中華滙館

20190314🌧️Thursday🍄今日好特別日子🤗白色情人節🌹但係我地係約佐一班好耐無見既中學同學，選擇了一間粵菜中館🥢「中華滙館」舊舖係新同樂，老闆背景有傳係識飲識食既唐唐，能夠邀請到麗新集團旗下餐廳的要員做幕後班底，這間中菜廳應該有點不平凡。「中華匯館」行政總廚周卓雲，入廚38載，曾在恆生博愛堂任廚烹調宴會菜式，跟江太史家廚李才的後人李煜霖師傅學藝。寬闊玄關位，感覺光潔，再步入菜館，店內裝潢帶點古典味，如果有私人人宴會，可預定房間，大家坐低後，一邊談話，一邊Order 食物，服務水準真的不錯，因為大家點選食物都無數次，（ 未能盡錄：灌湯小籠包，雞絲脆春卷👍石窩海味撈粗麵👍）但係Waitress 都表現親切笑容😍😍😍…Read More

相隔左5年, 難得姑姐姑丈再次一齊返香港探親, 我同老婆今日一齊請左半日假去機場接佢地機, 帶佢地食餐特色中菜同佢地洗塵。姑姐姑丈今次揀左住香港站呢間酒店環境非常好, check-in完settle好都已經6點鐘, 我地逛逛ifc商場就慢慢行去餐廳開餐。今晚揀呢間位於士丹利街嘅中華滙館係表姐推介的, 由於佢係中環返工, 對呢區嘅餐廳好熟悉, 佢推介中華滙館夠環境清幽, 食物同服務都好好, 啱哂我地同姑姐姑丈洗塵。我地未夠7點已經到餐廳, 餐廳門面同內部裝修都非常典雅, 以藍色配木色為主調, 座位寬闊, 整體環境好舒適。店員服務親切有禮。中華滙館嘅菜色選擇好多而且好多款都好有特色, 原本我地打算俾姑姐姑丈發辦, 不過佢地話佢地好少食中菜, 堅持要我同老婆點菜, 結果我地揀左幾款特別嘅小菜, 仲點左一款懷舊八寶鴨, 4個人share應該好夠食。😊麻辣口水雞 $90頭盤我地點左呢款口水雞, 辣度適中, 入口帶有少少麻, 雞肉好嫩滑, 味道濃郁, 非常惹味。😋鹿兒島茶美豚叉燒 $280表姐推介我地黎一定要食叉燒, 叉燒厚身, 肥瘦有致, 肉質軟腍而且肉味香濃, 外層仲帶有微微焦香, 呢款叉燒可以話係我地食過最好食嘅叉燒之一。👍椒鹽田雞腿 $80姑姐同姑丈都對呢款佢地第一次食嘅田雞讚不絕口, 田雞腿肉好滑溜, 肉質富有彈性, 外層炸至香脆, 以椒鹽調味, 味道非常配。😙四川豆酥鱈魚 $320豆酥鱈魚我地都曾經試過係屋企整, 不過未成功過, 呢度嘅豆酥鱈魚整得非常出色, 酥脆嘅豆酥配上清蒸柔軟嘅鱈魚, 外脆內嫩, 鱈魚魚油豐富, 以四川方式調味, 香以不辣, 味道唔錯。👍懷舊八寶鴨 $580難得八寶鴨唔需要預先訂製, 我地當然要食啦, 中華滙館嘅八寶鴨好多, 啖啖鴨肉, 配上咸蛋香, 蓮子, 薏米等材料, 味道層次豐富。😋濃湯鮮腐竹浸時蔬 $160同老婆開餐一定要點一客蔬菜, 今日我地揀呢個腐竹浸時蔬味道好清新, 濃湯帶有豆腐香味, 蔬菜吸滿湯汁, 爽甜之餘都好惹味。沙爹牛肉炒腸粉 $180牛肉粉腸粉我地都係第一次食, 牛肉口感彈牙, 腸粉香滑, 配以沙爹汁, 味道恰到好處, 食埋呢款腸粉, 我地都已經飽到食唔落甜品。😚埋單每位大約$450, 雖然價錢唔平, 不過餐廳環境, 服務同食物質素都非常好, 確係物有所值。👍…Read More

中菜向來烹法廣博精深，千變萬化，上星期我就來到位於中環的中華滙館，享受一餐高檔次的美味中菜。裝修雅緻不俗套，散發東方韻味之餘，卻又可新舊融合，注入時尚氣息，座位寬敞舒適，服務亦十分有效率，侍應經常會巡視，自動自覺為人客添茶。就連餐具擺設份外古雅，極具中華文化風味。茶芥收 $25一位，雖然不便宜，不過這裡採用的茶葉也不是一般酒樓貨色，茶香清幽，沖久了也不會變得很淡。餐牌大多以廣東菜式為主，選擇極度多元化。三小碟 $260假如有選擇困難症，點三小碟的小食拼盤就可一次過試齊三款頭盤，免卻難以取捨的煩惱。黑魚子流心蛋軟嫩蛋白包裹著半熟晶瑩的流心蛋黃，滿溢香濃蛋味，加上矜貴的黑魚子醬，讓人回味無窮。鹿兒島茶美豚叉燒叉燒外微脆，內封汁，肉質細緻，肥瘦度適中，混合蜜汁香甜味道，味濃甘香。脆炸九肚魚表皮金黃酥脆，充滿惹味的椒鹽香，魚肉嫩如豆腐。蜂巢鳳尾蝦 $80表層雀巢脆皮鬆化，帶有空氣感，香脆可口，油份不會過多。新鮮蝦肉不會霉爛，肉質爽口，配合粉糯的芋頭，突出其蝦鮮味。杏汁燉白肺 $120要數滋潤養顏的手工湯水，杏汁白肺湯必定榜上有名，養顏潤肺，止咳化痰，可說是女士們秋冬必備的美肌湯品。一碗熱騰騰的湯水端上來，一上枱陣陣杏香撲鼻而來，呷一口暖入心扉，而豬肺經過精心處理乾淨，十分足料。香煎北海道帶子 $180賣相精緻，拌以天然甘甜的南瓜醬汁，口味清新之餘也不會搶過帶子的鮮味。北海道帶子肉厚味甜，極富彈性，煮成外熟內生，得以鎖住帶子的鮮甜肉汁。金湯小米北海道遼參 $280濃稠的湯汁色彩搶眼，包裹著原條遼參，加上粒粒小米相佐，層次豐富，更有咬口。遼參營養豐富，膠質很重，特別有彈性，肉質腍中帶爽，嫩滑中帶煙韌，味鮮且甜，而且完全沒有腥味。菠蘿咕嚕肉 $180向來愛酸甜味道的我，咕嚕肉當然是必點的，酸中帶甜的醬汁，令人胃口大開。咕嚕肉表層炸到酥脆，外面粉漿不過厚，內裡肉質鬆化，豬肉亦不會有太多肥膏，可說是色、香、味俱全。濃湯鮮腐竹浸時蔬 $160吃完這麼豐富的佳餚後，來一碟素菜可以清一清味蕾，腐竹全然吸收湯底精華，清爽輕盈無負擔。金貝雞米炒粉絲 $180雖然這是看似簡單的一道菜，但平日在街上吃到的炒粉絲，要不油膩膩，要不就黏成一團的，幸好今次這碟算是高水準。一上台時剛剛炒好熱辣辣，相當有鑊氣，配料雖然不多，但粉絲炒得樸實入味，乾身不膩口。…Read More

為補祝媽咪生日，我特別book了這間在中環的中華滙館，以迎合她老人家的口味。雖然不在大街，但由地鐵站出發也不過是10分鐘左右，算是方便。店內沒有普通酒樓般大，卻十分寬敞，裝橫也很有氣派。先叫了壺普洱，蠻有有茶香味，不會過濃。溫馨提示，那裡的冷氣很凍，要記得多帶件外套。頭盤我們先點了鹿兒島茶美豚叉燒 ($280) 和麻辣口水雞 ($90)叉燒充滿濃郁肉味，口感份外鬆化，這裡的叉燒都偏瘦，肥膏的份量恰到好處，很是滑溜，不肥也不膩，必吃！口水雞絕不會覺得「鞋」口，平常我是不吃雞皮的，但這雞皮不會給人感覺很肥很溜，連皮一起吃口感也不錯，加上帶辣的感覺很香口，很惹味。海鮮方面，我們點了四川豆酥鱈 ($320)魚鱈魚外脆內香， 豆略咸，配合鱈魚就很鮮味，不過如果淡一點會更好，而且油了一點。當然少不了叫蔬菜啦：油雞縱法邊豆 ($180)法邊豆非常爽口，配搭少咸的油雞縱很match。不過，跟鱈魚一樣，油份多了一點兒，不過喜歡吃菜的我也很推薦。還有 鴨汁鱆魚飯 ($230)所謂貴精不貴多，鱆魚炒得剛好好，粒粒分明，料足味道好，加上鴨汁的點綴令炒飯更香很濃，實在不錯。甜品就略為簡單，有芝麻卷和馬拉糕芝麻卷是凍食的， 好處是重芝麻味亦不會痴牙，甜度適中。馬拉糕也一樣，不會太甜，十分鬆軟也不痴牙。整體來說是很好吃的，很優雅也很舒服，而且每台都有獨特的擺設，很有心思，不過價錢並不便宜，想吃好西就要儲多點彈藥啦。…Read More

之前一直都覺得士丹利街有好多好神秘嘅餐廳，從門口永遠都睇唔到餐廳裏面，😂 今次boss請客關係，終於有機會試下～☺️ Boss帶我地去左「中華滙館」， 菜館門口幾有氣派， 裡面裝修簡約華麗， 連餐具都好有心思～😯 先上一人前嘅前菜， 鹿兒島茶美豚叉燒 鹿兒島茶美豚是吃加入綠茶葉嘅飼料長大， 肉質鮮嫩不羶，烤得香噴噴， 口感、味道比黑豚肉有過之無不及！😋 麻辣口水雞肉質嫩滑，辣勁十足！ 杏汁燉白肺 在眾多傳統手工湯水之中， 杏汁燉白肺就最為複雜費時， 平時係屋企媽咪都懶得煲黎飲。😂 熱騰騰嘅湯水端上來，陣陣杏香撲鼻， 呷一口暖入心扉，鮮香滋潤， 杏汁香濃，湯底鮮甜美味，正！😋 香茅蝦球煲 原個石頭鍋上枱，一鍋有大隻蝦球，😳 用香茅、辣椒、香葱等調味爆得香口， 蝦肉爽彈，好味道！ 話梅豬手 豬手連骨帶肉，皮厚含豐富膠質， 加入話梅炆得入味， 酸酸甜甜好開胃～👍🏾 羊肚菌腐皮素卷 腐皮卷外皮煎得微脆， 內裏包住嘅羊肚菌食落爽脆， 營養價值高！ 金貝雞米炒粉絲 粉絲炒得乾身爽，條條分明， 食落爽彈，一點油膩都唔覺！ 加上蛋絲、瑤柱絲和芽菜，更添口感～ 最後仲有芝麻卷和桂花糕作甜品， 芝麻卷芝麻味香濃， 桂花糕食落啖啖乾桂花，底部還有香甜紅豆， 不錯吃！ …Read More

「中華滙館」🥢給我的印象是私隱度高和食物質素佳，所以不少歌星明人🌟也是這裡的常客。服務方面絕對是五星級水準👍🏻，由入門口一刻開始已經招呼殷勤，茶具器皿🥄🍽也是一絲不苟，這個人手打造的純銅水壺是焦點所在，簡單的一杯熱茶☕️感覺也截然不同，進食每度菜也會換上不同餐具🍴🥢，十分貼心❣️。頭盤必食的鹿兒島茶美豚叉燒♨️，來自鹿兒島的茶美豚，是以綠茶粉、甘薯、木薯、麥類混合而成的飼料飼養，由於綠茶粉的茶單寧具有抑制血壓、抗菌、抗酸化及強化維生素作用，所以茶美豚的肉味十分甜美😋，沒有豬臊味，而且口感十足，店員還會提醒大家要趁熱食，真的非同凡響，一試難忘🤗。蜂巢鳳尾蝦🦐，金黃色的蜂巢外皮入口會滲出竽頭的香味，網狀的感覺過後再嚐到蝦的爽滑彈牙👍🏻，還透著微煙，著實不錯喔。香煎北海道帶子，微微煎封的北海道帶子，舖上份量不少的魚子帶出鮮味，用南瓜🎃蓉伴食，當然要用刀叉🍴慢慢品嚐一下，鮮甜味美。銀絲焗醸鮮蟹蓋🦀，大量蟹肉釀在蟹蓋內，吃的時候清楚看見絲絲蟹肉，入口鮮甜😋，酥香而不膩。脆皮炸子雞🐔，精妙之處是紙一般薄的外皮，皮層下沒有多餘的油脂，而雞肉嫰香肉軟，配以檸檬🍋汁和淮鹽兩種不同配料提升層次感。欖菜肉碎炒飯，㰖菜獨有的香味，伴著肉碎、蛋碎和生菜絲，米飯乾身而不膩，正正就是炒飯的精膸👍🏻。飯後甜品🍮「桃膠椰汁西米露」，涼浸浸的感覺絕對是最佳享受，桃膠滋補養顏，西米和椰漿特別香滑，十分令人滿意。還有幸運的是，今晚我們碰上了一位關姓女歌星呢😍😍😍…Read More

月頭又臨近中秋節，當然要帶兩老去食好野啦😎😎係時候帶佢地出城，去中環行下😇 揀左距離地鐵站唔遠既中華匯館，門面好decent 入到去都幾surprise，以為會係一般大大間有好多枱既中菜廳，原來係比較private得十張枱左右既高檔次中菜館。枱面既decoration同碗筷都好靚☺️頭盤⭕️金磚豆腐 (上) $80 外脆內滑😍 外層脆皮薄得黎唔會一夾就散👍🏻 豆腐滑到入口即溶味道調得好好🉐🉐🉐 ⭕️話梅南瓜 (下) $60南瓜🎃口感好好，爽口一d都唔似食開既質感咬落無南瓜味，好重話梅味味道偏酸好清新好特別 ⭕️鹿兒島茶美豚叉燒 $280叉燒十分十分林😋😍肥瘦剛剛好唔會太肥蜜汁好入味，十分高質的叉燒🉐🉐湯羹⭕️金湯海皇羹 $100入口好香濃既鮮味，仲有粒粒龍蝦肉👍🏻，質感濃厚⭕️松茸汁浸豆腐 (素) $100味道清甜，豆腐切絲完全睇唔出係豆腐⭕️杏汁燉白肺 $120 杏汁超級濃😳 質感比一般既杏汁豬肺湯稠身，仲有兩片豬肺同菜，未免太好飲🤤 必試🉐🉐🉐⭕️酸辣羹 $90除左偏辣左少少，整體味道唔錯前菜⭕️黃燜汁鱔皇鍋粑 $180 鱔好新鮮👍🏻鍋粑上既鱔炸至脆身，配上香脆既鍋粑，淋上濃郁既黃燜汁，外皮有少少林但咬落仲脆🉐🉐⭕️剁椒東星班 $280東星班翅位，肉質嫩滑十分鮮味！ 剁椒味重得黎唔會蓋過左魚鮮味，不過偏辣喔，唔食辣既未必受到⭕️黑魚子帶子刺身 $180帶子本身係刺身，淋上熱辣辣既南瓜汁帶子只有七八成熟，入面仲係生生地，超級鮮甜☺️☺️🉐🉐🉐主菜⭕️懷舊八寶鴨 $580八寶鴨內釀有薏米、蓮子等食材，炆鴨既過程中醬汁滲曬入去十分入味🤤鴨肉炆得十分林，一d都唔鞋口，鴨皮香得黎唔肥膩👍🏻侍應會跟據人數幫大家分埋，十分細心👍🏻 ⭕️麵醬三香條 $180三絲分別係法邊豆、茄子同豆乾加入麵醬炒十分野味法邊豆好爽口，口感一流茄子同豆乾索曬麵醬好濃味🉐🉐甜品⭕️芝麻卷 $56芝麻味十分濃😳 甜度適中，口感軟熟唔痴牙👍🏻⭕️合桃酥 $56合挑酥內有餡😳 口感十分鬆化☺️ ⚠️餐廳只有十張枱左右，一定要預約喔入到去感覺好private同高尚，環境唔太嘈又唔會話好靜，好岩一家人傾計☺️…Read More

今日幫老闆做了一單大生意，為了慶祝佳績，他決定請我食餐好野。 這間中環高級中菜館，名人食堂- 中華滙館，開業久， 已經很出名,因為這裏用的食材， 大多用上乘食材，絕對是品質保證。加上這裏的裝修氣派 ，高雅時尚舒適， 侍應招呼殷勤，而且很有禮貌，均令我印象深刻。這裏用的食材特別 ，尤其以鹿兒島茶美豚叉燒， 來自鹿兒島的日本豬， 以綠茶為主要飼養材料，令豬肉口感嫩滑，肉味清香。這碟叉燒賣相吸引，燒烤過後叉燒色澤紅潤光良， 肉香多汁。 無論叉燒醬汁調味嘅甜度、油脂嘅分佈和口感嘅軟硬度，都拿捏到位，色香味美。另一招牌菜也享負盛名,潮蓮燒鵝, 最重要肉質不太肥膩， 脂肪同肉嘅比例好配合， 皮薄香脆， 口感細腻。 最欣賞 他們醃製嘅燒鵝完全唔會鹹， 容易品嚐到鵝肉嘅肉香， 沒有多餘嘅肥膏,令人更放心食多幾件。黑松露野菌炒星斑球， 甘香撲鼻嘅松露香配上口感爽脆嘅野菌，加上主角用新鮮嘅東星斑切開一舊舊成為班塊， 完全沒有魚骨， 每一啖肉都非常滿足， 非常清甜味美, 絕對 是實而不華， 性價比高嘅高檔菜。話梅南瓜, 賣相精緻, 每一片都切得好像倒模一樣，砌成一朵花形狀 。而南瓜肉配上話梅醃製,食落酸酸甜甜，加上南瓜口感爽實而不軟淋， 這款前菜簡直醒神開胃。油雞縱法邊豆， 法邊豆與一般豆角不同， 口感非常爽脆,食落很有豆味，清甜味香。加上油雞縱菌伴炒， 鹹鹹地特別開胃，味道絕佳。最後金杯雞米炒粉絲， 賣相色澤金黃, 用上銀芽絲、 米粉炒得很爽口乾身，油唔算多，不太油腻，口感爽彈，好食。食個主菜，點到離不開飯後甜品， 金沙奶皇馬拉糕和懷舊 芝麻卷， 兩款甜品都不太甜, 味道恰到好處。 已經好耐未食過芝麻卷， 而這裏的芝麻卷不太粉， 凍凍哋食好滋味。總括而言，這間名人飯堂雖然價錢不是大眾化， 但始終一分錢一分貨,咁高質嘅食物加上在中環區,裝修格調高尚, 想食有質素的中菜館,此中華會館絕對值得幫襯。…Read More

有老朋友遠道由澳洲回港，太耐無見面，一定要找個清靜而食物有質素的好地方，最好當然係中菜菜式。在中環有不少高質素的食店，想滿足曬我嘅要求選擇實在不多，最後比我找到位於士丹利街的名人飯堂「中華匯館」。到步後餐館門面私隱度高，入大門後設有屏風，而坐位也很舒適，餐具擺設也有品味，而值得一讚是服務人員非常有禮貌，服務又很快速，對餐牌上的食物提供詳細的介紹。坐下來後，當然重點在餐牌裹，因為老朋友人在異鄉一段時間，好想食港式燒味，所以叫了餐廳的招牌菜「鹿兒島茶美豚叉燒」，呢個叉燒用上鹿兒島飼養的豬，而飼料中含有綠茶🍵，令豚肉特別爽滑，與一般豚肉會有分別，而叉燒焗得火候剛好，而肉汁得以保留當中，老朋友食完大滿足。另一燒味菜式「潮蓮燒鵝」這燒鵝源自新會，皮薄肉嫩，鵝皮與鵝肉之間無肥膏，鵝肉非常軟熟，配上燒鵝醬汁，回味無窮。忘了提起重點頭盤「話梅南瓜」賣相好靚，南瓜切成菱形，擺成花的形狀，分外吸睛，而味道方面酸酸甜甜好開胃，最特別係個口感，入口出奇地爽爽的，唔似平日食開南瓜的口感，值得推介。另一頭盤係「金磚豆腐」看似一味簡單的菜式，其實越簡單嘅菜式，越能看見廚師的真功夫。豆腐做到外脆內軟，脆皮很薄，而內裹豆腐嫩滑無比，做得非常出色。而「蜂巢鳳尾蝦」又是另一手工之作，內裹新鮮肉厚的鳳尾蝦，蝦身包上一層薄薄的芋頭蓉，個面層炸得酥脆，但唔會有油膩的感覺，又是另一出色的菜色。到甜品方面「金沙奶黃馬拉糕」蛋味很濃郁，入口鬆軟綿密，奶黃味剛好唔會太甜。而「懷舊芝麻卷」一定係童年回憶之選，這款是凍食的，入口芝麻味香醇，有Q彈的口感，無論心靈上同口感上都非常滿足。總結這一頓晚餐，這是一間高質素的中菜，有傳統的菜式，又有新派的菜式，無論舖神、服務、菜色都表現出高水準，有重要的約會/招呼朋友/商務傾談等都會是個好地方。…Read More

家中小表弟近年與愛人打得火熱，認真程度更令佢放棄香港o既事業，決定於秋季遷往紐約開始同居生活。臨離開香港前，佢仲好有心地於「中華滙館」設宴一席，一邊飲茶、一邊向家人正式介紹身邊o既另一半。表弟早於一個月前以電話訂座，接線生當時已告知大廳冇大枱，人多必需入座午市最低消費為五千大元o既廂房內。（XO仔自己諗：人多係咪可以分兩張枱坐呢？！）餐店樓底唔算高，但廂房勝在空間足，闊落舒適，仲有個私人洗手間。為咗大大小小都可以舒舒服服同枱食餐飯，表弟就好豪咁訂咗間房，兼訂埋鎮店玻璃蝦球，以表誠意！XO仔例牌提早到達影相，可能個樣完全唔似主人家啦，被帶到入房間內都未有服務生招呼飲茶或飲水；諗住人地可能啱啱開舖未準備好，細佬就好有耐心地等咗幾分鐘先行出去問樓面位哥哥仔攞份餐牌睇及要杯凍水。估計年輕o既服務生乃新手也，其態度良好，點知佢斟咗杯凍水後居然要被上司責罵，真係唔好意思。。。餐桌上有齊備o既自用及公用餐具。店子理念可從厚本散叫餐牌中第二頁睇到。尾頁則列出各項附加收費，包括茶錢每位$25、不同酒精o既開瓶費等；係就係好清晰，不過水位明顯同五星級酒店冇分別。週末可選假日午市點心及小食項目，當中點心可因應人數而定數量。當日主人家好客氣地叫完點心，再憑相加咗幾款小菜，這個午餐當真非常豐富。花雕醉乳鴿（$180/隻）：醉乳鴿皮層潤澤，肉質軟嫩，花雕酒味醇香，例牌份量有一隻，一枱十二人作開胃前菜就啱啱好。鹿兒島茶美豚叉燒（$280/例牌）：落單時，哥哥已講明來自日本o既叉燒例牌每客只有十件左右，十多人最少都要叫例半先會夠食。睇相就知例半叉燒共有三小條，每條預先切成五件。鹿兒島茶美豚叉燒肥膏唔算多，但入口極之鬆爽柔潤，且肉汁豐盛，美味極！筍尖鮮蝦餃（$72/籠）：蝦餃皮層唔會過厚，咬落尚算爽脆。菇粒乾蒸燒賣（$72/籠）：細細粒燒賣一啲都唔油膩，不過個人略嫌顏色暗淡，且唔係幾夠味道，咁o既價位細佬要求會高啲。芹香上素粉果（$54/籠）：粉果皮薄半透光，芹香上素餡料嫩脆潤甜。蒜泥白肉卷（$80）：一客六件o既蒜泥白肉卷，第一口咬落去已覺白肉偏硬，加上個蒜泥味唔係好夠香濃，好睇未必等於好食。薑蔥牛肉角（$54/碟）：外表金黃o既牛肉角每碟有三件。點心o既皮層巧脆鬆化，中間o既牛肉餡料原來同山竹牛肉球無異，個人覺得唔係好夾囉！陳皮山竹牛肉（$54/籠）：牛肉球睇落好健康，但係個心實過XO仔嗰個好多囉，而且只有強烈o既芫荽味，完全食唔到餸名中提及到o既陳皮味，勁失望！灌湯小籠包（$54/籠）：小籠包可以話係咁多款點心入面最有水準及最有驚喜，因其包皮極之巧薄軟熟，湯汁多而熱辣香甜，個豬肉餡心更加係幼嫩滑溜，比起香港多間上海名店造得更為出色！豉汁排骨陳村粉（$54/籠）：要讚o既係豉汁排骨唔會成碟油，但係啲排骨就肥膏多過肉，墊底o既陳村粉厚且乾硬，不吃也吧。玻璃蝦球（$320/隻）：為咗要達廂房之最低消費，表弟專登訂定七隻玻璃蝦球分黎食。形態成朵白玫瑰o既玻璃蝦球一上枱已令全場人嘩聲四起，明顯十分震撼！屬重量級o既玻璃蝦球不單白滑有光澤，其質感可以話係爽脆無比，彈牙得黎又鬆又多汁，不用塗點任何調味已夠清香鮮甜，超！上湯娃娃菜（$220/例）：煮得夠腍o既娃娃菜清甜帶脆，轉一個圈已連上湯都清埋，證明好好食啦！鮮鮑魚石窩雞（$460/例）：石窩雞o既雞肉厚而柔滑，惹味得黎毫不膩口，最正就係全部已去哂骨，極易入口，頂面仲有四隻鮮鮑，足料味佳。別號「皇帝脷」o既小表弟首次帶愛人見數以打計o既家長，為隆重其事，週六中午特選於中環名中菜廳「中華滙館」請飲茶。請恕XO仔直言，不過個人覺得對一頓七千元o既午餐評價應該要較為嚴謹。。。「中華滙館」價錢當真可比得上五星級大酒店，但點心小菜款式及水平則有點參差，不過大半都可稱得上係優質o既，無奈環境唔夠大方得體，輸蝕在樓底矮，加上有少少黑面及唔識變通o既服務態度令人實在有點兒吃不消，衷心希望店子可正視此兩點，方才可實至名歸地提升為高級中餐廳。…Read More

為了慶祝轉了一份新工，且又能升職加薪，今晚決定帶著媽媽來到中環其中一家名人飯堂– 中華滙館，來享受一下高端中菜~來到這裡，必點的一定是這裡的招牌之一，鹿兒島茶美豚叉燒($280)。記得我第一次嘗試這個菜式的時候，已經是大於兩年前了，是在當時舊公司的團年飯上，那時可以用“驚為天人”來形容，絕對不誇張。叉燒吃起來，外層香脆，味道甜而不膩，而且肉質非常軟嫩。今天再吃，沒有令我失望，連嘴刁的媽媽也一塊接一塊的吃，哈哈。秘製凍鮑魚($80@1) 餐廳已經細心的把鮑魚切好並分成三份，鮑魚入口，凍、甜、鮮，而且頗有咬口，作為前菜的確是個好選擇。玻璃蝦球($320@1)，這道菜是今晚其中一個亮點呢。這道菜非常講究烹調火候，而且極考廚師工夫。師傅將巨蝦去殻後𠝹花，賣相就像是一朵漂亮的白玫瑰。蝦球吃起來爽彈鮮甜，無論是配上蝦醬還是金華火腿一塊吃，都是一流的選擇。沙爹牛肉炒腸粉($180)。媽媽超愛這款菜，認為腸粉滑溜，而且配上微辣的沙爹牛肉，是一道非常開胃的主食呢。胡椒湯花蛤浸菜苗($240)，晚飯不少得當然是蔬菜類的菜式。菜苗完全吸收了胡椒湯的濃、花蛤的鮮，吃起來非常鮮甜，最後我們是連這個湯也完全喝光光哦。總的來說，服務非常貼心，而且食物是水準之作，下次還是會帶媽媽再來享受享受。…Read More

上星期帶老爸遊日本, 日日吃日本菜, 雖然他也吃得開心, 但始終不是所以食物也合他口味, 特別是刺身, 當地刺身雖非常鮮美, 但生冷嘢的確不適合老人家…… 不知是否吃了一星期日本菜, 他一回來便嚷着要吃中菜, 相信他很掛念, 那今晚一於跟他吃中菜吧!老爸對中菜特別講究, 所以為他精心挑選了一間很有氣派的中菜館跟他進餐。餐館門面金碧輝煌, 而它的名字亦很有氣勢, 有種攝人的感覺。甫進內裏, 同樣充滿氣派, 裝潢高貴優雅, 閃爍的馬賽克牆身、令人賞心悅目的掛畫、優雅的枱燈, 以及枱上的餐具和擺設均是精緻的花紋瓷器, 也很高貴! 主廳設有多張四人圓枱, 座位闊落, 坐得舒適, 還有數間大型貴賓房, 地方寬敞。餐簿設計精美, 印上巧手小菜, 相當吸引。菜式分別有頭盤、翅、官燕、海味、海鮮、家禽、肉類、蔬菜、主食和午巿供應的點心, 均是選材上乘的矜貴菜式, 不知老爸看中什麼? ****************************知老爸必定要普洱茶, 但在家日日飲, 不悶嗎? 我馬上改要一壺龍井 ($25/位), 諗返轉頭, 我真的覇道……想不到並非用一個古色古香的茶壺盛載上枱, 而是用了一個玖瑰金的銅茶壺, 很有特色。***************************差不多每次跟老爸吃中菜都會點杏汁燉白肺 Double-boiled Pig's Lung Soup with Ground Almond ($120), 而今次也不例外, 這是一份情懷。一打開盅蓋, 杏仁香 隨熱煙四散, 熱辣辣, 香噴噴, 相當誘人。忍不住馬上呷一口, 奶白色的白肺湯 滋潤順喉, 但略為鹹了一點, 蓋過杏香。舀起湯料, 除有鮮香爽滑的豬肺 外, 還有幼嫩清香的小棠菜, 兩者同樣美味。亦點了另一盅夏日推出的湯羹, 冬茸蟹肉羹 Winter Melon & Crab Meat Soup ($120)相當足料, 啖啖鮮嫩的蟹肉, 還有入口即溶的冬瓜茸, 消暑順喉, 但對個人而言, 味道還是偏濃, 如清淡一點會較適合。****************************服務員推介來自日本鹿兒島的豚肉, 仲要是吃綠茶, 所以命名茶美豚叉燒, 咁特別, 一於點一客。鹿兒島茶美豚叉燒Barbecued Kagoshima Chami Pork ($280)色澤紅潤, 外面帶些焦燶, 沾上亮麗的蜜汁, 賣相好得。入口極之鬆化, 存有肉汁, 夾雜甘香油潤的肥膏, 半肥瘦之間, 比例合宜, 肉香中帶些焦香, 亦有蜜糖的甜美, 烹調入味, 不論口感和味道都一流！****************************老爸成日都很想吃豬手, 但我多數不允許, 老人家還是吃清淡一些較好, 但看他提及過幾次, 那今晚就准他破戎一次啦! 話梅豬手 Stewed Pork Trotter with Dried Plum ($220)以一個石鍋盛載上枱, 保溫度較長, 熱辣辣, 正! 一鍋有五六件豬手, 還有酸咪咪的原粒話梅 和不少辛辣的老薑。每件豬手 均有一塊滑啫啫的豬皮, 全件也是腍滑的肉筋和肥膏, 非常油潤, 富有膠質, 味道鹹鹹酸酸, 烹調入味, 若然有些嫩肉平衡一下, 相當會較吸引。 ****************************吃了兩道肉類, 來一款蔬菜平衡一下。濃湯鮮腐竹浸時蔬 Simmered Seasonal Vegetable with Fresh Bean Curd Sheet in Supreme Soup ($160)看來簡簡單單, 但卻很討我倆歡喜。翠綠鮮嫩的覓菜 浸在濃湯中, 面頭舖了不少嫩滑兼富有豆香的鮮腐竹, 還有奶白色的濃湯, 清新而不油膩, 最後通通喝光, 美味！****************************鮮蝦籽柚皮 Braised Pomelo Peel with Shrimp Roe ($120)對我而言也是存有一份情懷的菜式。它是老媽一道拿手小菜, 當然沒有加入鮮蝦籽那麼矜貴, 而是平民版的蠔油炆柚皮, 但也令我吃得津津有味。不過, 現在已有心無力, 她很少下廚了……今晚要回味一下。柚皮 製作得相當柔軟, 存有汁液, 並沒有半點苦澀味, 讚! 淋上蝦籽芡汁, 味道剛好, 既鹹鮮亦不失柚皮的獨有香味, 吃時再蘸上, 更添美味, 喜歡!****************************老爸曾為我煲豬肺湯, 我也煲過甜絲絲的蛋白杏仁茶孝敬他, 但可惜他已忘記了…… 那就選兩盅蛋白杏仁茶 Almond Soup with Egg White($48)讓他回憶一下, 但不得不承認自製的未能弄得如此香滑, 味道如此濃郁。奶白色的杏仁茶毫無杏仁渣粒, 入口極之幼滑, 稀稠度合宜, 口感一流! 啖啖滿載香濃的杏仁味, 還有滑嘟嘟的蛋白, 而且甜度剛好, 吃時熱辣辣, 既暖胃亦順喉滋潤, 令我倆讚口不絕!------------------------------看着老爸今晚吃得津津有味的樣子, 還對那道鹿兒島茶美豚叉燒讚不絕口, 在日本從未見過, 清楚知道他始終鍾情中菜, 加上每道菜也很合他口味, 他當然吃得開懷, 難道下次帶他旅行的地方是要回祖國? 但我不想喎……還是在港跟他吃多些中菜算吧! 哈!…Read More

自年初起，路過中環士丹利街陸羽時都會留意到對面這家門面低調的中菜館「中華𣿬館」(起初沒看清楚，還以為是中華”匯”館)。這個週末，終於與朋友相約來吃個晚飯。「中華𣿬館」裝修優雅時尚。雖然不設窗，但室內光線自然舒適。整體用餐環境舒適，空間感寬敞。翻翻menu，發現這裡的前菜冷盤選擇都很吸引，而且更貼心的可為客人安排自選組合。我們選了鹿兒島茶美豚叉燒、金磚豆腐、秘製凍鮑魚及麻辣口水雞拼成位上的四小碟前菜拼盤。4款都前菜我都很喜歡。在香港，用鹿兒島茶美豚做叉燒的地方不多，這版本肉質鬆化，肉香甜美。金磚豆腐炸得外層香脆而豆腐嫩滑。凍南非鮑魚鮮味突出，質感爽嫩。麻辣口水雞雞肉嫩滑，加上層次豐富的麻辣口水汁，美味。花雕醉乳鴿 ($180)，鴿肉甜嫩，花雕與及玫瑰露酒香入味而不帶一點苦澀。冬瓜鮮蟹拑 ($320)，菲律賓鮮蟹蟹拑原隻去殼，很考師傅功夫。啖啖鮮甜蟹肉，配上吸收了蒸蟹精華的冬瓜片，每口都是鮮甜好滋味。西施牛尾 ($180)，牛尾肉質軟腍，醬汁比平日吃到的牛尾多份香甜，原來用上意大利番茄、紅棗和桂圓炆，配搭創新又特別呢。松茸汁浸豆腐 ($100)，滑溜豆腐切成花，配上清香松茸汁，清而不寡。辣子雞 ($260)一上枱已經聞得到那辣椒、胡椒與花椒的香辣鍋氣，，雞肉juicy惹味，去骨吃起來啖啖肉，更方便。我超喜歡這道菜！甜品前，來一客 鮮腐竹浸時蔬 ($160)和 鮮蝦籽火腩粒炒飯 ($230)。鮮蝦籽火腩粒炒飯炒得香氣撲鼻，飯粒分明亦不油膩。就算已經很飽了，也忍不住把整碗炒飯吃完。甜品分別選了金沙奶皇馬拉糕 ($42) 和迷你合桃酥 ($42)。前者鬆軟、後者香脆，美味。 這次初訪「中華𣿬館」，無論食物、服務以及用餐環境都讓人滿意呢～…Read More

前幾天碰上很久沒見的大學mentor，畢業後都沒有請他吃過一頓飯，那就約他在中環吃頓好的吧，橫豎是大家工作的地方。約前輩吃飯，當然是吃中菜，但畢竟人家吃中菜比我的經驗和研究多，不能草草的選家中菜。幾個月前新開的中華匯館，正正是新同樂的舊址，中午經過都不其然典雅而帶著神秘的門面吸引。有同事在這裡買過午市飯盒，無論是食物和包裝都不錯，我就訂這個來試試晚飯的水準吧。店內光潔而不失瑰麗的感覺，應該沒選錯地方吧，在這談生意或是聚舊也不錯，不吵也不會高級得令人感覺陌生。很喜歡桌面的瓷碟和小瓷壺裝飾，帶點古典味，懷舊風與現代的奢華融為一體。這裡午市和晚市都有套餐，拼湊好的可以省卻煩惱。老人家有些東西不能吃，所以今晚我們點的都是a la carte menu 上的，有興趣的可到他們官網看看full menu。蟲草花燉豬𦟌 $120/位 - 先來一個湯暖暖胃。湯熬得很香，濃香得像在湯雞精那種滿有肉香。碗內蟲草花的份量不少，跟軟腍的豬肉吃，鮮甜不已。湯頭不油但相當清香，老人家都大讚夠火喉。鹿兒島茶美豚叉燒 $280  - 應該是這裡的名物，用日本豚肉做豉味叉燒。不是一般吃到的蜜味，味感新鮮。肉是均勻的半肥瘦，膩感不重，肉質鬆化爽脆。話梅南瓜 $60 - 很清新的小吃，入口的質感不像南瓜的，帶點話梅的獨特酸香，十分醒胃。竹笙鴛鴦卷 $100 - 不要小覷它顏色不艷麗，雖是素食，分別是蛋白和有黑松露拌入的餡料相當可口。蔥油和牛稻庭麵 $100 - 超惹味的和牛肩肉，配合拌入牛汁和蔥油、十分吸汁的幼扁稻庭麵，油香豐郁，入口柔滑，牛肉和麵條都腍滑得幾乎不用咀嚼就能嚥下。潮式煎煮斑翅$260/位 - 湯頭很甜，拌著煎封的東星班魚鰭部分入口，鮮甜味美，旁邊的蘿蔔也煮得很入味。蛋白杏仁茶  $48 - 香甜不膩的養生甜品，杏仁磨得細滑，杏香和奶香互相輝映。金沙奶皇馬拉糕 $42 - 剛蒸好便送上，軟滑香甜，咬下鬆軟。Mentor和我都吃得很滿足的一頓飯，相信選址不錯，沒得失老人家吧。食物弄得用心，裝潢典雅，不失為區內的中菜新貴！…Read More