スーパー丼 (駱克道) (已結業)

銅鑼灣食店林立，租金高企，站得住腳一年以上都有番咁上下功力。專程到Sogo後面哩間，日式大碗飯開餐，店舖細細，食品專注出品碗飯及小碟。入座後侍應上了一杯煎茶，香濃😌見人客冇茶會自動快快手加茶，值得一讚👍順帶一提,餐牌沒有列明的，其實每柯打一碗飯都會跟一個沙律同麵豉湯｡如果下午茶時間,所有食物都有八折。火炙三色丼(三文魚、吞拿魚、左口魚邊）炸豆腐的伴湯汁，美味唔會太鹹。芝士年糕口感軟綿。油甘魚原來跟牛油果喺好配搭，本人就將碟上所有食材拌勻才吃，另有一番滋味😋櫻花蝦海鮮餅丼,夾雜多種新鮮菜一齊炸,十分脆口!每個套餐份量都十分充足。

收工晚上約左男朋友，唔知食咩好，突然路過呢間superdon，見到門口有d人係度排隊，應該都會幾好食，所以我地又跟住排店門口係bar台形式，內裡係正常四方台我地點左兩個飯同兩個小食，四樣菜色都唔錯😋😋「十勝豚肉丼」$78面頭舖滿烤過既豬腩肉，吃起來十分鮮嫩，一d都唔會鞋口，相當惹味！「火炙三色丼」$98有三文魚、吞拿魚、左口魚邊。其中吞拿魚最驚喜，因為超級厚切！而三文魚同左口魚邊都新鮮，好食「芝麻雞翼」$38同「日式炸雞」$48炸到非常香脆又多汁，完全意料之外呀！呢間餐廳真係幾好食，價錢唔算貴，而且上菜速度超快，啱曬冇咩時間又想食日本料理既人

放工和朋友到了位於銅鑼灣的superdon，環境不算很大，但坐得也舒適。特選燒鰻魚丼：餐廳除左有生熟刺身丼之外，仲有熟食丼。燒鰻魚共有四大舊，鰻魚燒得剛好；而且鰻魚幾厚身，食落當然充滿口感，又吾乾身帶點點燒汁，但鰻魚尾部有不少幼骨，食起上黎要小心點。加埋丼既飯一齊食用，味道配合，不會覺得好單調呢！角切魚生丼：角切魚生同樣可以滿足口感, 有5蚊咁大粒!! 包括有三文魚、油甘魚、 吞拿魚、海螺、牛油果、甜蛋。每啖飯都可以食到魚生, 相當豐富! 牛油果同樣都係大大粒, keep到實淨質感, 魚類刺身均為爽, 唔會有腥臭味, 加上甜甜既蛋粒, 係鮮甜中再加左份蛋甜味, 唔錯!刺身3點拼盤：三款為北海道帆立(兩片),油甘魚(兩切),三文魚(兩切)。北海道帆立鮮味是最突出，而油甘魚厚度超厚令口感更加豐富，帶點點魚油味。三文魚帶有腩部份，魚油味濃郁，入口即溶！

今日同朋友黎銅鑼灣食丼飯，呢間餐廳既選擇都幾多，熱食丼、小食、串燒、刺身。叫一個丼飯會包埋伴菜同味噌湯伴菜都唔馬虎，用左黑醋黎整，咸咸酸酸幾開胃。特選燒鰻魚丼:鰻魚份量好多，件件都好肥美，味道鮮香。鰻魚汁左係飯底，記得要撈勻先食，咁就粒粒飯都有鰻魚汁既味。由於好多汁味道都偏咸，岩哂鐘意食濃味既人。玉子生薑豚肉丼：生薑豚肉配溫泉蛋，見到都覺得好豐富，都係好多肉。溫泉蛋汁撈飯再加上d生薑味好夾，薑味重！仲有大量蔥花！豚肉唔會太肥，薄薄一片片咁好易入口。芝士年糕兩件$38，外脆內軟，中間既芝士仲凍凍地咁，芝士味濃郁，綿滑又好味。日式餃子5件$38，餃子醬帶d柚子味好清新。另外一提，飯量都幾多，同朋友都食到好飽，好滿足。熟食丼飯幾高質，下次試下魚生丼。埋單$255有2個丼飯同2個小食，性價比高，值得再黎食。

好少過嚟港島 今次去銅鑼灣行街順便見到呢一間未食過就試下食飯時間都幾多人 座位都唔算太多所以想食可能要等一等入到黎我哋揀咗梅set同埋醬燒廣島蠔丼兩個都有配上一碗味增湯 二個set仲有更雪糕仲可以轉做蕨餅 魚生睇到都見到尚算幾新鮮而且都好大舊加上唔係薄切食落都仲好有口感而呢個set就分別有帆立貝赤蝦鯛魚同埋三文魚腩 啲飯份量都唔少性價比算幾高但反而我最鍾意呢一個醬燒廣島蠔丼 因為佢個汁真係較得好好 而且蠔嘅數量都唔少食落都仲幾有鮮味

今日諗住去希慎果邊睇avengers figures，嚟到銅鑼灣先搵嘢食，嚟到呢間裝修簡單嘅丼店，刺身同熟食丼都有，好多選擇，而且會送埋湯同沙律添。三文魚親子丼$88-4片大大塊嘅三文魚，好肥美，三文魚籽一粒粒係口中爆開感受到海水嘅咸味，配上日本產米食落啱啱好特上北海道丼$198-超豐富！有帆立貝、三文魚籽、海膽、吞拿魚腩蓉、油甘魚。帆立貝嫩滑，海膽新鮮，吞拿魚腩入口即溶，油甘魚肥美甘香，整體嚟講好唔錯簡單小店簡單刺身丼，更著重於不簡單嘅美味

週末同表姐去左銅鑼灣行祟光百貨，準備走的時候下起大雨來，又餓又攰，記得之前在駱克道的Superdon食過丼飯，用料高質，味道不錯，我們就立刻前往入座用餐。餐廳做緊優惠，丼飯三送一。人多就著數了。餐牌有春季限定魚生丼，松、竹、梅三款。我比較喜歡有三文腩的梅。丼飯有湯和雪糕跟上，但侍應說雪糕已售完，改用綠茶蕨餅。魚生有：北海道帆立貝、鯛魚、赤蝦、三文魚腩。刺身新鮮，而且份量不少，已舖滿飯面，三文魚腩是厚切，肉質純淨嫩滑，油脂豐富。赤蝦大隻，鮮甜爽口，其他的都鮮味十足。丼飯軟硬適中，調較的味道也很美味。味噌湯熱騰騰好鮮味。綠茶蕨餅彈軟糯，甜度適中。表姐吾食生野，選了玉子生薑豚肉丼，生薑味濃，豚肉有口感，玉子伴飯又香又滑。熟丼也有湯和前菜送。

本身自已同女朋友都好鐘意日本野 特別係刺身同壽司，丼飯等等 之前行街經過銅鑼灣 見到呢間新開嘅丼飯裝修好似幾靚 而且都幾多款式 於是就入咗去試吓！🙈入到去見到餐廳都好舒服 周圍都放咗一點小盆栽 令到感覺好自然☺️牆上都掛住左啲餐牌方便大家睇而我自己就對呢個春季限定嘅餐牌情有獨鍾 叫左個”梅” 嘅套餐 一來有我幾鐘意食嘅魚生 二來都算係幾平🙈😂有得食了！套餐除咗有原有嘅丼飯之外 仲有送埋麵豉湯同埋雪糕 但嗰日咁啱冇曬雪榚 所以店員就幫我地轉左綠茶蕨餅👍🏻個丼飯嘅魚生都好新鮮 個鯛魚肉質厚實 但外表稍為硬咗啲虎蝦就大大隻 肉質都好彈牙👍🏻👍🏻另外三文魚都好肥美 食得出唔係擺咗好耐🤤帶子都唔算細隻 而且都好鮮味！整體嚟講呢到嘅魚生都幾新鮮 丼飯嘅套餐就幾抵 有埋甜品送 另外值得一提嘅係佢哋仲有自選嘅丼飯配撘 可以自由選擇自己鍾意食嘅魚生👍🏻

火炙三色丼$98三色=三文魚，呑拿魚，左口魚邊。好少見嘅左口魚邊，燒過之後出曬油香，入口即溶。三文魚肥美，唔洗火炙都一定好味，火炙完更加唔洗講。呑拿魚高質無腥味，燒得好靚，特別香口。**套餐會送埋麵豉湯+三文魚卷蛋**芝士年糕$38外脆內軟，以為好煙韌有拉絲，原來用咗水牛芝士，入口即溶，芝味濃郁。鹽燒牛舌$48四大件厚切，好難得完全唔韌，嫩口得嚟帶啲爽口，可惜掛住影相，食嗰陣唔夠熱。日式炸雞$48日本街頭常見炸粉，粉漿薄，肉質JUICY，真正外皮香脆，雞肉嫩滑。赤富士$30葡萄味梳打，真正提子汁味。富士山$30波子汽水味梳打，真正波子汽水味，not recommended。

地點非常就腳,CWB C出口一出右手邊過馬路就係。裝修簡約帶點清新是晚可以以優惠價加$18就叫到個原價$38既炸豆腐。炸豆腐做到金黃色,皮脆內嫩滑,然而係D湯汁底下又一D都唔熱氣,都幾推介~廚師精選5. 特上北海道丼$198有味噌汁及漬物。刺身鋪滿整個丼面: 先係食最愛既海膽先,果然唔失望夠鮮甜。三文魚籽同吞拿魚腩蓉係伴丼飯最好既選擇。油甘魚每塊都咁厚。帆立貝帶淡淡檸檬香。春季限定魚生丼-竹$198 +送甜品,今晚無雪糕送厥餅竹有5款魚生:深海池魚﹑油甘魚﹑赤蝦﹑鯛魚﹑銀皮魚。當中我個人最愛係銀皮魚,鮮之外,肉質口感夠爽口,唔捨得到要分幾啖食XD 整體口感同味道豐富,最好係唔係薄片,令我食得開心同滿足。總結:雖然呢到既整體價錢唔算係超平,但以CWB地段同埋佢既用料(夠厚又唔小器),但值得食既日本丼飯之選。スーパー丼地址 :銅鑼灣駱克道501號地舖電話號碼:26681663營業時間星期一至四12:00 - 23:00星期五至六12:00 - 00:00星期日12:00 - 23:00

我是第一次光顧這間餐廳，並且透過外賣送餐的，送到來兩個丼亦不是太熱，這一點我都諒解。我點了兩個熟丼，一個是十勝豚肉丼，送到來是微温，豚肉很硬很乾，吃下去很像濕了的脆豬肉乾似的。另一個飯是滑蛋親子丼，分量令我感到非常驚訝，只有切成像骰仔般大小的三粒雞肉，味道是正常的，這個可以說是價值 $85 的雞蛋飯。我明白外賣送餐相比起在堂食一定不會太好吃，自己都沒有抱太高期望，但這次真的覺得很過份，收客人85元但只給三粒小雞肉？希望餐廳會有改善。

都有一段時間冇去專食丼飯既餐廳，今次嚟咗大熱店「Superdon」。環境係正銅鑼地鐵站對住既駱克道，地理位置十分方便，餐廳設計以白色做主調，比較清新。餐牌唔止刺身類既丼飯，仲有熱食丼、小食、串燒、單點刺身，種類唔會單一。特上北海道丼 $198包括帆立貝、三文魚籽、海膽、吞拿魚腩蓉及油甘魚，仲附有青瓜及味噌湯。丼既份量唔算好大碰，相信女士們都應該能夠食得哂，每款刺身都係兩件，帆立貝幾嫩口，質素可以；三文魚籽、海膽都新鮮，唔會有腥味，仲幾鮮甜，撈飯再加撈甜豉油一流；而吞拿魚腩蓉及油甘魚相對上就比較遜色啲，望落去色澤冇咁亮麗，吞拿魚腩蓉唔算好香，油甘魚油脂唔夠，整體平庸。滑蛋親子丼 $68即滑蛋雞肉丼，叫左一個刺身丼，另一個就叫左熟食，揀左滑蛋雞肉，同樣附有青瓜及味噌湯。份量比較多，滑蛋做得幾嫩，雞肉亦不少，加上蒽碎、洋蔥、芝麻，食落味道會豐富啲，再加豉油，食哂成碗絕對唔係問題！總括而言，刺身丼還可以，不過我覺得唔一定叫“特上北海道丼”呢個價位既刺身丼，因為都比較貴，可以食返好似“三文魚親子丼”、“火炙三色丼”等等呢一類，價錢都比較平啲，而熟食丼就幾高質，下次再幫襯會再試其他熟食丼。

約咗個friend出銅鑼灣lunch， 天氣好熱我哋一致贊成去食日本刺身丼。 揀咗駱克道嘅Superdon， 人氣刺身丼店， 午飯晚飯時間更加座無虛席。我哋揀咗下午茶時間， 人總算少一點。有各種午市套餐， 自選套餐，廚師精選，廚師發板都有。。 相當專業多選擇。難得嚟到 試咗 特上北海道丼$198（帆立貝，三文魚子，海膽，吞拿魚腩蓉，油甘魚）太好了有我最愛嘅北海道海膽。 份量雖然比較少， 但係非常鮮甜， 已經成為丼裏眾多刺身嘅主角， 完全冇甘澀味。兩片油甘魚都係厚切， 鮮甜，肉質有彈性， 食落更有油甘魚獨有嘅魚香~~帆立貝一開二，相信原粒係好厚嘅。 每片中間夾雜著 一片鮮檸檬， 唔會沾上酸酸嘅檸檬汁但又有清香嘅檸檬味提升鮮味。吞拿魚蓉都選用較多魚油的部分， 食落甘香有魚油香，幼滑冇筋， 配上刺身醬油加入米飯中極滋味。饭嘅比例啱啱好， 唔會多飯少餸， 壽司飯嘅醋下得剛剛好，米粒軟熟香甜， 飯質不乾不爛。 當然全店都使用日本產米。特上油甘魚丼 $98有五至六塊油甘魚鋪滿丼上， 雖然並非厚切但肉質非常鮮甜唔腥。每款套餐都奉上 麵豉湯和沙律前菜。麵豉湯裏有好多材料， 有一些有魚味嘅腐皮，非常香。

今日同朋友黎到銅鑼灣食飯，呢間食丼飯嘅餐廳裝修得好舒服簡潔，夠光猛，好鍾意牆身白色，然後以木色為傢俱，感覺可以好好食飯傾計放鬆☺️店員先比左杯玄米茶，送日本野必備，又唔洗加錢叫其他飲品 🍵我叫左呢個火灸三色丼（$98），有火灸三文魚，吞拿魚，左口魚😆 三文魚同埋吞拿魚好厚身，油脂被微微火燒慢慢滲出黎，好香🤤 至於左口魚，薄薄一片片，幾鮮甜，好滑，入口即溶👍🏻 同埋一定要讚個飯，飯粒分明，軟硬適中，送魚生一流！仲有麵豉湯，甜品係一口泡芙🤤 之後仲加左d 小食，見特別餐牌有鰻魚玉子燒，所以就叫左😆 佢嘅鰻魚原來係經過微炸，然後被玉子一層層包住，味道還可以，入面係硬外面係軟，雙重口感😂 角切魚生井 $88朋友叫左嘅，佢話井飯幾大碗，裡面有牛油果、三文魚粒、吞拿魚粒等，每舊魚生都好厚、好足料，而且幾新鮮，沒有腥味。飯係加左少少醋，但並唔太酸，剛剛好。炸雞炸皮薄，無太多炸粉，兼且炸得唔油膩，一咬就食到肉，肉都幾軟滑，配埋沙律醬，味道非常唔錯。

經過銅鑼灣想揾日本野食見到推出限時優惠（買一送一）（2018-10-19）（好彩經過見到）(排左兩三分鐘就入到去!).一坐低叫左兩個北海道玉子黑松露和牛丼等左陣個飯,發現同餐牌一樣咁靚和牛放入口都唔洗點咬就溶化，份量又多～成個碗一開始見到鋪滿牛肉加埋個蛋真係不得了D蛋漿加埋飯老實講食多碗都得！黑松露亦都冇搶左和牛個味配搭得好好(連平時係偏好魚生飯系列既女朋友都話好食).整體黎講各方面都好好上網見到好似話呢款係限定唔係次次有得食好慶幸今次撞啱食到～