ねずみの王冠 喫茶店

营业中

休息中

一早訂左枱食lunch , 都幾多人下，如果普通街邊行過都未必留意到有間裝修日風餐廳係工廈入面。坐得幾適服，服務態度好好，所以，食得幾開心。佢得lunch set, 我就叫左明太子海鮮意粉有D蝦、蜆肉、明太子及青口。斎睇樣擔心冇乜味，食落就唔同啦⋯好香好夠味下次來想食佢個牛肉鍋

係觀塘工廠大廈又搵到間正嘢，平日午餐時段去都要等位，證明係有質素嘅餐廳啦（可以致電book位的），收銀處旁邊有個小小嘅商店，售賣一些得意飾物，等位嘅時候可以逛下😂。呢間日式咖啡店裝修簡潔，簡單得嚟帶有日本特色，仲有一張怡係榻榻米，要除鞋👠入去架！食物亦好吸引，今次我點咗日式咖喱吉列豬扒飯，賣相已經好吸引，咖喱汁勁多，唔太辣，I like it👍，即叫即整，吉列豬扒好鬆脆，唔太乾，薄薄脆漿鎖住肉汁，唔錯😋 ，定食配有漬物、面豉湯，漬物係麻醬豆腐，普普通通啦☺️，最後叫埋杯凍朱古力，有點失望嘅係好細杯，以為凍飲係大杯啲，點知係咁細😞整體來說，都算ok，會再嚟😊

ねずみの王冠 喫茶店位於觀塘工業區既隱世日本style餐廳，一入去就有成陣日本味撲出黎裝修，擺設都十分日系，同日本cafe都一樣感覺，店員都親切有禮食物攞盤認真，而且味道不錢，咖哩係日式咖哩磚既味道，炸豬扒剛炸好，新鮮熱辣。餐廳如果無新客都唔會趕人走，可以輕鬆坐一個下午，幾好

/ 明太子醬燒松葉蟹肉壽司 配冷三文魚籽蕎麥麵 $98 /喺星期一、三、五嘅lunch set menu中見到佢，跟餐有前菜同麵豉湯，壽司上面鋪滿明太子醬，恰到好處唔會太鹹太over，松葉蟹肉夠哂鮮甜，蟹籽增添口感，味道方面真係無得彈，但係每件壽司夾起都會散開，食落都幾唔方便。蕎麥麵嘅三文魚籽份量較少，醬汁味道亦都偏淡，食落無乜味，所以都扣咗啲分。[ 6.5 / 10 ] ⁣⁣ねずみの王冠 喫茶店 (觀塘)觀塘巧明街106號冠力工業大廈15樓1501室

觀塘工廈真係有好多嘢食，細心啲搵其實唔難搵到啲好有特色嘅餐廳今次朋友帶咗嚟呢間餐廳坐得真係好舒服，而且侍應都幾有禮貌，餐廳仲有一角係買日本精品Tim餐廳走日本木嘅元素，而且樓底都幾高，空間感十足，只可惜因為lunch time, 所以比較嘈吵..因為同行有朋友生日我哋帶咗蛋糕嚟，餐廳完全沒有收切餅費午餐嘅選擇都有幾多，我選了一個牛乳鍋底，雖然牛奶味未算濃郁，所以有少少失望但係總括嚟講性價比都唔錯另外朋友嗌左個炸雞，即叫即炸真係熱辣辣，而且炸漿唔會過厚，食落有肉汁標出黎，讚👍而且咖啡仲有拉花添

今次係第二次幫襯喇～ 上次食晚飯，今次食lunch~ 餐廳好舒服，無乜人，每張枱都用板間開～太我哋叫佐咖喱吉列豬扒飯同埋南蛮雞～細細碟餐前小食應該係牛腩，好好食喎！麵豉湯都正常好飲～ 米飯都係用日本米😊 吉列豬扒好似燶佐少少，個南蛮雞就好好味😋我飲凍咖啡～ 其實我可以飲到齋啡，所以落奶之前試吓先，飲得出都係咖啡豆沖嘅咖啡，但好酸！個人唔鐘意飲帶酸嘅～ 就算落佐奶都仲好酸，所以飲咗幾啖就無飲了🙁 我諗我遲啲都會再嚟🙂

好鍾意樓上cafe嘅安靜, 適合一班好朋友或者情侶，收工之後傾下計、放鬆一下。呢間cafe主打日式裝修同風格，仲有啲日本雜誌提供，成個感覺好舒適。😛而我哋咁啱可以坐榻榻米（兩個人用8人枱），可以畀自己ff去日本咁樣🤣冇計啦咁耐都冇得去旅行!試咗豬軟骨野菜鍋+鰻魚蕎麥麵🤪鰻魚蕎麥麵啲鰻魚外脆內軟, 味道整體唔錯, 不過如果份量多啲就好喇🥺咁肥仔就唔會搶咗我舊鰻魚。😭至於個豬軟骨野菜鍋呢，睇住佢慢慢滾，食落熱辣辣，軟骨肉味香濃，野菜選擇又多，配埋白飯，簡直係人生一大享受。🥰

《打卡用港女Cafe👑》———————————————-#ねずみの王冠喫茶店👸🏼同好姊妹gathering，當然想搵個靚靚café 打下卡～今次就簡左呢間座位都幾舒服既樓上café。佢既位置比較難搵，要搭LIFT去到14樓再行上一層，後樓梯比較靜，建議女仔，要搵個幾個人陪安全啲。餐廳以木色為主，走日式風格，都幾IGable。最近無得去旅行，拎黎扮去左日本都有人信既🤣-叫左個原條蒲燒鰻魚炒飯，的確鰻魚真係幾大條，但係鰻魚就唔算新鮮，口感有啲韌。七味墨魚咀炸得唔錯，而其他串燒就味道正常。凍咖啡都算幾濃郁，但蘋果梳打就好一般啦😢-好老實，呢間餐廳主要只係食環境，性價比就唔算高啦。因為有最低消費每人一個Main/ 二個Side Dish 再加一杯野飲，連埋加一服務費，總體黎講，實在唔平。而食物份量又比較少，所以真係純粹適合小鳥胃既港女們去chill 下👭-⭐參考價錢︰原條蒲燒鰻魚炒飯︰$148七味墨魚咀︰$68和牛串︰$38牛脷串︰$35凍Hamsta Crown Coffee︰$25蘋果梳打︰$38-🍌抵deal 指數：5/10💰人均消費：$180 (晚餐)

在假日的lunch time 嘗試walk-in幸運地有位是舒適的日式設計也有些富士山的擺設暫時未去到日本的小小心靈安慰☺️小妹叫左 lunch set「鯛魚燒飯」「炭燒榛子鮮奶咖啡」 味道很不錯 有前菜沙律 加埋紫菜湯 份量適中 .家人叫有all day breakfast 和明太子意粉他們也覺得質素不錯.加上坐得舒服下次可以再試其他食物👍🏻

趁住星期六，一於去試吓朋友介紹嘅呢間位於工廈頂層嘅 cafe~一入門口就已經俾佢嘅透光度高嘅大玻璃同舒適嘅座椅吸引咗，成個感覺好似入到黎放鬆哂咁。叫咗個明太子海鮮意粉，好好食，略嫌啲明太子唔夠辣 再配一杯焦糖牛乳，好正。

li座大廈電梯只到14樓，要再行一層樓梯先上到來為左有晨早折扣所以book左11:45am來食lunch餐廳環境好舒服，早來冇乜人，清靜又涼快，d木枱好靚我地係睇星期一/三/五個lunch menu (冇得食左口魚同燒物😭)叫左li個…有腐皮烏冬: 好食，烏冬好滑，腐皮吸左湯好味一口牛：韌咗少少…胡麻醬筍：好食櫻花蝦薯蓉：好好食麵豉湯三文魚籽忌廉汁墨魚麵li個比較惹味，有d蝦肉粒幾爽口，都好多汁好多籽，仲有青口加錢叫左ice caramel latte影相靚靚，比較甜同重奶味

今日同左我女人上咗去呢間餐廳到食生日飯， 一上到去，個店員就有禮貌咁幫我量體溫，然後帶我同埋我女人去近窗口嘅位置坐低， 經過一番討論之後， 我哋決定叫個二人餐食， 加咗個豚肉蛋tim, 整體嚟講都幾好食嘅， 啲嘢食對得住個價錢嘅， 同埋仲要驚openrice網上訂位有9折tim

環境是舒適的 午餐時候與同事一起選擇健康沙律 份量不算大 沙律中新鮮粟米 可是一食粟米非常重雪味而且已有輕微變壞了 要求跟换態度也不好 相信拿入廚房 廚師只拿走粟米加一点青瓜 兩份已食過的沙律重用给我們 不衛生 不會再去

收工同朋友飯聚 上到喫茶店 地方寬敞 環境乾淨 加上柔和嘅燈光 吃飯傾計一流 上到黎先發現 佢地連續兩年入選 「優秀開飯熱店大賞 」令到我更加期待 海鮮土窯茶漬飯 $108茶漬飯份量適中 茶嘅味道比較清 溫度夠暖 所以配上飯 吃落口覺得好舒服 淡淡茶香 仲有Wasabi吊味 飯上面仲有 蝦 鯛魚 同埋青口 成個搭配做得唔錯 清爽得黎唔無聊 日式他他醬吉列魷魚 $68魷魚炸衣夠脆 唔會油 魷魚本人仲係有水份 同埋彈牙 好吃 醬嘅部分係他他醬 唔係 沙律醬 可以睇得出佢地好細心 他他醬配菜做底 帶出酸味 同埋 爽脆口感 可以減輕雜物油膩感 吃曬成碟都無油膩感 值得一試北海道3.7牛乳蟹腳鍋 $156鍋物好豐富 一排蟹腳 冬菇 白菜 金針菇 同埋 粉 重點就係佢地個湯底 北海道牛乳 相信大家都飲過 湯底滾左之後 奶香味 加上各種食材嘅鮮味 好難唔俾湯底滿分 同埋我好鍾意食佢哋個粉 透明狀 無薯粉咁粗 但係都保留彈性 好想叫佢地俾多碗粉我 牛脷串 $35 紫蕃薯串 $26 菠蘿串 $28表現都好好 搵唔到可以批評嘅位 簡單用鹽去調味 帶出食材嘅原有味道 好開心 燒菠蘿係去皮

小弟生日，朋友約左我去觀塘一間樓上CAFE食飯，傾下計，同行12人。另外，間食店在工厰大廈頂層，電梯去唔到甘高的，所以要行一層樓梯。店舖外貌其實有點隔隔不入，但內貌卻令人舒適放鬆。食物:大葱雞肉串 (十分正常，冇特別)原條蒲燒鰻魚炒飯  ( 鰻魚夠大條，但我覺得個味道唔夠濃，偏淡)牛肉鍋 (十分正常，冇特別)烏龍茶總結:主要係食環境，傾計吹水，食物味道普通，份量少，價錢略貴 (同等價錢可以食到更好味既食物)優點:- 環境舒適放鬆 (夠 CHILL)- 可以慢慢傾計 ( 夠靜)- 店員服務態度良好缺點:- 椅子較矮 ( 不太舒服)- 食物味道普通  (冇特別，正常發揮)- 食物份量較少