一休日本料理 (已結業)

尋晚我同兩個朋友去試過，雖然D野都幾大聚化，不過D服務就真係差勁啦﹗我地依住個餐牌有一欄，寫住係定食既，我叫左個滑蛋雞肉飯，友人就叫左個芝士焗海鮮飯，叫左無耐分別有兩個侍應埋黎，話因為我地個兩個都無寫住「定食」兩個字，就話唔係定食wor，我地惟有好無奈咁轉野食law，不過我地都唔明，既然無寫係定食，咁你又放係定食個欄？咁都未算呀，我地既定食上哂之後，大家都唔明點解叫左既三文魚刺身仲未上，反而人地幾張後叫既都黎哂啦，友人好醒咁估到未落單，咪質個侍應問law，又真係係咁wor….結果又要後補…我都唔明，我地三個人叫四樣野jei，你又有紙寫唔駛記，都可以漏既，而且一見你食飽，就好似趕人走咁收哂D野，仲要倒瀉左D湯…好失敗…如果唔係為左食三文魚既，我覺得絕對唔抵食﹗

對唔住, lee個其實唔可以叫做食評, 因為我始終冇食過lee 間餐廳. 不過一定要批評一下比大家知道law.服務奇差!!!===========琴晚(6月7日)10點幾, 我同個朋友晌旺角搵野食. 我地成日去女人街食日本野, 但偏偏就冇去過"一休". 咁於是琴日去到, 就拎住兩大袋野入去啦.入到去, 見到佢好似係有上面嗰層架, 但我地就入咗去地下. 個女侍應見到我地兩個人就叫我地坐近牆邊既兩人位. 咁我地拎住咁多野, 見到佢重有3-4張4人枱, 又加上10點lee個時間都唔會重有好多人入來食, 我地就問可唔可以坐4人枱啦.點知, 個女侍應話唔得, 仲話如果有4個客人入來咁會冇位坐wor. 我朋友咪問, 咁到時先轉返2人枱得唔得呀, 佢唔得law. 於是, 我地咪去另一間食law.今時今日咁既服務態度, 我地終於明白, 點解我地每次行過, 我地見到有位都冇入到去食law.

呢間野唯一值得食ge係魚生,勁勁勁平! $18/半磅三文魚刺身,我地7個人狂食都係食左兩磅半,其他野一般,始終佢係居食屋,樣樣都細細份,味道好普通,都幾貴~服務都好普通,不過淨係去食魚生真係好正~

我食過四次，只有頭一次比較滿意，食物質素尚算OK最滿意係三文魚刺生價錢$18平!新鮮!湯麵都OK架，而第二次相隔一星期湯麵就唔差咗，湯底唔夠熱又唔夠味，第三次再去叫咗四樣食物碗九州拉麵，一樣咁失望，之後D食物每樣食完收埋碟平均要等10~15分鐘至有第二款食物到把幾火，最後個燒魷魚筒足足等咗45分鐘至有得食味道重只係一般，第四次係31/5(二)都係叫咗4款食物金菇牛肉卷定食D飯唔好食有D(行)味，其餘侍應介紹我家姐食炸蟹仔，見到真身後只不過係棚企仔(即係好似趾甲咁細嗰D)重要40幾蚊，真揾笨，個牛肉豆腐煲重差等咗好鬼耐，家姐追咗5~6次D侍應都係話帮我追，但係唔會入廚房睇繼續行來行去，要發火至到，見到個煲只得3塊個心有D凍豆腐、數片肥牛、兩三條菜，係屋企只要10~15分鐘做到嘅菜式都唔知點解要等45分鐘至做起，重要做到唔好食，隔離枱食個壽C併盆，食食下重話有條唔似頭髮的鬈毛，真係唔知點再比機會佢，一次比一次失望。勁差!

去過佢街尾新店（１１／５）：２人（　ｗｉｔｈ　ｍｙ　ｆｄ）１．三文魚剌身（＄１９）－－－貴ｄ，不過好肥．．．．好膩，感覺似食肥豬肉．．．．２．辣味炒硯（＄３８）－－－好大碟，食不晒＝　＝不過我覺舊店好食ｄ，因為this restaurant only 得硯...舊店會有洋蔥and 青椒３．九州烏東（＄４５）－－－好唔抵，因為好好好好普通ｌａｗ～屋企仲好食過佢加埋一，ｔｏｔａｌ　＄１１０今日去返舊店：２人（又是朋友choose= =")1.三文魚剌身（＄１5)---好味左bor,比之前好左好多,不過好似細碟左2.$128 壽司盤---等左超耐,嘩...一看到...唔係ma...比以前足足細左1/2,好似蟹子咁,d 紫菜可以有一半無包....成盤好似日本hit o既波波壽司law...一口一個d 飯又生生地, 又無味....$128超唔得law...total : 158今次俾喊

好鍾意去一休食飯...因為d野都好低食而且又平,最緊要就係佢o既三文魚刺身十分新鮮,鮮甜....仲有其他野食都係好好味添....好難得咁平o既刺身都可以咁新鮮!!!

經過見到呢間野d set lunch唔貴($25-$38), 選擇又幾多所以同bf試下.我叫左一個壽司烏冬餐$38, 有一碗大烏冬, 不過當然係港式做法, 有d菜同蟹柳, 一d都唔日本風味, 食左半碗已經有少少飽, 之後仲來左7件壽司, 6件小三文卷, 壽司都算ok, 好過元祿咁啦, 個餐真的好大份, 一個女仔一定食唔晒.我bf就叫左三色魚生飯$32, 有麵豉湯, 個飯有成十多塊魚生, d魚生都唔算係霉, 咁既價錢唔可以太高要求~2個餐仲包野飲tim~下次一定再去~

我比較鍾此飲酒. 我個日去食宵夜.因為太夜收工,又唔想再食油面.突然好想食日本野比我自己"on 句句"搵到呢間.我冇睇過任何食評.但我都想比d意見及我會再去食那裡d service不錯. 係值得稱讚.食物不錯....係旺角地方. d魚生及壽司都很不錯魚生幾新鮮呀, 但其他就普通壽司唔太大件(剛剛好) 我當時好想即刻通知我個日本auntie. 佢非常懷念日本式的袖珍壽司同日本清酒...hahahaha清酒.......可以呀. 佢有幾種. 白鶴、菊正宗,及日本盛不錯的.......他們將會入多幾種酒最後我食左個湯泡飯......好多材料.幾好....唔食飯.飲湯都不錯. 我其實個日食野時隔離坐左個老食客.係日本人聽說他好喜歡去個度食湯泡飯及飲酒......幾得喎. 可以吸引到日本人......個老闆娘都talk日文架heheheh. 我同佢交談過.

叫了芒果海鮮餃子, 油甘魚壽司, 吞拿魚沙律壽司, 豬軟骨拉麵, 還有$18/半磅三文魚刺身. 芒果海鮮餃子<--- 有點像海鮮卷的味道, 加一點兒芝士香... 熱啦啦~ 都不錯^^~ 油甘魚壽司<--- 都ok ~ 算是新鮮~ 吞拿魚沙律壽司<--- 不錯~ 豬軟骨拉麵<-- 豬軟骨大大舊~ 好足料! 而且豬軟骨甜甜地都幾好吃... 不過拉麵and 湯底都ma ma ~ 三文魚刺身<-- 是抵吃~ $18/ 半磅... 不過不夠新鮮, 肉質好"淋", 而且刀功ma ma...... 整體價錢都不算貴啦^^~ 不過好辛苦... 隔離臺狂煲煙... d 位又迫~_~!

人流不絕,到夜晚十一點九埋單仲有人等梗位!兩個人叫左一個豬軟骨拉麵($48),壽司拼盤B ($68)同半磅三文魚.豬軟骨拉麵係間鋪推薦的,但我覺得一般,麵質唔得,但係豬軟骨好足料.壽司拼盤黎到比相中細好多,失望!見話過$100就可以用$18叫半磅三文魚刺身,佢話有十至十二件,不妨一試,結果真的很不錯~~ 新鮮好吃,比拼盤d壽司好得多了~~其實仲想試好多野的,不過今日人少,擇日再來~

今日同朋友仔兩個人去左食飯叫左一磅三文魚刺身,串燒鰻魚,壽司拼盤同埋明太子焗金菇三文魚刺身～仍然新鮮抵食，但而家規定四個或以下人士要食滿100蚊先可以以18蚊半磅叫，但order幾個次不限串燒鰻魚～ok啦，不過不失，冇乜特別壽司拼盤～d壽司飯好細，女仔都可以一啖一件，係面d刺身仍然係正常惠康size，兩個人分食一盤都唔算飽明太子焗金菇～d明太子好味，但金菇焗燶左少少，而且底部放耐左滲油，明顯落得太多牛油，幸好清清地幾好食埋單198 蚊講真以咁既水準都唔係咁抵以前抵食d好味d同埋如果下次黎都係因為想食三文魚刺身架咋如果想飽肚一定要叫個飯share食囉

對上一次食係上2個星期度既事, 果日係平日.但都幾多人, 用膳期間都見門口有人等位今次叫d野都差唔多,三文魚, 今次好似冇咁新鮮冇咁肥美;天婦羅拉麵,一d都唔好食,個麵好淋,湯底都唔好味,得d味精味;蕃薯天婦羅,幾好,好食過上次,有進步,唔係好記得其他叫左d咩...食到咁上下,已經諗緊仲叫d咩食好,但係有個waitress執緊隔離d台,突然間...成杯茶淋落我個袋度.....好彩係茶唔係湯...個袋濕晒...即刻咩mood 都冇晒...唯有埋單走人....其實都唔係個waitress錯晒既...因為間野入面d台都排得幾迫...不過佢地都要小心d啦~~

坐落在女人街兩邊的食店,感覺都比較一般,這間日式料理其實是無什特別.唯一是有$18 半磅的三文魚生,其他食物則不過不失.串燒雞翼幾好,燒起來外層香脆,鎖住肉汁.天婦羅D蝦好大.環境幾擠逼但裝修幾好,一般小店風格,起碼較隔離的"魚X"好得多!

朋友約,竟又在此食.....本來都有些無奈,不過朋友請,無計> <食完,出乎意外,比之前好了喎$128壽司A盤---一樣和之前28件,不過細件左約3份一不過飯有番醋味,2人食剛好,不錯wor~$18半磅三文魚sushi---比上次好,不會有皮$28 炸chicken sofe bone---oktotal $191不過上菜慢,但好爆場

與友人兩人來飯晚飯, 但小妹與友人也不是太餓, 其實只係象徵式食下o野, 傾下計, 見呢度的$18半磅三文魚刺身咁抵, 便叫了半磅, 再加一個壽司併盤和芝士獅子狗天婦羅, 三文魚刺身咁平, 與超市質素差不多, 即使係咁, 都不能強求, 壽司併盤都係一般的種類, 如吞拿魚, 魷魚等, 天婦羅熱辣辣, 咬落差d不慎辣親, 芝士味香, 雖然此菜式簡單, 但味道都不錯最後坐了約一個鐘, 見外面咁多人等位, 都唔好意思坐咁耐, 惟有走人啦!其實綜觀全店款式選擇不多, 惟刺身及壽司等價錢大眾化, 故吸引不少人幫襯