陳儀興尚潮樓 (英皇道)

一向知道陳儀興的潮州菜有質素，一眼看中坊間少有的手工菜，可惜要兩日前預訂，沒有準備！幸好又見到有個富貴自選套餐，有鮑魚有翅食，還可以優惠價自選一款小食，相比散點省錢。鴿吞翅（足三両）．潮式炸雙棗  $638我選了這個組合，因為欣賞鴿吞翅這款手工菜，很少酒家願意做，就算肯做，取價亦進取。賣相吸引，鴿子張口，肚子脹卜卜，劏開看清楚，果然有足三兩份量的翅，軟滑味濃郁，高湯餵飽，好好味！鴿肉嫩滑，尤其鴿皮，同樣飽吸湯汁，入口即化；肉、翅及湯同吃，最是美味。潮式炸雙棗炸得酥香，外脆內嫩，咬開啖啖鮮肉，口感一流。鵝三寶 $298滷水鵝肉、鵝腸及鵝肝的組合，滷水清香，富茴香味，煮得入味，鵝肉連皮有脂肪，鬆軟味濃郁，鵝肝如預期中粉嫩；鵝腸爽口但就無咪鵝味；整體水準之上。家鄉炒潮州麵線 $128中規中矩，鑊氣爭少少，豆乾及肉乾有些過乾；不過配幼細的麵條味道唔錯，有些汁水，份量十足，飽肚好吃。福果甜芋泥 $45幼滑棉棉，甜度適中，沒有膩感，福果成功添口感。…查看更多

食潮州菜梗係要食老字號同埋正宗先好食！今次就去咗鰂魚涌嘅陳儀興尚潮樓，夠曬方便我哋呢啲住港島嘅人士😍😍位於英皇道嘅1001，環境好舒服，除咗約朋友，一家大細食飯都好適合㗎！我哋今次係為咗食潮州滷水同生醃而來的！🩷生醃螄蚶香港願意處理生醃螄蚶嘅餐廳本來就唔多，除咗要乾淨之外，仲要醃得好食同鮮味，血蚶可以講係最正，陳儀興一直吸引我嘅真係呢個，絕對值得因為呢個去食！❤️生醃瀨尿蝦生醃瀨尿蝦無咁麻煩，但唔係間間都會揀選靚嘅瀨尿蝦！佢哋嘅瀨尿蝦全部都有膏，增添鮮味，好滿足呀！🧡鵝三寶滷水係潮州菜嘅代表，除鵝肉鵝腸，最精華一定係鵝肝。以靚粉肝去處理，好多店舖都唔捨得，或者切到勁迷你，食完=無食！佢哋嘅粉肝入口勁滑，用靚粉肝先可以做到呢個效果💕另外鵝肉唔會太瘦或太肥，鵝腸都好爽口！滷水處理有啲會好咸，呢間個味道就啱啱好💞💛椒鹽九肚魚新鮮，上台忍唔住即刻想食！哎呀，爭啲熱到個咀添😅😅勁香勁脆，九肚魚絕對唔係減肥魚，好夠肉！💚胡椒咸菜豬肚湯呢個湯好香嘅胡椒味，但唔會偏辣，豬肚洗得好乾淨，而唔係淋曬，好有咬口！餐前餐後都會以潮州茶上台，呢樣絕對係潮州店家先會咁做，以表達歡迎及感謝！陳儀興尚潮樓鰂魚涌英皇道1001號7樓1號（港鐵太古站B出口步行約4分鐘）#陳儀興尚潮樓 #老字號 #潮州菜 #正宗潮州菜 #潮州特色 #特色美食 #生醃 #美食推薦 #欣賞美食 #我愛美食 #香港美食 #香港美食推介…查看更多

係鰂魚涌見客食晚飯前，順便响怪獸大廈打個卡，出嚟過馬路就到地方嚕。客人話呢度有間潮州嘢幾出色，咁就一於佢啦，店內裝潢感覺古雅。坐定定後有功夫茶及沙咸菜奉客經過櫥窗見到滷水鵝想著定要叫 一款嚟食。沙咸菜爽脆開胃兩個人叫咗小食、湯、鵝三寶、手工菜、仲有兩碗粥。海蜇頭比較厚身，口感爽脆有咬口，好味。鵝三寶有鵝件、鵝肝、同埋鵝腸，鵝腸爽脆肥美，鵝肝甘美豐腴，鵝件肉質軟嫩入味，點埋醋汁開胃又好食。荷包鱔係手工菜賣相有趣，用菜包住白鱔、火腿、香菇，再以菜絲紮成四方荷包狀，令肥美嘅鱔肉更香鮮味美。花蛤湯裏面有鹹菜、胡椒粒、香菜，大大隻花蛤肥美鮮甜，鹹菜好爽口又唔太鹹，湯水鮮味順喉，胡椒味幾出，飲完感覺暖暖的，乍暖還寒天氣最啱飲。清香嘅潮州白粥正好為這一餐完美作結。…查看更多

今日同朋友去咗鰂魚涌英皇道嘅陳儀興尚潮樓食潮州打冷菜，酒樓入面有一個好大嘅魚缸，入面有唔同嘅時令海鮮，餐廳座位闊落，一入座就有茶水招待同埋鹹酸菜做前菜，我哋就嗌咗潮州人最鍾意嘅鐵觀音。我哋嗌咗涼拌海蜇頭、鵝三寶、胡椒鹹菜鮮豬肚湯、清燉荷包鱔、一個白飯同一個潮州粥。涼拌海蜇頭有濃濃嘅麻油香味，海蜇頭爽脆有咬口，係一個幾開胃嘅前菜。鵝三寶有鵝肉、鵝腸同鵝肝，陳儀興用咗潮汕頂級嘅獅頭鵝，鵝肉肉質細嫩鮮甜，加上用咗多種香料熬製而成嘅滷水汁去煮，特別帶出鵝肉嘅鮮味；鵝腸咬落去非常爽口，清潔得好乾淨，食落好安心；鵝肝味道濃郁，充滿獅頭鵝嘅精華。胡椒鹹菜鮮豬肚湯嘅胡椒味好出，飲完有種好補嘅感覺。當中最特別係清燉荷包鱔呢一個手工菜，賣相非常精緻，用一片好大嘅鹹菜包住一嚿白鱔，再用一條好幼嘅菜打結變成一個好似荷包嘅外型，鱔肉鮮甜肥美但又唔多骨，好有驚喜！最後，餐廳附送功夫茶俾客人食完飯後飲，濃郁嘅功夫茶飲落去會回甘，為呢一餐潮州菜畫上完美嘅句號。📍鰂魚涌英皇道1001號7樓1號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

自陳儀興集團與港島東開了分店便多了一個高級打冷的地方環境裝潢滿有中國特色，大廳以古樓為設計元素利用薄紗屏風作間隔，氣氛雅致，環境舒適寬敞特設私人房間，私隱度高，適合朋友及商務聚餐店家首先奉上每人兩小杯潮汕功夫茶，味道清香回甘餐前涼拌海蜇頭爽口彈牙，又有麻油的香氣潮汕滷水鵝三寶為鵝肉、鵝腸及鵝肝 ！獨門秘制的陳年滷水醇厚滋味蔬菜方魚炒芥蘭粗幼適中，口感爽脆，沒有苦澀味鹹菜花甲湯有蕃茄和香菜作配襯，每一啖都夾雜着鹹香潮州白粥絲苗白飯粒粒分明，有米香而不黏…查看更多

窩夫與蝦子餅之前光顧過鰂魚涌的陳儀興尚潮樓，印象非常好，日前二訪，專誠帶媽媽去品嚐高級潮州菜。先喝杯工夫茶，茶味夠香，一點也不苦澀。點餐後欣賞一下牆上的書法。打頭陣有「護國菜」($68)，名字很特別，原來是潮州菜的代表名菜之一，口感滑溜，加入炸過的瑤柱，更添貴氣。鹹菜花蛤湯($78)有三隻大花蛤，鮮甜無沙，除了鹹菜，還有蕃茄，味道不錯。潮州魚丸肉碎煮汕頭白($228)的潮州魚丸彈牙有魚味，汕頭白夠入味。鵝三寶($298)的鵝肉入味，鵝腸口感爽脆，鵝肝甘香，配角豆腐也非常好吃，水準之作。頭抽鷹倉魚片($488)頗厚肉，肉質嫩滑，頭抽醇香，更能提升鷹倉的鮮甜味。…查看更多

自少已經知道陳儀興潮州菜，如今開立多家分店，心中就會比較各店的分別。而這家在鰂魚涌和太古之間的分號，個人覺得是座位最舒適的陳儀興。今晚在這邊工作，順便跟東區工作的朋友到此癲拿。就座後，職員先呈上一盤潮州功夫茶和鹹菜，打開味蕾。 凍大眼雞       即是魚飯，是靠海吃海的潮州特色<飯非飯>。整條魚附海鹽巴帶鱗片清蒸再晾乾，保證原汁原味。 魚皮帶鱗片，可以把整塊魚皮掀起來，夾取淨魚肉再沾鹹香的普寧豆醬，魚的鮮味就出來了。 魚背位的肉較嫩，魚腩位反而較乾身。 鵝三寶  滷水鵝肝 鵝腸 鵝肉 皆我所愛也。鵝肝  當然肥美，連那肝小葉也看不清。說白了就是膽固醇，但自己偏愛這美食。鵝肝口感軟綿綿，中間位仍是糊糊的 ，入口甘香。無牙阿婆都食到。 啡色鵝腸脆口，但又容易咀嚼。鵝腸中的油脂為單調的腸壁帶來油潤感。鵝肉已褪骨 ，可以大口大口享用。鵝肉有了鵝皮，可以嚐到肉香和油香。鵝肉跟白醋又是一絕，可以去除油膩感。 全賴滷水口味較淡，不死鹼鹹，可以突顯食材的原味。 註:曾遇過某餐館的滷水系列只得死鹹，㓤脷，食完要飲很多水。  太鹹就蓋過食材原味，喧賓奪主。果然，陰陽萬物之埋，皆惡極盛。   如今滷水之理，皆惡極鹹。  故既而未極則為福。就連墊底的炸豆腐，也可嚐到那淡淡豆味。 潮州魚丸肉碎煮汕頭白     如果要在潮州炸魚蛋和白魚做抉擇，自己會選擇白魚蛋。跟職員確認是白魚蛋後，所以點這款。    潮州魚丸雖不是鬆軟綿密，反而是爽口彈牙，魚味十足。至少唔係擦紙膠口感囉!湯中打撈到瑤柱，難怪有那熟悉的鹹鮮味。汕頭白菜吸盡鮮甜湯底， 無苦味。嚐過多件鵝三寶，終究來一份青菜才感覺得安心。 白粥      煮至糜爛的綿綿潮州粥，配<含鮮菜>一流。 胡椒鹹菜鮮豬肚湯    新鮮豬肚集爽脆軟滑於一身，厚身的軟滑，薄身的脆口，無需太多牙力就可享用，很喜歡這口感。淺啡色湯底胡椒味不太強烈，以鹹菜的鹹為主。 事後再來一盤功夫茶作結。今晚真係見到<星>呀！希望下次可以嚐試潮州反沙芋與蠔餅。…查看更多

🇭🇰陳儀興尚潮樓·大家中秋節快樂啊🏮呢間我已經食過好幾次架啦 因為佢野食唔錯 而且環境坐得好舒服 好適合一家人黎食👨‍👩‍👧‍👦😈😈·潮州凍馬友$398 l 鵝三寶(鵝肉 鵝肝 鵝腸)$298今次我哋嗌既馬友都幾好味 佢油分幾好 配埋個普寧豆醬幾夾 而且魚肉都好滑🐟之後個鵝三寶我自己就最鍾意入面個鵝腸 佢呢個處理得好乾淨 去曬啲肥膏 食落好爽口🤤🤤個鵝肉偏肥少少 但係都好滑 不過個鵝肝我就略嫌佢有少少唔夠入味🦢🤣🤣·方魚炒芥蘭$118 l 鹹菜花蛤湯$78 l 護國菜$68之後佢個芥蘭都炒得好惹味🥬兩款湯我就鍾意個花蛤湯多啲 佢個花蛤勁大粒 煮到啱啱好 勁juicy😋😋個護國菜望落好似開心果糊咁 但係飲落其實就係似一個雞蓉羹😂·#rbyeat#rby港式 #rby中菜#rby鰂魚涌 #rby將軍澳 #rby新蒲崗 #rby太子·📍鰂魚涌英皇道1001號7樓1號舖📍將軍澳至善街9號嘉悅地下2-3號舖📍新蒲崗崇齡街40號地舖📍太子太子道西179號地下及一樓…查看更多

正宗潮汕菜☕️必食鵝三寶🫖陳儀興尚潮樓 (英皇道) (鰂魚涌)今次嚟到太古，當然要食啲新野🤭哩度有一間潮汕菜出曬名既酒樓，啱曬鍾情於潮州打冷菜既豬仔，一於試吓🥰酒樓設計用上古色古香既屏風，窗邊落地大玻璃，感覺絲開揚光猛🌇一坐底，店員送上4杯普洱茶俾我地飲用，食飽飽後又送上4杯普洱茶俾我地，好特別既體驗，佢既普洱茶好香濃，少少回甘，又唔會苦，茶濃而甘香，解油膩、開開胃口一流🤗✨香片 $15/1嚟食潮汕菜，當然要沖番壺靚茶飲啦🤭香片啱曬我同豬仔口味，聞落好清香，入口甘甘甜甜，最後仲回甘，健康又好味😀✨凍馬友魚 $398平時好少食新鮮嘅馬友魚，多數都係聽過馬友鹹魚好食。呢度嘅海鮮無定價，以時價為準，今次就俾大家參考一下🤗原來清蒸凍馬友係咁好食😋魚肉鮮甜嫩滑，賣相仲好靚，開咗兩邊😍魚肉嘅油脂好香，馬友魚既獨有香氣好吸引，加上自家製麵豉醬，味道更香濃惹味🤭✨鵝三寶 $298呢度嘅滷水鵝，大家一定一定要食😍佢嘅滷水味好入味好香，唔會好咸，鵝肉都充滿油脂香，味道充斥整個口腔😍鵝腸—非常彈牙，一啲都唔老鵝肝—入口即溶‼️口感超驚喜🤩西式鵝肝食得多，滷水鵝肝做到咁出色，真係好少🥹鵝肉—嫩而不柴👍🏻油亮亮好靚，食落肥瘦均勻，點埋醬汁酸酸甜甜更好食🤤✨二十年老菜甫燉鮮豬肚 $78/1份食中菜又點少得老火湯🤣豬肚湯清澈而不油膩，非常鮮甜，味道濃縮，用上20年老菜甫，真係好少見，清熱解毒又滋潤😍乾貝春菜煲 $128春菜食落好清甜，口感爽脆，有啲似菜心，但味道更清甜，用上大大粒嘅瑤柱，令菜煲更鮮甜，煮湯好合適，仲有啖啖既蒜香味🤗潮州白粥 $15滾兩滾，粒粒分明既白粥，有前於廣東粥，口感不同😀絲苗白飯 $15用絲苗米煮飯，特別香，甜度較香甜，好軟糯🤗🏠陳儀興尚潮樓 (英皇道) (鰂魚涌)鰂魚涌英皇道1001號7樓1號舖…查看更多

以一杯「功夫茶」開始，並以一杯「功夫茶」作結，一頓正宗滋味的功夫潮州菜就由這一小杯茶逐一呈獻。這家位於鰂魚涌的陳儀興尚潮樓，其本舖在新蒲崗已開業六十年，此分店更是其首家在港島區開的分店。餐廳以正宗的潮州菜為宗旨，傳承著傳統的潮汕口味，精心做出各款潮汕經典。鵝三寶（$298）陳年的潮州滷水充滿醇厚馥郁的香氣，這個鵝三寶分別是，鵝件、鵝腸和鵝肝。鵝件皮香肉滑、鵝腸爽脆、至於鵝肝就軟滑甘香，齒頰留香。 潮州魚丸肉碎煮汕頭白（$208）這款湯菜是潮州白魚丸肉碎煮汕頭津白，魚丸和津白浸在高湯內，津白吸收了湯的鮮甜，魚丸爽彈，整個菜式看似簡單，味道卻很突出。普寧豆醬煮海魚（$368）這個是普寧豆醬煮大黃花，魚肉十分嫩滑細緻，配合惹味的普寧豆醬令魚肉增添不同層次的味道。二十年老菜甫燉鮮豬肚（$78）用上了二十年的老菜甫燉鮮豬肚，湯水的味道是醇香樸實，滋潤生津。胡椒鹹菜鮮豬肚湯（$78）同樣是豬肚湯，加入了胡椒鹹菜卻帶出完全不同的味道，鮮香鹹辣的味道為味蕾增添多重的層次。潮州白粥（$15）功夫茶（@ $15）Menu…查看更多

📸陳儀興尚潮樓男朋友係鰂魚涌翻工 附近真係無咩好食佢話之前team dinner黎過陳儀興主打佢家鄉潮州菜 話點都要帶我試吓🤣🍴鵝三寶 $298鵝片｜鵝腸｜鵝肝食潮州野一定唔少得鵝片鵝肉淋身 滷水味香濃又唔會太咸鵝腸夠粗 夠爽口 配潮式辣椒油就更惹味中式鵝肝真係第一次食 滷過之後味道更鮮🍴二十年老菜甫燉鮮豬肚 $78一位經醃製廿年既菜甫食落反而係淋身本身驚個味會怪怪地 點知幾鮮仲可以辟走豬肚既騷味豬肚大大舊夠爽口 零餲味🍴潮州魚丸肉碎煮汕頭白 $208正宗潮州魚丸 特別彈牙唔係得粉漿又夠魚味汕頭白其實係津白 食落清甜無渣🍴頭抽鷹倉魚片 $488兩斤幾既鷹倉魚起肉煎香食落啖啖肉又無骨魚皮煎得香脆又唔腥陳儀興除咗鰂魚涌 係新蒲崗 將軍澳 九龍城都有架中意食潮州野既朋友仔唔好錯過啦📍 鰂魚涌英皇道1001號7樓1號舖…查看更多

今晚和太太在鰂魚涌辦完事，發現這座新落成的大廈有不少餐廳，突然又想食滷水，就來這家陳儀興尚潮樓試試水準。餐廳位於大廈的7樓，裝潢明亮新潮，以新中式風格為主題，座位寬敞舒適。餐廳主打滷水鵝，亦有其他的傳統潮州菜式可供選擇，更有不少坊間少見的潮式手工菜。甫入座侍者馬上奉上功夫茶，入口茶香回甘，有水準。護國菜 $68先來一客坊間少見的傳統潮菜之一護國菜，是以番薯葉用上湯煮成湯羹，色澤翡翠泛光，入口脂香潤喉，齒頰留香，以為材料簡單，卻有始料不及的鮮香美味，加上香氣十足的瑤柱絲，為口感及味道加上變化。鵝三寶 $298鵝三寶分鵝肉、鵝肝及鵝腸，一次有齊三款個人最愛的滷水鵝部位，底下亦有豆腐伴碟，物有所值。鵝肉份量足，連皮帶肉，肉質柔嫩，鵝味濃郁；鵝肝口感粉嫩，味道甘腴醇美；鵝腸一咬爽滑脆口，同時保留有鵝脂的甘香。頭抽鷹倉魚片 $488以貴價的鷹倉起片香煎，鷹倉魚片每件都厚實大件，份量十足，香煎過後的鷹倉外層香脆而內裡肉質仍然嫩滑，加上頭抽醬汁透發奇香，同時又不會掩蓋鷹倉自身的魚香，一流。方魚炒芥蘭 $118方魚炒芥蘭上枱時仍冒煙，鑊氣十足，芥蘭重本只取最爽嫩的部佔，一咬爽脆嫩綠，清甜可口，配以方魚的獨有鮮香，十分惹味。潮州白粥 $15最後來一碗看似最簡單的潮州白粥，一呷口味清澈，帶有淡淡的米香，十分舒適暖胃。…查看更多

滷水鵝三寶，鵝腸爽滑彈牙，鵝肝味道算不錯，唯鵝肉比較乾柴，以三百元來說，份量偏少。滷水汁不算味濃。九肚魚烙，蛋少魚多（！），蛋漿不算脆，和魚肉混合起來的口感比較軟。個人認為這種質感較一般蠔仔餅好吃。乾貝春菜煲，春菜很腍，亦被高湯浸走大部分菜味。很普通。咸菜胡椒浸台山蠔，比較特色的菜式。很重胡椒味（類似胡椒豬肚雞湯），咸菜不太咸，蠔有一點點腥（有些人會覺得這是鮮味）。味道還是不錯的。反沙芋頭，據說很巧功夫。由相片來說，功夫應該合格。有很清晰的芋頭味和糖衣味，不過個人不太懂得欣賞這道菜。埋單三個人1078元。總括，比一般集團式餐廳明顯較好（價錢相若），不過味道不算有驚喜。如果你吃飯旨在欣賞菜式，而不在於吃飽暖身，那麼可以試試海鮮款式（涷蟹、各種魚類），手工菜等，或許會帶來驚喜。…查看更多