陳儀興尚潮樓 (英皇道)

係香港要揾到好食又正宗嘅潮洲菜唔易，但今日俾我揾到，真係又抵食又好食，仲要侍應姐姐嘅服務態度超級好! 酒樓嘅菜式好多，有平有貴，豐儉由人，仲要好貼心有啲1-2人份嘅經典菜式，平平地88元，試多幾款都唔肉痛。🤗🤗🤗鵝片👍👍👍😍😍😍😍🤩🤩🤩🤩呢個我覺得係全場之最，鵝片係鹵水口味，食得出有花椒八角嘅味道，味道亦咸淡適中，唔會因為鹵水味太濃而搶左鵝嘅味道，鵝片薄薄一片顛覆左以往鵝片好「鞋」嘅形象，下面仲要用鹵豆腐墊住，豆腐吸晒鵝汁嘅精華，好食。88元小菜我地叫左4款：汕頭煎蠔餅﹑荔芋香酥鵝﹑潮洲炒魚面﹑酸菜魚片。我覺得最好食係荔芋香酥鵝😋😋，芋頭泥包住啲鵝肉然後拎去炸，酥脆得嚟又有芋頭嘅香糯，層次相當豐富。蠔餅用料實在，幾乎啖啖都有蠔仔，而且蛋香十足。蠔仔好肥美，食得出佢來貨好新鮮，只可惜份量真係有啲多，要幾個人先可以ko.😜😜🤤🤤潮洲炒魚面呢道菜有少少超乎我嘅想像，我原本以為真係面嚟，但原來係魚肉條，有啲似我地平時食開嘅潮式魚片，加埋芽菜同芹菜一齊炒，係唔錯嘅下飯菜。🙂酸菜魚就係平時食開嘅味道，但佢嘅份量好多，而且用鱸魚，更加滑，配菜有薯粉，芽菜等，又酸又辣，好過癮。甜品我地叫左薑薯綠豆爽，唔甜又清清地，食落好滋潤； 福果甜芋泥，呢個幾好食，啲芋泥入面有啲芋頭粒，有咬口，但個人覺得如果食得多會覺得佢甜左少少，share嚟食更好；炸油粿係將啲糯米粉加埋紅糖拎去炸，糯吱吱幾好食。88元嘅小菜真係超級大堆😚😚，又抵又好食，仲要份量絕對唔係1-2人, 根本係3,4個人share先食得晒，星期六日午市仲要免加1免茶介，真係平過返深圳。😋😋…查看更多

晚市進場，廳堂明亮，桌距寬，聊天不需壓低聲。服務員有耐心，先問口味，再逐道解說；倒茶換碟勤快，水杯不見底。先來功夫茶，店家泡單叢，香而不澀，餐前醒味，餐後解膩。小吃先試鵝肝拼鹵水豆腐。豆腐吸滿鹵汁卻不死鹹，入口滑；鵝肝粉嫩，帶淡淡鹵香。汕頭煎蠔餅粉少蠔多，邊位微脆，裡面小蠔清甜。荔芋香酥鵝做工講究，芋泥與鵝肉拌至均勻，外層炸出蜂巢口感，咬下先酥再綿。例牌鵝片拼鹵水豆腐，鵝肉去骨切厚薄得宜，鹵味入底而不搶，沾辣椒白醋提鮮。腩肉苦瓜煲最後上桌，苦瓜、腩肉、花菇皆切大片，與炸蒜同燜，湯頭帶蒜香與菇氣，腩肉軟不散，苦瓜留脆。整體調味克制，火候見功。坐得舒適，節奏不急，是可以回訪的潮州家常味。…查看更多

餐廳：陳儀興尚潮樓地點：鰂魚涌英皇道菜式：潮式餐牌：前菜、潮汕露水、手工菜、湯羹類、招牌翅類、海鮮類魚飯類、精美小菜類、湯類小菜、潮州類、蔬菜類、小食類、主食類、甜品招牌滷水鵝肝 $138 另加一 半分招牌滷水鵝肝半分一客四片滑溜鵝肝，放係三片豆腐上面，伴有一條新鮮芫荽。食完都唔覺太膩，唔錯。魚露花蛤皇 $88 另加一魚露花蛤皇一客11隻半殼花蛤皇，口感味道都唔錯，加上足夠魚露同少少辣椒加芫荽，味道都唔錯。荔芋香酥鵝 $88 另加一荔芋香酥鵝一客6件，熱辣辣炸起。外皮超級酥脆，中間係滑溜香濃芋泥，下底係鴨肉，好味道。伴有炸菜更香口。潮州白粥 $15 另加一例牌潮州粥，水飯分明，仲食到好多白飯粒。白飯 $15 另加一白飯大大碗，夠乾身。今餐食物質素都唔錯，餐廳裝修骨子，服務都幾好。…查看更多

好耐都冇食過潮州菜啦，今日就決定嚟呢間位於鰂魚涌英皇道1001號7樓1號舖噶陳儀興尚潮樓 (英皇道)，環境優美舒服，入面中式設計，好有意境侍應嘅態度好好，好熱情，好有禮貌。姐姐好似氹緊小朋友咁樣坐低先來咗功夫茶，清一清個味蕾先，之後就落單點菜。鵝腸，脂肪肥瘦適中，鹵得夠入味，但又唔會好咸，仲保留咗鵝腸嘅香味，底下嘅鹵豆腐夠嫩滑。鵝片，馳名鹵水鵝，肥瘦適中，鵝肉入味，食得出肉質唔差。荔芋香酥鵝，上層超級鬆脆，中間芋泥香濃，底下嘅鵝肉蓉，一面煎香，上中下層配合，口感好豐富。潮式胡椒鹹菜浸台生蠔，估唔到份量咁多，台山號超級大隻，配埋胡椒鹹菜超級鮮甜，惹味。呢個真係值得食。肚肉苦瓜煲，肚肉肥瘦適中，苦瓜處理得一D都唔苦，只有回甘，花菇都好厚身，吸埋個湯汁好鮮。欖菜肉碎炒飯，個飯一上枱，就聞到好香嘅米飯香，令人垂涎，呢個飯真係炒得好出色，唔會太乾，同好有鑊氣。清心丸綠豆湯，潮汕特色甜品，好鍾意佢唔係太甜。飯後再嚟多一份功夫茶，清一清口腔嘅油脂，茶香回甘，順滑。今日呢一餐真係食得舒服，位置坐得舒服，服務態度真係值得一讚。又係一個舒心嘅晚餐。…查看更多

位於鰂魚涌英皇道的陳儀興尚潮樓是一家以潮州菜為主打的餐廳，L型的餐廳佈局也不會讓我覺得很侷促。首先我們選了例牌份量的鵝片$188，每一片鵝肉都鮮嫩多汁，入口即化，滷汁濃厚。鵝腸$168，鵝腸充份吸收了滷汁的味道，香氣撲鼻，口感鮮美。荔芋香酥鵝$168，外酥內軟，荔芋的香甜與鵝肉的鮮美完美融合。潮式胡椒鹹菜浸台山蠔$268，蠔肉鮮嫩，搭配潮州特有的胡椒鹹菜，味道獨特。肚肉苦瓜煲$128，煲湯濃郁，肚肉入口即化，苦瓜的清香中和了肚肉的油膩，美味可口。欖菜肉碎炒飯$118，炒飯香氣四溢，欖菜與肉碎的搭配，讓人胃口大開。飯前飯後都搭配了功夫茶-烏崬單叢茶；入口後，茶葉散發出清新的清香，口感柔和細膩，不帶任何的苦澀味道，茶湯滋味鮮甜，回甘持久。最後還是少不了每人來份糖水；清心丸綠豆湯$45，舒爽的口感。除了美味的菜品，陳儀興尚潮樓的環境也是一大亮點。餐廳裝修簡約大方，溫馨舒適，讓人感覺彷彿置身於家中。服務人員姐姐們熱情周到，笑容滿面，讓我們感受到好溫暖。…查看更多