一休日本料理 (已結業)

未食飯就去咗旺角睇兩個幾鐘戲，出返嚟都已經十點幾，梗係醫肚先。側邊隻人仔成日同我講呢度嘅凍烏冬好食，見有機會就不妨試下啦！入到去我叫咗呢個牛肉雜菜鍋。好坦白，我有點兒後悔，因為個鍋實在唔多夠熱。味道唔錯，唔會太甜，同喺坊間食到嘅咁上下。呢鍋60蚊有找，所以都唔好期望有太多牛肉，如果你唔係太誇張嘅話都夠食。呢個就係傳說中抵食夾大件嘅天婦羅凍稻庭烏冬。有炸蝦、南瓜、茄子同蕃薯，熱辣辣、脆卜卜，又唔油。不過除咗急凍蝦冇咩味外，其他天婦羅唔錯。稻庭烏冬由冰盤上，凍冰冰烏冬配上芝麻醬，夾埋熱辣辣天婦羅一齊食，個感覺好特別！其實我個人偏愛稻庭烏冬，口感爽滑彈牙。信我，你食過就即時唔想再食平時街邊三蚊包嘅普通烏冬！三文魚刺身，呢個完全係搭單FEEL，純粹因為晚市滿$100加廿幾蚊就有先嗌。油脂分佈尚算平均，只不過切得比較樣衰，忽大忽細。入口凍凍哋感覺唔錯，冇怪味，合格啦！至於服務方面，侍應的確會同你加下茶、收下嘢。但，我實在唔鍾意畀人啤啤貢，向我同埋我身邊嘅人上下打量！知道嘛？侍應們。本身我想叫原條池魚刺身食，亦都係因為咁，搞到我冇哂MOOD，冇叫到就埋單即走。仲有冇下次？我唔知喇。

8點左右去到,可能因為係閒日唔使等位~叫左個海鮮芝士烏冬,上次食過好好味,今次感覺無上次好味,下次試第樣~軟穀蟹卷,幾好但唔算好好~芝麻八爪魚軍艦,味唔夠濃,但ok~晚市滿100可加廿幾蚊要三文魚剌身,唔算大片,但最好味係呢樣~雖然整體無第一次食咁好味,但服務ok,d啊姐幾好笑容,落單同上野食都好快~兩個人埋單170左右~

一休之前食過好多次...都覺得食物唔錯價錢又尚算相宜..但服務一般...今次食物同之前有d唔同...價錢亦貴左少少...服務依舊好差....先講食物:火炙蟹棒壽司好正...仲熱熱好甘香...三文魚刺身尚算肥美...牛油果軟殼蟹卷ok啦夠脆...魚生飯就一般....仲有大板燒值得一讚...外面夠香脆...汁濃味美...入面嘅菜夠鮮夠爽脆好夾呀^~^食物真係進步了...但要一題服務方面極差:食食下有個黑衫男waiter移我地張枱....冇事先講聲...搞到咀裏d野差d跌出來...望下佢仲sorry都冇句...仲話因為隔離有6個人要我地坐過一個位...完全冇禮貌呀!!!叫佢加水又唔加...唉!一肚氣!!!決定以後唔食！

上回寫了當天午餐既食評緊接著是晚餐了果日同男朋友行街街，行到腳都軟 而且好熱（有成33度T_T終於行到一休!一入去即去鬆晒 冷氣舒服嘛------------------------------入到來真是花多眼亂好多款食物揀 !男朋友揀左牛窩飯 (類似名..忘了xd)其實叫錯左..因為.... 入面D料同 下面叫既小食一味架 都是一口牛柳粒 雖然都係好好味一口牛柳粒我就揀左 海膽炒飯不過不失啦 但不特別好味了啦呢個真係食甘多是最好味的!辣味三文魚卷點左汁真係好好味!!本來 點完東西就夠了但員工問我地 要吾要三文魚刺身半磅 $25 我地見反正甘平 咪試下結果是超值之選呢!都幾肥美!切得都厚 出手幾勁 我諗呢個應該只限叫一次(?)但我地食飽晒 冇再問(嘿------------------------------今次真係冇揀錯,之前特意來OPENRICE 睇食評,呢間野都有OK多 差評..令我有點卻步不過真心 呢間值得一試價錢亦是吸引之處啦!

星期六下午茶，男朋友話想食日本野。於是我上網努力搵間可以有下午茶餐既日本餐廳，大型連繫店就無喇!最後去左多年無再光顧既一休食，作為女人街既日本餐廳，呢間都算係開左好多年。令人覺得驚喜既係價錢依舊，星期六可以食到$3X，有野枝裝汽水飲、有湯、有飯既餐，邊度搵?!以$3X既價錢黎講，好滿意! 我食左個鯖魚定食，一大舊中華沙津，絕不欺場! 鯖魚雖然細細舊，但味道OK!果度既侍應好攪笑，外型好似日本古惑仔咁黑衫黑褲寒背，但係服務態度好好，速度又快! GOOD!

大約2年前開始來一休吃日本菜這裡一向以滿$100可加$25要半磅三文魚刺身作招徠至今亦是 這里有幾個壽司拼盤供客人選擇 價錢最低的由幾十元至幾百元都有2個人去食 多數會點這個拼盤(名字忘記了)因為喜歡它有花之戀+龍蝦沙律 壽司共26件 每款都有2件 加州卷4件 正好2個人吃 共24件 約一百多玩 抵食!! 壽司好大件 比較出色的有以下幾款:花之戀 三文魚切得厚薄適中 好新鮮用上好多蟹子鋪上面 加上沙律醬口感一流 清新不會太healthy 龍蝦沙律腐皮壽司 這個是每次來都會點的喜歡它的龍蝦肉十分爽口彈牙而且材料很多 啖啖都係龍蝦肉再用非常薄的腐皮包著 腐皮甜甜的 跟龍蝦沙律和飯團一起吃 好滋味呢 三文魚刺身 (1磅) 專登找回這張1年多前的照片 1磅三文魚有好多 每件都算厚算大但提提大家今非昔比 如今的1磅只有相中的一半而且切得又薄又細件 抵唔抵食就見仁見智了但三文魚是非常新鮮的這點是這店一直都保持到的優點亦是我欣賞的地方三文魚有鮮甜味 沒有雪味 油脂多 入口甘香 讚!

小妹和小毛慶祝2週年記念，本身想去日式放題來個大解放，誰不知高朋滿座，要吃便要等到9時才有位。原本已經在旺角已經泡上好幾個小時，現在才8時，慢慢長夜再逗留多1個小時，小妹已經不想再逛街了，唯有轉移目標去別處填肚子！小毛想食日本菜，便想到女人街橫巷有很多食店，我倆求其看看門面ok便入內。我們安排上了樓上層旁的單人枱，沒有漂亮的裝潢，風景畫或擺設等飾品都沒有，有的只是枱枱櫈櫈，以及裡面有一個小廚房。門面大大個招牌寫著$25/半磅三文魚剌身，而且可以無限次追加，只要每人消費滿$50即可。小妹對壽司興趣不大，隨即飛過，跳到小食類及拉麵類，沒有想吃的炸芝士年糕，所以便只點上炸天婦羅配豬骨湯底拉麵，小妹都是走不出煎炸類食物的陰霾。小毛就叫了什錦壽司併盤，款款都有，連諗都不用，省卻不少腦力，平均約$1×件，剌身都算不錯，新鮮有彈性，漂漂亮亮的蓋住壽司飯；壽司飯粒粒飽滿且小巧，醋味不過重，咬下飯粒亦不鬆散。三文魚壽司上的剌身比起$25半磅的剌身來的新鮮，有光澤之餘，口感亦豐盈點，可算是有點分別吧！小妹的天婦羅包括有炸蝦，蕃薯，冬菇等，熱辣辣不太油膩。 拉麵比起想像中好吃，當然比不上別的拉麵店過百元的

是日中秋節. 跟朋友去沙田睇中秋晚會之後先發現原來自己冇食晚飯~咁o岩地鐵24小時, 就決定出旺角食野.成夜晚11點半先黎到, 入面得3~4檯客. 是晚叫左以下既野:1) 三文魚腩刺身: 一上檯o個下已經勁開心. 三文魚腩好新鮮同夠肥美. 每一件都有魚油o係面. 一入口魚油既味道充斥口中, 真係勁想大叫: 好好味呀~~~!!!2) 加州卷: 一客6件. 加州卷唔會唔好味, 再加上本人一向對加州卷既喜愛, 好快就清左呢碟野.3) 汁燒豬頸肉: 上檯時個賣相已經唔太靚. 趁佢仲熱住既時候食一件, 好鹹. 燒汁太多了, 完全食唔到有其他味. 再者因為係鐵板上既關係, D肉去到後尾煮到老左, 開始靭 因為本人實在係太餓, 所以大部分都係朋友睇住我食. 唔知有冇嚇親個朋友呢??? XD埋單$173.

第一次開account寫食評係因為呢間野食到我一肚火，奉勸各位進入此店前請三思。一行二人星期六中午想食日本野，眼見其他鋪頭好多人，唯獨此店不用等位，於是入去試下。入到去有幾張四人台，一張二人台，侍應生把我們帶到一張已經有一位客人正在進食的四人台搭台，在我們要求下，才安排二人台給我們。（唔明白點解有咁多台都要我地搭台？）我地order左三文魚蟹子飯（$33）同吉列豬扒炸蝦飯（$32），價錢可接受。由於室外氣溫高達35度，大家都汗流浹背，入座一段時間，水都冇杯，之後問侍應拎水，佢反問我：你叫左野食未？跟餐有汽水送既話我地冇免費茶水， 真的百思不得其解，我問你拎水係因為我地叫晒野，d汽水又未拎黎，大熱天時，口渴到鬼咁。一開始叫野食，舉左手好耐冇人理扮睇唔到，之後又黎錯食物，炸蝦變左牛肉，之後又要再等佢換返，但三文魚蟹子飯份量好少，個碗就超大，而且d飯好酸，三文魚厚度ok，整體食物味道ok! 由於飯好多蟹子粒粒，佢只係比左對筷子，根本夾唔到蟹子，莫非佢考驗緊我渣筷子既功力？又要再叫佢比匙更，問佢吉列豬扒有冇沙律醬，佢話冇，唯有叫佢比多d點蝦既醬，因為真係得好少醬，萬眾期待既醬來了，一睇，本來

呢度已經好耐冇黎過食野喇~入到去一坐低唔使諗即刻叫左個$25三文魚刺身,再叫左個大既壽司併盤$218首先三文魚刺身上枱,見佢賣相唔錯~點知食落口越食越覺得有"陣"腥味~我地諗住小小腥味都冇乜野,最後都食哂,跟住到壽司併盤先至係令我胃口全失既主因,首先鰻魚壽司好黑,黑到我初時有d懷疑佢係乜,我地兩個都冇食到其中一款魚壽司係極腥,腥到完全接受唔到,海膽壽司男朋友話ok,我就覺得都係有小小腥,花之戀我男朋友一食即刻吐返出黎,因為直情係有異味,食到呢度我地終於頂唔住要同經理講,經理話補返2件花之戀比我地,我地都話唔要喇,因為真係冇哂胃口,成餐覺得最好食既就係幾件平時唔多受歡迎既加州卷同腐皮壽司埋單$260,早知去買幾蚊件壽司冇咁嬲腥既三文魚真係第一次食到呢間野我唔會再去!!

一行3人行旺角,發現有條街內有好多食店,花多眼亂,友人提議去食日本菜,找間平平地試下.見呢間好似不錯,見門口有人等位10個8個,唸住唔駛好耐,點知都要等咗成50分鐘先有位…………………因為門口有$25半磅三文魚,所以一坐底就先點一碟(後來睇到,如每人有$50以上都可以任叫)來到有9件,好懷疑,真的有半磅??? 無乜甘味,不過好彩也算新鮮,不過價錢都覺得OK,所以都叫了2次另外叫了海擔半板,燒雞翼,牛舌,牛肉湯烏冬,燒三文魚頭,牛肉湯烏冬,烏冬一般,但係個湯底好好味,帶甜,又夠熱反而燒烤非常好, 有驚喜. 雞翼皮燒得好脆,裏面好軟滑. 牛舌真的好好味,入口有油甘味,唔SO. 燒三交魚頭也燒得好好,外面也是好脆,夠咸,所以好甘香.海擔半板,比想像中份量故少. 但係味道都可以,不會有一陣怪味.最唔好係木板下加冰,根本都無實際用處,凍唔到去,只係令到的紫菜好快變唸.

一入店完全沒人理會，只好自己找位坐下。串燒拼盤：牛舌 - 我第一次食硬得像橡膠的牛舌，完全咬唔開，最後只好放棄。雞軟骨 - 我相信不能稱作軟骨，又硬又大粒的骨.......不過外面的雞肉還滿入味。炸軟殼蟹：炸粉非常厚而且完全沒味道，感覺沒有吃到軟殼蟹，蟹腳的部份還炸得硬了。清酒煮蜆：湯的確是有酒味的，但蜆本身就什麼味也沒有，即沒有酒也沒有蜆本身的味。三文魚刺身：很厚，味道也不錯。海膽炒飯：全晚唯一喜愛的，雖然海膽不多，但有海膽的味道。想像不到旺角仍然有這種水準的日本料理，實在是非常失望。

突然癮起想食日本野, 去到旺角, 唔想食迴轉壽司, 記得女人街好似幾間食日本野, 即係上openrice 睇食評, 呢間好似唔算差, 就搏一搏入去食啦!!只要全單滿$100(唔計特價item), 就可以用$25 要半嗙三文魚, 睇相0的三文魚都幾厚唔錯, 於是一向"精明"0既我就開始計數食咩好 最後叫左海膽炒飯 ($5x)炸蠔 ($4x)鹽燒牛舌($28)------------------------------特價壽司: 鵝肝x2, 三文魚腩x1 , 和牛x1 (各$9)跟住就$25 加個三文魚刺身~先黎海膽炒飯, 就咁睇就真係唔多見有海膽0架喇, 但食落都有少少海膽0既味道, 食到最後, 見到有一粒約1.5cm 0既海膽,覺得好開心..hahaha個飯, 其實係好食的再黎三文魚刺身, hm.....ok 的, 總共都有8.9 片厚切三文魚, 係有少少雪味, 但都好味, $25 一碟, 真係收貨有餘了, 百x都買唔到啦真係炸蠔 : 呢個反而真係冇乜特別, 早知食炸墨魚咀or 炸雞軟骨啦, 仲平0的鵝肝壽司: 可以的, 唯獨是溫度上怪怪地, 鵝肝暖(即係唔夠熱), 飯偏凍和牛壽司:

是日, 回來了女人街的食肆, 進行我的尋寶計劃了. 今日搜到的, 也是日式. 而且門面logo同名字都充滿了我們這一代的童年回憶. 而這個回憶, 就是卡通片, 一休小和尚.這間, 感覺上比上次的更加日式. 但, 為了做中午飯的生意. 點都要加一點港式的味道, 港式的意思, 才能做出大眾化, $30內的一個午餐定食. 雖然一看別檯叫的魚生, 色水新鮮, 看似好好食. 但中午一個人, 都是打經濟牌, 只叫了一個豬頸肉炒烏東. 加一支可樂, 非常之茶餐廳feel.烏東, 一食就知道這不是什麼上等的麵條, 麵質腍, 雖然是炒出來, 但依然食到那些像是烏東包裝內那些陳年水的味道. 食落其實帶點酸. 而且, 味道亦不夠濃, 濃一點, 像港式的干炒, 味道均勻一點, 相信會是更加的好.錯配了的一餐, 但看見鄰檯伯伯, 帶著不懂世面的年青新娘子狂吃魚生, 不敢食生肉的女仔只敢淺試兩舊.....看見那伯伯食得津津樂道, 三文魚, 相信是這兒的招牌啊....看見伯伯食得咁起勁....不知在家中, 能否保持到這樣的勁力呢.......

之前係openrice睇到呢一間日本菜已經好想試下不過一直冇咩時間見今日係520就同男朋友出去食飯順便試下我被吸引既原因係三文魚刺身之前見到人地話25蚊半磅今日去到已經加左價去到28蚊lu不過都ok既我地因為唔係好肚餓所以冇叫到d飯or烏冬果d叫左冷豆腐 三文魚刺身 炸墨魚咀 吉列炸蠔 醋青魚壽司先講冷豆腐真係好夠凍哈哈哈哈味道同口感都幾好配埋個汁就顯得豆腐更加香三文魚刺身真係唔好睇少佢28蚊都有成10塊當然就唔係話好厚啦但我男朋友話食落去既質感完全唔似係值28蚊咁平比出面其他仲要貴既刺身味道同口感仲要好炸墨魚咀其實本身個味就真係唔錯不過炸既面漿唔係好夠所以個口感係差左d同埋凍左就開始覺得有d油如果有d檸檬汁比我會更加好!吉列炸蠔我個人本身好鐘意食呢個小食不過食落我覺得蠔既味道好似有少少腥唔係咁好凍左就好快淋變得冇咁好食醋青魚壽司我冇食到不過男朋友話個味道都唔錯總括尼講今餐我地都好滿意