一休日本料理 (已結業)

而家真係食唔過..之前見三文魚$18半打..間唔中都會去食下..除左三文魚,其他小食都ok..但係而家差左好多.上菜真係好慢..成日要吹佢..冇service..仲見到佢地有個大年紀dd o既女侍應串個客..真係覺得唔多掂(雖然唔係串我~~)食完lee餐番去即刻吐痀..好彩唔算嚴重..但絕對唔會再去食!!

案發日期16/2, 我同公司一行十人去到"一休"食晚飯, d 菜上得慢已經係其次, d Service 冇都唔緊要, 最幣就係d 魚生同其他野食唔新鮮, 最勁就係果度d野食直頭勁過瀉藥, 不得了, 當晚我地有九個人包括我都中招, 我仲有嘔吐, 加埋發燒, 亦因為甘,第二日我地幾乎全公司冇人返工, 好彩只有我較嚴重, 其他人都頂硬上...

有一日朋友生日我地再去呢度食~我地一次過都叫好多食~有壽司、炸、飯同埋其他小食咁~但係d食已經比第一次黎差好多係三文魚ok上菜方法又特別喎壽司係分開兩個時間上=.=''仲以為無得食tim不過服務就好囉^^

很久之前曾在此店吃晚飯，壽司同定食的水準都唔錯，幾好食。點知上兩個星期再去，就面目全非，三文魚刺生唔多新鮮，又少。定食的"送"又少，好彩我食咖哩，有汁，唔係都幾惡頂。服務態度一般（不要有期望），仍可接受。但上菜非常慢，要好有耐性咁等至得。

我12月初去食午飯，入座率有七至八成。點知落單後要等半個鐘有多有定食送來，食物味道一般，價錢平，但要受氣。服務員的態度真的好差，而且無專業水準（可能是新請的）。唔信就自己去試，我就一定唔會再去。

上個星期五，亞妹請食飯，黎左呢度食。呢度唔係好細，有兩層，不過d位好密，坐得非常唔舒服。我介發現晌檯上有一隻巴昆蟲o既屍體呀。我地叫左1. 三文魚頭窩定食$38 - 唔錯，幾多料，同埋d湯好甜2. 壽司拚盤$68 - 唔好食，d飯太'諗'3. 一磅三文魚刺身($15半磅，食滿$100可以任叫呢個價錢o既三文魚刺身) - 唔係好新鮮，同埋好薄身，附近o既九代好d (價錢一樣，但係就多d同厚身d，口感好d)。亞妹話下次去番九代食喎。

極力推介牛肉豆腐窩(湯底好甜) 同豬軟骨拉麵(豬軟骨比味千多多聲)! 三文魚幾新鮮

28/10晚七點幾八點，行旺角，之後同好朋友雲迪行條女人街搵野食。因為又累又肚餓，所以行左一陣就決定試下呢間野。佢0既style好似和民，其實呢條街有好多間野都好似和民。間野有2層，下面full左，上"上層"。佢d位勁迫，同埋張檯好細，d野擺唔落咁滯。我地叫左清酒煮蜆、牛油果軟殼蟹壽司、貝殼天婦羅壽司、海膽手卷、帶子手卷、半磅三文魚、鮮生蝦一隻。野飲要左荔枝汽酒同埋凍奶茶。d野食都ok，係d壽司飯稍為爛左少少，同埋手卷0既紫菜淋哂。野飲都ok，三文魚幾新鮮。不過d壽司飯同手卷0既紫菜真係要改良下。招呼就有待改善，menu同茶都等左好耐同叫左幾次先有，斟茶都係。同埋黎錯野，叫左海膽手卷，變成海膽壽司，我見隔離檯都有咁0既情況出現囉。同埋個位真係好迫，同隔離檯好近，我仲要將個袋放在大腿上，地下擺袋野都好"忟水"。多謝好朋友雲迪啦！

上星期日和一班朋友去食午飯。當時入坐率得五至六成但服務質素極差：1. 等落單耐2. 等了半小時有多，發現遲過我們入坐的客人都有得食，我們仍未有。當我們追單時，他才說不見了我們的單，要從新落單。3. 飲品及食物都要再追才會送齊。4. 食品質素也下降。5. 無理會客人要拉麵定烏冬，放下就走。6. 侍應態度惡劣，忘記落單一句道歉的話也沒說，好像「做又三十六，唔做又三十六」咁。希望他們記著﹕今時今日咁口既服務態度係唔得﹗

上次去食晏,人手得三四丁,出菜慢、冇人沖茶,埋單就即到,本來冇下次幫襯佢!點知今日食晏,同事攞咗位我後到,OK!比多次機會佢... ...今次全場茶水欠俸,舉手落單視而不見(可能以為我想叫茶)真是'食龍肉都冇味'!如果此店重唔請人、撿討員工態度,聽執!

開頭為左招攬客人，可以享受18元半打三文魚，又可以食成尺長0既鰻魚手卷，但出名之後，已經無咁0既歌仔唱。三文魚第二個半打一定要食過200元先有。食過佢地0既拉麵之後，無再去過，佢果d根本唔係拉麵，公仔麵仲好食。d飯ok，不過又係好細。總之就係唔抵。

今日同幾個朋友去食din. 我地好早到...六點左右喇我地坐左成三個字先有人送茶來...諗住坐耐d竟分幾round 叫喇所以開頭只係叫左sushi同三文魚喇點知個長髮女待應好大聲咁話："你地係咪會叫夠200蚊架，唔係叫咗半磅三文魚之後其餘就收原價架喇！"嘩！好似講到我地無錢比咁$^%##$@!咩嘢態度呀？！之後過咗一陣我地叫最後一round嘢時，個長髮女待應又好大聲咁話："你地係咪唔會再叫嘢食架喇？"嘩！趕客咩！(哈~雖然我地叫咗好多round，有d唔好意思。但係都唔駛咁呀？！)成個過程都唔like呢個長髮女待應喇嘢食方面：我覺得整體都ok，係蕃薯有熟唔透三文魚無以前咁好味其他嘢都ok0既而個人應為最好食係炸薯餅^^

今日同朋友.一同五個去到旺角一間叫一休既日本料理食晚飯..呢間鋪分兩層...我到上到二樓食飯...野食一般,,,但都幾好味....d人也越棧越多...本來開開心咁同朋友傾下去旅下去旅行既事.....點知坐左一陣都唔夠....來左十幾個十幾歲既靚仔靚妹其中一個應該係生日..黎慶祝生日...成班人大叫大炒....很嘈....又鬼煩...嘈侍應到叫左幾次。叫佢地靜d...會嘈其他客......但佢地十幾個繼續玩繼續嘈.....最後真係出事啦.....班友仔整爛左人地張枱......店鋪負責人發現後同佢地理論.....但班靚仔又爆粗口....很唔禮貌.....但個男經理仍然好聲好氣同佢地理論....最後都要報警處理呢件事......本來想開開心心咁食餐飯傾下計....而俾一班不知所謂人既人搞到冇晒心情......今次真係好無奈囉........

以前有時lunch會落去食, 都係唔好架啦, 有一日星期六同女友行過入去食野, d 女侍應完全唔理你, 有個短髮女侍應完全唔掂, d服務差到呀我問佢牛肉烏冬係咩牛肉, 碎牛定肥牛, 佢話咪牛肉.....我個知牛肉, 後尾先話係肥牛個d......點知來到又係碎牛...xyzzxxyu...真係火滾......叫佢加茶又唔願意....仲眼超超咁.....隔離枱d人都話佢好似唔想做咁.....跟住仲見到佢係收銀枱下面偷懶瞓覺.....又無攪錯...另外見到一班女sales來食飯, 坐左5分鐘都無人理佢地...跟住佢地拉門走人.....做得好!!!

yesterday i had been to mk for dinner, and i want to have a japanese dining... oh my god this is a very bad experience in this shop, although the price is cheap (only salmon)the food are bad, the service is really bad.i won't be back for sure!