ねずみの王冠 喫茶店

营业中

休息中

一個平日的下午，難得早放工，與男朋友到這家喫茶店，其實之前與朋友已在晚飯時段光顧這店鋪，無論食物或環境等感覺都十分良好，所以想著要在其他時段再試試🤓這是大板燒，感覺是有誠意的大板燒，材料用得很足，好吃👍🏼這是蔬菜薯餅，雖然是薯餅，但卻有健康的感覺😌最後附上與標題貼題的照片，坐得太「悠閑」，所以找貼圖擋著自己🤣

今晚同咗朋友一齊去到官塘工廈食日式晚餐, 成個過程都輕鬆愉快。 店家設計採用日本家庭式嘅設計, 令人有溫暖嘅感覺。有梳化位, 有榻榻米 ,任君選擇。小食方面, 個吉列蠔真係好正, 外皮鬆脆, 溫度夠熱, 入面仲有蠔本身滑溜嘅感覺, 唔會好似食渣咁。 配埋個醬汁食係一流, 我地最後仲叫多咗一份。雖然個魚干就無炸蠔咁正, 但味道都唔差架。 呢個天婦羅蝦都整得好好, 炸漿唔會過厚, 咬落去卜卜脆, 蝦都係成隻唔係蝦膠, 所以真係唔錯。 另外要推介嘅主食就係呢個鰻魚飯, 首先係原條上, 個炒飯濕度啱啱好, 飯粒完整, 而且夠熱, 一上菜香噴噴, 超正。 到鍋物啦, 個海鮮鍋都好清甜, 啲料都好足, 如果可以配埋白飯或烏冬就無得彈了到呢杯signature 飲品, 富士山特飲啦, 上面係雪糕嚟, 咁杯野會不停變色, 視覺效果一流, 好適合打卡用。 仲可以帶走入面粒燈。

剛在貴店和朋友用膳，完全不知吃了什麼。那個明太子炒飯簡直不入流，吃了一口感覺似有還無，味道跟空氣一樣，居然還要一百多塊。再說那個什麼鰻魚炒飯，先不說飯量太少，味道清淡，那條所謂的鰻魚一田八十塊有三條，而且出餐速度真媽媽的慢。拜托了，一客所謂的炒飯要一百多塊，還沒有算服務費，你一個炒飯等了半個小時，我朋友都快餓昏了，真不知道你們憑什麼還敢收客人服務費。最後我真的有點質疑到底是不是你們把自己的食評刷到現在這樣的。

又黎試下在觀塘工業大廈上既cafe,樓下要到保安處登記先，由於只到14樓，要行上一層，有少少僻靜，建議女仔既話，有人陪一齊好似安全d。黎到當然嗌呢度既特色飲品富士山特飲啦！好靚呢！會變色的。其實有種感覺，應該當係飲品定當甜品呢？因為佢係梳打，但上面有一大球雪糕。飲品份量其實真係唔多。前菜，左口魚芥末沙律，幾特別。明太子蟹肉炒飯，比想像中略為普通。串燒:菠蘿串，汁燒牛脷串，兔治雞肉串，紫蕃薯串。串燒都幾出色。最推介是這個神戶野菜牛肉鍋，個湯好香好濃，真係連湯都飲得清光。坐位闊落坐得幾舒服，門口收銀位仲有少量日本產品售賣，都幾精緻幾靚。

一月果時同女朋友食過覺得幾好食，早幾日打算再去觀塘就book返依間。間餐廳裝修都幾靚仲有好多日式擺設，入到去座位好舒適 環境清幽 暖色裝修 配合櫻花裝飾 座位間夠寬敞唔會有好迫既感覺 沙發椅有cushion 。睇完menu後 我地叫左三樣主食（豆腐豚肉鍋，野菜牛肉鍋同埋原條鰻魚炒飯）加 二杯飲品（白桃烏龍茶，巨峰提子烏龍茶）野菜牛肉鍋 豬骨湯底 牛肉幾多有十片 牛肉好濃牛味亦都唔韌 豆腐豚肉鍋 麵史湯好好飲 好多料 有豆腐 菜 菇 湯底唔似落左味精 幾清 豚肉小左d 5-6塊度 豬肉半肥瘦 粉絲好煙韌同埋比出面既粗 配料好索汁原條燒鰻魚炒飯 鰻魚唔腥 好厚肉 炒飯佈滿鰻魚汁好好味 仲有沙律菜白桃烏龍茶 唔係色素 同 調味劑 調出黎茶味香濃 微糖唔會太甜 微微白桃味 味道清新巨峰提子烏龍茶 比白桃甜 但唔會太甜 茶味香濃 飲落酸酸甜甜整體黎講 餐廳環境好舒適 價錢正常 食物好食 推介大家經過觀塘試下

和觀塘朋友食飯自然都會找附近餐廳食，她說見到有間餐廳都幾靚又舒服，最重要是日本風岩晒我地二人，來到原來要去到１４樓再行多層上去，而且因為七點後去在下面用身份證登記就差少少，入到去都不少日本東西賣而且都幾靚喎，餐牌選擇都可以而且好大張相都方便睇，今次小食和飯都有叫，第一樣也是我地覺得整餐飯最好味的吉列魷魚配他他汁來到，魷魚脆口唔油身，入面魷魚都幾大件，醬汁沙律醬入面有蛋增加香度，而另一小食牛油雜菌煎帶子就普通啦，因為帶子比較細同牛油煮過都唔夠香口，份量不多。之後見到雜菜牛肉鍋應該幾飽肚就叫了一個，沒想到咁細個而且牛肉好硬身又冇牛肉味，其他配料就正常，最後找地叫了一個炒飯，帶子牛柳粒炒飯，帶子和牛柳粒差點見唔到好失望，炒飯炒得好濕又味道好淡，唔好食。

友人初來報到, 提到想吃日式餐廳小弟馬上想起這間裝修精緻可愛的Cafe. 唯事前沒有做足功課, 餐廳好像只有一張二人枱其餘均是四人枱, 有段時間我們(故意?)都不說話然後是完全聽到隔離兩位女士交談內容呢 是日點了 :-吉列大蝦胡麻冷拉麵定食($98): 友人說有胡麻醬怎麼也好吃 我也偷吃了一只大蝦, 唯雖然很大隻感覺粉較多.吉列廣島蠔定食($108): 找了很久才發覺自己個餐冇影相 還好一年前的相片還在 除了是日小食是冷豆腐味道更正之外這個餐水準依然很高 隔離枱兩位女士也是點這個餐初次來的話必試啦

今晚因為冇訂位walk in，咁好彩有最後一張枱，因為我地後面有對情侶慢一步都冇位了。本來一直感覺良好的，店員服務態度亦幾好的，點知因為我少去依類cafe，所以多口問一句有冇限時，當時店員odd左一下，然後話過一般大約1.5hrs，如果後面冇人可以繼續。跟住隔一陣，又有對情侶入黎，當然冇位啦，然後我聽住店員幫佢地訂位，然後如我所料，行黎講話「佢地睇漏左booking，話原來8點有人book左，所以8點要交枱」。其實我地都ok的，因為我們真的只是食飯，不會坐太耐。但咁樣去呃作為客人既我們，即使明白做生意，也感覺不良好。由於第一次去，而食物不差亦不算出色，價錢頗貴，CP值低，應該不會再去及不會推薦的。

喺工廠🏭大廈內開咗好多隱世食肆，想突圍成功定要有啲特色，與其靠宣傳不如靠口碑🗣，呢次「搵食」搵到去呢一度，係一間🇯🇵日式嘅喫茶店，佈置得悠閒舒適，燈光昏暗柔和，坐足一整晚都唔會趕人走，絕對係一個好地方😌.🥢日式鰻魚飯。鰻魚汁滲透於飯中，鰻魚夠大條有口感🐠.🥢和牛串、牛舌串🍢。燒得好夠，肉質嫩多汁，不錯🐮.🥢香脆炸魷魚圈🦑。一碟都有幾多件，香脆可口😌.🥢牛油帆立貝。雜菌炒得好夠味，牛油蒜蓉味入哂帆立貝之中，停不了😌.🥢蒜片一口牛🐮🏅。全晚亮點✨，多汁又軟腍，蒜片佐牛粒一併入口，爽😊.🥢左口魚群邊沙律🥗。左口魚嘅油份入哂去沙律菜之中，份量足夠亦感到新鮮🥬.🍹咖啡凍飲香奶濃郁，不妨試試😌.🗻富士山特飲：不停轉燈嘅富士山，有雪糕同梳打汽水，飲得開心😃

一上到呢間cafe就feel到成個感覺好日系，用木制既枱凳，同埋周圍啲裝飾都有日本feel，仲有小鼠公仔，成個環境好靚好溫暖呢個沙律令我好驚喜，因為佢用既唔係普通沙律醬，而係加左小小芥末同忌廉，食落去一啲都唔膩，再配埋左口魚就一流啦佢既牛脷串燒得啱啱好，好入味之餘好彈牙，仲好易咬開但隔離個串和牛串就唔推薦啦，食落去冇咩牛味個湯食落去冇咩特別，而且都唔太有味，好清淡，食開重口味小小既人可能就唔太岩啦一拎上檯就已經聽到有人話好靚呢個特飲真係幾吸睛特飲上面既雪糕係3.6牛乳，所以好好食，而且好有奶味而下面係普通梳打汽水，整體黎講似日式版既「白牛」

在觀塘工業大廈，隱藏在15樓的日式風格料理餐廳。還有特飲"富士市"，牛乳雪糕放在上面，別有特色。富士山會變顏色，有不同顏色。不過菜品比較少，無刺身供應。鰻魚還是可以試一試。地方位置其實不算偏僻，大家在工業大廈樓下猶豫是否係真的餐廳。不過私隱性相對比較高，唔熟都無人知。肥牛鍋每張台都會order，應該係因為分量都ok。鰻魚夠厚身，惹味。炸蠔其實口感不錯。同朋友一起傾談食飯無問題。但如果要食飽就另選地方喇。

撘𨋢至最高樓層，再行一層樓梯，先黎到呢間隱蔽嘅日式cafe。室內佈置唔錯，問題係餐枱餐櫈都好矮，坐得耐會腳痺，伸直腳又會踢到對面個人。 因為座位逼夾，又同隔離枱距離好近，私隱度低，所以我哋快快脆食完就埋單走人了。1\原條蒲燒鰻魚炒飯鰻魚頗大條，亦好肥美。炒飯味道都好濃郁，有陣陣鰻魚醬汁味。若果炒飯同鰻魚一齊食，會少少蓋過鰻魚嘅鮮味。伴菜係沙律菜配日式芝麻醬同醃蘿蔔。沙律菜幾新鮮，可以幫忙清除口腔內濃濃嘅醬汁味，唔錯。2\日式廣島炸蠔廣島蠔唔算好大隻，外層炸得香脆，配上日本醬汁同檸檬汁，味道酸甜唔錯，值得一試。3\鹿兒島豬軟骨野菜鍋豬軟骨好淋、好惹味。 份量較light，同朋友當小食share比較好。*相片取自影片，解像度較低。總括而言，食物味道唔錯，份量輕盈。可惜因爲CP值較低，而且坐得唔舒服，所以回頭度低。

話說剛過去既星期五晚約左好友再重臨呢個日式cafe我地六點半去到 冇咩人 但因為冇book位原固 要八點前交枱個環境好舒服 似日式家居咁 好relax 傾計一流我地嗌左兩個日式鍋物 朋友叫左神戶野菜牛肉鍋我就叫左大阪麵豉豚肉豆腐鍋 兩個鍋好快黎到 咁等佢滾起就食得啦豚肉同牛肉片都唔錯 配料都幾多 鍋底有粉絲 索哂d汁 好好味野飲我就叫左個榛子牛奶 賣相唔錯 有埋拉花 牛奶用日本奶沖 口感幼滑總括黎講 食物性價比唔高 鍋物水準其實吉野家都可以食到既水準 但勝在環境搭夠 有機會可以下次試埋餐廳其他食物既

一入呢間餐廳超驚喜！因為張凳超大，好chill 慢慢傾計勁舒服，係日系和式的風格，唔會人迫人。一入來就比杯冰水，好貼心！上菜都好快，4個人食呢個分量都多左🤣左口魚芥末忌廉沙律沙律超級有驚喜！因為本身唔想再食一成不變嘅蟹籽沙律🥗而特登叫左口魚沙律，左口魚魚肉好滑，分量都幾多片，芥末忌廉口味超清新，少少倉鼻的芥末好正！口感好好，蔬菜爽脆新鮮，非常之值得一試！日本鮮海草沙律因為朋友食素，所以就叫左一個海草沙律俾佢，一般餐廳都幾少見，口感唔錯爽脆，醋味清新，但係由於全部都係蔬菜，所以就比起左口魚沙律稍微單調，但係對於食素嘅朋友來講都係有選擇！明太子蟹肉炒飯明太子分量多，味道10分搶眼，唔腥得來好海鮮風味🤣 蟹肉相對淡味左少少，但都食得出，整體炒出嚟香口，乾身而唔會太濕軟！炒飯分量好足料～原條蒲燒鰻魚飯估唔到鰻魚竟然有咁大條！三四個人分享食，每人都食到好多，好鍾意佢個燒汁唔會死鹹，甜得來又帶出鰻魚嘅鮮味，饅魚夠肥美又軟滑，無骨入口即化，十級好食！呢個價錢食到咁大分，真係好抵！淮山醬油漬淮山超級爽脆，開頭仲以為粉粉的～唔會話好軟爛，淮山因為本身冇乜味，所以都好睇佢調味調得好唔好，醬油微甜微咸入易口

同朋友一人四行嚟咗呢一間樓上餐廳，餐廳以日本風格裝修、環境舒適，又可以坐得耐，同朋友6:30坐到9:30先走，適合同朋友聚餐傾計。前菜方面叫左兩個左口魚芥末忌廉沙律（$72）同日本鮮海草沙律（$63）。左口魚芥末忌廉沙律，左口魚嘅份量一啲都唔吝嗇，除咗個表面有魚肉之外，沙律中間都仲有，食落啖啖都係肉，醬汁方面，忌廉中和左芥末嘅嗆口味，食落一啲都唔辣，同沙律菜非常之夾，非常推薦！日本鮮海草沙律，當中的紫色海草口感非常特別，呈細絲狀而又爽口，配海帶同沙律菜，加上帶酸嘅沙律醬汁，整體配搭清爽。主食叫左三個：明太子蟹肉炒飯（$118）、原條蒲燒鰻魚炒飯（$148）、長崎潮鯛3.7牛乳鍋（$132）。明太子蟹肉炒飯，睇落平平無奇，食落又帶點驚喜，蟹肉同蟹子分布於珍珠飯中，份量都算多，每一啖飯都「有料到」。原條蒲燒鰻魚炒飯，單睇外貌已經非常吸引，原條鰻魚覆蓋喺鰻魚汁炒飯上面，份量十足，配有醃蘿蔔同沙律菜，睇得又好食！至於小食都叫咗三個：准山醬油漬（$48）、日式廣島炸蠔（$68@4）、雙重芝士年糕（$58）。平時食淮山，口感好似食薯仔咁軟淋，但係呢一個准山醬油漬，淮山脆身到好似食Pocky，食到啪