ねずみの王冠 喫茶店

营业中

休息中

勞動節假期相約好朋友於觀塘區搵間舒適既Cafe食Lunch網上對呢間既Comment十分唔錯,決定一試。地點算容易搵, 觀塘地鐵站行過嚟八分鐘左右就到。可能由於今日係公眾假期,嚟到工廠區食飯都需要畀身份證樓下登記。呢間cafe位於15樓,需要搭𨋢再行一層樓梯先到達。由於喺openrice已經book咗位,去到嘅時候有予約席,值得一讚 呢度有個corner係賣日本化妝品小禮品, 款式有唔少,數量就唔算太多。睇咗一個round冇啱心水既野就坐低叫野食lu我叫咗一客吉列炸蠔餅食,朋友叫咗日式咖哩豬扒飯,大概等咗15分鐘就有得食。我哋兩個set lunch都係一齊到, 不過我個客定食就熱辣辣,朋友嗰客就連暖都講唔上係暖,唔知係咪因為等埋一齊先出,所以有呢個情況。吉列蠔無腥味,外層鬆化,一客5隻,份量十足,唔錯。至於咖喱豬扒由於欠缺熱度,扣左分,一般般。跟餐可以選擇一般餐飲,我哋就加錢轉咗朱古力,呢度嘅凍飲都係用熱飲嘅杯,比較少見。飲品同一般cafe差唔多,無乜特別,本來想試薄荷朱古力但係店員話今日冇薄荷。值得一讚嘅係呢度環境都算安靜,而且係有一種淡淡日本小店感覺,唔似出面好嘈嘅cafe,呢度亦

一班公司同事一齊慶祝去食lunch，早一日已落定單選食物，但最終還是有大部份餐要等半小時才送上。幾個同事叫同一款食物但都只送一份上來，其他就要等一輪。如果根本趕不切煮，那早一日落單有什麼用。我自己叫了岩鹽海鮮鍋，定價$118但配料不多，只有蝦、青口、元貝、蟹柳，連一點豆腐都沒有，而且這道菜聲稱是一個鍋但溫度只是微暖，湯底亦無味，完全不值得這個價錢。其他lunch set的價錢亦偏高，整體是性價比很低的餐廳，不會想再來。只是sell日系家庭feel裝修是不夠的，這個價錢在觀塘有更好選擇。

下午時段去到並無訂位，一去到其實仲有空位，但店員一開始已經話用餐時間得一個鐘，去到臨走時，早左15分鐘開始叫我地走，態度仲要差差地，其實好無奈，最後加上食物一般，好快食完就要被逼走，走個時明明出面都無人等位，不會再去....

同朋友係觀塘食Lunch，揀咗呢一間走和風嘅樓上Cafe。但結果有d失望本身我係幾鍾意食明太子意粉嘅，於是點一個嚟試下。賣相唔錯，但食落無乜味道，好似意粉同個醬分開咗咁，海鮮份量亦都好少。食食吓都覺得有啲膩，最後無食曬就走咗。跟餐會有個前菜同飲品餐廳環境乾淨簡潔，但略嫌有啲迫，同隔離坐得好近，大家可以聽得好清楚大家講乜😅總結，真係對個意份幾失望，可惜嘅係，同行朋友點咗同一個餐，所以試唔到其他嘢，但見其他枱嘅定食又好似唔錯。如果係附近住/工作，都可以再試下嘅，但我兩樣都唔係

一入到餐廳感覺是日系清新，木製的枱櫈、搭搭米的角落和裝修營造到舒服和諧的氣氛，水吧對面還有賣一些日本的藥妝和飾品。總之全間餐廳感覺像去了日本一樣！日式明太子海鮮意粉 $88 |想不到明太子的份量多到滿佈整個意粉，非常鹹香，但不會太濃味。而且醬汁都掛在每一條意粉上，非常creamy! 再把溫泉蛋戳開，讓蛋汁流入意粉真的很好吃！泡菜豬肉配白飯 $88 |泡菜汁和豬肉偏鹹，但送白飯可以中和返，所以還好。但不得不讚食物的擺設和用木碟上菜，真的很有日式的精緻。店員服務也很好，我們想調細冷氣、斟水等等都即刻幫我們！又讓我們坐很久～入選心目中最舒適觀塘咖啡廳！但這裡比較難找，在工廈上最高層遇要上樓梯才到喔。

食物不過不失，略貴。幫朋友慶祝生日，無問清楚，原來要收$60開餅費。另外，星期日寫住收11，但9點幾就過黎收錢，不到10點剩返2台，係職員眼神壓力下為有走人啦。

比較難搵既一間餐廳，不過環境幾不錯。日式裝修價錢合理，前菜有牛舌，好入味叫左個咖哩豬扒飯同鯖魚飯沾埋醋好好食飲品就一般般埋單都係大約200蚊如果行街行攰都可以上一上去休息下

叫左三樣野全部都係好食嫁，我好識叫呀哈哈哈😎-🧀燒雙重芝士年糕 $58Burn Double Cheese Rice Cake必叫！😍外皮脆，裡面年糕好煙韌，仲包住啲芝士好好食🤤-🍲鹿兒島豬軟骨野菜鍋 $128Kagoshima Pork with Vegetable Pot諗住份量唔大，但原來裡面仲有粉絲嫁🤩 (食食下先記得影,豬軟骨唔係得一舊嫁🙈)-🍚原條蒲燒鰻魚炒飯 $148Full Eel Fried Rice真係幾大條，但自己食咁大份會悶，建議同人share黎食🤓

今晚同男友去左呢間食，之前book 臺full 了，7:00去到最後一張walk in 臺。點左一個飯、一個鍋物、一個小食、一杯飲品，再加多碗白飯，兩個人就食到飽令了！味道是不錯的！但串燒比較貴，我地冇叫！環境溫暖舒服，值得再來！

朋友今晚帶左我黎試呢間cafe，一入到門口，已經見到有好多商品，有日本茶葉，化妝品，林林總總既產品，我地等緊店員幫我地執枱之際，就係到周圍睇下野！我地今晚揀左二人套餐前菜是左口魚裙邊蟹子芥末沙律，好少係出面既cafe食到呢隻沙律，左口魚係炙燒左，好好食呀，至於芥末汁又岩岩好，唔會太勁，又唔會搶左左口魚既味道！小食有兩樣，第一樣係炸魷魚配他他汁，食落似我地平時早餐魚柳加沙律醬，但轉左炸魷魚，呢個都好多食，夠熱辣辣！第二樣小食係牛油菇前帶子，我覺得呢樣就比較普通，帶子有少少煮得過左位，有少少靭，反而係配菜好好食，食得出日本金菇，鮮菇！主菜有兩樣，第一樣係海鮮茶漬飯，細細碗，份量岩岩好，我地兩個女仔share，茶漬配上wasabi，都好少出事！兩樣都好夾！但係唔記得左影相，掛住食xp第二樣就係野菜牛肉鍋，又係迷你鍋，唔會太大份，份量岩岩好，而且好足料，成個鍋都好滿，湯底甜甜底，日本牛肉好好食，唔會太肥，同埋又有日本菇，正！甜品係tiramisu，都好食呀！同埋我地仲留意到今晚只係星期二，但成間餐廳full晒，坐滿人，都幾嘈下，同埋證明呢間cafe都幾受歡迎，平日都咁多人食！

有fd留學翻黎放個假 就諗住搵間cafe傾下計係open rice 揀揀下就睇到呢間幾好😂就決定左呢間啦 yeah但係唔記得左book呀 不過我地12點就到左 佢就預我地2點15分還枱 都ok呀一入到去就覺得好舒服 都幾似我去日本d和式餐廳咁呀無book就坐榻榻米 同可能要搭下枱所以想黎就記得早d 係open rice 度book啦😆我地3個人就叫左3個set 仲包嘢飲架明太子海鮮意粉賣相好吸引呀!!!!個溫泉蛋就very good good tim啦炸雞個醬都好好食 加d檸檬就 再好食d條魚邊邊就咸左d 但係整體幾好p.s. 個南瓜好好食 想知佢點整😆😂😋😋p.s.餐廳仲有d日本特別嘢買

依家位於觀塘工廈嘅日式餐廳都幾舒適，食物質素也不錯，起觀塘返工朋友仔可以試試唷除咗sofa之外，仲有塔塔米，好似置身於日本餐廳一樣巨峰葡萄梳打$38都幾清新唔似樣藥水味原條鰻魚炒飯$148好期待食，原條鰻魚炒飯。鰻魚真係超大條，份量十足。不過肉質較為稔身，炒飯是用燒汁炒過味道很香亦很夠味👍🏼日式他他醬吉列魷魚呢個真係好值得推介，炸漿好薄，魷魚好嫩滑唔會過老，再加上他他醬令人一食即上癮，大推富士山特飲 ($52) 迷你富士山呈現起眼前，以為係好甜嘅波子汽水味啦，飲落只有淡淡嘅味道，但加將雪糕搞勻嚟飲後味道恰到好處，唔錯唔錯牛舌則燒得剛好，唔會過老

偶爾間發現"隱世"日式茶館, 點解隱世? 從停車場電梯上到14樓再要行樓梯才可到15樓的店門口, 先會發現到店鋪店面用木色裝潢, 北歐×日式, 又有座敷區, 木架上擺放日文潮流雜誌, 上班族午餐確實沒有太時間好好品嚐環境~ 但放假和朋友嘆下午茶, 就很有日本旅行的感覺~午市來說, 起初以為份量會不夠, 飯是小小一碗, 但餸就一大碟, 吃完確是很滿足的, 南蠻雞外皮炸很脆, 內裡還是嫩的, CP值還好, 價格略為高了一點, 偶爾回味日系旅行感覺就來吧～

同朋友約左幾個月..終於約到食飯由於大家都係九龍人所以就係附近搵下見到呢間餐廳環境好似唔錯一於就提議下朋友表示佢好想嚐試呢間餐廳好耐本身兩個人..但朋友帶多兩個朋友我地4個被安排去角落可以置成一角咁啱檯面有4隻老鼠公仔新朋友問係咪我為佢地準備嘅見面禮XDDDDD佢地諗太多喇七味墨魚嘴...嗯.. 佢個嘴的確好飽滿.. 可惜唔係好夠熱..都唔多見有七味粉..旁邊嘅沙律醬都唔係好救到件事牛油雜菌煎帶子...都係暖..冇咩牛油味.. 還可以左口魚邊裙芥末忌廉沙律.. 香芥末味但唔係攻鼻.. 個魚邊係幾香魚油味但如果再炙燒多少少可能會好D原條蒲燒鰻魚炒飯.. 贏在條厚身原條鰻魚! 個炒飯或都唔錯但4個女仔分感覺唔係好夠 XDDDD長崎潮鯛3.7牛乳鍋 - 成晚最鐘意就係呢個鍋個牛乳湯底好香濃又滑..粉條吸哂個湯真係好好食   因為唔係好夠飽..所以我地又後加幾樣野全部都係偏暖..最有驚喜係個明太子雞翼爆餡仲好細心咁界左個十字方便食杯野飲真係好靚! 所以我地4個都揀左富士山特飲介紹話係柑橘味梳打水..但飲落唔覺有味..原來糖水係沉係底所以大家飲之前記得要攪勻

好日式既一間廠廈cafe, 木系裝修配上簡約既自然色系，環境好舒服☘️🍴最好book 定位！Lunch 都有好多款，主要都係日式同西式fusion，包前菜，餐湯，同一杯熱飲，不過要加一。前菜係胡麻豆腐同麵豉湯（好似係）🤔🤔日式明太子海鮮意粉 💓👍🏻🦐🥚🍝$88明太子意粉好小唔好食，醬汁好多，而海鮮材料都唔小，半homemade 既感覺。唔錯。👍🏻日式廣島炸蠔定食 🥔🍚$108覺得普通喇，呢個價錢都唔平，飯好煙un，係日本米，整體普通，唔特別推介。🤔