ねずみの王冠 喫茶店

营业中

休息中

終於得閒又出黎食野啦，多謝女友搵餐廳！今日星期日要返半日工，行過兩條街就到啦～入大廈要先登記，行多一層樓梯先到，門面正正常常。一入門就不得了，布置非常暖和溫馨，梳化未坐都覺得軟淋淋果然一坐低就黎料，本身都覺得好精神，坐左5分鐘就睡意來襲～點餐啦，餐牌主要是BRUNCH，一半是全日早餐無興趣，所以叫了個咖喱豬扒飯配豆腐同湯。豆腐好味但唔夠凍，湯就夠熱好味道喇，豬扒飯正常接受。反而熱烏龍茶更出色，真茶泡成，唔係HEA茶底，所以有驚喜！記得要趁熱飲～食飽飽坐多陣就走啦，全場滿座！

疫情問題被迫取消左去日本旅行為左令自己心理平衡一下 就約左友仔去返間日本風餐飯醫醫肚啦地點都幾方便係Apm去巧明街方向 一落電梯過條馬路就到上到去第一眼 真係好日本feel😙重有個位放左好多富士山Tim 睇下都開心既有2人餐食都幾抵 不過我地又對佢D小食好有興趣 所以都係散嗌炸豚肉流心蛋🥚流心蛋好出色 時間剛剛好 蛋黃絕對慢慢流出黎 再配埋豚肉一齊炸 超香口🤤日式他他醬吉列魷魚🦑($68)佢既炸野真係幾出色 一點都不油膩 而且個醬係自己調配 有洋蔥蒜頭等配料 每人食左成4塊都不會嫌多😆醬汁燒八爪魚丸🐙($58)這個完全是過口隱而點哈哈😄 正常野 家下香港唔係咁多地方有得食了北海道3.7牛乳松葉蟹鍋🦀($156)內有椰菜 大蟹 菇類 金菇 重有個比粉絲粗既麵 蟹好正 大大隻同埋D肉好易拎出黎 個湯底就似帶有奶味既菜湯底 略嫌個面少咗dd榛子3.7鮮牛奶🥛($32)用北海道富良野3.7牛乳做基礎 面頭帶有榛子醬 甜度剛好 2個味道都飲到出黎雜莓沙冰🍓($42)朋友話酸酸甜甜好解渴 味道唔會好假臨走前仲去咗睇佢啲日本藥妝 其實店既位置郁幾大 有野食 又有野買😁😁

今晚係觀塘工廠區搵食🤗試左依間日式cafe 幾有驚喜🤩位置由APM步行過去5分鐘就到, 好方便👍🏻-餐廳嘅木色傢俱裝修同紅葉佈置好有心思, 令你覺得好似去左日本咁🍁-食物方面好多選擇, 有沙律、日式飯類、日式冷麵、鍋物、大量燒物串燒任你揀💁🏻‍♀️我地叫左好多串燒同燒物▫️炸冬菇串▫️炸豚肉流心蛋▫️炸芝士和牛串▫️雞翼串▫️和牛串▫️免治雞肉串菠蘿串▫️燒明太子雞翼▫️汁燒八爪魚丸▫️佢地嘅串燒做得好好味, 即叫即燒💯好啱同朋友傾計慢慢食~~-食完串燒之後叫左✌🏻個飽肚d嘅主食▫️極上牛山三文魚子冷拉麵〰️個冷麵上面d燒牛肉好似一坐山咁, 佢燒到7成熟, 所以d肉仲好juicy🤤▫️明太子蟹肉炒飯〰️蟹肉炒飯落左好多蟹肉好足料❗️ -最有驚喜係佢哋嘅飲品，叫左杯「山梨縣之富士山下」, 佢靚到好多似一個bling bling下嘅富士山咁, 超級適合打卡🤳 靚到唔捨得飲🥺-值得一提, 依到嘅店員非常有禮貌, 好似日本人嘅待客之道, 令整個用餐體驗加分⬆️另外, 餐廳係防疫方面亦做到足, 餐具及傢俬均用左日本酒精消毒, 亦不接待14天內到過內地嘅客人🙅🏻‍♀️ 咁就令客人更放心✔️-餐廳門口仲有個corner賣啲日本制小商品

1️⃣原條蒲燒鰻魚炒飯($148):的確鰻魚真係幾大條，烤得剛好，但係鰻魚非新鮮。雖然咬落係有質感，但係食唔到鰻魚既鮮甜味，只係覺得廚師用咗好多醬油令到鰻魚偏鹹，想掩蓋鰻魚既不新鮮。炒飯都加咗好多醬油炒，炒得好油膩，又鹹，唔會再食，失望。2️⃣明太子蟹肉炒飯 ($118):蟹肉明顯用急凍蟹肉，淡而冇味。炒飯又係炒得偏油膩偏鹹，都係失望。總結，我唔建議大家去食。餐廳報置得係精美，好有日本酒屋既味道，但係食物質素的確偏差，性價比好低。同樣既價錢我可以食到更好食既日本菜。經OpenRice 訂坐係有全單8折，但加埋1都差唔多，唔抵食。今次冇試佢既刺身，但係燒物都唔係用較新鮮既料，刺身得都冇興趣試。

已經係第二次嚟ねずみの王冠喫茶店👑食飯喇，最近因為炎症嘅問題，就取消左鍋物🍲，不過好彩佢地嘅menu都仲有好多其他食物嘅種類，所以我都仲managed去叫啲上次冇食過嘅嘢🙃.第一樣梗係相當吸晴嘅山梨縣の富士山下啦🗻，佢其實係波子汽水上面有舊vanilla雪糕🍨，入面仲有粉識話變色嘅冰，打卡100分呀💯.主食就叫左極上牛山三文魚子冷拉麵🍜，啲牛真係多到一座山咁🐂，冷接麵又滑又彈，撈埋麻醬幾好食😋，另外叫左明太子蟹肉炒飯🍛，有好蟹籽同蟹肉碎🦀，味道都okay，不過如果有多啲餸會好啲😋.另外仲叫左一系烈嘅串燒🍢，包括炸冬菇串，炸豚肉流心蛋，炸芝士和牛串，雞翼串，和牛串，免雞雞肉，菠蘿串，特別推介炸豚肉流心蛋🥚同免治雞肉串呀🐓.其他小食就叫左燒明太子雞翼🍗同埋汁燒八爪魚丸🐙，雞翼脹卜卜，釀滿明太子，八爪魚丸都好有日本風味呀🥰

喺觀塘想食晚飯，就搵到附近嘅日式cafe一入門口，就好似穿越到日本咁，好多日本裝飾，播嘅歌全部都係日文歌一坐底，侍應就俾咗上面呢個牌俾我哋睇，講明餐具同傢俬都係用日本嘅食用級酒精消毒，安全可靠，及暫停一切小火鍋供應座位比較闊落，好彩嘅話可以坐到小沙發/tatami 以上係我叫左嘅野食，下面就同大家一一細說啦～「極上牛山三文魚籽冷拉面🍜」果然名不虛傳，佢嘅牛有10多塊，真係稱得上牛山，每塊牛都係有微炭燒過，而冷拉面都唔係想像中咁凍，倒上蔴醬，伴以旁邊嘅沙律，十分滋味😋「明太子蟹肉炒飯」雖然餐牌上面有辣椒符號，但係實質上菜時得好少辣味，顏色鮮艷，份量都算大「七味軟殼蟹」外脆內軟，去晒骨，啱晒想食蟹嘅懶人「巨峰梳打」酸酸甜甜，味道岩岩好，有氣泡好爽

工廈餐廳, 最高層再上一層, 地方係工廈本身期待唔會太高, 但入面裝修真係好華麗,地方坐位坐得好舒服, 休息睇下書,食下野會幾正.榛子朱古力, 呢到既飲品整得唔錯, 除左外觀比好睇之外, 味道都係好味, 關鍵係入面有我最中意既榛子醬!榛子味道唔算濃,咁樣唔會擋住朱古力本身既味道.唐心蛋, 出面有層豚肉, 令到外面口感好脆, 入面又好滑好軟, 唐心蛋本身蛋黃帶小小甜味好夠味, 唔需要額外再調味.和牛串, 呢到和牛應該肉質上食到唔係用太高級既和牛, 油花味唔算重, 加左小小蔥花整香個串燒, 和牛口感整得好, 口感上易咬, 夠軟肉質又唔會太老.一口牛, 呢個味道濃, 調好晒味, 小咸, 口感彈牙易入口, 但有小小根.牛本身重味, 所以味道唔會差得去邊, 口感小硬, 彈牙, 似放題既牛柳粒, 但係比放題既一口牛更軟更彈牙更易入口.呢個係全日主打, 主要係麵好食, 牛帶有小小生, 因為凍既關係, 凍牛我覺得口感差左小小, 牛都係熱食會好味D.個人感覺, 麵條十分彈牙, 口感好爽口, 必試, 可以點小小麻醬落麵到食, 麵身本身夠乾身不油, 味道帶有小小清淡麵粉味.好正, 如果再去 呢個必叫!整體服

日式主題餐廳，環境佈置具有日式風味就不用多說，餐廳門口位置，還有賣日本的小精品，而且餐牌上更有日文，很有日本小店的感覺。星期三的晚上，由於最近的疫情關係，只有4枱食客，環境相對清靜。亦因為疫情因素，餐廳暫取消了日式鍋的菜式。我們2人各自點了主食，另加了串燒。土佐鰻魚伴冷蕎麥麵，我轉了做熱的蕎麥麵，炸墨魚很有驚喜，惹味的同時卻保留了鰻魚的肉質，還很juicy呢。朋友點的是海鮮土士壼茶漬飯，海鮮很足料。另外還點了原隻燒茄子，很大的一條，很入味。串燒還點了日式蕃薯，2人吃得有點太飽呢。是次經openrice 訂座，有優惠呢。

工廠大廈裡面o既小店~其實次次去之前都好似拆禮物禁樣~由搵路到入到去坐底，好似穿越左時光隧道禁~一打開門~ 真係有種去左日本o既感覺~讚一讚o既係~雖然位同位之間既位置唔係十分闊~但始終係工廈~樓底高~空間感好足夠~同埋有部份o既位係矮梳化~~坐得耐傾計都好舒服~野食方便準備o既時間有d長~但係都值得等~炸魷魚圈~香口野之選~~仲叫左明太子飯~~呢個好好食而且份量都唔算太細最好就係同朋友share~可以叫多幾款~飲品唔記得影相~不過唔算太大杯，但選擇唔小~~~staff 招呼得好好~用餐感覺良好~約朋友慢慢吃慢慢傾之選~女仔必推~

試過幾次夜晚去到無位，話訂位滿哂，有次終於下午茶時間上去，成間得2-3枱客，個職員好似唔想做生意咁，唔比我地自己入去，要企出票等，等佢諗好比邊張枱我地，再慢動作放好餐具，但放完都係無叫我地入去，最後我均自己行入去坐低佢放好餐具嘅枱，成件事已好奇怪，職員小姐好似未訓醒咁，問題你做下午茶時段，唔好預左有客到咩？如果唔想做就直接落場啦～食物方面，我叫左個茶餐係明太子海鮮意粉加檸茶，$78 免加一，普通，唔難食唔特別好食，坐就幾舒服嘅因爲無乜人，座位都夠闊落，但唔明點解人氣咁旺，可能夜晚食啲嘢或服務唔同卦

2019年12月13日星期五晚飯時間Booking了位於觀塘工廠大廈的Cafe及火鍋店🍲，食店位於15/F，食店暫時只有Booking☺，未有Walk in，但是每次去Booking吃晚飯的時間，G/F的保安需要登記身份證🤣。但是升降機只會到14/F，上去15/F需要走多一層樓梯😂。食店的間隔使用日本的民宿小館的間隔😊，但是環境非常舒適。當天本來想選魷魚筒🦑，但是售罄，所以轉了魷魚嘴。製作方法使用日本的唐揚，完全不會使用普通食用油來製作，當放入口中不會太過酥脆，而且魷魚嘴保持著彈牙的感覺☺。蒲燒原條鰻魚飯，外型像一件巨型的鰻魚壽司，而且原條鰻魚份量非常充足。珍珠米飯非常大粉，而且使用日本的製作方法😊，有丼飯的感覺。薄荷茶🍵，很清香的薄荷味，而且非常甘香。

朋友提議來這cafe吃午餐沒時限，預先訂了位整體的環境都舒適寧靜座位寬敞～～～餐牌以和式料理為主我和朋友各點一份lunch set，前菜+餐湯+主食我選了日式明太子海鮮意粉朋友的是宮崎唐揚南蠻雞定食前菜是胡麻醬豆腐，豆味好香，豆腐好滑溜！還灑上木魚絲，增添香氣～～味增湯的味道恰好，普普通通～～日式明太子海鮮意粉，份量算是ok但海鮮的份量不算多，有兩隻青口，另有少量蝦及魷魚圈意粉整體不算creamy，但將溫泉蛋拌勻，意粉沾上蛋汁，不會太乾身明太子的份量多，鹹香味十足，配上溫泉蛋汁的味道整碟意粉都幾好吃～～～宮崎唐揚南蠻雞定食，南蠻雞的份量不多外皮炸得很脆,，不會很油膩，內裡的肉仍算嫩滑不粗糙味道鹹淡恰當，沾沙律醬來吃，味道不錯～～～但論價錢就偏貴了一點啊！加錢點了招牌的王冠咖啡點之前先問了店員知道這款咖啡的味道是偏酸的！雖然酸，但咖啡味都幾香～～不過還是喝不慣而加了不少糖漿綜合來說，在這cafe坐得很舒適即使坐久了...也不會被趕走～食物味道都算是不錯！

又是相約好姊妹眾餐的時候，這次選了一間座位舒服，適合傾談的樓上cafe。始終是工厰大廈，這天星期日晚上要先在更亭登記才能上去。不過大廈電梯最高也只能到14樓，還有一層只能用樓梯了。餐廳以木色為主，予人日式的感覺。一進去先見到有些日本藥妝類的商品發售，可以用餐之餘也能shopping 一下~XD 座位以梳化為主，相當舒適。餐牌上的選擇尚算不少，沙律、主食類、鍋物、串燒、小食都有。當天我們不約而同都點了鍋物，可以暖暖身。分別是神戶野菜牛肉鍋、大阪麵豉豚肉豆腐鍋及北海道3.7牛乳松葉蟹腳鍋。三個鍋不同湯底，每款喝一口都覺得不錯，尤其牛乳湯底最好，其餘兩個就略咸。每鍋除了主要肉類海鮮外，其他材料也一樣。分別有粉絲、菜、菇、豆腐等等，這些吸收到湯底的味道，正常發揮。不過牛肉和豚肉就比較硬及靭，還很"骸"口；蟹腳是連殼那種，雖然有鎚過，也不容易進食，問店員也沒有食蟹工具可提供....最後店員拿了蟹腳進廚房再鎚，才能吃到... 味道少少咸，不過也是較"骸"，普通啦~除了鍋，也另外叫了一份宮崎唐揚南蛮雞，有些非常大塊，熱騰騰且脆口，配上沙律醬，一冷一熱入口棒棒的~

剛好要去觀塘工作，特別約觀塘上班的好友短聚，這間cafe想來很久，終於都有機會，1時半人流開始減少，不用等太久就可以用餐～午餐主要是日式料理，款色很多，店員還會介紹一下是日推介，每一分餐有湯和前菜，一個餐真的超～飽。日式泡菜豚肉燒定食 $88本來都有點擔心說泡菜會太辣，但這款是日式的烹調方法，所以泡菜酸酸微辣，剛好可以為豚肉減膩。豚肉燒得很有口感，沒有多餘脂肪，每款夾一口，很下飯，比想像中有驚喜！蒲燒潮鯛魚腩定食 $128鯛魚腩的份量很大，我們兩個女生也吃不完，魚腩做不好很容易會又腥又膩，但這裡的魚腩有惹味的燒汁包裹著，完全不會覺得腥，反而一邊吃一邊有豐腴的口感，連平時不怎麼吃魚的我也很喜歡吃呢。cappuccino其實不吃飯只是喝咖啡也不錯，這裡的咖啡有很多口味，但不喝甜的我選擇cappuccino，上面的奶泡很綿密，配上濃濃的咖啡，令我忍不住慢慢品嚐。

最吸引我既地方係依間餐廳既環境，好有家的感覺，燈光比較暗，枱同椅子都係比較矮身既，矮椅子係有舒服既咕順，坐得好舒適！食物方面，日式既食物為主，由炒飯，壽喜燒到章魚燒都有，選擇都幾多，但各樣食物既味道就好一般，份量都係比較細份既。當日我點左一杯叫富士山既飲品，味道同外觀都幾好既，杯野係淺藍色，面頭有白色雪糕，杯入面仲放左發光既波波，影相打卡一流，因為真係幾靚既！我幾推薦依間餐廳比各位大大，特別係想三五之紀靜靜地傾下計，仲要有舒服椅子食咩無所謂既大大們！