平~~~~便當都ok抵~~~~不過水準好飄, 食過一個三色魚生飯, d魚有jar~~好唔新鮮..佢係配凍壽司飯既~~~本身唔錯~~~不過今次來既飯係熱既.....而且等了好久....服務方面一向都差, 入去坐低好耐先有人落單~~~態度勁差~~有次食便當~~叫左同一個waiter 3次差個湯都唔來.....最後食曬仲等左一排先來...唉不過以價錢來看~~~lunch都食得過既~~為左食平野要忍下law

因為見到食評話幾好, 雜誌都佢係壽司既藝術所以今日去試下結果, 真令人失望便當: 有水浸住既牛油三文魚碎+ 水浸滑蛋豬扒火炎壓板三文魚壽司: 點呢個菜既原因,係因為我好想睇住一個會"著火"既壽司,點知, 睇住佢著住火係廚房出黎,但個侍應又唔護住d火, 我睇佢就過到黎既就熄左,個侍應仲同個火講"oh !! byebye"呢個壽司好難食, 真係好難食,亦都好難食得到同夾得到,因為一夾就"粉碎", 再夾就要用匙羹"不"黎食,用匙羹食壽司, 都係第一次燒芝士軟殼蟹咩咩卷: 買相唔錯,但同藝術好似仲有d距離喎,韌韌的紫菜配硬硬既軟殼蟹,都唔知自己食梗咩明太子焗金菇: 好簡單既一個送, 食左一啖之後我話" 我都整得好食過佢"佢既金菇不經任何調味, 只放上明太子就焗,或者佢想原汁原味, 但我只係到臭臭地既味 三文魚腩壽司: 算係最正正既一個食物, 係要講求色, 香, 味既美食, 係要色, 香, 味之外, 再加上服務同心情今次, 我地一邊食就一邊搖頭, 服務又很差很差,點食物D侍應又好似好唔耐凡咁,日式食店最講求既除左食物之外就係服務質素,呢間野一定唔會再有下次

同男友很喜歡來這裡食日本野, 抵食同食物質素ok, 不過服務同環境就差一些。三文魚刺身質素不是太穩定, 不過以25蚊磅算ok, 海龍捲唔錯, 軟支殼蟹捲都ok, 不過同佢上面片芝士唔夾, 冇左會好0的, 蟹子沙律男皮友至愛, 不過不失.

上次本來諗住黎一休, 但去左隔離個間.......shit但今日黎返一休正同女朋友一入到去等左兩張枱就有得坐都算幾快叫左幾樣野食雞肉鍋燒定食：估唔到都幾多，d雞都ok好味！B原條海嫚壽司：一見到, 嘩咁平條嫚魚咁長，抵喎特價$18咋都幾好味，但D燒汁多D會更加好味。B+厚切三文魚壽司：真係好厚既三文魚呀，都OK鮮味，三文魚最緊要梗係鮮味啦，真係做到，正！A-三文魚刺身：叫左返黎望到都好新鮮，食落都好有鮮味，一個字GOOD。A埋單都係$125蚊兩個人食都算抵喇, 都幾飽GOOD，會繼續支持，係值得再去既日本菜。

尋晚經友人推介後到此餐廳吃晚飯八點幾去到都幾多人於是半個鐘後再去, 不用等位環境麻麻, 桌下都幾dirty$25半磅三文魚好抵, 見鄰座點的都算大塊二人叫了: 炸雞軟骨: 粉厚了少少, 但整體都幾好味軟骨餃: 忘記了點汁, 但也不錯, 有口感!三文魚頭窩定食: 喜歡三文魚頭的朋友一定一定要試因為整個窩大得嚇人, 碗飯又大, 又包飲品, 非常抵食, 兩個人吃都夠飽窩燒豬軟骨定食: 又一大堆頭之作, 包幾舊好大的豬軟骨和蛋, 不過就好漏, 友人不太欣賞, 但我就幾喜歡, 最後只吃了少少就要打包了埋單$168, 非常抵食我建議兩人的話千萬不要叫兩個定食, 因為會飽到走不動的以這個價錢, 這間絕對吃得過服務方面, 除了一位serve我們的女侍應態度非常好, 而且十分搞笑和幫得上忙外, 其餘的都沒有笑容和要催很多次才會應你那位女侍應真是很好, 下次再去我也會記住她!

尋日(27號)係我同男友一週年紀念,前日上開飯喇睇過D資料,一休既評語都唔錯所以同男友決定去一休試下!大約七點幾去到,都OK多人,不過就冇人招呼我地企左陣先有人發現我地跟住先帶位一坐低...張TABLE都幾細,見到隔離木台D野多到就快跌出黎咁我地首先點左個鐵板海鮮炒烏冬,辣味螺肉,兩杯野飲同埋半磅三文魚第一個到既係鐵板海鮮炒烏冬,呢個真係唔好味我懷疑佢俾既唔係烏冬,係伊麵因為佢既賣相同埋食落去都係伊麵個種味道-_-佢又好多菜,真係食得既都好少我同男友都覺得對呢碟野唔滿意,唔好味,又唔飽.三文魚中規中矩啦,愈食愈覺得冇咩味(仲要$25半磅@_@)因為唔飽既緣故再叫多碟鐵板蒜片牛柳& 三文魚今次個鐵板蒜片牛柳就OKAY,D牛柳都唔算好難咬,而且點D汁就更加可口最滿意應該係呢碟.最後賣單$230服務生既態度一般,有時會漏單總括黎講我地都係覺得麻麻地,應該唔會再去

朋友帶我黎食,ok LA,食過幾次,坐樓下有個女待應好好禮貌,不過今次坐樓上個女待應D態度唔得,3個人叫左份雞軟骨(必食),一個$128壽司拼盤,仲有兩碟三文魚,個拼盤好抵食,都OK,三文魚新鮮,下次會再黎

14 March 2007 (Wed) - 晚飯同一個朋友慶祝生日，我哋兩人請佢黎呢度食，我個朋友話呢度平靚正喎，但係我郤覺得好一般啫，平就確實係幾平，靚正就唔見得有幾，只屬OK！我哋喺壽星女未到時已經食咗一人一件手卷同埋一碟雞軟骨，手骨都可以，雞軟骨我就麻麻，因為係炸嗰隻唔係燒嗰隻；跟住我同好友見到隔離枱叫咗個刺身船，好正咁，我哋亦決定叫返個黎食，好好味就唔講得係，不過種類同數量郤都幾多同好，所以食得我哋好開心，再叫咗個金龍蝦卷，有好多牛油果，正！然後仲有個牛肉窩，都唔錯，不過料就少啲，但大家都食得好開心！其實話正又真係唔係好正架啦，不過勝在啲waiter/waitress都好nice，而且份量亦足夠，唔似得有啲地方唔好食又少量，都會再黎既，夠抵食嘛！

今日個fd 帶我去試下呢間一休.佢食過話平靚正~果然三文魚真係好新鮮.個樣好吸引~另外叫左芒果蟹子salad,芝士茄子天婦羅,芒果三文魚雜菜卷3樣都好好味..個配得幾得意~埋單都唔貴~~食得好飽~

果日同個fd諗住去一間佢介紹既地方，入左去佢先發現好似唔係佢想去果間。不過坐低試左先知原來都唔差，仲有d出付意料之外。d三文魚剌生真係幾鮮幾甜，另外試左個新鮮海膽，個賣相一個字…勁！

前晚8點鐘左右,同朋友去到呢間日本食肆食野,我地上左二樓,果個伙記唔知佢本身d格係咁丫,定係佢做到發悔氣,令到我要上黎呢度投訴佢:1)一d笑容都冇2)叫佢寫單冇repeat多次比客人聽3)落錯單個矛頭仲要直指客人4)問佢有關食物既品種既時候,所以句子最後都要有個"囉"字,唔係係唔係佢既口頭蟬呢???食物方面,價錢同款式都大眾化,芝士年糕好好味...大家有機會去到的話一定要試下呀^^~~

24晚唸住食d野就出尖咀, 呢間未食過就入試下.唔錯~ 兩個人大約7點左右, 唔使等位有得入, 對無大要求既我黎講, 起碼比"活記","板記" 等成個幾鐘好好多.位就窄架啦, 但個decoration都可以~見到好多好靚好有特色既壽司盤, 但我地只叫左d普通既野即, 不過質素都幾good.1/ B盤雜錦壽司, 都幾新鮮, 份量抵, 味道一般, 飯易爛.2/ 牛油果軟殼蟹壽司X4, 幾靚~ 味道麻麻.3/ 海鮮鍋, 叫得過! 有蟹柳, 青口仔, 三文魚... 特別係個豆腐, 滑且彈口, 我連湯底都飲埋.埋單$160, 好飽, 會再食~

上星期與兩位朋友一齊在這間餐廳晚膳.我們叫了一些店員推介食品及自選菜式後大蓋不到5 分鐘我們所點的食物一一送上(先來沙律-->魚生-->煮物..).我們飽餐一頓後(每人都食得很飽嗰隻)原本打算埋單走人但因時間尚早我們只有留下來繼續吹下水.當晚我們所叫菜式有:什錦魚生拼盤(188) - 生鮮,超平,份量足*****海膽炒飯- 好味,飯夠乾身****肥牛豆腐煲- ok蟹籽沙律- ok 明太子丸- ok 炸得乾身炸蝦天婦羅- ok 共$340 不久,店長走過來與我們傾談並話我知本店於12/24 及12/31日有function.凡於當晚11:00後入座惠顧滿$100元即送(雜錦刺身船一客)及有即時抽獎玩.(不過要有邀請咭)那店長亦好識做立刻送上三張邀請咭給我們.我們在傾談當中發現店長手持今期之廣告宣傳單於是在我的好奇心指使下我叫店長借這張傳單給我看.大蓋10點左右就埋單走人.我與朋友已決定12/31再來,而你呢?查詢: 31889410 (陳小姐)