ねずみの王冠 喫茶店

营业中

休息中

現在工厦同以前比，非常多元化好像觀塘工厦有很多隱世好味食店。放工朋友帯我去了—間高質日式cafe. 店內装修簡潔，雖然空間不算太大，但係收銀處旁隔了—角售賣商品。前面是開放式廚房。由地板，枱，食具都以木器為主好有日系感覺，至於坐位全是小梳化和每個位都有cushion真係貼心。另外店家還設計了日式榻榻米在一角。最啱—班朋友聚會。食物選擇多有前菜沙律，鍋物，意粉，飯類和小食串燒。大蝦蟹子沙律。啖啖肉大蝦夠彈牙粒粒蟹子卜卜脆，新鲜沙律菜配上黑醋好清新醒胃令人食慾大增。原條蒲燒鰻魚炒飯。珍寶裝鳗魚燒非常吸睛加上厨師特製醬汁，勁厚啖啖肉，用日本珍珠米炒飯，每粒都好煙靭。牛油雜菌炒带子。鹿兒岛豬軟骨野菜鍋。豬軟骨炆得好淋，夠軟滑，冬菇，豆腐，金菇和雜菜配香濃湯㡳。餐牌上各色各樣飲料以供選擇，我同朋友各選了巨峰葡萄烏龍茶和青檸烏龍茶，透心涼好消暑。

今日朋友生日，咁啱佢屋企養咗幾隻倉鼠，而佢又真係好鍾意倉鼠，所以今日我哋嚟咗呢間已可愛小動物做主題嘅cafe 呢度嘅座位設計算係幾寬敞舒適，除咗中間嗰一排座位有少少迫之外，我哋坐靠近牆壁嗰邊，感覺好闊落，最特別之處就係門口嘅位有一間小賣部，主要購買藥妝同埋一啲日本嘅商品我同朋友都忍唔住喺入邊買咗一啲野先介紹吓嘢飲，我叫咗一杯熱嘅英式紅茶，估唔到佢有奶送埋比我，真係夠貼心如果佢可以添飲嘅話就唔使浪費左個茶包啦嘢食方便我叫咗一個海鮮土壺茶漬飯，佢嘅配料都好吸睛，食落口都好新鮮，喺香港食日本嘅茶漬飯感覺真係好特別小食方面我叫咗一個七味墨魚咀，墨魚咀大大粒，成碟都只不過係$68，唔算貴但未到就真係好唔錯，值得一試呢個明太子蟹肉炒飯炒得好靚，聞落去都有好大陣蟹肉嘅香味，鍾意食蟹嘅朋友一定唔可以錯過最後我朋友叫咗杯Kyoho Grapes Smoothie，佢話提子味真係好香濃，真係冇叫錯呢間餐廳總括來講都唔錯，好適合鍾意可愛小動物嘅少女黎食野，仲可以順便買番啲藥妝返屋企用

幸福是一種魔法，只要你相信， 魔法就會出現!！快樂是一種選擇，懷着樂觀的心情，事情會隨你的想法走到美好的一方！今日既心情好想找一間坐得好舒服又擁有慢慢既節奏讓你享受一個有誠意既晚餐。擺脫公式化的連鎖店我揀左工廈和風喫茶店 【Hamsta Crown Coffee】.上次穿梭工廈，捐窿捐罅發掘呢一間美食。巧明街106 號冠力工業大廈15 樓，搭LIFT去到14樓再行一層樓梯先到。上黎就見到個好大幅綠色毛毛牆，入面空間感好大，日式風味十足，採用日系淺木色調裝潢加上可愛的小擺設，有種溫馨的和式感覺。餐廳似乎在走女生路線，但原來也受到不少男士青睞！你可以選擇左坐角落既榻榻米位置，又可以坐普通枱都得，寬敞舒適...除了美食，另外大門旁也設有日本化妝品售賣區，吃過飯不妨購購物睇睇有冇野岩呢。日系主菜，對喜愛日式美食的食客來說可謂非常驚喜！餐牌的款式多多，有飯類、串燒，更有鍋物；定時定候都會轉下餐牌，不過今次有幾樣都想食呢，「選擇困難症」發作。如果同行既朋友會食鰻魚的話想必，我也點了原條鰻魚炒飯啦！🔹左口魚芥未忌廉沙律 $72❤️經過上次都有點呢一款之後，真係一試難忘，好好食呀！推介推介！左口魚薄切，

放工相約朋友去食日本菜，黎到咗呢間日式風情的食堂。環境好舒適的，裝修精緻，座位也比較寬敞，非常適合聚餐的好地方。好大條鰻魚而且炒飯份量岩岩好，炒飯味道比較普通冇咩特別，估唔到最有驚喜嘅係和牛串燒$39好牛肉味好濃郁。左口魚邊裙芥末忌廉沙律: 一直都很愛左口魚邊，貪其油香夠，軟滑富油香的魚肉加上爽口清新的菜，非常搭配。用上芥末醬，比一般沙律醬多了一份清新解膩。日式他他醬吉列魷魚呢個真係好值得推介，炸漿好薄，魷魚好嫩滑唔會過老，再加上他他醬令人一食即上癮。整體賣相和味道都係滿分！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

觀塘區有好多工廈，好多cafe。見呢間既評分好似幾高，所以黎試下。上到去環境地方唔算大，但勝在座位幾骨子，仲有他他咪坐。入邊有個少少嘅位置係用黎賣特色小物，係等店員安排座位既時間可以望下。食物方面叫左明太子海鮮意粉，味道唔錯，份量比較少。材料方面除左青口之外其他都細細粒，用料應該唔係貴價(should be cheap in fact)。Side dish 有碟小南瓜，味道一般。觀塘有咁多特色工廈，所以下次未必會再黎。。

難得放假諗住食呢間ねずみの王冠 喫茶店睇落比較日式d 又relax d 嘅cafe一入去見到個環境其實都幾日系望完全場見到一個人都冇諗住可以食啦點知個reception問我地有冇book到位話無book到位就冇得食員工態度很差又無笑容一啲日式cafe嘅感覺都冇冇諗過一間日式cafe客人都未有就已經拒絕walk in入嚟嘅客做咗20幾年人去餐廳食嘢最多叫你等多陣睇吓有冇位都未試過一嚟就俾人reject話冇得食成個感覺超級差

呢間一直都好想試 之前lunch上過去 但因為無book位又full左無得食😖所以你地記得要訂位喔🙈好靚既cafe存在於工廠大廈內 上 撘lift上到14樓要再行樓梯上去的 Cafe店好寬闊坐得好舒服 餐廳佈置都好日本風 枱櫈是以塔塔米為主 晚上有二人套餐或者散叫menu🙈 店舖既角落有售日本化妝品 款式都唔少-🍴神戶野菜牛肉鍋 ($118)雖然天氣好熱 不過見到好多台都叫左個鍋好香搞到我地都想試下 一開蓋就傳來好香牛肉味同壽喜燒的味道 鍋內有娃娃菜 大冬菇 鍋底仲有d粉絲 粉絲好煙韌彈牙👍🏻 佢重有提供雞蛋 當煲熟後 就倒上已攪拌的雞蛋 令牛肉的肉質更滑鬆軟 之後再點上芝麻醬一齊食更美味-🍴原條蒲燒鰻魚炒飯（$148）好大條既原條鰻魚 好厚身 而且都唔係好多骨 鰻魚塗上了大量燒汁 味道都唔錯 炒飯底質地較為濕潤多汁 用黎配鏝魚食岩岩好 整體都不錯-☕️Mokaccino ($38/8oz, $52/12oz)朱古力泡沫咖啡 咖啡味又香又濃 個 個拉花係我見過最精緻的😍

觀塘係我經常搵食既地方，今次一大班朋友去，諗住揀間環境舒適既地方坐下食下野。 可能因為我地太大班人又有啲嘈，女侍應一開始就對我地黑面，態度都幾差，不過我不嬲對服務無太大要求，最緊要食物。 由於本人係魷魚愛好者，基本上總知係魷魚我都會覺得好食。呢個都炸得幾好，係份量細啲。 呢個芝士年糕既size 超級的骰，目測直徑得4，5cm，似糯米滋既大細。憑良心講佢係好食，皮夠脆同入面腍腍地，但性價比太低，成$24一粒，絕對唔值。 我既評價係... 要食牛肉鍋不如去食吉野家，一樣size，吉野家仲要有烏冬，呢度只可以加飯（$15）。啲肉就比較「鞋」，粉絲彈牙，唔錯。但整體唔係幾抵食。 舊鰻魚煮到好腍，外皮微微燒到香脆，好食。但個飯黎到係凍既，我個人期望每碟食物上枱都係熱既，至少唔好係凍。呢度扣左唔小分。 呢個飯就熱返啲喇，個飯都幾乾身，但唔會話好好食。 呢個應該係全晚最好食既一碟，汁濃肉香，舊肉煮到好腍但又唔靭，好食但得勁小，十幾舊一口肉收成百蚊。 總括黎講，大食既朋友要諗清楚，叫一樣野就一定唔夠食。但公平小小講，佢係有二人餐提供，每人二百蚊度，但我地太多人無叫，可能二人餐會抵食啲喇。呢間坐低傾下計

哩間cafe嘅環境好靚好舒服，顛覆左小平時對工廈cafe嘅印象🥴好岩同朋友去飲杯野傾下計坐番一個下午💗不過今次我地去食dinner😛叫左個神戶野菜牛肉鍋$118(入面有牛肉、金菇、冬菇、豆腐、粉絲、紅蘿蔔、小唐菜同娃娃菜)，佢地另外仲會配芝麻醬同一隻生雞蛋🥚俾你打落個鍋到撈埋食，小編幾欣賞佢地啲食材幾新鮮🥰我地仲叫左個原條蒲燒鰻魚炒飯$148😍好大條鰻魚而且炒飯份量都好多👍🏻不過略嫌鰻魚唔夠淋身，炒飯味道比較普通冇咩特別🧐估唔到最有驚喜嘅係和牛串燒$39🐮好香牛肉味，仲要好淋好好食😋飲品方面我地叫左雜莓smoothie$42🍓同富士山特飲$52🗻其實即係藍柑橘檸檬特飲，上面加北海道3.6牛乳雪糕🍨小編覺得又幾好飲，而且佢仲識發光閃閃下✨啱晒影相打卡🤫

🤩鋪頭全部都係日式設計，環境舒服而且裝修靚最緊要係等緊嘢食嘅時候門口有個小賣部專賣紀念品可以搵啲由日本送到黎嘅野😍連唇膏都見到有———————原條浦燒鰻魚炒飯 $148目測接近成十吋長既既鰻魚，入口軟滑而且少骨，肥而不膩，炒飯咪道唔會好濃但粒粒分明而且上碟時熱辣辣超香🔥鰻魚汁同出面果啲相比無咁甜🍃唔會一埋醬咁整濕哂啲飯😍整體賣相同味道唔錯汁燒牛脷串 $37/串香甜醬汁配上爽口牛脷🤩入口啖啖肉咁，最緊要係無果陣牛腥味同雪味💓而且仲係大大塊日本鮮海藻沙律 $63雖然唔知係乜嘢海藻會紅色🍃但係配上鰻魚飯就可以中和油膩，作為前菜填肚一流，但我地用左來撈飯😍👍🏻但整體味道清新而且新鮮爽口。燒雙重芝士年糕 $58呢餐其實最期待個年糕🎉外層軟糯入面流心芝士餡，面頭仲有一片燒至半熔既芝士🧀但係年糕一拎上來食就軟到就塌咁😨糯米層略嫌稍欠煙韌😭但入到口唯有以味道搭救，不過不失。Smoothie Cucumber yogurt $45青瓜乳酪沙冰🥒青瓜味比乳酪味突出而且唔會太甜，第一次試咁樣兩溝🥛但唔鐘意生青瓜草青味就要慎思喇，因為青瓜唔係人人鐘意，但鐘意食既朋友一試要試👍🏻唔會失望 -

今日來到觀塘工作，見工作地點下面有張燈箱日式ＣＡＦＥ看似不錯就和朋友上去食，上到去裝潢都不錯，我和朋友叫了一個飯和二個小食食，等了大約十分鐘食物就來到，原條蒲燒鰻魚炒飯來到都幾吸睛，鰻魚都幾大條但偏凍了一點，而且炒飯都好濕沒有香味，份量也不多，以這價錢來講就貴了一點，小食方面叫了二個，七味軟殼蟹，沒有脆口感而且差不多七十元來講，如沒意外得一隻而且吾厚肉就好一般啦，另一款汁燒八爪魚丸有六粒同十粒選擇，最後我地要了六粒，來到丸子都大粒但醬汁吾夠多，而且感覺上唔太見到燒汁咁，表面好似炸咁有少少硬身但都是偏凍了一點，入面料勁少，記憶中沒有菜而且魷魚勁細粒，有少少空心感味道好麻麻。

今日同朋友行完街就去睇下有咩好食，在網路上看到這間小店都幾靚就上去食，上到去裝潢以木為同日本為主都不錯，坐的位置都幾大又舒服，我地叫了四個小食食慢慢傾計，雪魚魚乾價錢吾貴而份量都正常，不過燒得吾夠乾身，菠蘿串絕對失望，完全吾似燒過咁，沒有香甜味而且這份量約三十元實在太貴了。沒有吃和牛串而選擇十勝一口牛，份量還可以$108來講，但牛肉味偏少，醬汁味不錯而且洋蔥入味好味道。最後的是比較清新的左口魚邊裙芥茉忌簾沙律，第一次咁食左口魚，都味道幾好但菜比較少左，整體都可以，當傾下計找個地方都不錯。

Time to explore hidden good places again in industrial buildings in Kwun Tong. It is not particularly hidden as there is an advertisement board at the front door right in How Ming Street.A genuine Japanese styled restaurant as it advocated, with tatami seatings at a corner. You may consider making such a seat request when you call and reserve (do remember to call in advance as I have failed to reserve in last minute for two times). But this time when I paid a patronage, the shop was not fully

聞說此樓上Cafe相當不錯，與友人平日晚上前來試試，還好早已訂座，當晚全數座位已被預約，如無提早訂還沒能吃到呢! 此店需在工廈到14樓再行樓梯上一層方能到達, 坐電梯時不用擔心因只見到14樓而誤會找錯地方。Cafe環境相當舒適，主打日菜。晚上的二人套餐不錯，亦有我們想吃的可選，決定點一個套餐再加串燒。左口魚邊裙芥末忌廉沙律: 一直都很愛左口魚邊，貪其油香夠，此沙律毫不吝嗇放上多片，軟滑富油香的魚肉加上爽口清新的菜，是相當好的配合。用上芥末醬，比一般沙律醬多了一份清新解膩。吉列魷魚配他他汁: 副菜選了炸物，一個個大魷魚圈炸得金黃香脆，魷魚亦相當彈牙。特別欣賞其他他汁，混和了一些蛋碎，增加口感，不錯。牛油雜菌煎帶子: 其中一個主菜選了帶子，共有5大粒! 牛油蒜泥味甚香，加上了一些黑椒調味，又不蓋過帶子鮮味。炒菇亦是相當出色，很香，此道我們都相當滿意。左: 免治雞肉串/右: 和牛串: 中間上了另外點的串燒，喜歡那免治雞肉串，中間吃到粒粒雞軟骨，增加口感。和牛串不過不失，沒有特別。日式帶子牛柳粒炒飯: 炒飯中加入牛柳粒及帶子粒，除有肉香亦有海鮮香氣，日式炒飯亦炒得分明，調味亦剛好，不錯。神戶雜

之前喺openrice search過一次見到幾多哈哈笑就冇book咁踩上黎 點知lunch時間佢話要book先得咁就冇食到今次預早兩日book左今日食lunch 唸住要book咁巴閉嘅餐廳應該好食過正常小小呱入到餐廳見到餐牌d慘都偏貴 差唔多全部都成百蚊 仲要收加一咁我同我朋友就嗌咗個南蠻炸雞用咖哩炸豬扒定食一上到 見到d飯又乾又硬 已經感覺中伏 應該唔係日本米 去食吉野家都冇咁差個咖哩豬扒嘅咖哩竟然係淋喺豬扒上面 令到d豬扒唔脆 d豬扒食落口偏硬同鞋，冇肉汁，炸粉厚 唔係日式炸粉 有d似kfc上面果仲炸粉 仲有種說不出的酒味咁嘅質素賣$88+10% 真係不如食難食嘅茶餐廳南蠻雞$108+10% 普普通通 但係d飯都係唔得 賣成120 就真係離譜之前喺openrice search過一次見到幾多哈哈笑就冇book咁踩上黎 點知lunch時間佢話要book先得咁就冇食到今次預早兩日book左今日食lunch 唸住要book咁巴閉嘅餐廳應該好食過正常小小呱入到餐廳見到餐牌d慘都偏貴 差唔多全部都成百蚊 仲要收加一咁我同我朋友就嗌咗個南蠻炸雞用咖哩炸豬扒定食一上到 見到d飯又乾又硬 已經感