陳儀興尚潮樓 (英皇道)

营业中

休息中

系鲗鱼涌见客食晚饭前，顺便响怪兽大厦打个卡，出嚟过马路就到地方噜。客人话呢度有间潮州嘢几出色，咁就一于佢啦，店内装潢感觉古雅。坐定定后有功夫茶及沙咸菜奉客经过橱窗见到卤水鹅想著定要叫 一款嚟食。沙咸菜爽脆开胃两个人叫咗小食、汤、鹅三宝、手工菜、仲有两碗粥。海蜇头比较厚身，口感爽脆有咬口，好味。鹅三宝有鹅件、鹅肝、同埋鹅肠，鹅肠爽脆肥美，鹅肝甘美丰腴，鹅件肉质软嫩入味，点埋醋汁开胃又好食。荷包鳝系手工菜卖相有趣，用菜包住白鳝、火腿、香菇，再以菜丝扎成四方荷包状，令肥美嘅鳝肉更香鲜味美。花蛤汤里面有咸菜、胡椒粒、香菜，大大只花蛤肥美鲜甜，咸菜好爽口又唔太咸，汤水鲜味顺喉，胡椒味几出，饮完感觉暖暖的，乍暖还寒天气最啱饮。清香嘅潮州白粥正好为这一餐完美作结。