Cubus 28

Cubus28，名符其實就在Cubus28樓，是一個電梯按27樓去不到的地方(按26樓一樣去不到，按25樓一樣去不到...下刪一萬字)。 如此裝潢高級、浪漫情調的地方，偏偏是兩兄弟一起去，雖然"能成為密友，大概總帶著愛"，但始終關係並沒有好到一張床上，只好扮地下情的明星，小心奕奕地前後腳到場，以免被人發現這一分剛剛發芽的情份(講笑咋)。1. 手撕法國鵪鶉伴海膽汁海蜇：可食用的水母，味道惹上一點兒辣，反而麻醬味較重及稔身，伴碟還有炸麵條，Fusion得來好精細。2. 金箔阿拉斯加蟹肉南瓜蛋白躉：一絲絲的南瓜，一點點細碎金箔裝飾，不溶不散，濃厚稠身。想不到底部係一層燉蛋白，一嚐細滑且充滿蛋香味。3. 花膠螺頭片波士頓龍蝦湯：蝦中之王的龍蝦湯果然是濃蝦味，不似坊間以蕃膏味蓋過，加上十分彈牙既花膠及螺頭片，為整碗湯生色不少，充分帶出鮮味。4. 黑珍珠海膽燒賣：賣相精緻，在傳統既燒賣，加上一小撮黑魚子及海膽裝飾，以火槍輕輕炙一下，搖身一變新派菜式，吃落豬肉結實彈牙，冬菇帶香。5.金莎芥茉鴛鴦蝦球：頗考功夫的一道菜，要做到黃金流沙不易，蝦肉彈牙可口，芥茉添色之餘，不會太濃搶味，底部襯托脆脆米網，可謂色、香、味俱全。6. 慢煮西班牙伊比利亞黑毛豬鞍配薯菜：以前食過幾次黑毛豬，確是比一般豬肉味較濃，可能由於品種係放養，運動量大致肉質會較嚡口，常見多取自一支支既骨位，近骨的肉更加肥美甘香。7. 金箔紅酒烏梅山楂糕：賣相高貴，酸酸甜甜，又有輕輕紅酒味，把味蕾帶到又甜又醉既境界。吃到最後，有人生日，餐廳竟放起璀璨煙花來，浪漫情調的氣氛更覺熾熱，所以說吃飯的時候，如果不是情深款款望住她，左手拖著女友，右手品嚐美食，再拖足全程的話，只會與這地方不相稱。因為不是浪漫，就是浪費... 晚餐菜單(部分菜式有更改)環境：…查看更多

開平道Cubus有各式各樣嘅美食薈萃， 之前黎呢到食過日本菜， 而小編今次就同小妹去嘆中菜！😎 「CUBUS 貳捌」係小編一直好想試， 因為之前見到好多網上介紹， 話呢到嘅中菜款式新穎， 又會給食客與眾不同嘅美覺同味覺嘅享受， 而且有一個可以飽覽維港景色嘅rooftop， 真係有景、有氣氛、有美食嘅好地方！❤️ 係大編嘅慶祝紀念日嘅心水餐廳！😏 雖然「CUBUS 貳捌」位於Cubus嘅28樓， 但實際上係有三層， 而每層都為食客提供不同嘅用餐體驗， 28樓係餐廳酒吧， 提供新派創意中菜和各地美酒， 環境時尚舒適， 落地玻璃讓食客可以一邊欣賞景色，一邊享受美食。☺️ 27樓係Sports Bar， 據聞有Beer pong、Slap cup等Bar game， 另設有一間VIP房和一個半開放式嘅空間， 係可以同一大班朋友聚會暢飲嘅好地方！😎 28樓仲可以上一層有個天台露台， 維港煙花景色一覽無遺， 仲可以Shisha，正喎！👍🏻 講返28樓先， 因為講明係同小妹黎食野架嘛！😂 餐廳裝潢設計以西式為主， 綴以雲石枱， 金色餐具，配以深藍色餐巾， 餐牌用電子menu，感覺好高級喔！😎 前菜點左個海膽牛油果藜麥蟹肉🦀沙津 牛油果和蟹肉係西餐常見嘅配搭， 亦係小編覺得最完美derrr～ 賣相有d似壽司🍣，一層層的疊起來，😂 最高層綴以輕輕炙燒過嘅海膽，感覺矜貴！ 第二、三層為軟熟嘅牛油果和鮮蟹肉， 最底層為藜麥，煙韌有嚼勁！ 整體鮮甜清爽，層次感十足，值得一試！👍🏻 🌟推薦❗️金箔阿拉斯加蟹肉南瓜蛋白羹 橙紅色嘅南瓜🎃湯， 雖南瓜味不算重，但食得到絲絲南瓜肉係裏面， 上面綴以金箔和新鮮嘅阿拉斯加蟹肉，相當矜貴！☺️ 最驚喜當然係南瓜湯羹下面嘅蒸蛋白， 嫩滑得黎，仲食得到蛋白香！😋 🌟推薦❗️花膠螺頭片波士頓龍蝦湯 龍蝦湯鮮香濃郁， 加上花膠和螺頭片，加添鮮味和口感！ 秘製XO醬露筍炒北海道帶子 用炸脆嘅薄脆，盛載着炒帶子， 尤如鮮帶子嘅外殼， 真係栩栩如生！👏🏻 不過底層嘅沙律菜好似就唔係好夾個鮮帶子賣相， 可能加d藜麥擬成沙灘會好d?!😂 北海道帶子鮮味多汁， 加上幼嫩嘅露筍和爽口嘅紅黃椒粒， 用上XO醬炒，更添惹味呢！ 🌟推薦❗️蒙古調味麥芽糖慢煮澳洲法式烤羊架 餐廳話羊架default係七成熟， 不過都可以選擇熟成度， 第一次見羊架可以做到五成熟， 見店家咁有信心，當然要試下啦！😏 原來蒙古係用麥芽糖、白芝麻、孜然粉等去幫羊架調味， 咁樣烤出黎嘅羊架皮超好食！ 香甜、可口、美味！😋 羊架係慢煮而成， 肉質鮮美，軟嫩多汁， 可能係小編食過最美味嘅羊架！👍🏻 黑珍珠海膽燒賣 黑珍珠其實係魚子醬， 加上海膽嘅點綴， 最矜貴嘅燒賣就大功告成啦！😂👏🏻 燒賣用上比較瘦嘅豬肉， 口感更有嚼勁，唔會好有負擔， 不錯嘅配搭！ 🌟推薦❗️金箔紅酒烏梅山楂糕 山楂糕食得多， 不過有紅酒味嘅山楂糕就第一次試！ 一層層嘅紅酒凍、烏梅凍、山楂糕組合而成， 好有層次感！ 每一層都有其原有嘅味道， 而三層一齊食又好夾，正！😋 …查看更多

拍拖十五週年紀念，能夠在對的時間遇上對的人，在人生路上互相扶持，的確是世間上值得感恩的事。所以在呢個特別的日子，K先生帶我去了一個我們都未去過，既有新意又有浪漫氣氛的地方。Cubus28在開平道一號的頂樓，28樓在銅鑼灣有開揚的大球場景觀，在香港的石屎森林中，透過高高的玻璃窗，靜享日落的餘暉。是次點了$788一位的餐，頭盤是海膽牛油果藜麥蟹肉沙律，個賣相好別緻，是做到好似一枚壽司的沙律，配上沙律菜及醬汁，好似一個藝術品，感到廚師的用心設計。味道也不，海膽係有一D炙過的香味，清淡中有濃的海鮮甜味，口感及味道都好有層次。好IMPRESSED!呢個係花膠螺頭片波士頓龍蝦湯，非常之濃郁的龍蝦甜味，K先生最愛海鮮，所以佢十分欣賞。湯中仲有花膠及螺片的，用料十足。金滔亞拉斯加蟹肉南瓜蛋白羹，呢個係我選的，在濃濃甜美的南瓜羹之下有厚厚白滑蛋白，連埋D鮮味蟹肉一齊食，是有三層口感的質感，呢個羹我真係大讚大愛~!主菜第一款係法國原隻鵪鶉釀糯米飯，我真係未食過鵪鶉，所以好想試下，原來味道似雞肉多過乳鴿。食物的擺位設計用心，上菜時都忍唔住不停影相。西式的糯米飯也是第一次食，配搭起來係幾特別的。K先生繼續佢對海鮮的熱愛，專一的他主菜選了秘製XO醬露旬炒北海道帶子。呢個好好味，帶子好大粒，個汁係開胃的少辣味道，露旬好甜又爽口，K先生的確有眼光又有TASTE點心類有黑珍珠海膽燒賣，呢個FUSION真係冇得彈， 咁都俾廚師設計到，真係佩服。而且味道仲要好夾，矜貴食材配上地道廣東點心﹐好味又不失傳統的風格，抵讚!!甜品有金滔紅酒烏梅山楂糕，再一次，傳統與現代的FUSION，令人大開眼界，甜甜酸酸的糕點，好有消滯的感覺。口感彈牙，好想食多一件呢........好開心今年可以同K先生來到呢個咁好的地方慶祝，CUBUS28的確是好用心經營的餐廳，帶來了好多驚喜，最後同大家分享一下佢地的餐具，都是好特別同用心呢!…查看更多

喺閒日百忙於所面對的繁重工作🙇🏻‍♂️不經不覺到了終於可以休息一下的大假週☺️除左同朋友或自己四處遊走散心之餘😆尋找一個地方好讓自己與另一伴喺夜晚放鬆心境☺️與另一伴享受一個浪漫時光亦至好不過☺️位於銅鑼灣開平道既Cubus 28雖然距離地鐵站比較遠🙇🏻‍♂️但從銅鑼灣站F1出口行過黎亦算就腳方便的☺️😆呢度環境企理且好有美式風格既感覺😆配合柔和既燈光以及西餐酒吧Fusion擺設😆🍾充斥住格調同氣氛之餘☺️更可從窗外享受下Window Candle Light Dinner🤪望下街邊太多人與車既景像☺️🚶🏻‍♂️🚗櫻花蝦乾避風塘茄子將啖啖軟綿Juicy既茄子炸至金黃色🍆🤤炸至金黃酥脆既外皮😋包住內裡軟綿依然既茄子肉🤤🍆煮出外脆內軟既極佳口感🤤👨🏻‍🍳🔥配合脆卜卜既櫻花蝦乾及乾蒜粒更為Crispy之餘🤤以小肥大愛既避風塘煮法更有風味☺️😋花膠螺頭片波士頓龍蝦湯龍蝦湯雖然微微偏鹹🙇🏻‍♂️但散發出濃郁龍蝦味夠香之餘😋🦞有滑嫩既龍蝦肉及爽口花膠螺頭片在內亦十分足料🤤淋上奶油飲落更Creamy亦增添美感😆蟲草花黑松露野菌湯野菌湯夠哂Creamy香滑濃郁之餘🤤而啖啖滑嫩爽口野菌粒以及蟲草花😋🥣再配以濃郁松露香氣🤤絕佳既配合香氣滿溢之餘亦係口感滿滿Der🤤香煎西班牙伊比利亞黑毛豬鞍黑毛豬鞍架經慢煮炭燒烹調👨🏻‍🍳🐷豬扒肉質嫩滑Juicy之餘🐷😋入口鬆軟半溶既口感令人拇指大舉🤪👍🏻配合燒汁一齊食更帶出所在精華🤩另外亦有薯菜做襯托😆🥔🥦配合底層滑嫩薯蓉及醬汁一齊食更帶出所在精華🤩伴以番茄粒及幼筍既配菜亦夠哂Fresh😋🥬除左大賣賣相之餘亦保持好滋味🤤日本青芥末生菜盞配安格斯牛肉質滑嫩牛味濃郁既安格斯牛🐮🤤配以其他蔬菜食材配料一齊炒香充滿風味之餘😋🔥👨🏻‍🍳將配料以新鮮生菜包住一齊食亦夠哂爽口🤪🥬乃健康既韓風食法🤤🥬三文魚籽鳳眼餃滑嫩爽口既蝦肉內餡🦐😋配合晶瑩剔透厚皮適中既三色皮🤤可以媲美皮薄餡靚既稱號之餘☺️🥟配合三文魚籽更增添口感之餘更啖啖魚油香🤤🐟火焰橙酒法式焦糖燉蛋食之前先有火藝表演欣賞🔥🤤🤪喺倒橙酒落燉蛋既一刻確為壯觀🤤🔥賣相一流既燉蛋🤤蛋香濃郁配合甜而不膩既焦糖脆皮Perfect Match😋…查看更多

早幾天帶媽媽吃英式下午茶慶祝母親節，當然還未夠，昨晚趁著sogo感謝祭大減價，帶媽媽去買禮物，然後再吃母親節晚飯，這樣母親節的慶祝才完滿。去年生日與閨蜜來過cubus 28吃生日飯，覺得cubus 28的fusion菜挺有驚喜，我也想媽媽有個難忘的母親節晚餐，故今年選擇去cubus 28慶祝母親節。前菜手撕法國鵪鶉伴海膽汁海蜇經已大放異彩，爽彈的海蜇吸飽濃濃的海膽汁，手撕法國鵪鶉肉嫩到不很，混搭胡麻醬，十分開胃，連同海蜇和手撕鵪鶉肉旁的脆脆品味，口感味道多變。花膠螺頭片波士頓龍蝦湯一看便知多濃稠，整碟波士頓龍蝦湯鮮美極致，充斥龍蝦和螺頭片香味，使味蕾推上至頂峰，亦感受到cubus 28在烹調上的認真，我一滴也不剩喝光光。蟲草花黑松露野菌湯其新穎組合，令媽媽驚艷萬分。沒想到西式的黑松露配搭中式的蟲草花完全沒有違和感，清幽的黑松露遇上甘香的蟲草花香氣撲鼻，湯頭柔順，再融合野菌的鮮味，使人全身滋養起來。三文魚籽鳳眼餃光亮皮薄，尤其是雪白的原味和碧綠的菠菜餃皮，隱約可見內裡蝦肉餡料。三文魚籽的點綴令鳳眼餃形態更精緻玲瓏，鹹鮮可口，三文魚籽下的蝦仁爽口彈牙，贏得媽媽的歡心。牛油果川味辣子雞滿盆辣椒，青椒，洋蔥，牛油果，吃來熱辣辣，辣子雞一口吃下，雞肉外脆內嫩，其火辣惹味在口腔瘋狂轟炸，愈吃愈過癮。一大支香煎西班牙伊比利亞黑毛豬鞍氣勢磅礡，外層煎微微焦香，肉嫩多汁，黑毛豬鞍底下墊了綿細的薯蓉，蘿蔔仔，蔬菜的鮮甜與黑毛豬鞍的脂香交融，充分展現食材的繽紛活力。Cubus 28的甜品極具水準，火焰橙酒法式焦糖燉蛋上桌時上演一場華麗的登台秀，店員倒入橙酒，燃點火苗，橙酒郁香滲進燉蛋裡。焦糖脆不可擋，甜度掌握恰到好處，燉蛋綿密滑溜，燉蛋既富蛋香，又含橙香，妙不可言。…查看更多

環境5分：頂樓高級型格餐廳格調，有酒吧有窗口位，餐枱分得都幾開，私隱度高，樓面高唔會嘈，可以畀五分。衛生5分：雲石枱面有餐墊，每個course會換碟換餐具，衛生意識強，一樣畀五分。服務5分：侍應生非常殷勤，坐好即介紹點用個電子餐牌，又有心機介紹晚餐，一路食一路換碟換刀叉，非常整潔，滿分。味道5分：1)     前菜手撕法國鵪鶉伴海膽汁海蜇係凍食嘅，餸面Ｄ鵪鶉已經起肉去骨，用手撕開Ｄ肉特別幼嫩，响底果Ｄ海蜇就好爽身，圍邊Ｄ春卷皮條炸到好似薯片咁脆卜卜，真係好好味。2)     個花膠螺頭片波士頓龍蝦湯，有濃烈嘅龍蝦味，入面真係有龍蝦肉同螺頭片，真材實料，口感豐富。3)     香煎西班牙伊比亞黑毛豬鞍，把刀切落去都覺得爽，切開見到微微粉紅色就知係靚貨，所以唔使煮到全熟，厚身嘅黑毛豬鎖住左Ｄ肉汁，豬肉又鬆又爽，好食到爆！4)     盆曬生抽乾炒安格斯牛河，响高級西餐廳食乾炒牛河連個餸名都high過人，入口亦好明顯食得出係用安格斯牛肉炒，Ｄ牛肉味香，Ｄ肉又淋，最重要呢就係個牛河炒得夠乾身，一Ｄ都唔覺油。5)     三文魚籽鳳眼餃同三眼仔一樣一共有三隻鳳眼，白色係原味，黑色係竹炭味，綠食係菠菜味。Ｄ餃個皮唔係薄身果隻，但係就煙韌，裏面個蝦餃心好甜，加埋Ｄ三文魚籽就鮮香得多，又濕濕地，原來三文魚籽同鳳眼餃係咁夾嘅。6)     甜品火焰橙酒法式焦糖燉蛋真係响你面前用Ｄ烈酒點火，火焰左後個焦糖好脆好濃酒味，而個燉蛋仲係滑身同凍嘅。抵食5分：高級西式餐廳主動提供免費水或暖水，值得加分，Ｄ餸菜真才實料，無花無假，味道又好，物有所值，所以畀五分。…查看更多

Fusion 菜集各家之所長，不管是東方、西方，總之好吃的就是良方，上個週末我就來到位於銅鑼灣的Cubus 28細味中西合璧Fusion 菜。Cubus 28佔地三層， Sports bar、Fusion餐廳和天台酒吧各佔一層，餐廳設計得猶如西式酒吧，型格時尚，不落俗套。落地玻璃可以遠眺維港景致，入夜後迷人夜景盡入眼簾。Tasting Menu以人數收費，每位$628，總共有5 courses，一次過嚐遍幾款創意fusion菜式。手撕法國鵪鶉伴海膽汁海蜇法國鵪鶉肉香鮮嫩，味道有點像手撕雞，不過肉質就比雞肉更細滑。海蜇口感彈牙富嚼勁，混合充滿甘腴鮮味的海膽汁，令人胃口大開，喚醒味蕾。花膠螺頭片波士頓龍蝦湯龍蝦湯色澤紅潤油亮，濃郁鮮甜而又帶點黏口。裡面更是真材實料，吃到粒粒新鮮龍蝦肉和爽彈花膠。蟲草花黑松露野菌湯一端上枱已飄來黑松露的芳香，原來和蟲草花亦是出奇地合拍。黑松露野菌湯菌香滿溢，喝起來濃濃滑滑的，散發濃郁菇菌味。三文魚籽鳳眼餃用上三款不同顏色的餃皮：黑色的竹炭皮、綠色的菠菜皮和普通的白色皮。外皮不過厚，夾起不易穿，不會過濕而黏住籠底，每一顆看起來都被餡料撐得脹鼓鼓。餃皮剔透柔韌，內裡餡料豐富飽滿，蝦肉不會霉爛，肉質爽口，富有鮮味。牛油果川味辣子雞川味辣子雞以雞粒與乾辣椒、花椒爆炒，麻辣香氣撲鼻而來，帶來層層疊疊的椒麻韻味。雞肉炒得外脆內嫩，雖然入味，但辣度不會過高，將辣椒的香味慢慢併發出來，讓人忍不住食慾大開。配以牛油果入饌，既清新又軟滑，中和一下油膩感。香煎西班牙伊比利亞黑毛豬鞍賣相猶如羊架，表層煎得帶有焦香，調味不重，更能細味當中的脂香豐腴。平時食到的煎豬扒通常都是又韌又乾，但這裡的厚切黑毛豬鞍煮至約九成熟，中心略帶粉紅色，可保持嫩滑多汁，肉質不會過韌，發出陣陣油香。伴以幼滑又軟綿、帶有濃郁牛油香的薯蓉，飽肚之餘也不會覺得過於滯膩。火焰橙酒法式焦糖燉蛋上枱時店員會在客人面前以火槍點火燃燒，將表面砂糖燒成焦糖脆皮。賣相精緻優雅，焦糖糖衣燒得香脆，橙酒的微苦柑橘香氣平衡了甜品的甜膩。下層的燉蛋入口綿柔，與熱糖衣呈現溫差的對比，還有那一嫩一脆的極端質感。…查看更多

潮流興 fusion, 連飲食要緊貼市場需要。阿仔搵到新工帶我去 fusion慶祝一番，機會難逢當然要去見識。餐廳位於商廈極高層，可望銅鑼灣燦爛夜景。以酒吧格局設計，座位寬敞舒適，最重要是職員好 nice和招呼很好。手撕法國鵪鶉伴海膽汁海蜇手撕雞就聽得多， 手撕鵪鶉都是第一次嘗試。混合埋爽口的海蜇，但又伴上海膽汁；認真 fusion。又以薄脆伴碟令口感豐富。花膠螺頭片波士頓龍蝦湯龍蝦湯味濃郁，材料十足；除了龍蝦外還有花膠和螺頭；夠哂滋補。蟲草花黑松露野菌湯野菌湯本來已很惹味，加理黑松露更加香濃撲鼻；盡顯氣派。三文魚籽鳳眼餃 餃皮分別以菠菜、竹炭粉和原味造成，配上三文魚子買相很靚。以蝦膠為餡料，非常彈牙。香煎西班牙伊比利亞黑毛豬豬鞍大大份又厚身，所以火侯要控掣得宜；否則過久會鞋口，火候唔夠又會唔熟。今次廚師手勢了得，豬鞍切開肉質嫩滑呈粉紅色；咬落很 juicy。盆曬生抽乾炒安格斯牛河估唔到乾炒牛河在西餐廳內都炒得很有鑊氣，熱辣辣和濃烈的醬油香氣令我們食慾大增。一條條河粉炒得乾身，不會黏埋一起。牛肉採用安格斯品種固牛味特濃而肉質鬆軟嫩滑。火焰橙酒法式焦糖燉蛋以為一般的焦糖燉蛋，原來是錯的。服務員手持酒杯再倒入橙酒，點大燃燒後順速倒落燉蛋處；揮發起的橙酒香氣撲鼻，認真矚目。蛋味濃郁感覺creamy，而質感亦不會太削有口感。👍！…查看更多

今日係每年最期待一天，全公司一早等收B仔 (Bonus) 消息。放工去食餐好慶祝下店名Cubus28 故名思義，Cubus 28樓頂樓，晚上Lee Garden 特別寧靜，同Times Square 好大分別入到去餐廳樓底高空間感十足餐廳內出現一個awesome open kitchen，一睹 chefs 廚藝風釆沿樓梯上一層天台更適合飲酒chill下，被商廈包圍下同happy hour 天台有強烈對比，更顯出偷得浮生半日閒坐底待應送上平版電腦Menu，overall 待應殷勤有禮貌，詳細介紹菜式Tasting Menu $628 有前菜、湯、主菜、點心、甜品，全部都中西融合有特色前菜：手撕法國鵪鶉伴海膽汁海蜇法國鵪鶉手撕，配上海蜇，用上法國鵪鶉用料認真，配上海膽汁入口都幾清新湯：花膠螺頭片波士頓龍蝦湯橙色龍蝦湯鮮甜，湯中有我喜愛花膠螺頭片，又有鮮味龍蝦湯，好一個中西合璧湯點心：黑毛豬咸水角咸水角皮用南瓜或竹炭做，本身南瓜或竹炭味道唔重，不過外皮香脆煙韌有口感，一點油都唔覺，加上黑毛豬做餡更加特色主菜：香煎伊比利亞黑毛豬鞍我最喜愛伊比利亞黑毛豬，擁有野豬血統，油潤甘香，口感味道遠勝一般豬扒！果然好豬豬鞍差不多一寸厚，切開帶微微粉嫩，見到肉汁，入口軟屬Juciy，肉味鮮嫩，比一般豬扒甘香甜品：火焰橙酒法式焦糖燉蛋待應先橙酒將燃燒橙酒，加入焦糖燉蛋。脆皮焦糖、香滑燉蛋、加上橙酒，這配搭中西融合得很好，甜度拾當，橙酒酒香與燉蛋味道平衡被商廈包圍，望住對面office 燈火通明，諗起浮游公司整年，今日終於收到預期B仔更添一分感慨…查看更多

Cubus 28是一間中西Fusion餐廳同酒吧，因爲位於28樓所以可以飽覽銅鑼灣的夜景！净係個景已經令我同爸爸陶醉了很久。餐廳的環境很有格調，是比較西式的設計！而且設有bar枱，全部采用玻璃設計任何一個位置都可以飽覽。當天都有很多人在餐廳慶生。我同爸爸各叫左一個set，set dinner $628一個人，包:前菜，湯，主菜，點心和甜品。花膠螺頭片波士頓龍蝦湯：餐湯質感濃郁滑順，而且融合了中西食材！很有創意，每一口湯都充滿著龍蝦滋味。龍蝦湯内螺頭片和花膠，感覺十分名貴。蟲草花黑松露野菌湯： 爸爸的黑松露野菌湯上配有蟲草花，黑松露味道濃郁配上野菌質感很creamy。香煎西班牙伊比利亞黑毛豬鞍：豬鞍切開有微微的粉色，肉質柔嫩軟腍，口感較爲細緻！首先豬鞍味道濃郁而且帶有清香！肉汁頗豐富，感覺不會很乾。沾上醬汁更是惹味！生抽乾炒安格斯牛河：估唔到係酒吧食炒牛河都這麽有獲氣！！加上餐廳使用安格斯的貴價牛，使到乾炒牛河的味道更山一層樓！牛肉十分軟腍，牛味很濃郁。這是點心三文魚籽鳳眼餃，造型有趣可愛！但其實這是蝦餃。最後食埋甜品！我們已經很滿足了，再偷看幾眼迷人的夜景我們便離開了，希望有機會朋友或家人生日時再來光顧。…查看更多

近排看openrice見到這間餐廳人氣高企，於是相約了好朋友一齊來試試。餐廳位於大廈的28樓，位於高處，能夠看到少少的點點的維港景色。而餐廳感覺時尚，bar枱位置位開放式廚房，除了本身28樓那層外，還能見到有樓梯上落上下兩層，相信這間餐廳都頗大。我們安排坐近窗的位置，所以能夠看到點點的維港夜景。我們點了每人一個set dinner($628/位)，分有前菜、湯羹、主菜、點心及甜品。意大利黑醋養生雲耳拌綠意瓜，即是涼拌雲耳再配上青瓜，雲耳拌入了醋，酸酸地又爽口，幾開胃，再配上青瓜一齊食，清甜醒胃!花膠螺頭片波士頓龍蝦湯，龍蝦湯不會太咸，味道濃郁，但又不會很creamy，內裡還有少許螺頭片及花膠，中西合璧，很特別!蟲草花黑松露野菌湯，黑松露味都幾濃，湯唔會太creamy，野菌蓉都幾多!香煎西班牙伊比利亞黑毛豬鞍，呢份豬鞍都幾厚肉，本身已落了鹽調味，所以味道剛剛好，肉質鬆軟juicy，還有薯菜伴碟!秘製蜜汁素叉燒，食落真係好似食緊叉燒呀!首先切出黎既顏色是跟叉燒一樣，連個形狀都一樣。口感亦是差不多，素叉燒的邊位做到跟真叉燒一樣有燒燶左果種脆口同味道!因為係素食，所以食多左都唔怕肥!三文魚籽鳳眼餃，一籠共有3粒，而3粒的蝦餃皮都是不同顏色的，綠色用上菠菜，黑色用上竹炭製成。而三文魚籽脹卜卜，蝦粒爽口彈牙!金箔紅酒烏梅山楂糕，這款糕點有兩種唔同的紅色，分別是紅酒整出黎同山楂整出黎既紅色。個人覺得紅酒那邊味道較山楂那邊酸，不過整體也是有種消滯的感覺!總括黎講，餐廳感覺時尚，而且還有海景可以睇!是一個跟朋友傾計聚餐的好地方。…查看更多

今日聽了朋友介紹，前住位於銅鑼灣站附近的Cubus28 去食中西式Crossover 菜色。一入到去，店面十分之舒服，佢好闊落，有兩層樓加上頂樓共三層門面。見到Menu後就二話不說叫了兩個是日晚餐了！手撕法國鵪鶉伴海膽汁海蜇前菜已經體現了中西crossover的特色，海蜇很彈牙，很開胃的，不錯！花膠螺頭片波士頓龍蝦湯有乜野好過可以飲到龍蝦湯之餘又可食到花膠，兩樣夾硬好夾，好暖胃，令人十分之舒服同滿足！蟲草花黑松露野菌湯另一樣中西之選，一樣咁夾咁滿足！牛油果川味辣子雞到主菜了，這是一百分推介驚喜之選，可以説是吃過之中最好吃的辣子雞！不太辣不太油之餘又可吃出川味同鮮雞味，做得比一些川菜館更好更岩口味，愛吃川菜既朋友必食之選。香煎西班牙伊比利亞黑毛豬這𥚃的西式食物也很不錯的，另一樣推介之選，估唔到佢味道配合得十分不錯，豬扒絕對唔會太過硬或者太過咸，厚切大大件，有肉味香味之餘又有口感，正!三文魚籽鳯眼餃又到了中式部分，點心的時候了，每人要了一籠鳯眼餃，三文魚籽滿滿的，估不到這𥚃連蒸點心都做得比中式酒樓好。火焰橙酒法式焦糖燉蛋到了最後的甜品，一樣咁有驚喜，火焰燒著了橙酒和焦糖，令燉蛋的香味散發了出來，令人不想離去，想一吃再吃。…查看更多

Cubus 28是一間主打中西fusion菜的餐廳，走中高檔路線的西餐廳內，以西方食材加入中式菜餚內，趁元宵佳節，我帶了幾個平時去慣茶樓飲慣茶的情人在這裡渡過一個特別的晚上。＊＊＊＊＊＊＊＊＊＊＊＊＊Cubus 28在大廈的頂層，店面都幾大，桌與桌都有一定距離，不會過於靠近。餐廳走中高檔路線，餐具都很有氣派。餐牌可以單點也有套餐，如果人少，套餐會較划算，人頭$550已經有齊前菜、湯主菜、點心和甜品。手撕法國鵪鶉伴海膽汁海蜇海膽汁夠creamy，海蜇很爽口，鵪鶉肉嫩不會過肥，很清爽的一道前菜。海膽牛油果藜麥蟹肉沙律牛肉果很大塊，半融的口感很滑溜，下面有蟹肉和藜麥墊底，非常健康。金箔阿拉斯加蟹肉南瓜蛋白羹蛋白羹濃稠適中，裡面有很多蛋白和蟹肉，蛋白非常滑溜，南瓜味令湯羹多了一點甜味。花膠螺頭片波士頓龍蝦湯花膠螺頭配波士頓龍蝦，中西合壁幾特別。湯內都幾多花膠和龍蝦肉，味道不會過鹹，整體不錯。黑珍珠海膽燒賣燒賣很大隻，蝦肉和豬肉的比例恰到好處，前者爽彈，後者結實，上面再配以黑魚籽和海膽，絕對能達畫龍點睛之效。三文魚籽鳳眼餃鳳眼餃一籠三隻不同顏色，每隻上面都鋪滿三文魚籽。餃皮不會過厚，還帶點彈口，整隻放入口內滿咀都是三文魚籽的鹹鮮味，正！西班牙油香臘味炒飯炒飯以石鍋盛載，以火燙著。炒飯炒得夠乾身，上面鋪滿臘腸、潤腸和臘肉，非常惹味，是全晚個人最喜歡的一道菜。日本青芥末生菜盞生菜盞可選豬/牛/海鮮/素菜，我們選了安格斯牛。生菜盞青芥末味雖然不強，但入面卻放滿安格斯牛、松子、菜脯等不同食材，口感豐富之餘，調味亦濃淡得宜，用來餸飯一流。火焰橙酒法式焦糖燉蛋燉蛋幾滑，蛋香味十足，面層的焦糖很脆口，以套餐甜品來說，非常有誠意。金箔紅酒烏梅山楂糕山楦糕很重烏梅和山楂的酸甜味，味道幾特別，山楂糕質地Q彈，值得一試。總結，食物賣相精緻，菜式也明顯花過心思，味道亦非常有水準，即使人均消息稍高但絕對值回票價，吃厭了普通西餐，絕對值得一試。…查看更多

與外國朋友交流中西文化，最好就係莫過於以一頓飯、一頓豐富的晚餐體驗中西的異同。 今次就帶咗朋友去銅鑼灣的cubus28, 餐廳主打中西合璧嘅fusion菜， 餐廳食物用料配搭 令人意想不到。 最正喺餐廳位處高層， 一邊欣賞食物之餘 ， 一邊亦可以同時眺望維港景色。從餐廳的裝潢設計， 到餐桌器皿廚具的挑選，看得出老闆品味甚高， 在這個環境優雅高尚的地方用餐， 確是賞心悅目。前菜手撕法國鵪鶉海膽汁海蜇， 法國鵪鶉味道甚濃，龍肉質鮮嫩， 低膽固醇之餘又含豐富蛋白質。 海蜇拌上海膽汁， 爽脆可口。配上一條條的脆脆絲，讓口感層次更加豐富。花膠螺頭片波士頓龍蝦湯螺頭一向是中式燉湯的主角， 這次配上 波士頓龍蝦湯， 湯頭濃郁非常， 鮮甜黏口， 加埋啖啖的龍蝦肉、螺頭與及花膠 ，滿滿帶有中式燉湯的滋補，吃過後使人溫暖舒暢。-蟲草花黑松露野菌湯除了有濃濃的黑松露味外， 野菌被打磨混和於湯裡， 嘗到濃郁的菇菌味，湯頭幼滑，足料好喝。 蟲草花本身的味道不算太重， 但其藥用價值高， 配上矜貴的黑松露做湯一起吃，湯頭滋味陪增。-主菜牛油果川味辣子雞平常中菜以水果入饌，通常都是以 菠蘿蜜桃士多啤梨等。Cubus 28卻選擇以牛油果配川菜。辣子雞先走過油， 雞肉裏的汁得已鎖在雞肉類。 用了紅辣椒乾和適量的花椒乾炒， 色澤紅亮酥香味美， 卻又不會過辣。 牛油果爆炒過之後變得軟身， 配上酥香的辣子雞， 一軟一脆的口感，為這度fusion 菜加了不少分數。 最重要的是， 除了有川子雞外，這道菜又配上了大量沙律菜，如羅馬生菜和 羽衣甘藍等等， 除了有助中和油膩外，我更覺得似吃著川式燒雞沙津呢。-黑松露海皇鮑汁燴米形粉雖然形狀與中式的福建炒飯的差不多樣， 但是貴為fusion 菜，餐廳又怎能會只以福建炒飯奉客？這客主食以意大利奧orzo 米形粉化替白飯，口感煙韌爽滑， 加上海鮮配料如帶子和龍蝦肉等等， 加以鮑汁及黑松露醬，fusion菜好玩之處是眼睛看到以為是飯，但吃落口的米形粉其實是煙韌飽滿的口感呢。-點心三文魚籽鳳眼餃鳳眼餃以三種食材作皮， 白色是普通皮，黑色的皮以竹炭造成，綠色的是菠菜皮。鮮蝦爽口彈牙， 加了少許翠玉瓜碎以增加口感，新鮮滋味。加上上高的三文魚籽，每一口都有魚籽新鮮的汁液和蝦肉Q彈與爽脆，口感層次分明。-最後叫了一杯cocktail 和mocktail 作結cocktail叫了passio fruit dance, 主要以rum 酒，熱情果和橙汁調製，味道甜甜酸酸，非常開胃，女士最易入口。Mocktail 則叫了wildberry dream, 是以幾 款不同的莓做成，也是非常開胃的選擇呢。…查看更多

在Cubus 大廈原來隱藏著很好高級食肆，今晚朋友帶我到最頂層的新派中式酒吧餐廳，主打中西合璧的Fusion菜，CUBUS 貳捌佔地三層，一層酒吧，一層新派中菜，一層是天台座位，可遠望維港景色，裝潢風格創意時尚，餐牌用上電子menu，連餐具器具的配搭都經過精心選配，環境寧靜優雅。今晚選了$480位的晚餐，先來前菜- 手撕法國鵪鶉海膽汁海蜇，用法國鵪鶉取代了雞絲、 法國鵪鶉肉香鮮嫩，油脂豐滿，更含豐富蛋白質，底部放了拌上海膽汁的海蜇，同吃出奇地搭配，更有一些脆脆伴碟，一齊食口感會更多。湯是花膠螺頭片波士頓龍蝦湯，花膠螺頭多數出現在中式湯上，餐廳竟然將它跟龍蝦放在一起煮成西湯，濃厚的龍蝦湯，配上爽口的龍蝦肉，花膠同螺頭片，材料十足。另外有蟲草花黑松露野菌湯，黑松露野菌湯飲得多，黑松露跟野菌一齊打磨，一定是香味濃郁的，但配上養生的蟲草花，都是第一次試，蟲草花本身味道不是太濃，所以不會太搶味，只增加了口感。主菜牛油果川味辣子雞，份量幾大，辣子雞外脆內軟，不會太辣，再加上牛油果，多了一份奶油感。而秘製蜜汁素叉燒，用麵根做的叉燒像真度十分高，無論外貌及口感跟真叉燒真的有九成相似，連叉燒脆邊都做得到，只是覺得蜜汁醬汁甜了一些。而點心便選了鳳眼餃，用上三款不同顏色的皮：黑色的竹炭皮、綠色的菠菜皮和普通的白色皮。除了在大蝦上配了三文魚子，內裏也放了龍蝦油，更添香味。食一餐咁精緻的晚飯，配上一杯餐酒是必須的。…查看更多