食厌咗普通海鲜!? 不如试吓呢间专食真·野生海鲜嘅「蟹仙野生海鲜蒸气石碢」。老板做咗40几年海鲜入口商，世界各地都有渔船专门捕获野生海鲜，所以一年365日都有全香港第一手新鲜野生鱼获，价钱仲平一截!!
每天空运海鲜到港后，老板依然坚持亲手挑选最优质，生猛的野生海鲜，再分发到「蟹仙」于尖沙咀、九龙城、铜锣湾、鲤鱼门各分店。当中鲤鱼门分店仲同大海零距离咁近，除咗有靓景，食到中途可以出去露台望海景饮杯cocktail唞吓气，拍拖或者gathering都好啱feel。
「蟹仙」有好多海鲜套餐拣，而家性价比最高一定系「尊贵松叶蟹龙虾刺身二人套餐」、「尊贵松叶蟹龙虾刺身三/四人套餐」。
「尊贵松叶蟹龙虾刺身二人套餐」
野生原只太平洋松叶蟹(约2斤重)唔系度度食到!! 因为松叶蟹是不能养殖的，野生松叶蟹要喺深海生长，所以蟹肉是一梳梳的，味道特别鲜甜㗎。连埋其他罕有太平洋馒头蟹、澳洲青年龙虾刺身(1只)、大西洋野生青口、纽西兰刀贝蚌等共10款，优惠价$1,388/2位(原价$3,576)，超值价食野生海鲜超抵！
「尊贵松叶蟹龙虾刺身三/四人套餐」
三/四人餐都有优惠！分别系$1,988/3位(原价$4,576)、$2,438/4位(原价$5,576)。有齐二人餐嘅野生海鲜外，分量都会增加！而三/四人餐的澳洲青年龙虾刺身就由1只升级至2只；此外,四人套餐除了多咗无激素虫草花鸡件。更会多一款美国黑安格斯牛肉/韩国济州黑毛猪片二选一，愈多人愈抵食啊。
尊贵松叶蟹龙虾刺身二人套餐
季节限定5折: $1,388/2位·10款(原价$3,576)
原只太平洋松叶蟹(约2斤重) 罕有太平洋馒头蟹 / 韩国釜山鳗鱼 澳洲青年龙虾刺身(1只) 秘制南非干鲍 加拿大野生海虎虾 韩国釜山蠔 大西洋野生青口 纽西兰刀贝蚌/黄金翡翠螺/蟹皇大元贝(是日精选2款) 有机蔬菜篮
*升级大龙虾+$168/位 *时令海鲜会因应当日空运到港为准 |
尊贵松叶蟹龙虾刺身三/四人套餐
季节限定5折: $1,988/3位·10款(原价$4,576)、$2,438/4位·12款(原价$5,576)
原只太平洋松叶蟹(约2斤重) 罕有太平洋馒头蟹 / 韩国釜山鳗鱼 澳洲青年龙虾刺身(2只) 秘制南非干鲍 加拿大野生海虎虾 韩国釜山蠔 大西洋野生青口 纽西兰刀贝蚌/黄金翡翠螺/蟹皇大元贝(是日精选2款) 有机蔬菜篮
(4位额外多二款) 无激素虫草花鸡件 美国黑安格斯牛肉/韩国济州黑毛猪片(二选一)
*升级大龙虾+$168/位 *时令海鲜会因应当日空运到港为准 |
今次嚟到有360度靓海景嘅鲤鱼门分店「蟹仙野生海鲜蒸气石碢」食，全程有专人帮我哋蒸海鲜好细心，按每款野生海鲜控制蒸煮时间，并由淡至浓味海鲜逐款蒸、逐款食，所以全部都热辣辣劲鲜甜。
原只太平洋松叶蟹(约2斤重)
头先都提到野生松叶蟹要喺深海生存，所以野生的松叶蟹肉质嫩滑，带有浓郁的海水味。食之前可以留意吓，野生松叶蟹外壳会有好似黑色一点点嘅微生物，愈多愈靓，蟹肉都会甜啲㗎。
罕有太平洋馒头蟹 / 韩国釜山鳗鱼(2选1)
其实2款海鲜都好吸引，几值得额外单点试晒2款。
罕有太平洋馒头蟹
长期生活于深海水域，所以特别重海水味。蟹膏爆多又甘香鲜甜，肉质像鱼肉般嫩滑，每年要等佢哋产卵季节，游上浅水区繁殖先捉到，所以坊间好少见到，真的是可遇不可求。
韩国釜山鳗鱼
如果你未食过野生鳗鱼，好推荐你试吓!! 员工话曾有食客表示从来唔食鳗鱼，但试过呢款后都忍唔住再order。因为野生鳗鱼超级肥美，口感厚肉烟韧，咬开仲有啲鱼油同海水味渗出嚟。可以直接咬一啖试吓原始风味先，再蘸啲芥末豉油食仲好味啊。
澳洲青年龙虾刺身(1只)
「尊贵松叶蟹龙虾刺身二人餐」有原只龙虾刺身，三/四人套餐仲有2只𠻹。可能因为野生龙虾活动量多啲，所以肉质都紧实弹嫩啲。食落鲜甜中又带自然甘醇，好丝滑细腻。
食完刺身后，员工会将龙虾头、龙虾壳切件放入锅下粥底熬煮，最后食个龙虾海鲜粥正!!
秘制南非干鲍
估唔到蒸气海鲜都有干鲍食!! 而且唔系敷衍煮熟就算，干鲍系长时间炆煮先有嘅柔韧带嚼劲口感。干鲍同冬菇都炆到入晒味，酱香甘醇，第一啖有中式酱汁嘅咸甜味，后续渗出鲍鱼海洋鲜味，味道奢华。
之后系一连串浓味嘅贝类、虎虾环节啦～
加拿大野生海虎虾·韩国釜山蠔·大西洋野生青口
加拿大野生海虎虾无受海洋污染，食得更放心之馀，虾味都浓好多。食韩国釜山蠔前，员工仲好细心提我哋饮埋啲汁，真系几鲜几咸香。蠔肉都好饱满，系有弹性爽脆嘅口感。
大西洋野生青口蒸之前，员工特别介绍野生青口比雪藏青口鲜甜浓味好多，蒸嗰阵仲有海草𠻹。
纽西兰刀贝蚌/黄金翡翠螺/蟹皇大元贝(是日精选2款)
因为每日野生海鲜到货都唔同，「蟹仙」会依当日来货决定2款贝类。纽西兰刀贝蚌偏向浓海水味，贝肉好滑和爽弹。黄金翡翠螺就特别弹牙，而蟹皇大元贝就加咗师傅自家炒制蟹膏，特别惹味甜香。
留意到员工夹起贝类时，仲会将贝上海鲜汁倒少少入粥底，睇嚟最后食嘅海鲜粥都系重头戏之一啊。
有机蔬菜篮
食完一系列海鲜，员工会放埋有机蔬菜、粟米蒸畀我哋食，蔬菜甜味都滴晒入海鲜粥底。
海鲜粥
最后最后!! 呢个零味精海鲜粥集合咗成个套餐嘅海鲜精华，粥底少少绵又有饭粒口感。食咗几啖粥都唔会太绵太腻，咬开饭粒嗰阵仲有啲海鲜味爆出嚟。
订座热线 WhatsApp: 57903967
蟹仙海鲜蒸气石碢(香港)
地址: 香港油塘鲤鱼门崇信街三家村渡轮码头东翼
电话: +852 91368016
蟹仙海鲜蒸气锅 (九龙城龙岗道)
地址: 香港九龙城龙岗道2-4号地舖
电话: +852 23609718
蟹仙海鲜私房．蒸气石碢 (尖沙咀天文台围)
地址: 香港尖沙咀天文台围2号环海大厦2期地舖
电话: +852 91368969
蟹仙海鲜蒸碢大公馆(铜锣湾)
地址: 香港铜锣湾谢斐道500号维安商业大厦地舖至1楼
电话: +852 91368072