一休日本料理 (已結業)

之前黎过三次啦,今次最差.中午去食照燒雞扒拉麵.等咗成半個鈡,終於黎到.可能我食慣濃味的野,所以雞扒是冇味的,点落去d燒汁先有味.拉麵都食唔到有味.本來叫咗豆腐牛肉煲,但等咗4個字都未黎,就取消咗.侍應的態度,愛理不理.雖然$25好平.但,唔會再黎多次啦!

食過幾次一休ga la...(lunch)d野食麻麻地la....不過不失....唔算差...環境就逼左少少.....d人食煙d煙味過晒黎lor...個烏冬壽司定食都ok抵wor...$3x女仔食唔晒正常...上菜都快ge....服務唔錯...起碼唔趕客=))

多謝食客門一直以來的寶貴意見,本店會盡量改善.達到各位客人的要求!

前兩晚我細佬突然叫我出去食飯，咁唔使講緊係佢請啦，佢就生意人，我就打工仔，哈哈~ 我細佬知我個囡鍾意食日式菜就話帶我地去喇，如果唔係佢帶路，我真係唔識搵。不過都好多人食緊飯，而且我地前面仲有兩組人等緊位... 等左十幾分鐘倒，終於有位座，咁就更係由請客果個發版啦：一個188$既特級刺身併盤一客原條曼魚壽司38$一客牛肉壽司38$一客三紋魚子壽司38$一磅三紋魚刺身50$一個68$既壽司併盤一客原隻八爪魚一支波子汽水一支日本清酒 先試下D特價三紋魚先，講真，所謂特價，其實都唔係平好多，不過真算幾新鮮。再來原條曼魚壽司，一條曼魚剛好造出兩件壽司，曼魚約有三至四舊壽司飯咁長啦，OK。跟住主角出場喇，刺身併盤，材料同賣樣都好好，刺身亦好大件，除左用冰去凍住D刺身，盤既底部仲加入左乾冰，出晒煙咁，我個囡見到都唔知幾開心，值頭有D興奮。至於三紋魚子壽司同牛肉壽司就有小小失望喇，三紋魚子既數量確係少左D，牛肉壽司味道幾好，可惜兩件都剛巧中間留有一條細筋，切得唔夠準。八爪魚除左係原隻之外就無乜特別。壽司併盤呢，可能做得太平，的確係薄左D囉...D料...PS.我同我細佬都係食量驚人果隻，不過都好夠飽

同阿媽來晚飯, 叫左一個刺身定食$68, 一個拉麵$38, 同一個特價三文魚$25.特價三文魚麻麻地, 沒鮮味, 溫度係暖的, 唔知係咪灘左好耐.刺身定食就不錯, 有成9款刺身, 每款2件, 仲有冰坐住, 咁既價錢唔要求要好新鮮.拉麵都ok大碗.都食得好飽~

除了三文魚剌身新解好味又夠肥外...真係唔得...仲要話..開左後門所以冷氣唔夠....環境真係唔太好.講番食物..明太子蝦丸...38蚊.6粒...真係...唔多得.唔好食....仲有一個推介既什麼牛肉..卷..比錢先知道原來55一客...仲要好難食下...壽司方面..嗯.個人認為..低水平..最大單係個芒果蟹子沙律....都唔凍既.....原先打算只吃三文魚,,不過佢要你order over 100蚊既正價...食品先可以.我既食慾早已經比佢地既低水平...降到零了.

普普通通！鰻魚炒飯同個炒雜菌好難食，完全唔掂刺身新鮮...甜美雞軟骨都炸得好脆...岩岩好

星期四晚約咗個fd食飯.人數:2男第2次去食, 第1次個時三文魚刺身仲係$10半磅, 今次就$25半磅. $10半磅本來係佢地既賣點. 而家就好似同其他食店無乜分別.1) 叫咗半磅, ok 啦..2) $128壽司拼盤就唔錯, 有兩大碟..大約有34件左右.3) 之後再叫咗兩個吞拿魚手卷($15一個), 及一碟雞軟骨有兩串($20), 算係咁啦.4) 最後order 咗一碟"乜乜"蝦圓, $38..呢個最唔掂, 一d蝦味都無, 可以話完全唔知係乜味.覺得係女人街食成百幾蚊唔係幾底, 俾多$60可以去皇悅食日本buffet.

好老實講，去得呢d 地方，梗係唔係貪佢地方舒服、服務水準之類...都係睇價錢同食物質素。自問都幾鐘意食刺身。佢的刺身永遠保持水準︰鮮、好咬感，比起好多大酒店的魚生好食好多。價錢又公道，我認為值得試試。

之前我係一休的常客,連個侍應都認得我~因為三文魚平又新鮮好味~抵食!而家我諗都唔會再去了~前一排同男友&朋友去食,4位係門口等左好耐~又熱...入到去,叫左1.5磅三文魚,壽司拼盤,小食,刺身等等~我見隔離張台(同我地同時入座)都食飽咁滯~而我男友不喜歡催人,因為見他們很忙~結果我地坐左個幾鐘,忍唔住同佢地講,我地d野未黎....先知原來佢地無落單...之後食物好快就黎到~三文魚已經無以前咁多,咁新鮮.....壽司...變左迷你版定縮水版,真係好的骰=﹏=刺身更加唔好講.....食食下覺得變左,要換...又等=.="地方淺窄,坐得好辛苦=.="

我已經不是第一次去這間店，但我相信今次之後，自己應該唔會再去。晚市食品的質素的確變差，三文魚也沒有以前的新鮮，吃入口有少少"梅"的感覺。其他壽司就有好有唔好，但齊體感覺是壽司上的料少左，飯就大左。仲有少少安慰，就係個炒飯都ok。但如果只為食炒飯，就好多地方都可以啦！

睇完Flora既食評，我都好想講下呢間一休我成日都幫襯佢，但係上個月佢既三文魚突然由＄１５加到＄２０，咁我都覺得好合理，因為經濟好左，加價好正常但係我上個禮拜又去，睇睇下，發覺佢既三文魚竟然又加價，加到＄２５好啦，價錢貴左唔係問題，最大問題係質素竟然差左佢以前啲三文魚好新鮮好冰凍，但係宜家啲三文魚一睇就知擺左好耐先比客人食，有次仲要有少少縮縮地位又窄，未食飽就趕人走，食物仲要差左，我真係好想問下係咪管理層出左問題？唔該會應下

不嬲都係一休常客, 貪佢抵食而某D菜色如豬軟骨拉面.海膽炒飯等甚有水準, 三文魚亦好新鮮但係近來水準下降, 豬軟骨拉面太咸, 軟骨未夠火候, 海膽炒飯冇海膽味, 而三文魚亦由原先$15,一個月加價兩次至$25, 而份量亦不及從前......加價後巳不復從前等位盛況, 但待應們依舊努力趕客, 剛食完想坐坐,但佢地就急不及待收碟收筷子, 連枱都抺埋, 再坐真係連杯都比佢收埋.....不得不讚....如閣下是新客, 可試試火焰壽司及軟殼蟹壽司, 但其他食物實在不敢恭唯....

今晚去了食...我覺得個炒雜菌好難食......超多蒜片，多到好難食！蝦丸都好d...牛油果軟殼蟹壽司都唔錯...haha...整體都ok gei...姐姐仔不斷幫我地加茶...唔算好突出，但唔算好難食！

昨晚去食，二個人叫了重量級壽司A~~~$128~~有二十六件壽司，eg.海膽~油金魚~甜蝦等~~~~都幾新鮮，有幾款還不錯的唷~~因為二人食滿一百元~就可以無限叫$15半磅的三文魚刺身，因此~我地就叫了一磅，很新鮮，食完十分飽，結帳$174~~~走的時候見到很多人等唷~~~~~回到家也沒有肚痛~~嘿嘿~~~~~~~~~~~~~~我看應該比之前改善了的唷~