正宗水上人氣鍋專門店 (已結業)

正宗水上人氣鍋專門店是一間蒸氣石鍋店，樓高兩層，店內裝潢平實無花巧。餐廳以「水上人」定名，海鮮固然是重點美食。在地下樓層擺放了一個大魚缸，活養了各式游水海鮮，供大家親挑細味。 因被安排安坐一樓雅座，頓時少了親挑海鮮的衝勁。與友共聚，還是專注閒話家常，佳餚選擇隨意，每人一客「殿堂級」套餐省卻麻煩。 一如其他蒸氣石鍋，最先煮製美味的粥底。店員先將珍珠米置於鍋中，再把南瓜及豬筒骨一拼放下。隨著蒸氣滾滾噴出，海鮮精華源源滴下，一鍋鮮甜的粥底將於飯餐尾段煮成。或許珍珠米的份量稍稍不足，粥底的質感略為稀薄，可留意一下。 這份「殿堂級」餐單，內含六款海鮮，以貝類為主，並有「雙龍」相伴。 芒蜆與海沙白是「沙煲兄弟」，芒蜆略帶海水鹹香味道，並隱透出貝類海產的鮮甜。海沙白體型較大隻，本應帶來更好享受，只可惜個別沙白未有完成吐沙程序，大量海沙滯留在沙白當中，平白浪費了部份海鮮。 黑松露蒸元貝開邊蒸製，面上加入少量黑松露醬提味。元貝雖然不及沙白甜美，但因肉量豐富，亦沒有積沙的問題，出來效果更好。以黑松露醬配帶子在坊間不算少見，兩者味道確實配合。 美國生蠔一向以巨大體型取勝，個別生蠔更厚肉如一隻小雞蛋。被蒸煮至剛熟的生蠔，口感水潤幼嫩，蠔味鮮香。唯一需留意的地方，就是選材的大小差距，反差太大不太理想。 南非龍蝦本在餐單之列，但因缺貨關係最後以波士頓龍蝦取代。雖然如此，出品沒有令人失望，龍蝦肉質彈爽，加上少量甘香的蝦羔，成功帶來滿意的效果。沙巴龍躉肉厚味濃，蒸煮後又不會輕易散開，是很好的蒸氣鍋食材。骨翅部位一如預期特別嫩滑，是值得細味的部份。 手打墨魚丸是飯餐中唯一的雜項生料，吃得到彈牙的口感，但墨魚味道不算太濃。任選時蔬有三四款可選，菜心一向是不俗的選擇。長長的菜心色澤呈勻稱的深綠色，味道清甜。假若能與甜梅菜相伴，必然更吸引。 來到飯局尾聲，店員送上一小碟西瓜及椰汁糕作結。短短兩小時的飯局，大家言談甚歡，「殿堂級」餐單的份量亦足夠大快朵頤，讚！ …查看更多

中菜永遠是我的首選，傳統的帶點新潮亦有細中菜永遠是我的首選，傳統的帶點新潮亦有細膩度。聞說此店的蒸氣火鍋略有名氣，今晚決定與朋友到前來品嚐過中的鮮味。我已經不是第一次吃蒸氣火鍋，所以略知一二。正宗水上人氣鍋專門店位置相當方便，在朗豪坊的斜對面。踏進專門店，有兩層之分裝修以竹作為主題。大大的魚缸旁掛上兩塊大黑板，明碼實價童叟無欺。親眼目睹海鮮的新鮮程度。我們被安排二樓的位置，直上期間已經被詩人王之渙對聯吸引著。【白日依山盡， 黃河入海流】【欲窮千里目， 更上一層樓】那麼詩意的字句，可見老闆對中國的詩詞有點認識。中國的傳統文化，真心愈來愈少見。我們被安排到圓桌位置，桌與桌之間比較寬闊不會過份擠迫。牆身的特色講解蒸氣火鍋的好處，不上火、不燒糊、營養好。對胃刺激少並老少皆宜。蒸氣的好處頗多，真的教我如何不喜歡它呢？餐牌上蒸氣鍋海鮮表列明所有海鮮及食物收費，不同貝殼類、蝦類、魚類款式甚多應有盡有。除了散叫食物還有套餐優惠，每位由$398-$598不等。從未試過此店的蒸氣火鍋，決定以每位$398 A餐開始。每張桌子上都擺上了一個小草帽的樣子並且旁邊送上一碟花生。桌上有計時器速度是自己控制，不會快蒸過龍。蒸氣的食物鮮味無比，但餐廳都設有醬油來豐富味道層次感；加上醬料種類繁多價錢亦不菲，真的沒理由不試吧！首先店員將南瓜豬筒骨粥的材料放進鍋底，吸收海鮮的精華弄出美味的粥底。南瓜或豬筒骨的份量不算多，等候吃過海鮮後便知道粥底的美味之處。波士頓龍蝦原隻波士龍蝦確是今晚的主角，$398有龍蝦食真的不得了。無論蝦身、蝦鉗全部被拆完肉，進食相當方便。輕輕一拉開，肉質爽口又彈牙，鮮味無比。如果蘸少許醬油更可提鮮。珠江奄仔蟹從沒想過細小奄仔蟹會如此出色，蒸完過後肉鮮膏香，完全有吃黃油蟹的感覺。油蟹的膏身溜出，令人又愛又恨。每人半隻剛剛好，少食多滋味系列!象拔蚌仔估不到只需半分鐘就食，蚌仔切成細條入口爽身；貌相有點像刺身似的。鮮味不足，不需要加任何醬料已恰到好處。貴妃蚌細小的貴妃蚌內含金菇碎，增添無限口感。入口有少許白酒味道，不過經過蒸發後已經沒有那麼強烈。胭脂蚌什麼叫胭脂蚌？真心不解它的由來，單看外表猶如蜆一樣沒有太大分別！經過蒸過後卻發現內𥚃呈現尖尖一角的粉紅色，肉質清甜而帶有鮮味。怪味禾豚肉每片豚肉放進蒸籠下，頂層每塊添加了少許秘製醬料;肉類稍微要蒸耐多一點。肉質蒸得恰到好處，味道添加了少許沙茶醬更為惹味。娃娃菜套餐會包所有蔬菜，任君選擇。蔬菜需要只可選一款，決定選娃娃菜無論味道都帶有鮮甜而美味。醬皇稻庭烏冬平時食烏冬食得多，但醬皇蒸稻庭烏冬也要第一次。烏冬滑溜無比，醬皇的汁鎖住水份，不會帶濕的感覺。馬拉糕一大驚喜莫過於馬拉糕，原個竹籠放在蒸籠下只需幾分鐘。已熟透蒸至恰到好處，沒有水珠表層；而且仍保持平滑並沒有腍身。味道不甜極為鬆軟，細心地已切開，叉子一下便可。南瓜豬筒骨粥當所有蒸氣食材都食完後，精華處女都落在足底內。整個粥底不只是滾完便罷了，旁邊更有蔥花、榨菜及芫荽可增添無限口感。第一口已經覺綿綿而帶有鮮味，好食到需要再添多一碗。飯後果有西瓜不足為期，夏日炎炎多一份西瓜可以消暑亦可以解涼意。整體來說，確實鮮味到不行了。不過茶芥、醬料及加一收費，已經接近$475那麼高昂。如果調低少許收費會比較好。…查看更多

呢排越出席得多飯局，越多機會食到蒸氣海鮮，所以對蒸氣海鮮既要求都提高左。今晚朋友約食正宗水上人，滿心期待，因為質素應該有番咁上下，要對得住個名！水上人地理位置極佳，旺角朗豪坊附近，集合同散band話咁易。砵蘭街兩邊好多食肆，而水上人既門面都幾夠氣勢。室內環境寬敞，分上下兩層，大伙兒齊齊蒸無難道。同時亦都唔少得水上人必有既魚缸，又大又多海鮮。每張枱都有一個好似好稻草帽既物體，其實係蒸鍋既蓋，再加埋自動化既計時操控，蒸氣海鮮 - so easy。餐牌海鮮應有盡有，又有其他"蒸得"既食物，蒸菜，烏冬，糕點等等。落完單，先混個醬。雖然呢度食蒸氣海鮮，但係都有個混醬區比食客自由混醬，而且配料勁多。象拔蚌仔平時食開長身大條，所以見到咁滴骰既象拔蚌都覺得幾得意。蒸熟之後略帶黃色，象拔蚌食落爽口，但味道略清。胭脂蚌比蜆既體積略大，更肥美多肉。特別既係肉身會見到有少少紅色，可能因為咁，所以叫胭脂蚌。波士頓龍蝦未蒸之前仍然十分生猛，即使已經切成數份，依然見到佢郁動，證明仲係新鮮。食既時候用叉叉起龍蝦肉，肉身有"彈"既感覺，食落爽口。珠江奄仔蟹蟹唔算大隻，但見到黃色既羔，我知道要將重點由蟹既大細，放番落羔度。蒸完之後既蟹羔，依然滑溜，入口舒服。蟹羔雖然未至於海量，但我已經好滿足。怪味禾豚肉賣相都幾似和牛，面頭有類似沙爹醬既野。入口豚肉腍口，雖然叫怪味，但味道完全唔怪。疑似沙爹醬味道突出。馬拉糕見到蒸氣海鮮有呢個item都幾得意，於是試下。雖然同酒樓一樣都係蒸，但今次就係客人面前蒸足全程。但以蒸海鮮為主計，呢度馬拉糕好有驚喜。因為佢夠鬆軟，味道唔錯，個人認為比一般酒樓食開還要好。南瓜豬筒骨粥壓軸食既係南瓜豬筒骨粥。之前蒸既咁多樣野既精華都落到粥裡面，再加上個多小時，粥已經煮到綿身，而且非常鮮味。唯一美中不足既係粥未夠杰身。同之前食過既其他蒸氣海鮮比，呢道的確更加出色，食材更新鮮。而且食既過程中，店員經常斟茶換碟，服務值得一讚。正宗水上人呢個名果然無改錯。…查看更多

事隔數月, 再一嚐蒸氣鍋既鮮味今次黎到呢間氣鍋專門店, 入內座位坐得舒服, 而且樓上仲有一層, 完全唔會覺得迫!Menu有3個set可以揀, 適合唔想諗野既人! 比較完之後都係決定散嗌, 可以試多幾款野食!叫完野食就可以出去自選醬汁配料, 仲有XO醬揀!*一拎起餐牌, 女侍應即刻提醒like, share & check in 佢地個FB PAGE就有其中一款野食送!我地揀左黃金汁聖子皇, 新鮮爽口, 加上自制醬汁, 正!!!個人比較鍾意貝類海鮮, 所以嗌左花甲同鑽石蜆, 同樣鮮甜多汁!主角波士頓龍蝦, 勁多膏, 而且肉質蒸到岩岩好, 非常爽口! *必食推介*雪花和牛粒, 份量都唔少, 而且好有牛味, 蒸完唔會過韌，值得一試!半份蟲草花蒸鮮雞, 份量都夠4個人食, 鮮雞配上蟲草花, 非常惹味, 肉質亦好嫩滑!淨係食海鮮唔夠飽?臘香鮑魚糯米飯絕對係飽肚之選!鮑魚粒配上膶腸同臘腸, 再加上自調既XO醬豉油,糯米飯入味又惹味!少見既冰菜本身比較爽口, 再配上欖菜肉崧, 確實生色不少!黎食蒸氣鍋例牌必嗌既粥, 吸收晒海鮮既精華, 充滿鮮味!埋單後, 服侍周到既女侍應再捧上一碟西瓜作結。…查看更多

近年大行其道嘅蒸氣鍋，小弟唔算食得多，皆因食蒸氣鍋以品嚐食物嘅鮮味為主，所以，一間店食材嘅優劣就成為成敗關鍵。早前同食友飯聚，就聽佢猛讚依一間「水上人」，仲標以正宗，今晚就嚟到一探究竟喺咪好似食友所講咁正 。門口仲架起名廚「周中推介」，不過，好搞笑，佢推介唔喺有咩正嘢食，而喺唔同嘅優惠時段，果然鬼馬！踏進餐廳，一室裝修以竹作為主題，雅致不庸俗，加上樓底高，枱櫈安排唔太逼，所以，感覺闊落舒服。尤其4人卡位，絕對無逼逼夾夾嘅感覺，枱嘅長闊都比一般大 :) 。正如上文所講，食材嘅質素好重要，當睇到偌大嘅魚缸，放滿唔同種類、生生猛猛嘅海鮮，會唔會令你信心大增呢？此外，魚缸旁掛上兩塊大黑板，正正就喺是日時令揀手海鮮，明碼實價，童叟無欺。食海鮮，比起散點，叫套餐就易圍數。嚟之前都睇過人家嘅食評做參考，所以，心裡有數。餐牌一面喺散點食材，另一面就喺唔同級別嘅套餐（全部兩位起），我哋就揀個中價位（$398 / 位）嘅B餐 。影埋個酒水牌，俾大家有個參考。不過，一如好多中菜館，既收花生（每碟$10），又收茶介醬油（每位$28），仲有加一服務費依等傳統巧取嘅收費。老實講，花生都算喇，但茶介醬油就自覺有啲多餘，嚟得食蒸鍋都會叫嘢飲，再者，蒸海鮮以嚐原味為主，唔應該太倚賴太多醬油提鮮，所以，我俾嘅醬油費真喺白蝕俾佢呀。坐定定等食，因為，近乎每蒸一樣食材，都有店員幫忙。不過，食過蒸鍋嘅朋友都知，例牌附送粥底，所以，最先送嚟嘅喺做粥底嘅白米同雞件。 胭脂蚌 每人有3隻，大細不一，我等外行人，睇外觀跟平常嘅蜆隻無咩分別，但蒸熟之後，你就明白何解叫「胭脂」喇。感覺有啲似北寄貝，尖尖一角帶粉紅。先試一隻乜都唔好點，肉質爽口清甜，最緊要半粒沙都無。之後再試一隻沾丁點豉油，鮮味更能突顯。 白汁貴妃蚌 我估師傅都喺想俾客人有啲新意，唔好樣樣都咁寡，所以，墊啲金菇碎之餘，仲搞啲創意鋪上白汁。還好個白汁唔算太濃，無搶走蚌本身嘅鮮味，但點都影響咗少少，倒不少簡簡單單加少少白酒落去，做成一道白酒蒸貴妃蚌，唔知效果會唔會仲好啲。 象拔蚌仔 店員話食依個象拔蚌仔唔使蒸好耐，嘩！真咪睇住佢冚番頂「草帽」，轉頭就話食得，蒸得嗰半分鐘左右。蚌仔已切成細條，個樣好似未熟咁款，真喺信個店員話OK就OK，入口有種好似食緊刺身嘅感覺，清新爽甜，又幾好喎。 奄仔蟹 奄仔蟹雖然細細隻，但勝在肉鮮膏香，稱之爆膏都不為過，當然，每人得半隻確喺唔夠喉啦，但高膽固醇嘅嘢少食多滋味嘛！ 波士頓龍蝦 是晚海鮮嘅亮點卒之登場，聽講近年波士頓龍蝦因產量豐而價位抵食咗，所以，比往常隨處都有佢蹤影。將蝦身、蝦鉗一次過拆完肉先食，份外過癮，尤其隻鉗，拆咗真喺大大嚿蝦肉。肉質確喺爽口彈牙，鮮甜無比，同樣，沾丁點豉油，已足夠提鮮，不得不讚啲料夠新鮮。 雪花和牛 食咗幾道海鮮食材，輪到紅肉登場，咪以為蒸和牛喺咩新奇事，早兩年已經曾晌西環嘅季和日本料理試過和牛蒸籠料理，仲喺飛驒和牛。今趟嘅蒸和牛，睇落質素不俗，單睇啲雪花紋，真喺分布得頗平均而細密，非常對辦，每位客人有二兩，裁出嚟人人有兩大片。原籠放入爐內蒸大概5分鐘左右，成品跟普通牛肉無異，但入口軟腍富油香，綿綿油潤，就算未喺入口即化，都可以講喺嫩滑無渣。 怪味禾豚肉 明明唔見套餐有包，問個究竟，原來喺推廣「加餸」，一籠有8塊，每塊都加上一抹秘醬，少少意外驚喜。豚肉需要蒸耐少少，不過，都好快有得食。將豚肉捲起一啖放入口，肉質蒸得啱啱好，挺鬆軟，一股「怪味」有啲似沙茶醬，再問店員原本來喺一啲帶新疆風味嘅醬料，又真喺幾得意。 金蒜蒸勝瓜 套裝所包嘅蔬菜就只有勝瓜，是種不過不失嘅取材。整個餐只得一款蔬菜，略嫌單調，但最大問題喺勝瓜唔喺人人都啱食，如果有多一兩款蔬菜俾客人揀，就人性化好多。 霸王西施粥 所有「蒸氣」食材都食完晒，就喺輪到食粥時，佢哋啲精華落晒入粥，再加入雞件，個粥唔鮮甜都幾咁難。原來個粥都唔喺就咁滾完就算，按個人喜好後加蔥花、榨菜及芫茜，增添香氣，但最欣賞喺再混入一碗炸米花，立時個粥綿滑得嚟，又有份脆脆口感，好食到飽上頸都要食多一碗。 西瓜如一般中菜館咁，以西瓜作為飯後果（成本平吖嘛），無咩特別，只算為點點心意，當然，食完咁多熱嘢，片片西瓜可以帶嚟陣陣涼意。整體而言，食得出用料新鮮，份量亦啱啱好，不過，始終一如好多中菜館嘅漏習咁，收費多多，好似$398嘅套餐，只喺加多罐汽水，埋單每人要近成$500，可是，依個做法相信都無乜中菜館會願意打破（註：稻香系嘅酒家好多都唔收依等雜費，但一段時間無幫襯，唔知仲喺唔喺咁）！…查看更多

每當當時興起什麼美食，這類型食肆便會開到成巷成市！之前，跟朋友們嚐過蒸氣火鍋，已有不少分店的潮福、比前者更勝一籌的金豪！最近，聽聞無線藝人也開設了一間蒸氣火鍋店 <正宗水上人氣鍋專門店>，一於我們一行 4人來嚐嚐其質素！店子佔地兩層，可行樓梯或搭 Lift 上落！相當週到！每張桌子旁邊，均放有一個木茶几，以便放上送來的食物！認真貼心！另有多種配料及醬料任君選擇！紐西蘭鑽石蜆 $68飽滿鮮甜有嚼勁！波士頓龍蝦 $228/ 隻火候恰到好處！鮮甜爽口彈牙，大家也食得滋味無窮！黑松露大元貝 $48/隻想像得到，黑松露可提升元貝的鮮美， 卻是黑松露的味道帶酸，有點怪怪的， 幸好對本身鮮甜的元貝影響不大！蟶子皇 $48/ 隻除了以粉絲墊底之外，另加上橙黃色的醬汁，這是用上黃椒及洋蔥混合而成， 入口帶微辣又惹味！的確為味蕾帶來刺激及驚喜！美國珍寶石蠔 $48/隻蠔身巨型，對比旁邊的手機略知一二！入口嫩滑鮮美，甘甜多汁！放上薑片及蔥，還多了一份清香！ 一大隻蠔，食得一口滿足！黯然銷魂魚 $198這是招牌菜之一， 以沙巴魚灑上薰衣草蒸製！等候蒸製的時候，薰衣草的香氣由草帽蒸蓋散發出陣陣的幽香！令人很 relax!  未嚐先帶來嗅覺的享受！沙巴魚魚肉鮮滑，加上薰衣草的配合之下，增添一種迷人的香氣！ 但未至於令人銷魂！哈哈！ 個人覺得口味特別而已！手打四寶丸 $128/ 12粒我們四人，每人分3粒！我不食牛肉，嚐了牛丸之外三款！墨丸爽彈鮮美，加上一點黑松露，賣相黑白分明之餘，味道上亦更上一層樓！蝦丸口感帶爽！:)豬肉丸味道較淡，:( 些小彈牙，這款是三款之中較遜色的一款！法式電油餅 $98起初，聽到這名稱，令我想到蔥油餅，印度薄餅之類…！ 沒想到是蒸肉餅，原來是黑松露蒸肉餅，好在我們先問店員這是什麼？！否則，都不會亂點！店方的蒸肉餅近乎在家嚐到的口感與味道，即是真材實料！ 加上些小黑松露，的確把口味提升，而且味道上也精彩起來！夾雜清爽的馬蹄碎，食得份外驚喜！富鮮味與肉汁，教人回味！這裡的食材選料新鮮，加上有些配以不同的醬汁，為食客帶來新鮮感，絕對不遜色於另一間多分店的蒸氣火鍋店！…查看更多

食海鮮本來不是甚麼新鮮事，但搭上近年流行的蒸氣鍋，便有一些新意思，一切又還原基本步，無須加工，大家只吃原味。隨著熱潮，氣鍋店開了一家又一家，新意又被打了折扣，不加工的原則上起了少許變化，依然不炒不煎不炸，但松露、特色醬汁、怎至是花花草草又被加了上去，這晚夜，我們來到這家名叫＂正宗水上人氣鍋專門店＂的店子，吃了一頓＂蒸＂品海鮮，嚐了一些新口味。位於旺角地舖，位置絕對不難找，＂水上人＂的標誌設計波浪型，配合形象，店子共有三層，貴賓房在樓上。門外貼上以周中為食照作背景的海報，吸引路人留意優惠，原來不同時段入座有七及八折優惠，就是繁忙時段亦會送龍蝦刺身；優惠不止，只要在面書說讚，即送象拔蚌刺身。甫進店，裝潢現代，天花牆上的竹及木，配襯著每枱桌上的草帽，設計協調。海鮮魚缸內品種衆多，自稱為水上人，據說店主在沿海長大，靠海食海，選材必有一手。價錢明碼實價，預算容易，大家可以吃得安心。有卡位及雲石圓桌選擇。附設多款特色調味料；就是湖南辣醬丶泰式雞醬及蝦醬亦提供，各式各樣，務求迎合不同客人要求。我們坐在一樓，牆壁上寫上有趣語句，涮蒸燜煮，無油煙丶最健康丶更純正，增強食客大吃大喝亦無礙之信心，真想得到。如一般氣鍋店，桌子中央設置蒸鍋，一大個草帽蓋頂沒有可能走眼，時間按製容易操作，看字體，應該是中國生產的。據說，蒸氣鍋源自內地發明，原理是枱下設置大支蒸餾水，透過特定蒸氣爐，蒸氣由鍋底噴射出來，竹織成的鍋蓋，好處除了保溫外最重要是沒有倒汗水。蒸鍋的另成功之處在鍋底可以煲粥，中國人以米飯為主食，無米之炊怎成局！蒸海鮮之精華流進粥底內，滋味可以想像，而且只靠蒸家煲粥，絕對不會黐底，真是中國人的現代偉大發明！如果懶得走到魚池旁點菜，桌上亦有餐牌，不少海鮮價錢每份計，非常公道。霸王西施粥 估計霸王的意思是霸王雞，因為粥底的主要材料只有雞件，後來煮好後會加上大量薑蔥，$88/細份，有一大碗米，見一只雞腳疑似半份雞。跳去講講製成品，全程大概煲了兩小時，粥底非常棉滑幼細，鮮甜味香，有6小碗份量，食埋就堪稱大滿足了。象拔蚌刺身 別無他選，加拿大的象拔蚌平常丶靚丶正，幸好加拿大本土人不懂欣賞，相信出口到香港的貨量不少。刺身切至薄片，爽脆鮮甜，不同部位顯出不一樣的顏色，近膽位置的沾了一些黃，遠離的半透白滑，黃色的膽亦好吃，質感棉爽，店家備以日本芥末及鼓油可醮，但芥末只是支裝貨，辛辣不足，稍久韻味。鑽石蜆來自新西蘭的鑽石蜆，可是近來石鍋店的新竉，我在他店亦嚐過多次，相比其他的蜆，肉更厚更彈牙，而且圓渾肥大丶帶些橙黃色的外表，真是似鑽石，現在已是我必點的項目。黃金汁紐西蘭蟶子皇蒜蓉粉絲底是平常的做法，特色在黃金汁，未煮之前，鮮黄色杰身似芝士，蒸熟後半溶更似，但入口完全不是那回事，水溶不黏稠外更透出辣椒之辛辣，原來是店方自配，黃波椒跟洋蔥混合而成的醬，丁點兒的辣，沒有蓋過蟶子之鮮，紐西蘭蟶子皇不及蘇格蘭的大只，但配合此煮法，喜見新意。黯然銷魂魚 至潮食法，沙巴魚本屬普通，特別之處在加進薰衣草同蒸，果然，蒸魚期間，薰衣草香氣撲鼻，清香怡人，頓時減壓，今晚可睡得好了。食味方面不及香味，沙巴魚肉算滑，骨不多，但魚皮有些嚡，亦無魚味。波士頓龍蝦 本來意向澳洲龍蝦，但良材有價，$58/両，我們人數不多，分享太奢侈，只好退而求其次，幸好這只波士頓龍蝦比相像中大只，肉質爽彈細密，香甜就是有所不及，亦吃得過，蝦頭蝦腳亦有肉。法式電油餅黑松露醬混合豬肉餅內，並加進馬蹄粒，效果非常好，松露香氣出，爽脆馬蹄成功增添口感，肉餅棉滑，調味不濃更恰當，突出材料之特質，值得一試。金銀滿屋金瓜丶紫薯丶粟米的配合，顏色鮮豔有對比，大家皆是甜味的菜果，但質感各有不同，口感有變化，健康素菜，竟然不用添加任何調味料已經好吃。剛好說過，最後一碗鮮甜的熱粥，沒有可能不滿足！環境寛敞，服務有效率，新鮮潮吃有新意，但無助提升食味，整體尚算可以，一個愉快的周四晚，已準備好迎接快要來臨的周末。…查看更多

蒸氣海鮮對我來說不是新鮮事，但媽媽卻是第一次試。母親節嘛，媽媽比平日更有 bargaining power，她說吃什麼都要奉陪。自從教懂了她用 whatsapp，可以足不出戶的她多了個資訊渠道，某師奶某天見到些什麼優惠、孩兒們帶她到哪裡威，媽都知道。望梅不能止渴，況且難得媽有指定的店要試，值得去馬。女人很煩（包括我自己），就算不好吃，只要是她提議的，都不會抱怨，不會為2016年的母親節蒙上污點嘛。要碎碎念，可以維持一年之久，要「贖罪」也只好等下年…因為母親節，這餐廳也像酒家般推出一席和半席的套餐，但我們仨就連半席都成不了，幸好還可以單點。與其到酒家被迫吃套餐和被催還枱，到這裡吃多少叫多少還不賴。從店方的facebook 專頁得知，非節日是有兩位起的ABC餐，分別是$298、$398和$498的價位。我們這餐每人消費$400，吃得飽飽的，在平日的套餐價之內，但基於是做節日子，我覺得算是賺了，至少是坐得久不用被趕。座無虛席，哪裡的服務在大時大節都會打個折扣，有時少不免要自己揭蓋。這店是意想不到的大，連地下共有三層，最高的二樓是設有VIP 房。位於旺角頗中心的地帶，只是雅蘭對落的第二條街，位置不難找。雖然這條街有點雜，安全是不成問題的。看到了媽媽在手機裡給我看的相片中出現過的優惠圖片，按個讚送什麼什麼的。對精明的媽媽輩，看到圖片中的刺身是免費，就像看到酒家一蚊一隻雞那類推廣，不期然心動。這心態我明白的，未曾是師奶的我還是會有這師奶心態…我吃過潮福和金豪的蒸氣海鮮，以環境來說，這店是贏開巷的。絕高的樓底，光猛卻溫暖的燈光，格局脫離傳統酒家的俗套色彩，淺木牆和竹子配以垂燈，有點cafe 的影子吧？卡位和圓枱都有，頗為闊落。地下角落的魚缸把你拉回現實，對，這還是一家海鮮中餐廳。早已訂座，職員帶我們上一樓。有電梯，老人家進出都沒問題，樓梯都是整潔的，衛生不俗。一樓雖然樓底沒地下的高，仍維持著一定的空間感，幾乎每張枱都有人，但不會令空間變得氤氳瀰漫。畢竟是蒸食物而不是燒烤，沒有油煙的問題要搞定。三人這個四人坐都焯焯有餘的卡位，位置大得很，正期待著食物放滿桌的澎湃情景。再放不下，也會安排小櫃放在桌旁，擔心的是吃不下好了。這頂表面是籐的「草帽」鍋蓋相信並不是新事物，除了韓式的蒸氣海鮮鍋外，其餘的都是奉行這個樣式。相比疊得高高的那種海鮮鍋，這個是蒸什麼吃什麼，吃得慢就慢慢的把食材放進去。速度是自己控制，快慢由人，不用怕海鮮過熟而虎嚥。這單點餐牌救了我的荷包 - 餐牌的設計和其他的蒸氣海鮮店出入不大，簡直像個雙生兒…（但我不知老闆是誰）。除了海鮮項目，還有丸類、蔬菜、小食和刺身。大部分海鮮都是每兩計，我不懂分辨值不值，不過媽說不便宜嚕。有小部分是每隻計，例如下圖的阿拉斯加蟹和我所點的波士頓龍蝦。既然會送刺身拼盤，無需要點重複的，那就加3隻牡丹蝦刺身好了。蒸海鮮當然是吃鮮味，蘸一下醬油來豐富味道層次，也未嘗不可。加上茶芥醬油$38/位，沒理由不混個醬。 南瓜排骨珍珠米粥(細) $88家裡可以蒸海鮮，但一定弄不成這個吸收海鮮精華的粥底，沒有這套器具就不成事。職員說一份細的粥已經夠，但端來的只是一碗米、南瓜和排骨。看似很少，但到最後每人都吃上了兩至三碗。這客細粥真的夠2-4人吃。未蒸任何食材前，職員先把粥底材料放進底部的鍋裡，隨即在上面放上蒸隔，就可以起動了。 象拔蚌、刺身拼盤 (Like Facebook page 送) + 牡丹蝦 $78/隻只是彈指一動的氣力，卻換來這個像放題店內起勢叫刺身的拼盤。雖然$78/隻的牡丹蝦實在有點小，把$78 x 3 的價錢算進整個刺身盤上，還可以接受吧。牡丹蝦雖小，但其甘甜、富膠質感的肉質絕不欺場。蝦頭內的蝦膏相當香濃，媽說倒不如把蝦頭放進粥底裡，別浪費。拼盤內有象拔蚌、三文魚、八爪魚、希靈魚等刺身，全都十分新鮮。象拔蚌刺身實在不俗，爽脆滑嫩，原來單點每份要$388，送的份量都不算少，收貨有餘。 雪花和牛（細） $188和牛甚少吃蒸的，多是燒烤或是刺身。識食的一定是選較肥美的和牛，貪其豐腴且獨特的脂香。這客叫「雪花」和牛，其實不太「雪花」，脂肪紋理不算細密，未見有大理石花纹的模樣。誰知媽道出一句「幾好喎唔係好肥」，她收貨就好，我只是怕不太肥的和牛不夠香。這客細和牛有十塊，夠3-4人吃。餐牌上寫著蒸一分鐘便行，是餐牌內要求蒸得最快的一項。一分鐘令和牛片95%熟，如果可以80%熟就好了，但我相信餐牌不會寫上以秒來計算的所需時間（因為爐是以分鐘作單位去設定的）。和牛片的厚薄剛好，太薄會很易熟透和沒口感，這個來到剛剛好。蒸熟後，和牛的脂肪紋理更加不明顯；是我過慮，根本不費勁去嚼，沒什麼油脂的情況下仍是滑嫩無渣。肉味不俗，原來吃和牛都可以這樣健康的，犧牲一下脂香的慾望，未賞不是好事。 手打四寶丸12粒 $128排兩行、色彩斑斕（未蒸前）的手打丸狀甚美觀，四款丸每款三粒，我們三人吃就剛剛好。有墨魚丸、鮮蝦丸、豬肉丸、牛肉丸，四拼和單點某款丸的每粒丸價錢差不多，如果吃得完12粒丸，選四寶丸會試到更多，相對更划算。四款手打丸都是質素之作，特別喜歡有黑松露醬在上面的墨魚丸。無論是視覺或是味覺上，都能做到點綴的效果。加上墨魚丸不是粉粉那種假到不行的質感，黑松露醬更為這爽滑彈牙的質感添上一抹惹味的鹹鮮。 金蒜蒸勝瓜 $78到酒家必定會點個蔬菜，那就循例點了個蒸勝瓜。實在沒什麼手藝可言，但蒜粒滿滿的堆在嫩滑的勝瓜上，量多得很，本是平平無奇的勝瓜都變得惹味。特此一提，勝瓜的硬皮都給刨掉了，口感上滑溜非常，算是細心的做法。 波士頓龍蝦 $228龍蝦不算大隻，但上碟時還在動（前提是已經斬件了…），相當新鮮。在酒家常吃到的多數是套餐內的芝士焗波士頓龍蝦，赤裸裸的清蒸實屬少數。龍蝦肉是說不出的鮮甜和彈牙，果然是新鮮貨色，彌補了體型較小的缺憾。甚至不用蘸任何醬料，單獨吃已經鮮味澎湃。肉不難拆，三人來分吃都頗為足夠。吃完所有要蒸的食材，來個澱粉質作結。揭開蒸隔，便是剛才放了粥底食材，加上三隻牡丹蝦頭的南瓜排骨珍珠米粥。呈半透的奶白和淡黃之間，色澤像魚湯；南瓜粒近乎溶化，再沒有著跡的黃色方塊。由於只是吃上了個多小時，未夠時間把米粒煲得透，粥未夠綿滑稠細，又不至清湯寡水，仍能看到不太完整的飯粒。質感上是時間有限帶來的缺失，但無損載著的鮮味。難以言喻的鮮甜，原來蒸海鮮的水和鮮味真的可以留在蒸隔下的粥裡，比喻為「鮮味馬拉松」的話，就是最後逾線的衝刺位。南瓜和排骨或許貢獻過甜味，但相對海鮮的濃郁鮮味，實在及不上，因此呷的粥裡不太嚐到南瓜和排骨的味道了。不知道平時是否都不收切餅費，或是這根本不算是「蛋糕」，因為母親節，買來了Tony Wong 的小糕點，職員著我的叮囑下沒有把這細小的紙袋打側放，因為內裡的糕點完全沒有走樣！$400/人吃蒸氣海鮮算是平均價，足夠令我們仨都捧著肚子走。慶幸在大時大節不用被套餐斬得一頸血，能用平日的價錢吃到新鮮的食材，實在不俗。服務在節日稍遜，是情有可原的，未至於漏單錯單已經不錯，要小妹拿一下鍋蓋，就當是練臂力吧！…查看更多

契妹要去旺角買泰國牌子o既化妝袋，honey聽到又話想跟埋去。兩大美人購物完畢就大叫肚餓，契妹仲話好想一試氣鍋 ，喺網上搜索咗一輪，最終決定幫襯連個名都正宗過人o既「正宗水上人氣鍋專門店」。幾層高o既「水上人」地下裝修得好似一個竹林咁，正門不但有流水，牆上更可見樹幹上有金銀雀鳥作裝飾 。大堂中央擺有多張大圓枱，坐滿一家大細o既客人。近牆則有一列二至四人o既卡位，連個燈罩都為竹造，越望越有特色。竹林一角放滿大大小小o既魚缸，可清澈地睇到不同種類o既海鮮喺藍綠色o既水中游黎游去，生猛又醒神 。晚上七點半鐘左右，店子已八、九成滿座，幸好一樓仲有卡位剩，我地一行四人啱啱好有得坐。食店o既理念全貼於牆上 ，食客喺等待食物蒸煮時可慢慢細閱。可能大家都深受殭屍電視劇所影響，日日睇見女主角都只會諗起「ABC餐論」，四人居然異口同聲地話要食「B餐」 。「B餐」共有八道餸，分別為波士頓龍蝦半隻、奄仔蟹半隻、象拔蚌仔一隻、白汁貴妃蚌一隻、黃金甲三隻、雪花肥牛二兩、金蒜蒸勝瓜四件及霸王西施粥 。眼見於Facebook讚好、分享及打卡有野送喎，我地就立即根據指示去做，好等落單時一次過俾埋哥哥仔睇。 經哥哥仔解釋後，先知原來點餐及散叫o既優惠有所不同，因我地跟餐點讚，所以每位即送兩隻黃北寄貝。茶芥醬油劃一收費，每位$28，當中混醬為自助式。氣鍋第一個步驟就係先喺鍋底撈入粥料 ；我地鍋霸王西施粥包有米同半隻雞。然後蓋上好蒸格後，就由服務生續一蒸煮餸菜。由於每道餸所蒸煮o既時間都唔同，每每計時器一響起，都會由最接近o既伙計處理食物，喺度做樓面真係要好夠警覺性 。 黃金甲：打響頭陣o既黃金甲每隻都含蒜蓉及粉絲，打開蓋頂已夠熱辣辣、香噴噴，入口更覺鮮甜無比，爽脆非常 。 白汁貴妃蚌：貴妃蚌鮮脆甜濃，不過細佬真係冇諗過白汁都可以喺個氣鍋度用黎調味，效果仲要一啲都唔溜，真係好有驚喜。此外，師傅將啲金菇切哂個尾，除咗容易食啲之外，其質感亦脆滑得多 。 象拔蚌仔：象拔蚌仔已預先切成條狀，雖然象拔蚌都好脆口吓，不過食落就好似唔及之前嗰兩味咁鮮同咁香。 波士頓龍蝦：雪白色o既龍蝦厚身得黎爽口又彈牙，新鮮甜美 ，無懈可擊呀！連個鉗位都預先卜好，經honey對巧手一開，你睇，係咪好完美呢？！嘻嘻，食埋落肚就知咩叫嫩滑可口，口甜心又甜 。 奄仔蟹：細細隻o既奄仔蟹肉嫩膏甜，簡單蒸煮最能保持原汁原味， 都暈呀！ 金蒜蒸勝瓜：勝瓜o既蒜味香濃，爽潤惹味中帶點腍滑，極為討好。 雪花肥牛：雪花肥牛上o既雲石紋理清晰，經過一分鐘雖則已熟透，但入口仍能溶於口腔，其肉質幼滑香軟得當真令人欲罷不能 。 霸王西施粥：經過兩小時o既滾煮，霸王西施粥可以話係吸盡蒸物流失o既精髓。打開蒸格，雖只見雞油浮於粥面，不過離遠已聞到強烈o既香氣。哥哥仔撈埋啲炸飯粒滾多兩滾，粥品就可以食用。小肥最愛雞油同雞皮，故絕不會撇起 ，喺面層灑上蔥花、芫茜及生蒜即能帶出其肉香及鮮味，窩心又暖胃。最後再以西瓜作甜品，一解熱氣，直令肥滿o既腸胃舒暢不少。週六晚陪伴兩位靚女於旺角購物，遇上「正宗水上人氣鍋專門店」，終於滿足到契妹想一嚐氣鍋o既欲望，以超值價吃下多款鮮味無窮o既海鮮菜式，仲飲咗唔少啤酒，大家都話下次要帶埋屋企人黎見識，順便拆多餐勁o既 ！…查看更多

朋友約我到便利旺角區的水上人食晚飯,這店主打蒸氣石鍋,正大家都喜愛食原汁原味海鮮.水上人有上下兩層.入進店的門, 就見到新鮮的海鮮.店裝潢非常別緻,地方寬敞.醬料可出外取,自由配搭.見每張台的鍋用草帽做鍋蓋,將蒸氣水份吸收,是避免出現倒汗水呢!* * *首先, 蒸象拔蚌仔這象拔仔入口去,鮮甜無比,帶柔彈牙口感.* * * 白汁貴妃蚌及美國石蠔*白汁貴妃蚌貴妃蚌肉鮮甜,非常彈牙口感,附白汁令口感更滑溜.*美國石蠔美國大石蠔,口感濃郁有海水味重香,非常鮮甜.* * * 波士頓龍蝦波士頓龍蝦全身啖啖肉,有彈牙及甜美爽口滋味,簡直人一試難忘.* * *手打四寶丸四寶丸有豬,牛,蝦及墨魚, 全都粒粒彈牙十足,餡料豐富.* * * 雪花和牛雪花和牛有濃濃牛肉味,入口不韌,非常嫩滑.* * * 最後食南瓜排骨珍珠米粥最後食鍋底排骨粥底,在海鮮的蒸煮過程中,粥底吸盡精華,加上南瓜甜, 而粥好綿綿好鮮甜好味呢！…查看更多

近排成日聽人講"蒸氣石鍋"話點好食,又話同平時打邊爐唔同,可以保持住鮮味. 於是同男友一於去試一試.就算明明訂左位, 但都要企係門口到等成20分鍾. D野食好鮮味!!特別係果個鮑魚,下次再去都會試多次.同埋仍一開始就會落左D米先, 最後你食完曬野佢就已然煮成粥, 好綿好滑!唯一有小小唔慣係全晚都會不停比D氣噴住, (不過D 服務員一見到太大煙就會幫你轉一轉個草帽,都算幾細心,  同埋睇佢地個樣雖然係MK大叔,但好有禮貌)整體係非常滿意尼間…查看更多