うまい鮨勘

营业中

休息中

自從發現尖沙咀海港城開佐呢間「鮨」系既日本壽司店，就一直都好想前來一試，但係每次經過都俾佢個高級既外表嚇親，感覺在一個高級既商場吃一頓高級既日本料理，無$1000都埋唔到單，所以就令我卻步，一直都未有前來一試。直至近日和同事閒聊間互相推介餐廳，同事才跟我推薦呢間佢以性價比高來形容既日式餐廳，我才開始再細心留意佢既價位，原來真係唔係我想像中的高昂。單從餐廳表面既裝修，的確難以想像價錢既位是平民化，可能亦都係呢個原因，在餐廳既門口有放置一個餐牌，可以先check價，再入店。雖然我係平日前來用餐，但餐廳也實在出奇的人多，大約有8-9成坐滿。每個枱面都會有一張落單用既餐紙，方便order食物，但係餐紙係無價錢既，真係只作落單用途。如果要看更多的資訊，例如價錢，圖片，等等，就要打開厚厚既餐牌，會有詳盡既資料。餐廳食物既種類都幾多，有壽司，丼物，燒物，等等，而且價錢真係唔貴，簡單食的話，應該$200-$300就可以埋到單，以海港城既餐廳作比較，價錢算係中等。穴子牛油果卷 $138我地首先order了一客穴子牛油果卷，一客有6件，份量都算適中。除了穴子外，壽司飯內亦都包裹著蟹籽，面頭有2-3層既牛油

話說，上週和朋友來到海港城逛街，晚飯首次到訪位於商場地下美食層的鮨勘。入去見到有bar枱位置，可以欣賞師傅整壽司，餐廳整體裝潢設計非常日式。平日晚上，餐廳也八九成滿。我們首先點了極上壽司盛10件($320)。有我最喜歡的海膽、蝦和火炙左口魚邊 每件魚生都好新鮮，高質，魚脂味最重的左口魚，不負所望，入口即溶，好香好好吃！海膽質感creamy帶甜，零腥味，也不錯~ 蝦夠甜，金目鯛魚味重。十件質素都高，覺得比單點抵食啊。之後吃了串燒雞翼 ($38)，有兩隻連雞翼尖。雞翼外皮燒得香脆，肉嫩juicy。最後吃了燒牛丼($160)。丼碗比想像中小，但也有約八塊燒牛肉，牛肉大概四、五成熟，牛脂挺多，牛味頗重。總括而言，餐廳位於尖沙咀海港城，價格一定高，不過魚生非常新鮮高質，店員服務態度也不俗。

平時去海港城行街成日都會經過呢間餐廳，都已經想試好耐，今次終於約到朋友放工黎呢度食飯餐廳比我想像中大，可以揀坐吧檯或者卡位，可能係海港城既關係，就算平日7點鐘，都已經差唔多成間餐廳滿曬之前我仲以為呢間餐廳得壽司魚生食，原來仲有好多熟食選擇，所以唔食生野既朋友都唔洗驚黎到會無野食，食物選擇多到我有少少花多眼亂，淨係揀野食都用左我唔少時間呀串燒雞翼 ($38)雞翼燒到岩岩好，一D都無過火燒燶，加埋檸檬汁就無咩熱氣感覺極上壽司盛 ($320)由於個MENU實在太多野食，我望左好多都揀唔到，樣樣都想食，最後我決定食呢個極上壽司盛我就唔洗煩因為呢個極上壽司盛係OMAKASE形式，由廚師發辦，當然一定係俾時令食材啦，$320就可以食到OMAKASE真係抵到不得了，仲要有唔少貴價魚生，有大同中拖羅、赤貝、牡丹蝦、海膽、深海池魚全部魚生都好新鮮，我特別鐘意壽司飯個SIZE，大小岩岩好，一個人食曬成盤勁飽呀

同女朋友難得黎到呢頭, 又見呢間野都幾多人食, 咁就入左去厚切牛舌 $68呢個牛舌幾有驚喜, 真係幾厚實下, 睇佢咁以為會燒到好硬, 相反咬落相當之爽口而且勁多肉汁, 因為加左檸檬汁解左串燒果份油膩感, 廚師控制火喉控制得唔錯播! 真心好食~刺身叫左呢款~赤貝(2份) 色水都幾靚, 最中意盲係d爽口感又有咬口既野食, 呢款比較有口感既就最岩我重頭戲黎喇! 呢個集合左好多數剌身既刺身飯, 上面仲有隻龍蝦嫁! 龍蝦係熟既, 再將佢回溫, 味道方面唔係好食到有鮮甜味, 不過肉感係彈牙! 呢個係新鮮既龍蝦先會有既感地咁多款野食唔一一介紹喇~ 呢個飯唔好睇少佢, 份量真係足量2人食用, 而且d食材都大大份咁比你, 好多都係厚切上枱, 特別係個帆立貝, 真係厚到好過份, 食落口好滿足呢雖然係一個海鮮丼, 不過用料都係用上最好既食材, 除此之外仲有咁多款既刺身比你, 總有一款岩大家口味!!好少可以係日式既刺身飯見到既 - 鮑魚, 呢度唔係就咁將佢煮熟, 因為食落鮑魚係有淡淡香味散發出黎, 呢個幾有驚喜海膽頗有甜度, 而且味道濃郁, 呢個就算食就咁食 / 用黎撈飯都得成個丼除左有刺身可以單食之外, 仲

因為黎呢邊影相，順帶過嚟海港城食飯。好耐都冇喺呢邊食過飯，見到呢間幾多好評，所以過嚟試吓。因為喺海港城關係，所以價錢方面都比較高，不過比較少喺呢度食飯，一次半次就冇乜所謂啦！位於地下，雖然係星期一晚上，不過都幾多人喺餐廳入面，而且設計方面都好有日式感覺先叫左赤貝刺身，顏色橙紅色，赤貝爽口既氣味感覺幾新鮮，幾中意👍🏻叫咗呢一款二人前既日式丼，一開始仲覺得$480呢個價錢有啲貴，不過見到實物之後就完全覺得係另外一回事，外型賣相同相片嘅差唔多，而且仲有半隻龍蝦🦞呢個海鮮丼真係好足料，鮑魚，帶子，海膽，北寄貝，吞拿魚茸等等...數都數唔到有幾多種刺身龍蝦嘅肉質係有種彈牙嘅口感❤️❤️❤️鮑魚係漬物，味道比平時既普通鮑魚突出，口感方面未算係超彈牙口感，不過味道方面的確唔錯雖然係普通嘅海膽，唔好加錢，不過呢個海膽嘅味道都係咁新鮮，略帶微鮮，完全冇腥味嫁！海鮮飯既後面都仲有好多野食嫁！當中呢個厚切帶子極為吸引！鮮甜嘅味道就係帶子就最吸引我，尤其係咀厚身，入口超滿足實在，超愛❤️除咗角切刺身之外，不得不提有蟹肉，蛋絲以及吞拿魚茸，呢幾個撈埋壽司飯一齊食提升口感嘅層次，就算係刺身飯都好快食晒落肚😆因為係二人前嘅

約了朋友去吃日本菜，原來日本東京築地店鮨勘開到海港城，OMG! 第一次去有點難找，在Greyhound對面。店環境寬敞，木系裝修感覺舒適。帶位的服務員穿上和服，多添一點日本氣氛。餐牌封面很美，看出店家品味，這裡除了提供大路的寿司外，也有不少創作寿司，還用上日本北海道產米。彩虹海鮮卷 ($188)見到真身都嘩嘩聲，面先有甜蝦和魚子醬，仲有爆多吞拿魚蓉，原來係中卜口、赤身、大卜口剁成，而薄蛋片紫菜卷內有青瓜絲、三文魚粒、吞拿魚粒、蟹子，口感非常豐富，啖啖魚肉啖啖鮮味，yum！炙燒壽司盛 ($280/10件)炙燒牡丹蝦蟹膏(加拿大產)，牡丹蝦都幾大隻又厚肉，燒過後更香，半熟的口感更佳，配蟹膏食味覺非常滿足！炙燒大鮪魚腩(長崎產)很有質素，在口腔一瞬間融化了。炙燒帆立貝(北海道產)鮮甜。炙燒三文魚腩很肥美，魚油香味濃郁。炙燒左口魚邊爽口彈牙。

中午係海港城做完野～就係附近揾食～甘岩睇到間日本野～裝飾得好日式，見到餐牌又唔算貴🤣🤣就一於試下午餐都有成16款選擇～加上中間既圖片🤣🤣睇見都覺得好食～～我比較貪心，想一次試多幾樣刺身，叫左北海丼，有海膽、牡丹蝦、中鮪魚腩、松葉蟹肉、帆立貝、鯛魚、油甘魚、三文魚同三文魚籽🤤🤤🤤非常豐富。午餐包左前菜同味噌湯前菜：蕃茄沙律，加左醋汁～酸酸甜甜，很開胃味噌湯：熱辣辣～不會過咸😋仲有幾片腐皮有口感～丼飯：同餐牌相一樣甘靚仔～魚生很新鮮。最好味中鮨魚腩，～魚油香味，入口溶化～同埋海膽配三文魚籽真係絕配，很鮮甜😍😍😍飯跟魚生中間有紫菜跟蛋絲分隔開，多啲料之餘，又唔怕整濕啲飯。餐廳午市除左丼飯，仲可散叫壽司、串燒、炸物等等~～

話說難得平日放假梗係要食好啲啦經過見到<鮨勘>嘅午餐到3點先完同埋都有唔少選擇，就入去試下其實丼飯都好吸引，但感覺上會好飽於是揀左自選壽司定食(包括: 自選10款壽司🍣，卷物，茶碗蒸，味噌湯)壽司有廿幾款選擇，包括一啲比較貴嘅海膽軍艦同埋大鮪魚腩等 (可以揀一至兩款)魚生類揀了帶點油脂香嘅“中鮪魚腩”， 味道清甜嘅“白蝦”，鮮甜肥美嘅 “甘海老”，還有好爽口嘅“赤貝”，4款都好新鮮炙燒類揀了油脂好重滿口油香嘅 “炙燒三文魚腩”， 油脂相對上無咁重嘅“炙燒深海池魚”， 頗厚肉嘅“炙燒帆立貝”，還有好香濃蝦膏味嘅 “炙燒牡丹蝦膏”，4款炙燒得好香軍艦類揀了 “海膽軍艦(北海道產)” 和 “蟹肉蟹膏軍艦”，估唔到兩款都好足料，前者海膽份量竟然不少，而且都好鮮甜，非常滿足😋而後者蟹肉也是滿滿的，但蟹膏味就不太突出附上嘅卷物揀了 “香葱鮪魚蓉卷”，估唔到有6件咁多，面頭是滿滿的鮪魚蓉，加了芝麻味道更香“茶碗蒸”也很不錯，蛋非常滑，而且好足料整體來說呢個午餐好岩我，可以揀自己想食嘅款式，好合心意，而且服務態度很好

超正海鮮飯，好大碗三百幾蚊完全值得食，材料豐富，海鮮新鮮👍🏻加埋芥末醬油真係一流玉子鰻魚同櫻花蝦壽司都好好味🤤🤤牛肉烏冬，老婆最愛，特別係牛肉一定都唔硬，湯底清甜👍🏻

第一次黎呢間壽司🍣鋪食，老公吵左好耐話想食😶 排隊排到暈啦撞正食飯時間呢個係老公吵左好耐都要食既海鮮飯，真係超級大既一碗，影相完全睇唔出，材料豐富又新鮮👍🏻👍🏻一次過滿足你兩個願望，想食玉子又想食鰻魚，呢個係唔錯既選擇.好食啊🤤🤤🤤🤤櫻花蝦卷，都好食，好脆 其實唔洗點芥末醬都已經好好食牛肉烏冬麵，開頭以為啲湯咁油會肥膩，但係失落肚反而幾清甜👍🏻👍🏻不錯

特意寫食評來大讚店員的用心服務態度👍🏻🔻✨我們一家四大一小來食晚餐，慶祝小孩子的生日。當店員知道我們有小朋友生日時、送上免費雪糕哄小朋友開心。店員悉心設計生日雪糕的擺碟圖案，還在上面寫上「Happy Birthday」。壽星仔十分興奮開心，我們大人也十分驚喜。✨在飲食業，會這樣用心服務的人真的不多。所以Openrice第一篇好評就寫比哩間餐廳啦！🔻最令我們滿意的是壽司盛和海帶沙律👍🏻👍🏻但是，玉子燒和牛肉烏冬就比較令人失望。

夜晚成九點去完香港文化中心睇場首影，睇完已經好肚餓，近近地行去海港城搵野食～ 大部份餐廳都九點半last order, 最終㨂左食日本野「快、靚、正」～餐廳有提供壽司、魚生飯、串燒、炸物等等。我就只係點左一碗「蟹羔蟹肉蟹棒海膽三文魚籽丼」，因為我唔鍾意食三文魚籽，侍人好好比我轉蟹子～值得讚👍丼飯：蟹肉同蟹膏mix 埋一齊，啖啖蟹肉（蟹膏令蟹肉更鮮味）馬糞海膽：都算新鮮，不過唔算好多。仲有幾條新鮮蟹棒～食完碗丼飯感覺好似食左隻蟹咁～大滿足🥳食物、環境、侍應服務都好好～有時間會試下其他食物👍

和男友在海港城想吃壽司，因為小妹不吃生所以選了うまい鮨勘，除了壽司外也有很多日本熟食可選去到時只剩下吧枱可坐，小妹也不介意因可 近距離看到師傅處理食材和食材的新鮮度，也留意到是日籍師傅負責握壽司銀鱈魚西京燒- 之前都食過好多銀鱈魚西京燒 但今晚之後就搵到暫時在香港最好味的，魚肉 滲透西京白麵豉的香味不會過鹹， 魚油使肉質更滑嫩極上壽司盛- 男友不想散叫，所以叫了極上壽司盛，材料新鮮，魚肉晶瑩剔透，整體質素不錯反而炸蝦卷同炸粟米餅就麻麻，炸蝦卷鬆散粟米餅炸得過老，環境坐得舒服位置方便，下次來海港城又想食壽司不妨考慮一下

先上桌的是三文魚子，海膽，呑拿魚蓉丼。三文魚子咸鮮，算脆口，溫度好像偏室溫一點。海膽微甘甜，味道偏淡口。呑拿魚蓉美味而且分量十足，都不夠飯。鹽漬魷魚，真係好咸，但又好鮮美，配杯啤酒先得。漬物拼盤，爽脆美味。吉列蠔，炸太耐好硬，咬咗一半就退咗反㕑房。吉列豬扒，都係好硬，食咗兩條就整損咗個口，食咗大半都係頂唔順放棄咗。諗住反映下，個侍應好好人咁話幫我地退埋。普通的鰻魚壽司好大個菇嘅麵豉湯，仲有滑滑豆腐。

一家在日本很有名的餐廳一家十分傳統的日式餐廳食物的設計和擺設都是老一輩的思緒這正好讓在下回憶最初在香港嘗到的日本菜omakase有兩款看菜單後決定自己單點好了除了這個漬物盛合還點了個珍味裡面有螢魷，酒盜和塩辛簡單而不普通的美味明太子蛋捲一直在呼喚在下的依佐木那在下怎能不吃掉你😂來一客炸雞和食好像不太好雞無雞味檸檬無檸檬味。。？最好吃的是條獅子唐一碟寿司12件沒想到有機會吃到白蝦和赤貝好幸福啊再追加師傅選的六件嗯被偷聽到白蝦的心聲了能再吃一件實在幸福無比還有小肌過程當然有美酒相伴滿足的一餐