ねずみの王冠 喫茶店

营业中

休息中

一直都好想去呢間日式 Cafe 食嘢 😉 見到裝修和式，地方闊落，而食物好似幾精緻咁。前排終於有機會試到。嘢食就唔算話驚為天人，款式亦唔算話非常之多，但應試嘅都試到，飯、串燒、前菜、小食同甜品一應俱全，有啲似 family-friendly 啲嘅居酒屋 😆 呢個環境十足十電視睇到日本樓上店嘅裝修格局，夜晚嚟同朋友談心都幾適合前菜小食左口魚邊裙芥末忌廉沙律 ❤️ ($72)⁣⁣⁣⁣評分：7.5/10.⁣⁣⁣⁣呢個沙律採用嘅配料幾有新鮮感 😋 hirame fish, 左口魚平日真係冇見過用嚟做沙律料理 🤔 莫非呢個係日式烹調方法 (?) 但又的確係幾夾喎同啲爽口嘅沙律菜。左口魚🐟滑溜彈牙，膠質似乎幾多 🤓 食落同其他刺身都相似但魚嘅味道冇其他食用魚咁搶鏡，變相令佢好適合用做陪襯⁣串燒Menu 其實有一頁全部都係串燒，我哋試咗好幾款之後推薦以下三款俾大家 💁⁣⁣⁣⁣⁣蛋黃醬燒松葉蟹棒串 ❤️ ($36)⁣評分：8/10.⁣最推薦嘅一定係蟹棒 👍蟹肉鮮味，而且有彈性，但同時亦都軟熟，同魚肉仿製嘅蟹柳當然好唔同。蟹棒嘅 Size 亦都幾大支 🦀 加上上面咁多嘅美奶滋醬好難唔好食 😂 呢個感覺唔太熱

星期日，森仔去左觀塘發掘新的美食好去處。今次就搵到一間日式既樓上餐廳。佢既位置係觀塘的工廠區。而佢既保安好嚴密，需要記下來客的身份證。上去既路也不是太複製。餐廳環境滿有和風的家居格調。讓人坐得舒適，同時環境優靜，方便朋友一同談天。果日大家傾得不奕樂乎😂😂當天我地叫左三個菜式，包括了：燒茄子🍆，日式炸蠔和原條鰻魚炒飯。燒茄子🍆$68作為前菜和小食來說，份量很足夠。超初我誤以為係用辣粉來燒的，如串燒般。原來佢用濃濃的日式燒汁來燒的。味道也很好👍🏼，甜甜的，幾搭配！不過，個人還是偏好辣辣的🙈🙈日式炸蠔$68 炸蠔共有4件。炸得酥脆可口，外脆內軟，生蠔不會炸得太硬身。可配上日式燒汁，味道剛剛好丫😍😍森仔食完，大滿足。原條鰻魚炒飯$148當天的森仔最愛，一定係原條鰻魚炒飯。那條鰻魚真係超級大條，兩人份量來說真的份量十足。而鰻魚味道很好，用燒汁燒過的魚，濃濃的味道。而肉質亦較為稔身，森仔喜愛👍🏼😍😍炒飯亦用燒汁炒過，所以味道很香亦很夠味👍🏼👍🏼讚！❤️❤️整體來說，此餐廳🍴性價比好高，食物質素不俗，環境更是一流。唯一相對不足，是位置較遠（對我來說）🙈🙈🙈

今晚難得幾個朋友星期日都有空，於是我地就約食晚飯。有人話要搵間relax嘅餐廳，於是就有人建議去呢隱世日系咖啡店。想不到這間咖啡店的食物選擇都幾多。我們先點一份淮山醬油漬和味淋魚乾。醬油漬好爽脆，唔會過鹹。魚乾就很香口。再來點了幾串串燒：和牛串、燒雞翼串、牛舌串、雞軟骨加大蔥串,可以大家分著吃。喜歡煎炸食物嘅朋友要點炸廣島蠔。我怕油膩，但見佢地食得津津就知廣島蠔有幾鮮甜啦。鍋物點了長崎潮鯛3.7牛乳鍋。魚加牛奶，應該很滋陰。想不到鯛魚肉好嫩滑，牛乳湯底好香濃，浸過的蔬菜都特別甜。怕吃不飽所以我們又追加了明太子蟹肉炒飯和芝士年糕。喜歡吃芝士的一定要點。炒飯微辣幾香口惹味。到甜品時間，朋友點了兩件cake share，朱古力蛋糕同蘋果撻，蘋果撻好住家feel,蘋果好香甜。咖啡店冇限時，店員予人感覺也很輕鬆，所以我們不經不覺就坐了一整晚，臨走時還覺意猶未盡呢。

星期日又係放鬆心情嘅好時候，今日我地去左觀塘一間日式Cafe食好野！整間Cafe都充滿簡約嘅日本氣味，榻榻米嘅座位、木製嘅餐具、簡單嘅Menu設計，令人彷彿真係去左日本🇯🇵一樣！用餐區旁邊仲有一個小小嘅購物區，提供左唔同日本精品、護理日用品等等，客人如果睇岩都可以買番屋企架！😍雞翼串($32/串)- 燒得皮脆肉嫩，加左椒鹽香料，份外香口！😋和牛串($39/串)- 火候控制得岩岩好，牛肉表面燒到微微焦香，但仲保持肉汁，肉質食落軟身，且重牛味！👍🏻汁燒牛脷串👅($37/串) - 牛脷厚身，同樣燒到岩岩好，爽口彈牙，加上微甜嘅燒汁，好惹味！非常推薦～ 🤤🤤🤤大蔥串($18/串) - 蔥味十分香，帶有微微嘅蔬菜鮮甜，剛好中和番之前串燒嘅油膩感！🤗鰻魚原條上，肉身肥厚，油脂豐富，口感軟淋而且甘香；炒飯加入左鰻魚汁一齊炒，增加左唔少日式蒲燒風味！麵豉湯底比較清淡，但配埋多種蔬菜🥬，味道愈煮愈鮮甜；🐖豚肉味突出，肉質鮮嫩。非常精緻嘅特飲，以🗻富士山為藍圖：藍色山嘅部份係加入左藍金橘嘅梳打水，山頂雪白嘅部份係🥛北海道3.6牛乳雪糕。味道微甜而帶點清香，感覺非常清新；3.6牛乳雪糕好重奶味，非常綿滑！😍

今晚同幾個朋友去左一間日系咖啡店食晚飯。話說本來我地係幾食tea嘅， 所以想搵間環境舒適，可以談心嘅地方， 朋友就介紹呢間咖啡店，雖然位置唔算偏遠，但因為佢係工廈15樓， 但電梯只到14樓，要行一層樓梯， 假日仲要登記身份先可上樓，都幾隱世。但後來因為各種原因，下午茶變成晚飯，幸好咖啡店改到時間啫。餐廳佈置明顯是和式， 草綠式傢俬感覺清新relax。佢仲有一區是坐tatami 坐塾的，好home feel。本來以為呢類咖啡店只有簡餐，但其實不然，佢餐牌選擇好多，似居酒屋多啲，攪到我地樣樣都想點。既然如此，我地就先點串燒吧。和牛串、燒雞翼串、牛舌串、雞軟骨加大蔥串。每人少少嘗嘗味。連身旁的阿佛都說好😜。新朋友阿佛係咖啡店安排陪食嘅。話說每枱都會有一位鼠朋友陪食的。田鼠阿佛奉行佛系生活，佢有一個人生哲學，當其他人庸庸碌碌忙著搵食嘅時間，佢就不理旁人，盡情享受生命。還會作詩呢！我都想似佢， 但貪吃嘅我，暫時都要將佢擺埋一邊繼續吃努力吃😁。跟住我地叫了個淮山漬同炸廣島蠔。蠔是新鮮炸出嚟，好燙嘴，但外脆內軟，蠔味香濃。朋友愛魚，點左呢個長崎潮鯛3.7牛乳鍋。魚加牛奶，聽落已覺養顏。鯛魚肉好嫩滑，

✨觀塘日式cafe 嘆巨型饅魚飯！✨觀塘工廈一向多美食😌呢間cafe走日系溫馨居家style座位舒適 可以hea下感受慢活既節奏值得一讚店員nice有禮貌 食物都幾吸引☺️-🍣原條蒲燒鰻魚炒飯 ($148)每枱必叫！巨型饅魚超吸睛😍鰻魚肉質肥美 啖啖肉好滿足 加上咸甜適中既鰻魚汁 色澤好靚飯粒加上鰻魚汁炒 香濃入味🤤-🍢牛舌串($39) 牛脷串($37)雖然串燒單點冇飯咁抵食但幾高質 牛肉入口juicy 輕輕一燒 簡單加上蔥花胡椒都好惹味🥰-🍄牛油雜菌煎帶子($158)帶子大大粒 醬汁多到滿瀉 雜菌好入味-🍖燒明太子雞翼($56)雞翼漲卜卜 熱辣辣燒得香脆一啖咬落爆多明太子餡！

· 觀 塘 工 廈 日 系 和 風 CAFE 🎑現在工廈裡有不同風格裝潢的咖啡廳 ☕逛街稍為探索一下便有新發現🌟 香港現在其實都挺多好去處 人流不多的地方才是重點💛這裡充滿溫馨居家感🏠 座位都是大大的沙發 (舒服的好想睡~~😚)Menu 製作的好用心好美!!! ··🔼炭 燒 榛 子 鮮 奶 咖 啡 ⭐⭐⭐⭐⭐☕ Roasted Hazelnut Latte ☕這裡的咖啡都能選容量不錯呢👍我這個是最小最Basic的那杯足夠聊整頓飯☺精緻的拉花✨炭燒配榛子香的味道挺特別💛喜歡喝咖啡的你們誠意推薦這個不錯👍 ·🔼明 太 子 蟹 肉 炒 飯 ⭐⭐⭐⭐🍘 Mentako Style Crab Meat Fried Rice 🍘菜單說明會有點辣 但吃了跟想像的其超稍微的BB辣~不吃辣都能吃到 味道清清淡淡還不錯 挺Fresh 😋不太吃到蟹肉卻吃到飯帶滿滿明太子配蟹肉的鮮香👍·· 🔼神 戶 野 菜 牛 肉 鍋 ⭐⭐⭐⭐🍲 Kobe Style Mixed Vegetable Beef Pot 🍲這環境下點鍋吃滿滿的幸福溫暖感💕鍋的湯挺鮮甜😋 牛肉質感幾香嫩 👍 ··🔼日 式 他 他 醬 吉 列 魷

呢間食過好多次 係我最愛的Cafe之一 實在好喜歡這裡日式清雅的裝修 食物質素也從沒令我失望 ☺️大阪汁芝士焗虎蝦$156虎蝦肉質結實彈牙 芝士非常香濃 蝦肉索滿忌廉芝士味💕蝦面頭有啲好似沙律嘅嘢食落好新鮮明太子蟹肉炒飯$118好多蟹肉一絲絲好香好鮮甜 炒飯炒得好香口又一點都不油膩 配上明太子口感好好 好特別新鮮的組合 ! 😇燒雙重芝士年糕$58年糕口感煙韌 雙重芝士非常香軟滑口 👍年糕炸得外脆內軟😻和牛串$39和牛好鮮嫩 肉質好好 入口即溶😚

有日係觀塘附近放工，想搵個地下hea下食個輕鬆晚餐，有朋友介紹依間小店話環境幾舒服，去到果然似一間日式小cafe，擺滿梳化櫈幾張大枱，坐落幾舒服寫意～。食物主要係日式，點左三款小食一個鍋物，兩個人食剛剛好😋 小食點左燒和牛串，燒明太子雞翼同燒雙重芝士年糕，其中芝士年糕燒得剛剛好，充滿焦香芝士味好濃郁🤤 另外鹿兒島豬軟骨野菜鍋份量十足，豬軟骨大大舊，肉質鬆化夠入味，配碗白飯好滋味😋。除左食物，飲品選擇都好豐富，精品咖啡同沙冰都唔錯😌 自家製Tiramisu味道好好啊！旁邊有日本空運美妝產品同精品可以購買，播住輕鬆日本流行音樂，依度確實係坐下食下野傾下計嘅好地方😊

今晩又和寶寶來了工廈尋寶，去了這間走日系風格的樓上 cafe。對剛從日本旅行完的我倆説，確實在此感受到日本氣氛。大蝦蟹籽沙律 ($78)新鮮爽口的沙律菜配上脆卜卜的蟹籽和彈牙的大蝦，令人十分開胃。原條蒲燒鰻魚炒飯 ($148)差不多每枱也點了這個。鰻魚又長又肥美，加上蒲燒汁伴飯吃一流。可惜飯的份量較少。然後便是鹿兒島豬軟骨野菜鍋 ($128)，豬軟骨又腍又入味，湯底也很清甜伴菜還有菇、蔬菜等，最意外是底下竟有爽滑的粉絲呢！但要注意鍋物不跟白飯，需要散點的。

-Hamsta Crown Coffee @ 觀塘工業區常常都藏著很多很不錯的小店彷彿是沙漠中的一點綠洲-原條蒲燒鰻魚炒飯上桌就是一頓的大驚喜真是一整條的大鰻魚而且是目測就是非常肥美的當然入口就是讓人非常滿足搭配濕潤的炒飯一起吃就是每一口都是非常濃郁的魚油香坦白說一個人是不可能吃完吧-明太子蟹肉炒飯簡單好吃的炒飯明太子不會很辣只有非常微微的辣味而且有蟹肉搭配讓炒飯更有鹹香味不想吃得太油膩的話這是不錯的選擇-蟹籽沙律不錯，分量都剛剛好青瓜絲是非常爽脆的餐前小吃不二之選-七味墨魚嘴小炸物絕對是咖啡室不可少的新鮮炸出來的就是特別過癮份量不算多兩人分享剛好-富士山特飲打卡必選非常吸睛的甜品飲料上面是特濃牛乳雪糕下面是類似波子汽水的是不錯的飯後甜品-巨峰葡萄蘇打一杯正常飲品哈哈

ねずみの王冠 喫茶店 (觀塘).係觀塘工廈搵到一間好舒適，味道又很不錯嘅樓上店！.⚜️大蝦🍤蟹籽沙律🥗⚜️.首先登場嘅呢就係大蝦沙律！沙律你非常之大盤啊！而大蝦呢就有三大隻，新鮮嘅沙律菜配上和風沙律🥗醬，好好食好開胃！.⚜️味淋魚乾⚜️.味淋魚乾應該同我倆平日食嘅燒雞泡魚干係同一類型嘅野，燒得好香口再配上沙律醬！$38一份咋勁抵食！.⚜️一品昆市海鮮🦞窩⚜️.呢個一品昆市海鮮鍋以昆布湯做湯底，海鮮有兩隻肥美嘅大帶子，兩隻大蝦，兩隻蜆同魚塊，湯底幾鮮美(⁎⁍̴̛ᴗ⁍̴̛⁎)！.⚜️和牛串，蛋黃醬燒松葉蟹棒串⚜️.ಥ_ಥ兩樣都好好食啊！ 特別係個和牛串，和牛嫩口，而松葉蟹棒都好好食！ ！.⚜️青蘋果🍏乳酪沙冰，芒果沙冰⚜️個青蘋果乳酪沙冰好好味呀青蘋果嘅清香再配上乳酪潔面微酸混合埋一齊，好飲！而芒果嗰個呢我冇加乳酪，名付其實嘅鮮果沙冰！都好好味(⁎⁍̴̛ᴗ⁍̴̛⁎)！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌Hねずみの王冠 喫茶店 (觀塘)觀塘巧明街106號冠力工業大廈15樓1501室—————————————————————-

觀塘工業區美食☺️見呢間野日式裝修😆啲飲品又好似好特別🎈就同喺觀塘返工嘅朋友約會一下🥰📍首先去等位嘅時候就有一個購物嘅corner可以俾你解悶😆一邊環境都幾正單，日式和風榻榻米同埋枱椅☺️今日我坐嘅枱有隻熊仔陪我☺️好得意而且每張相都係小梳化型嘅椅好好坐好適合你傾吓計嘅cafe 🎈原條蒲燒鰻魚炒飯（$148) 原條鰻魚又長又肥美🤤！😎真係原條😉並且個飯仲係炒飯底☺️唔會太乾身！鰻魚汁唔會太咸😉！🎈神戶野菜牛肉鍋（$128)+加芝士（$10）旁邊兩細碗係芝麻醬以及生雞蛋🥚😳加咗$10愛芝士🤤 cover 曬d 牛肉😌 入邊仲有粉絲同埋蔬菜，娃娃菜，豆腐等等，甜甜嘅湯底🥰好味😉生雞蛋🥚最後放上面，應承半山熟蛋撈鍋嘅感覺🥰😋 🎈雞翼串（$28)檸檬汁配燒雞翼😋 啖啖肉😉皮燒到脆左🥳香口！🎈富士山特飲（$52)係3.6牛奶雪糕🍦配梳打下面仲有一陣會變色嘅燈陪埋真係好似富士山咁！當盞燈變紅色嘅時候日落日出都可以影埋☺️打卡只手痛好飲指數都好高🥰🎈Affogato -toasted hazelnuts ($48)碳燒棒子味甜甜的🤤 而且expresso 夠濃！配埋滑既3.6牛奶雪糕🍦🤤yummyummmmy

一早去左觀塘Foodlink做義工完事已經點幾鐘， 約埋「爲食貓」HEA 茶去阿貓㨂左間地鐵站附近既樓上Cafe🍵見個名都知係主打日系清新feel雖然餐廳位於工業大厦上面撘𨋢上14樓都仲要行多層樓梯...好明顯都係有心人先會去既地方大厦門口係似落貨區咁...去到門口又係幾有那種日系可愛風整店格局係日系all the way, 小賣部也好， 水吧位也好， 坐既看既買既都滲了日本伴手禮，當然食既都有西日同和食啦坐低時正好就係食Lunch Menu，價錢都係正常cafe 價，環境算坐得輕鬆又唔怕被人趕走， 當時情侶加埋sisters gathering 各幾枱，周圍都放住日本精品同雜誌我點左個蒲燒潮鯛魚腩定食一我愛蒲...燒二我愛魚...腩夠肥...三我愛濃汁夠入味...四我愛是每日限定..冷高貴結果係OISHI阿貓既炸雞只算不過不失有對比下就輸左條街新款式喎，試一次囉最後餐飲就只叫左正常咖啡茶，整體都稱得上抵食之作，任坐幾粒鐘，收貨喇

觀塘工廈區有不少隠世Café，在觀塘工作的好友帶領下來到巧明街的"ねずみの王冠喫茶店"。這日系小店燈光柔和，裝潢帶田園風格，加上座位倘大，非常舒適，很有家的感覺。天氣急降，最好來個鍋物暖暖身。點了"神户野菜牛肉鍋"，牛肉鍋材料豐富：有金菇、冬菇、豆腐、蔬菜、雞蛋及粉絲。壽喜燒湯底不會過濃，帶點清甜，與材料很搭配。牛肉油脂分佈平均，蘸些芝麻醬吃更添美味。見很多枱也點"日式他他醬吉列魷魚"，喜愛炸物的我倆豈能錯過。吉列魷魚新鮮熱辣奉上，呈金黃色，非常誘人。粉漿不會厚，炸得香脆而不油膩。他他醬份量充足，微微的酸與炸物簡直是絕配。原條蒲燒鰻魚炒飯份量十足，賣相非常吸晴。鰻魚肉厚質嫰，幾乎沒有骨，啖啖肉之選。鰻魚燒得剛好，香甜入味，不會過咸。炒飯屬較濕潤的類型，飯粒飽滿，每顆都被日式醬油包圍著，甜甜鹹鹹的很開胃。平日不喜歡吃飯的筆者也吃個不停。焦糖泡沫咖啡香濃中帶點甜美，不帶苦澀，為晚餐劃上完美句號。