八幡屋涮涮鍋 (已結業)

呢到非常適合想約朋友一邊打邊爐一邊聚會傾計而又唔會太趕，今次我地揀左最豐盛嘅 D4.日本黑毛和牛套餐(成人$898/位），而家做緊半價優惠，同埋足足有 240分鐘可以任飲任食，慢慢享受，真係無限放題嘅極致享受！由於全層都係間餐廳，所以空間夠大👍🏻自助區拎野食，已經好方便地分好一兜兜份量可以拎醬料區甜品雪糕飲品區：罐裝飲品、紙包飲品、啤酒都有好多款可以飲😁先送上頭盤刺身拼盤，有珍寶帶子、赤蝦、希靈魚、榮螺、三文魚，鮮甜肥美😋食完覺得唔夠滿足，仲有鮑片、吞拿魚、馬刀貝、赤貝、劍魚腩、甜蝦、八爪魚、鯛魚可以自己繼續落單ENCORE，以火鍋店黎講刺身款式選擇都幾多👍🏻然後再黎雞煲(小辣)，雞肉嫩滑，微微辣度刺激味蕾，開一開個胃準備黎緊嘅火鍋😄海鮮選擇都超豐富，有海蝦、廣島蠔、帆立貝、墨魚滑、海蜆、蟶子、日本魷魚、黃金螺，全部都係新鮮到不得了😎鮑魚同海蝦彈牙爽口，廣島蠔、帆立貝嫩滑鮮甜，海蜆同蟶子都處理得好冇咩沙👍🏻龍蝦大大隻，極為吸引🤩湯底 選擇咗 壽喜燒湯底，甜甜嘅醬油味最啱用嚟涮高質牛肉😄主角日本A4黑毛和牛肉質柔嫩，油脂分佈完美，輕輕涮一下已經入口即化，肉味香濃，唔需要額外醬料已經夠味，超高級享受🤤澳洲M5和牛亦都唔輸蝕，香味十足，真係每一塊都充滿享受😎大合照🤩揚物：炸餃子棒、炸薯格、網絲春卷、炸吉列魚手指等炸到金黃香脆，唔會太油膩😉炸蝦天婦羅 ，蝦身保持彈牙口感😋燒物：鹽燒虎蝦夠晒香口，蒜香雞中翼味道濃郁最後梗係要嚟啲甜品，放題仲可以任食 Häagen-Dazs 雪糕，又或者自助區D雪糕都有好多口味選擇，大滿足🥰集雞煲、刺身、壽司、海鮮、肉類、燒物、揚物、清酒任飲於一身，仲要食材新鮮、選擇多樣，最重要係240分鐘夠時間慢慢享受，夠晒爽🤩補MENU…查看更多

一分錢一分貨一開始就上咗6碟肉，剌身拼盤😋不過啲猪肉真係可以唔使試，應該坐低就叫佢收起猪牛肉就美國肥牛正常發揮，牛肩胛肉得個名好聽海鮮/剌身可以不停refill，尤其係各種魚生、螺肉，蝦就麻麻（又細又唔彈，都係食牛算數）啲燒物凍嘅，唔知係咪太少人叫/太早燒定咗又無整返熱菜同丸嘅種類都多又新鮮，有我鍾意食嘅筒篙同菜花。雪糕都好多種味道，獵奇啲試咗椰子海鹽（伏）椰子香精好假，維他芋頭味同雲呢拿（好食）汽水啤酒都可以仲有一個人限量一支嘅玻璃樽裝嘅可樂，要攞單問人攞先有。…查看更多

呢度180分鐘任食咩種類都有咁滯，係真係會食滯。平日人頭湧湧，不愧係人氣店！好在有book位，好快就入得✌🏻。三百幾蚊放題最抵係毫不吝嗇火鍋料m5和牛、牛肩胛、黑豚肉、蠔、螺、蝦、青口、大蜆等等海鮮。老實講，就咁食呢啲份量已經好飽，牛肉雪花尚算均勻，豚肉纖維質感ok，海鮮類全部都鮮味十足，加上壽喜鍋甜味，令肉質更鮮味。刺身亦都幾新鮮，刺身有帶子、希靈魚、吞拿魚、劍魚腩、赤背、鯛魚等等，放大來講種類算係幾多。最回本梗係劍魚腩、牡丹蝦同埋帶子，而且鮮美質素都媲美壽司店。出邊仲有飲品區、甜品區、壽司區、熟食區、雪糕區、丸類區、蔬菜區，每區款式都幾多，熟食炸物都幾香脆，有個小位置仲有碗仔翅，味道不錯，種類多得誇張。…查看更多

有個好耐無見而又非常刷得既朋友仔約左我食飯，想搵間可以食飽佢又坐得耐既餐廳非放題莫屬，今次就揀左呢間八幡屋😎我地揀左$368呢個中上價錢，可以食兩個半鐘岩晒我地慢慢吹水😁呢個餐包左任食唔嬲既澳洲M5和牛😍 另外各兩款既牛同豬，海鮮拼盤同刺身拼盤😁唔駛額外加錢既湯底都有六款可以揀👏 我地叫左昆布清湯～澳洲M5和牛色澤同雪花都好靚😍 食落好香牛肉味但唔羶，好滑😋😋 就咁食咩汁都唔點已經好好食，靚野果然唔同！🤤另外仲試咗牛肩胛同美國黑豚肉， 牛肩胛都好食同滑但牛味相對無咁重，黑豚肉可能切得比較厚所以無牛肉咁滑既質感，相信如果叫到最貴果個日本黑毛和牛真係不得了🤣🤣海鮮同刺身都好新鮮，肉質肥美完全唔腥😍出面仲有自助既壽司，熟食(見到有成舊三文魚頭好誇張😂)，好多款熱辣辣keep住refill既炸物，丸類，麵類，蔬菜，飲品同甜品等等🍣🍢🥚🍰🌽炸物最推薦薯角同天婦羅😁 薯角非常香脆，做到好似出色西餐廳既水準👏天婦羅炸粉夠薄👍試左紫薯天婦羅裡面好甜😋蔬菜竟然有我熱愛既茼蒿😍朋友同我都係對丸類之中既鱈魚豆腐同龍蝦丸最有興趣😂 鱈魚豆腐滑脟脟口感非常好😋熟食叫左蒜香雞翼同燒多春魚，雞翼好香唔會太油膩，多春魚唔會太燶或太乾身，唔錯👏而甜品就有好多味道既雪糕同雪條，泡芙，啫喱，等等 (我地食靚和牛已經食到好飽食唔落甜品所以無太留意😂)食火鍋放題呢啲最怕就係成日漏單或者出得好慢，但呢度完全唔會，店員服務仲非常好同快捷，抵讚🙌👏…查看更多

相信好多字母粉都知道我哋最鍾意打邊爐，就算一個星期打三四次，都唔會厭！今日嚟到位於旺角瓊華中心嘅八幡屋涮涮鍋，試下佢嗰三小時和牛刺身火鍋海鮮之盛宴，就咁聽個名都覺得好多嘢食！依家經WhatsApp訂位，仲有買一送一優惠，真係好抵！刺身拼盤坐低無耐，就送上精選刺身拼盤，有吞拿魚、三文魚、希靈魚、珍寶帶子、赤海蝦、劍魚腩、甜蝦同鮑片。全部都非常新鮮，珍寶帶子鮮甜，赤海蝦新鮮膠口。食完唔夠，仲可以追加添，有成12款咁多添。澳洲M5和牛今日嘅重點澳洲M5和牛嚟啦！雪花分佈平均，牛味香濃，肉質滑溜，真係好正！牛肩胛除咗澳洲M5和牛，仲有牛肩胛、美國進口牛肉、黑豚肉同豚腩片。我哋覺得牛肩胛都非常高質，牛味同樣香濃！海鮮拼盤除咗M5和牛，店員仲送上海鮮拼盤，共有六款海鮮。兩位送上一人一隻鮑魚，煮四分鐘啱啱好，鮮甜彈牙，好厚肉！扇貝都係超級新鮮，肉質鮮甜。食完唔夠喉，仲有海蝦、廣島蠔、帆立貝、墨魚滑、象拔蚌、海蜆、蟶子、日本魷魚同東風螺，九款海鮮畀你仼點仼食，真係好易回本！天婦羅 + 炸物大家可以用QR Code叫天婦羅同炸物，同樣仼點仼食，即點即炸，新鮮熱辣。自助吧自助吧仲有大量火鍋配料，有蔬菜、麵類、雞肉、各式丸類等。除咗火鍋配料，仲有各款壽司，真係花多眼亂，都唔知食咩好！飲品食物都有咁多選擇，飲品又點會少呢，有十幾款飲品，汽水、清熱飲品、罐裝茶飲都有，總有一款啱你！甜品自助吧有不少甜品選擇，有A姐最愛嘅啫喱。仲有雪糕雪條，真係好滿足！（記住Like同Share畀朋友）…查看更多

當日坐底左無耐 第一round既海鮮拼盤品刺身拼盤就自動送上 因為係預先訂位 所以有鮑魚送 食材用料都算新鮮 比一般放題質素高 我地之後都有用QR code再加單除左可以用QR code簡單快捷咁落單之外 我地仲可以行岀去自助bar慢慢揀野食 不過就記得要戴口罩😷蔬菜區有四款菜.幾款茹類 仲有南瓜同粟米等等隔離仲有打邊爐必備嘅響鈴同炸魚皮 好脆好正海鮮區就有新鮮嘅青口.東風螺同海蜆 男朋友就最鍾意食東風螺 每次出去拎嘢食佢都會拎幾隻返嚟丸類都有好多選擇 根本就試唔晒想即食既就可去壽司區 推薦火炙三文魚同花之戀甜品都有8款 作為甜品控既我梗係全部都試晒 隻隻都唔差 但係冰卷食落似冰皮月餅 我就麻麻地飲品又係有超多選擇 除左汽水 茶飲 啤酒 連台灣既黑松芭樂汁都有湯底方面我地就揀左要另外加錢既沙嗲湯同蕃茄龍蝦湯 個龍蝦湯竟然都有半隻龍蝦 真係幾驚喜 而且好岩淥海鮮黎食 不得不提既係用QR code可以order廣島蠔 好鮮甜 真係唔可以錯過澳洲m5和牛就切得比較薄 不過口感都唔錯既原來仲有燒物同雪糕都係任食既 呢個經WhatsApp訂枱既買一送一任食和牛海鮮火鍋放題刺身真係好抵啊…查看更多

趁著疫情放緩，下班後相約多月不見的友人一聚。難得外出用餐，友人想吃火鍋，而我卻十分懷念放題，所以便選了這家位於瓊華中心的日式放題涮涮鍋。我們叫了刺身海鮮火鍋盛宴。一進入餐廳便看見包羅萬有的飲品櫃及雪糕櫃。餐廳的防疫措施亦做得非常好，所有甜品都用膠蓋蓋好，餐廳亦要求客人外出取食物時要配戴口罩，讓人食得安心又放心。落單系統先進，只需要掃描QR code便可，環保又快捷。壽司(⭐⭐⭐💢💢)為免吃得太飽，我們只是淺嚐了玉子壽司和加州卷。壽司選擇未算很多，略嫌壽司飯裡壽司醋多了一點。極上M5和牛(⭐⭐⭐⭐⭐)和牛油花分布平均，肉質嫩滑，令人欲罷不能，可惜只有一碟。海鮮拼盤(⭐⭐⭐⭐💢)海鮮拼盤包括海蝦，扇貝，鮑魚，螺和蜆，其中鮑魚肉厚，蜆肉鮮甜無沙。刺身拼盤(⭐⭐⭐⭐⭐)刺身拼盤包括超大頭赤蝦，帶子，三文魚，希靈魚，劍魚腩，最特別的是有泰式生蝦，配上酸辣的泰式醬汁，十分開胃。美國肥牛及美國黑豚肉(⭐⭐⭐⭐💢)食肉獸當然要繼續encore肉類。美國肥牛肥瘦適中，黑豚肉雖然脂肪較少，卻絕不鞋口。炸物(⭐⭐⭐⭐💢)炸物不過不失，上台時新鮮熱辣，餐廳亦提供金菇天婦羅，在其他地方比較少見。串燒(⭐⭐⭐⭐💢)麻吉燒中間的麻糬非常煙韌，鹽燒海蝦十分甜美。金菇肥牛卷略略偏鹹一點。總括而言，餐廳食物選擇多樣化，適合心大心細的朋友。埋單時店員提及現在餐廳有提供優惠，19:00前離座或21:00後入座，可以享用買一送一和牛餐，友人說下次有時間一定要再來試試。~~~~~~~~~~~~~~~~~~~~~~~~~ 八幡屋涮涮鍋 旺角彌敦道628號瓊華中心12樓👍🏻款式豐富👍🏻地點方便👍🏻價錢合理…查看更多

這次主要是相約一位愛吃放題的好友, 聽朋友說這裏的火鍋及刺身放題物值比頗高, 便找這次來試試久未去吃的放題. 這晚的放題只需要$268 加一, 相當抵食.  還未開爐及點菜, 已先送上海鮮拼盤, 刺身拼盤及牛肉拼盤.  海鮮拼盤裏已包括了海蝦, 蜆, 螺, 元貝, 墨魚圈等.  牛肉拼盤則包括了和牛及肥牛.  最精彩的刺身拼盤裏有螺肉, 元貝, 三文魚, 希靈魚, 甜蝦, 赤蝦. 難得的是款款刺身及海鮮都極之新鮮, 與外面中價位的居酒屋或火鍋店水準相差不遠.其中的赤蝦, 赤貝, 劍魚腩, 希靈魚, 三文魚, 帶子都頗為鮮味, 加點了2盤.  雪櫃裏的甜味飲料不太合我口味,難得的是這裏有黑啤及我喜歡的Hoegaarden白啤. 這裏落單比以往吃過的放題有趣的地方是, 這裏不需要一張張的落單紙. 取而代之是QR code連結上網, 下單方便許多.  整晚沒有任何漏單. 火鍋蔬菜類選擇頗多. 壽司類有幾款可選擇. 丸類較普通, 但選擇多. 另外熟食的選擇亦有超過10款, 是意料之外. 最後的甜品選擇除了雀巢雪糕外還有1,2款雪糕雪條. 其他的甜品中芒果布甸較吸引, 做得頗滑而香.  許久沒吃過放題, 這裏的放題之中, 我覺得刺身及火鍋都不錯, 但刺身質素更佳, 吃了幾盤便感覺已回本.…查看更多

周日到旺角，買龍門手套。購物前，先來個午餐。在路邊收到這火鍋店傳單。難得傳單阿Ｅ有笑容！剛好小米又肯接傳單！細看之下，價格合理，所以我倆就到此午餐。　時間尚早，店內客人不多。職員安排我倆於卡位就座，點選鍋底後，小米就衝去看自助吧的燒物炸物和汽水！　　　　由於常常帶小米光顧自助任食系列的餐廳，所以小米己經習慣了自行取食物了！其實自助區現成的熟食都適合大人細路。雪糕，燒三文魚頭，蘿蔔牛腩，炒烏冬，咕嚕肉，天婦羅，燒雞翼，燒粟米，金菇肥牛卷，多春魚，香芋丸，餃子棒，炸饅頭，就連碗仔翅也有供應！ 即是單單選擇最便宜組合HKD 78也十分超值。不過，小米要食火鍋，還擺出＜我要食肉肉＞的模樣：兩眼發光，美目盼兮！　壽喜鍋　　小米喜歡偏甜口味的壽喜鍋，真身：湯底很清，感覺較健康。小米還取一粒雞蛋，表示想打蛋用作沾火鍋料之用。　　　　吉列魚手指　小米在熟食區取得一碟吉列魚手指，竟然直接沾上蛋漿，再放在鍋內焯一下。蛋漿凝固了，變為滑蛋魚柳。假如這裡提供粟米粒粒，又會變成Show Me Your Love 的朋友。刺身拼盤　刺身一盤份量也很足夠了！　牡丹蝦，帶子，甘蝦，三文魚等等，款式真多。火鍋用的海鮮拼盤　　　魷魚，蝦，扇貝，鮑魚，田螺。小米指著魷魚圈，表示要食烏冬呢！　　還有不同的火鍋料，款式雖然不多，都集中在大路的食材！南瓜　鮮菇　粟米　油麥菜　　　　個人喜歡食牛肉時加配南瓜。而鮮菇大大件，十分吸引。　自助區有三款青菜，當中油麥菜的纖維最強硬。為了幫助消化，特別夾取大量油麥菜。　這几款食物放在鍋裡，都會浮在水面，可以慢煮，還有其他用途～烚肉。　　任點肉類有美國肥牛和美國黑豚片。　　由於自己久久没有嚐過豬肉，所以覺得豬肉比肥牛更美味。　特地調校至細火，把薄薄的豬肉浸熟，可保持豬肉嫩滑。浮在湯面的南瓜鮮菇粟米，現在就大派用場了。　然後再來几碟油麥菜，有助排毒，達至飲食均衡。完成美味的火鍋後，要向運動佔出發了！　去廸廸龍買龍門手套！…查看更多

見到Facebook有人介紹呢間火鍋加刺身放題，今日同女行旺角特登book嚟試下$268一個好似都幾抵而且又有和牛同海鮮拼盤餸入坐前，先揀湯底，我哋加咗$20叫了番茄龍蝦湯，顏色淺橙內裏都有大量嘅蕃茄仲有半隻小龍蝦，可謂真龍蝦湯M5和牛-兩個人就送一客，比一般牛油花多，灼十幾秒仲有入口即溶嘅感覺海鮮拼盤-有蟶子，蝦，蜆，青口，螺，帆立貝，魷魚，種類很多而且全部都很新鮮，沒有腥味刺身拼盤-討論不用下單坐低後不久，就有人送上刺身拼盤，有虎蝦、甜蝦、深海大甜蝦、三文魚、呑拿魚、帆立貝、蠑螺不時有新熱盤放出來，其中更有串燒同天婦羅有大量火鍋配料，任攞飲品種類繁多，一定有你啱飲，連蒸餾水也有仲有大量甜品同雪糕可自取$268一個，真係超抵…查看更多

朋友係海鮮迷，呢晚就嚟咗八幡屋涮涮鍋試下佢嘅「刺身海鮮+火鍋放題」！我哋嘅價錢係 星期一至四 成人 $268～• 刺身拼盤：各種刺身+ 兩人 送泰式虎蝦刺身拼盤一客四人或以上另送海膽（不過要早一日預訂先有！）• 海鮮拼盤：日本廣島蠔、海蝦、蟶子、蜆、象拔蚌、日本魷魚、東風螺• 牛肉美國牛肩胛、美國牛肉、極上M5和牛肉類／刺身如果想加，非常方便，只需要scan個QR code，就可以喺電話上面點單！美國肥牛、美國豚肉、極上刺身等等等等都可以無限追加！湯底除咗以上海鮮同肉類外，外面仲有超多嘢食可以自己攞！食物種類真係多到不得了，$268呢個價錢絕對抵！Menu:…查看更多

今年同daddy提早食父親節飯，知老人家食唔到咁多肉，特意帶佢黎呢間又有刺身又有炸物又有海鮮既shabushabu，貪佢多選擇嘛:)假日加上父親節前夕，每位盛惠$298+1，價錢唔平但勝在環境夠大，唔會好大味又坐得舒服。一入去就見到有熟食吧，炸饅頭、咖哩魚蛋等香口 小食都有，daddy即刻化身成個大細路咁係咁夾🤣好耐無食過呢種皺皮魚蛋，又煮得幾入味糖醋蝦棗幾特別，醬汁酸酸甜甜，蝦滑爽滑彈牙。每枱送一盤刺身拼盤，以一間唔係主打生野既火鍋店黎講質素真心唔錯吞拿魚、三文魚、帶子肥厚鮮美，希靈魚帶粒粒魚籽，鮮甜爽脆，蝦類不過不失、蝦味偏淡。寫左咁耐終於入正題，差啲唔記得今日黎係打邊爐既😂😂頭一盤係和牛，肥瘦均勻，入口軟嫩唔洗點咬就散開。我地揀既sukiyaki香甜不鹹，配埋任拎生雞蛋更突顯到牛肉既肉香食完和牛可以自己落單點牛肩胛、肥牛或豬肉片，肥牛真係好肥，脂肪參半，口感夠滑。怕肥食牛肩胛就岩哂，無乜脂肪，肉質偏瘦，薄切令口感唔會韌，同樣易淥易食海鮮拼盤好大堆頭個人偏愛帆立貝同蜆，好鮮甜，同湯底都好夾。仲有放題常見既天婦羅同串燒，即叫即製，樣樣上枱都新鮮熱辣。呢個多春魚一定要試，炸到外脆內嫩，夠香口，唔會太鹹，但又完全唔腥食到差唔多仲有雪糕同甜點，唔會好似坊間涮涮鍋咁食黎食去都得肉同乳酪雪糕咁食到厭哂Daddy都話好滿意，俾貴少少係值得既！…查看更多

今天約左朋友係旺角食飯，在開飯啦見到這裡又有刺身又有火鍋，以價錢來說可一試則使對放題有點保留。位於瓊華中心全層，好大好舒服，門外Lift位有等候區，內裡食物BAR和坐的位置都好寛闊，希望食物會不錯啦。我們選了最便宜的套餐 $208是120分鐘任食特選美國牛肉，然後每人加$30有二層海鮮塔。海鮮塔有每人兩隻生生蠔, 一隻大蝦, 一隻扇貝, 四隻沙蜆。生蠔同大蝦都好新鮮沒有異味也不霉，扇貝略嫌細隻同無味，跟住到個雞粥底，其實佢個湯底做得好好但完全唔明點解係無米粥，水到爆，但以每人$30來說就算啦，反正我仲有個涮涮鍋等緊我。其實由於佢雞粥個湯底做得太好，係個真正涮涮鍋個湯底未到時我地用佢個雞湯底涮左一陣，正!涮涮鍋我地要左個壽喜燒湯底，坦白說太甜，有得選擇我會想用返個雞湯底會仲正。仲有如果八幡屋可以好似其他放題涮涮鍋咁有雞蛋就好了。醬汁基本的都十分齊全，所有蔥同辣椒都切得幼細。還看見工作人員經常添加，蔥怪最啱。配料正常放題的都有齊如丸類大約18款，菜有4款, 生菜, 油麥菜,娃娃菜等，仲有瓜有菇有生根響玲，當然不少得飯配咖喱汁, 麵同烏冬等。菜都新鮮只是有些丸太膠，真係有待改善。海鮮拼盤和牛肉 海鮮拼盤有海蝦, 魚片,生蠔, 帶子同蜆。海蝦和生蠔OK, 其他就不值一提。牛肉跟其他放題涮涮鍋都差不多，$208有咁多食物選擇而我們所選的是最基本的牛肉所以都不大期望。甜品 又是另一不值一提。雖然全部甜品本身細細件都好容易使人試但佢個賣相真係唔係好討好，加上款式不多。好遜色的朱古力噴泉,唔知點解要將生果切得咁細，好難dip。啫喱, 咖啡杯, 朱古力杯, 全部都好普通。我最終試左個咖啡杯，味道尚可不過我會寧願吃蓮花杯。…查看更多

好開心終於考完晒試喇！同班fd唱完k就諗住再食餐飯慶祝，不過佢地都有野做，最後剩低我同另一個朋友，但都想食餐好既慶祝，就揀左火鍋日式放題，姐係八幡屋涮涮鍋！之前食過後都有向佢地推介，因為價錢黎講都幾抵食，除左放題任食，仲可以食埋火鍋同串燒刺身，而且甜品款式都ok多，值得一食再食xd~依家多左落單紙比我地填，唔洗下下走黎走去拎食物，有專人服侍so nice！放題主要既野佢地大部份都有，例如刺身、壽司、串燒、甜品等等～環境闊落，座位間既空間感比起其他日式放題要大，火鍋材料應有盡有，肉丸既種類都有成十幾款，而蔬菜至菇類都有十幾款，我就量力而為，食到幾多先拎幾多，盡量都唔想晒野～雪糕櫃竟然有我中學至愛既古古力條，我決定點都要食番一條，而另外會有雀巢杯裝雪糕，同一定會食過既豆豆樂，我朋友第一次黎都覺得好新奇，仲主動話去拎野食xd三文魚刺身，口感軟稔肥厚，鮮味十足，脂香味亦好濃厚，啖啖享受～而刺身當中我最中意食既都係三文魚！同朋友揀左一人一鍋黎食，每人各選一個湯底，而我就揀左咖哩湯底，聞上去幾清香唔會話太濃，而放一啲蔬菜落去煮個味道會有少少香甜，而且個湯底本身既味道都唔算太濃，和牛同豬肉放落去食會有淡淡既咖哩味。海鮮拼盤，只需每人加多$50，火鍋就可以食埋海鮮，又可以任食任嗌當然要加！我地嗌左蜆、海蝦、魷魚等等，件件都好新鮮又快熟，海蝦肉質彈牙，味道頗鮮，而且有竹籤吉住令剝殼時都好方便，魷魚煙韌Q彈，需要點醬調味，而蜆肉都幾大粒，食落幾鮮嫩。生蠔，同朋友都中意食生蠔，所以都嗌左幾多隻，生蠔好夠鮮味，而且幫我地去晒殼，仲加左蟹籽做調味，食落酸而唔腥，食完好開胃仲想黎多幾隻！大蔥燒雞肉，雞肉有少少焦香，雞串食落滋味再加上大蔥可以減輕油膩感！燒腩肉，腩肉軟稔香口，烤至微焦既脂肪，咬落油脂四溢，非常惹味！火鍋就緊係唔少得炸嚮鈴同金菇，嚮鈴一浸即變軟，溶入湯底既味道，食落係清新既咖哩味而金菇就係穩陣之選，食完肉，點都要食番咁上下蔬菜～水信玄餅，我最中意食既水信玄餅！有幾種花味可以揀，櫻花味好香甜，水信玄餅口感較啫喱，而花味亦好出好好味～比人一種感覺係食極都唔肥既吸睛甜品XD…查看更多

旺角食肆林立，但質素參差，特別係放題，聽朋友介紹瓊華有間日式放題應有盡有，由涮涮鍋到甜品質素不錯，兼且裝修環境也新淨，在油麻地返工的我佔盡地利，放工同友人齊齊食好野！ 時間為六時多，仲未踏入黃金時間可以唔洗同人爭。店內以淺啡及黑做主調，用上不倒翁做裝飾，食物bar配以spot light，落望非常醒神 火鍋及前菜區-前菜有沙律、凍豆腐等。旁邊有不同的醬料以供選擇，大愛胡麻醬沾肉！火鍋材料區選擇多元化，有各種丸類（包括我最愛芝心丸仲有好得意既熊仔日式魚蛋）；娃娃菜、生菜、冬瓜，粟米等數類菜類及菇類；烏冬、公仔麵、拉麵等。飲品都相當多選擇，除左熱綠茶及水蜜桃/檸檬柑吉沙冰外，雪櫃內獨立包裝的飲品都可以任飲，連忌廉溝鮮奶都有 我地今次試試$298的涮涮鍋套餐，湯底揀左蕃茄及豬骨骨膠原湯底，蕃茄湯底味幾香濃圖中為中級肥牛以及黑毛豬。肥牛脂肪同肉層層分明，牛味夠晒重亦都唔會韌，不錯。黑毛豬肉質軟稔，肉味似乎比牛更濃郁，也沒有豬的羶味我地仲追加左海鮮盛宴$50 刺身有帶子、牡丹蝦及生蠔。生蠔肥美配上微酸的醬汁，入口有陣陣海水鹹鮮味，一點都唔腥。帶子新鮮、牡丹蝦大隻爽口。海鮮拼盤都十分豐富，有鯛魚、蠔、蝦、蜆及帆立貝 轉戰熟食-有串燒/天婦羅corner- 個人好欣賞燒雞翼同埋燒豬腩肉。雞翼香脆而不乾，燒豬腩肉脂肪與肉相隔唔會過鹹，入口鬆化，兩者都有獨特的鹹味，有點似淮鹽呢！天婦羅也不錯，好多都係即炸我即夾，炸漿夠薄脆 黎到甜品-細細件都相當精緻，最好食係朱古力opera！朱古力香濃而不會太甜，一件一啖岩岩好。另外桂花凍都非常吸引，貌似水玄信餅但以桂花代替櫻花，外表晶凝剔透，果凍本身好挺身，滲有陣陣桂花香，清甜解渴！其實仲有雀巢雪糕同雪糕，但真係好飽食唔落了！加埋一一個人唔洗五百蚊，食物種類選擇夠多而質素也不錯，值得一試！…查看更多