CHEF STAGE de Eddy Chu

這間西餐廳位於尖沙咀，主打西餐大棑檔，將傳統法國料理兼融會多國美食特色。店內環境寬敞舒適，換上應節的佈置，窗邊能欣賞到高樓及維港美景。現場亦有歌手表演，氣氛一流，適合約會或多人聚會。焗連殼法國田螺 - $148香脆的威化餅扮成田螺殼，嫩滑彈牙的田螺肉好鮮甜，充滿香草牛油味。忌廉鮑魚冬陰海鮮湯 - $98幼滑的忌廉，加上傳統冬蔭湯的酸辣香料味；原隻鮮鮑魚爽滑彈牙，有著濃郁明顯的鮑魚鮮甜，還有兩隻雪白肉厚的帶子及大量甘甜的蟹肉絲。鮮蟹肉濃湯配生蠔杯 - $138濃稠的蟹湯幼滑細膩，有大量柔嫩多汁的蟹肉絲，南非生蠔豐滿厚嫩，有奶油香氣及淡淡甜味。原條即日鮮魚配酸甜香草汁 - $188是日為多寶魚，油脂含量雖少但風味濃郁，有著豐厚白嫩的魚肉，皮下含豐富的膠原蛋白，柔中帶韌，口感爽滑清香；綿密的紫薯蓉拌上爽脆的羽衣甘藍，還有香甜的粟米。西班牙黑毛豬梅頭肉 - $188三塊香煎黑毛豬啖啖肉，梅頭肉更是最細膩的部位，有大理石般的油花分佈，肥瘦均勻，鬆化而不肥膩，肉質純香而濃厚多汁帶榛子芳香；香甜的鮮菠蘿配上巴西葉，清新又解膩。Tiramisu兩件一口的蛋糕撒滿朱古力粉，幼滑的Mascarpone芝士富奶香，濕潤的手指餅吸滿咖啡味。…查看更多

朋友生日，我作主去了這家法國餐廳，品嚐他們的驚艷菜式。店內可飽覽維港夜景，又有歌手彈結他伴唱，氣氛十分輕鬆浪漫。松露煮日本年糕口感煙糯的年糕，吸收了清香松露味道和香滑忌廉，令人一口接一口不停地吃。黑松露蘑菇湯湯裡有好多粒粒蘑菇和黑松露，兩者菇菌類完美融合，十分好味。忌廉鮑魚冬陰海鮮湯用冬陰功作湯底加入忌廉，酸甜辣適中，湯裡面還有新鮮大蝦、帶子和鮑魚，鮮味溶入在湯內，讓人胃口被完美地喚醒。砵酒燴紐西蘭羊膝羊膝烹煮得好腍，沒有羊騷味，再用砵酒燴煮，入味又可口。西班牙黑毛豬梅頭肉，這道菜肉質紮實，有咬口，肉香十足，而且配菜有羽衣甘藍和芋頭蓉，讓人感到非常滿足。接下來是心太軟配雪糕，朱古力蛋糕內有濃滑朱古力漿，配上雲呢拿雪糕更是讓人回味無窮。紅桑子蛋糕，食店知道朋友生日，免費送贈一件有寫字的生日切餅。蛋糕濕潤，甜度適中帶微酸，讓人感到非常愉悅。餐廳的菜式非常出色，每道菜都讓人感到十分滿足，我強烈推薦這家餐廳給我的朋友和家人。 …查看更多

朋友生日當然要搵間有靚景，食物高質嘅餐廳🍴慶祝下。今次我揀左呢間餐廳，見網上評價極高😍果然無揀錯‼️餐廳位於19樓，一入門口，見到變色燈光招牌好搶眼🤩餐廳裝修簡約舒適，燈光比較柔和，好有氣氛。➺忌廉鮑魚冬陰海鮮湯 $98好足料🤩原隻大鮑魚,帶子,蝦,蟹肉…香濃嘅冬陰功味同忌廉湯嘅甜，入口帶點微辣，酸酸甜甜，非常開胃惹味‼️➺ 黑松露蘑菇湯 $68口感軟滑，大小不同的蘑菇粒，增加咀嚼口感，🍄蘑菇味濃郁‼️➺ 松露煮日本年糕 $98~松露醬汁芬香撲鼻，上枱時已經聞到好濃郁嘅松露味，年糕煙煙韌韌，好彈牙！➺ 慢燒美國牛肉眼 300克(4成熟) $338~用慢煮嘅方式，熟度剛剛好👍🏻 櫻桃般嘅色澤，完美脂肪比例，🐂牛味香濃，肉質鮮嫩，口感軟腍。➺ 西班牙黑毛豬肋條肉 $188豬肋條🐖即係豬肋骨肉，豬仔骨中間，骨與骨之間個舊肉，肉質非常軟腍多汁，帶少少油脂，外皮煎得香脆，店員建議連菠蘿一齊食，會比較清新，可減低油膩感。…查看更多

聽講呢間餐廳係好勁既廚師開既，就約左屋企人一齊去試下😍😍😍  😍海鮮拼盤😍 呢個拼盤好正，有鮑魚，帶子，青口同蝦，全部都好新鮮生蠔有清新海水味😍😍😍另外仲有d醬汁比你點黎食🥰  😋忌廉鮑魚冬陰海鮮湯😋 呢個好好飲，中意忌廉湯一定要試下，佢仲要係勁多料，有隻鮑魚，帶子同蝦，勁高級丫🥳🥳🥳  🤗海鮮肉骨茶🤗 呢個就好中式同養生，佢既配料同上面一樣，再加多件魚，個魚都整得好好食，好驚喜💓💓💓  🤩黑毛豬梅頭肉🤩 呢個真係全晚最驚喜，本身睇個名就唔係特別吸引，但食左先知原來豬肉都可以咁好食佢係肥瘦勻淨，好滋味好juicy,調味剛剛好，配埋菠蘿食會帶出豬肉既鮮味😋😋😋  😉海膽配聖子扁意粉😉 海膽就有些少唔新鮮既感覺,係全晚唯有美中不足既一點 但好在意粉份量都幾多，佢既醬汁係做得偏水狀，唔會乾都唔會膩，面頭加左魚子增加口感，都幾好食🤗  😚焦糖朱古力脆脆😚 呢個賣相勁令丫，因為用左焦糖，會偏甜少少，但佢有三層朱古力中和翻，所以整體食落都幾有層次唔會過甜過膩🤗🤗  🥰法國心太軟🥰 甜品必叫呢個丫，佢比起上面個個冇咁甜外層係好暖好脆身，包住入面既軟身朱古力真係好正丫😍😍😍  埋單人均$570，如果係高級餐廳食應該要再貴d,但呢度有靚境，靚料，同出色既廚藝都係五百幾食到咁多野，係絕對值得黎試下😚😚 …查看更多

同事啱啱去完 Chef Stage de Eddy Chu 嘆西餐， 越講越吸引， 忍唔住都book咗位去食， 冇咩特別嘢慶祝，純粹想去relax 吓。餐廳分兩邊，景緻極度開揚， 足有180度極廣闊遠景， 今日早來了，安排的位置仲可以望到少少海景～ 非常幸運！鮮蝦凱撒沙律$128看似普通， 但我非常欣賞佢嘅沙律菜， 每塊都好厚而且清脆爽甜， 係一點點苦澀味都冇。 蒜蓉包粒也是烘得脆脆的👍！ 鮮蝦反而係配角～忌廉鮑魚冬陰海鮮湯$88味道絕對有驚喜， 冬陰湯底配合香滑忌廉， 想像唔到係咁夾咁好味～ 最正就係湯底帶少少辣， 一啲都唔膩。 材料豐富 ，有蝦 ，蜆。鮑魚非常之入味， 煙韌又彈牙， 竟然仲有一隻好大嘅帆立貝剌身， 冬陰功湯也阻擋唔到佢嘅鮮味～ 整體是非常滿意， 也是很成功的創新口味，推介推介！香草焗田螺沒有連殼焗， 包住嘅薄脆應該係麵粉？ 口感唔錯 。田螺獨有嘅鮮味配合薯蓉也是十分滋味！鮮蟹肉濃湯配生蠔杯$128朋友的生蠔杯見到都想食～ 那杯蟹肉濃湯集合所有蟹嘅鮮味， 濃郁滿瀉～鮑魚配雞扒芋頭蓉羽衣甘藍分量好大～ 總覺得高級嘅西餐份量會好精緻。想講塊雞扒又厚又juicy～ 兩個人吃都夠。外皮煎得夠香， 配菜還有羽衣甘藍。 以芋頭蓉代替薯蓉，也非常特別！黑毛豬肋條先吃菠蘿和巴西葉， 酸酸甜甜打開胃口～有炭燒嘅焦香， 豬肋條咬落爽脆， 絕對啖啖肉， 燒汁美味， 份量也絕不精緻！ 甜品有小巧精緻嘅慕絲蛋糕， 分量啱啱好。食物好有驚喜， 配搭得宜， 用料亦好落本！…查看更多

早前跟朋友閒聊，說想找間好食店真不容易。誰知她馬上介紹我這間「Chef Stage de Eddy Chu」，她說一定可以令我滿意。隔天我便去電訂坐一於去試一下。餐廳座落在高樓層，望出窗外，有尖沙咀的夜景，繁華中帶點浪漫。食物款式十分多選擇，亦有酒釀可供選擇，相信今晚應該可滿足我這位貪心鬼。米酒煮托托蜆這款頭盤真是不得了，大大隻紐西蘭托托蜆浸在米酒湯汁內煮，火喉剛好，蜆肉不但鮮味嫩滑又飽滿，與湯汁和小番茄一起食真係享受極至。海膽香蒜包另一款頭盤點了原板加拿大海膽配香蒜包，海膽完整無損，色澤金黃，賣相已取100分。將海膽舖滿在香脆蒜香包上再琳上芥末沙律醬，令到有陣陣海水味的海膽，提鮮不特止，又增添多層味覺。忌廉鮑魚冬陰海鮮湯冬陰口味絕對是我心頭好，逢見必點。今次的冬蔭海鮮湯真係唔講得笑，不是一般用大蝦來做，而是用鮑魚和珍寶大元貝來烹調，既新穎又矜貴。味道方面，冬陰的香味加入鮮忌廉的香滑，真係令人難忘。蟹肉濃湯配鮮蠔杯湯送上時，侍應跟我提議食法，先品嚐半杯蟹肉濃湯，再一口食完鮮蠔杯，最後再飲餘下的蟹肉濃湯。我按照他提議來食，蟹肉湯鮮味十分濃郁，還帶有濃列的威士忌味道，接著再一口將浸在香草青檸汁的新鮮蠔吃掉，我的味蕾馬上充滿很多衝擊，再飲回餘下的蟹肉湯，不其然多咗一份甜的味道在舌頭上蕩漾，真係驚喜萬分。黑毛豬「肋條肉」黑毛豬肋條肉質爽口有嚼頭，但絕無半點粗硬，配上碟旁新鮮菠蘿一起食，不但可解除油膩感，還增添不少層次。此外，碟旁的配菜都十分出色，有高纖高營的羽衣甘藍，又有甜美多汁的番茄，還有又香又滑的芋頭蓉，它比薯蓉還要香，整道菜色由蔬菜肉食的配搭至比例，師傅都細心製作，真係令人食很開懷。米酒煮鱸魚柳同頭盤的托托蜆煮法一樣，但用了雪白嫩滑的鱸魚柳來浸泡，感覺又截然不同，魚的鮮味十分特出，再嚐一口湯汁，就由於置身在加勒比海岸，舒暢清爽，真係好高的享受。紅桑子提拉米蘇由 cream cheese 和紅桑子蓉拼砌而成，外形十分精緻，味道酸酸甜甜，食完整件都沒半分負擔，這個配搭真係妙極。原隻蜜桃雪葩選取了日本水蜜桃來做，雪葩清甜芳香，口感綿密，是夏日甜品的不二之選。今天的晚餐十分滿足，在食物方面感受到主廚的專業手藝和細心，好讓每一道菜色都十分精彩。我相信這間餐館將會成為我拍拖和聚會的好地方。…查看更多

今日約咗好耐冇見嘅朋友，相識左十年啦。諗住食好啲慶祝吓，於是揀咗尖沙咀一間可以望到好靚海景的餐廳 fine dining。餐廳入邊張張枱都係窗口位，個景靚到隔離枱好多人慶祝生日同週年紀念日。/海鮮拼盤🌟個海鮮拼盤好豐富，愛爾蘭生蠔好新鮮鮮甜，日本帶子連埋白麵豉醬食，除咗帶子的鮮甜，仲有少少蜜糖嘅甜味。仲有鮑魚、青口同鮮蝦都好新鮮，點青醬就酸酸地更突出鮮味，而冬陰功醬少少辣得黎好開胃。/油酥餅配紅咖喱蟹肉醬🌟油酥餅比起naan，更加似台灣酥餅好鬆化。咖喱裏面的蟹肉同配料好多，比起醬汁更加似餸，唔算好辣好好食，忍唔住夾左好多落酥餅到，最後差唔多清晒啲醬。/黑松露蘑菇湯🌟入面有好多蘑菇粒，好香蘑菇味而且一啲都唔鹹。/忌廉鮑魚冬陰海鮮湯🌟睇落似就咁忌廉湯，但飲落有少少冬陰味，辣辣地幾開胃，入面仲有鮑魚、帶子、蝦，好足料。/西班牙黑毛豬肋條肉🌟一份有好多條肋條肉，係ribs的無骨版，啱晒我呢啲懶人。食完肉再食一粒菠蘿同香葉，即刻中和左黑毛豬的油香味，唔會話淨係食肉好油膩，有別一般西餐，佢用芋頭蓉取代薯蓉，有芋頭粒更香更有口感。/麻辣蘑菇雞肉扁意粉🌟一放低已經離遠聞到香辣味，但食落去冇乜辣味。有好多雞肉，肉質好嫩滑而且去哂脂肪，好啱怕肥的女士。/朱古力心太軟配雲呢拿雪糕🌟特別要讚舊雪糕，有奶香仲要有杏仁碎粒，相信係自家製喺出邊都食唔到，個心太軟都好水準，入面流心，食完都唔會覺得好甜膩。…查看更多

難得Buddy可以拍拖食飯, 想揀一間優質的餐廳。係Openrice搵左一輪, 最後揀返 CHEFSTAGE de Eddy Chu, 之前食過一次係堅正。餐廳係亞士厘道，最方便係尖沙咀站九龍公園出口, 一出向右轉過馬路, 再沿九龍公園徑行至中段就可以穿過大廈直接去亞士厘道。我地要早食早回家, 所以揀左6點時間。餐廳係19樓, 坐上透明升降機好快到左, 一入門口職員為我們額探及請我地用搓手液消毒。餐廳分2邊。餐廳好多位都靠窗邊。有D位直情可以見到維港, VIEW好正，再播上輕柔的音樂, 好浪漫。餐廳質素一直都保持水準, 仲見到有promotion每人食滿$450送紅/白酒及生蠔。我同BUDDY ORDER左 :乳酪芒果煙三文魚沙律 $128黑松露蘑菇湯 $68忌廉鮑魚冬陰海鮮湯 $88油酥餅配紅咖喱蟹肉醬 $128原版加拿大海膽配紐西蘭聖子白汁扁意粉 $228西班牙黑毛豬肋條肉 $168焦糖朱古力脆脆三重奏 $78紅桑子士多啤梨Tiramisu $78(滿$900 送紅酒, 白酒各一杯, 南非生蠔4隻)乳酪芒果煙三文魚沙律先黎清新沙律清清胃口, 除了芒果外, 還有新鮮沙律菜, 青瓜粒, 粟米粒, 好清新。黑松露蘑菇湯黑松露香濃, 而且充滿好多蘑菇粒, 保証啖啖咬到蘑菇。忌廉鮑魚冬陰海鮮湯真係讚賞呢個湯, Buddy 一直中意冬陰公湯, 鮑魚係大隻, 而墊底的係再大粒的帶子。賣相已相當吸引。材料足, 香芧味濃。呢個湯真係性價好高油酥餅配紅咖喱蟹肉醬油酥餅共兩大片, 仲要即整即上, 熱辣辣。紅咖喱唔係好辣, 仲有一絲絲蟹肉, 沾上油酥餅, 味道好夾。原版加拿大海膽配紐西蘭聖子白汁扁意粉原版上的海膽真係無敵, 仲好新鮮而且唔腥, 單獨食又得。將海膽撈均係扁意粉一齊食又得。西班牙黑毛豬肋條肉豬肋條數量不少而且真係啖啖肉, 肉質JUICY, 煎得香口。配有鮮菠蘿粒及香葉, 比你每次食豬肋條前清一清口腔內的油膩感。南非生蠔及紅白酒食滿每人$450就有, 而且絕不馬虎。生蠔勁大隻, 餐廳唔係配檸檬, 而係特製的香草汁, 酸帶點辣, 每人2隻大生蠔, 一隻有沾, 一隻無沾。兩款口味各有特色。焦糖朱古力脆脆三重奏甜品分三層, 由上面淡味開始到下層濃味,最底層係朱古力脆脆, 3種味道, 好LIKE 紅桑子士多啤梨Tiramisu第一次食用紅桑子配Tiramisu, 紅桑子士多啤梨放上層, 配埋Tiramisu一齊入口, 紅桑子士多啤梨的甜酸與Tiramisu的味道竟然好夾, 真係一個驚喜。我地食左咁多款食物, 職員都好細心每款食物都幫我地換碟, 而且上菜時仲會介紹下食物名稱及食法。好細心。同BUDDY嘆完豐富既晚餐, 再望下窗外維港的夜境, 打卡真係一流。最好由黃昏影到晚上, 睇住漸入夜境, 真係好靚。…查看更多

位於尖沙咀阿士厘道的Chef Stage，上一次是朋友帶我過來，試過黑毛豬肋條後念念不忘，今次我帶老公來試一試。有套餐亦都有散叫。餐廳比上一次來多了很多客人而且比較燥吵，但亦請來了一位結他歌手自彈自唱，令餐廳多了一分味道。先點兩杯白酒，一邊飲酒，一邊欣賞結他手的表演，確實寫意。再點了個乳酪鮮蝦芒果雜菜沙津，沙律菜新鮮爽脆，有點酸酸甜甜的乳酪味，蝦肉有六隻，肉質結實爽口彈牙，還有點芒果肉，非常鮮甜，整體清新開胃。另外要了黑松露蘑菇湯，蘑菇沒有隔渣，所以湯內還有點蘑菇碎，有咬口，每淡都有濃郁的菇香，黑松露香濃味美，兩者是最佳配搭。另一個是忌廉鮑魚冬陰海鮮湯，忌廉湯很濃稠，份量雖不多但非常飽滯。有鮑魚、帶子、大蝦及蘑菇等，鮑魚是鮮鮑，肉質腍中有咬口，帶子腍滑，蝦肉爽口彈牙，還有冬陰功的香料味道，但不會有辣味，泰式及西式fusion湯，味道特別有驚喜。主菜是燒西班牙黑毛豬肋條肉，豬肋肉份量頗多，全部都已經去骨，肉質嫩腍還帶脆口，是因為肋骨中的筋膜很爽脆，油份十足，咬落去有黑毛豬油的甘香，肉汁豐富而且肉味濃郁，配上菠蘿吃，可以減低油膩感。紐西蘭蟶子配米酒白汁扁意粉，扁意粉軟硬適中，裏面有蟹子，所以咬落去卜卜脆，蟶子肉質軟腍，有淡淡爆炒過的酒香，跟白汁合二為一，非常creamy但不油膩及飽滯。整體而言，食物味道中上，各方面都很平均，不會參差不齊，絕對保持水準。…查看更多

作為人妻已經大半年，不知是喜還是悲，婚後跟媽媽同住，雖然二人世界時間少了，但卻有媽媽作後盾，可以step by step去熟習婚後生活，不用一下子由做女時飯來張口，突然要變成精通十八般武藝。本身入廚經驗如同白紙，首先要學習的是買餸，所以最近開始每星期一大早跟星仔外出買定一星期的餸，當然事前媽媽有俾貼士買豬肉要到這家，買菜要到那一家，但實戰經驗當然好過紙上談兵，雖說不上有甚麼大成就，不過起碼知道各種菜的價錢，不同菜式要買甚麼部份的豬肉等等。第二樣當然是煮飯，雖然暫時只有媽媽不在家才要我們下廚，雖然每一次下廚其實都是跟星仔合力完成，但起碼對於一餐飯的流程都有一個初步概念，起碼兩餸一湯加白飯也有一個烹調的先後次序。另一樣要慶幸的是星仔的父母都不在香港，之前跟同事午飯，已婚同事就提到每逢周末，不是要到自己娘家，就是要到6299家，想在家休息下的時間都沒有。而我們卻還有這一點休息和拍拖的時間。＊＊＊＊＊＊＊＊＊＊＊＊Eddy Chu很久之前已經跟朋友朝聖過，高水準的菜式令我和朋友都留下深刻印象，但見星仔未食過又話想食，就陪他來一次當拍拖吧。餐廳位於亞士厘道一棟食店雲集的商廈內，店面雖不算特別大，但景觀卻開揚，配上柔和的燈光，都幾有情調。Fruit Tea Cooler($58)水果茶雖然沒有冰塊，但飲落都夠凍，入面有切粒蘋果、士多啤梨和藍莓，茶味和甜味都適中。Mandy's Cure($58)這杯飲料主要由紅桑子、西柚和青檸製成，所以整杯都是玫紅色，味道酸酸甜甜，都幾開胃。黑毛豬熱脆包($88)熱脆包質地有點像硬豬，但比較薄身，旁邊佐以菠蘿，侍者上菜時著我們可以一口熱脆包，一口菠蘿，以菠蘿中和黑毛豬的膩感。打開熱脆包，見到黑毛豬厚薄適中，下面還有wasabi醬。熱脆包入口超級香脆，但又不會過硬，黑毛豬肥瘦適中，豬肉香味充滿口腔，wasabi的清香令黑毛豬的膩感大減，菠蘿酸甜有致，實是一道非常出色的前菜。松露煮日本年糕($98)日本年糕躺在creamy的醬汁內，驟眼看有點像忌廉湯。年糕切成薄片，所以煙韌得來不會過於韌口，帶有濃濃的松露香味，份量適中不會有膩滯之感。艾迪乳鴿($98)艾迪乳鴿我上次都有點，乳鴿是用上bb鴿，所以體形亦比一般茶樓食到的乳鴿小一點。乳鴿雖然肉不多，但勝在皮脆肉嫩，醃得夠味之餘亦不會過鹹。大大隻蝦多士($168)蝦多士份量驚人，一隻蝦多士約有成人手掌般長。蝦多士旁邊伴有沙律菜。沙律菜已預先加上醋汁，另外原來還有爆珠，酸香味十足。多士顏色均勻，多士和蝦肉的比例剛剛好，不會有包多蝦少之感，多士香脆，蝦肉爽彈，食完都已有兩分飽。黑松露磨菇湯($68)磨菇湯非常熱辣辣，上枱後我仍要等一會才可飲用。磨菇湯菌香味和黑松露的香味交織在一起，質地濃稠，口感順滑，沒有隔渣所以能吃到一粒粒磨菇碎，非常有咬口。忌廉鮑魚冬陰海鮮湯($88)雖然這個湯比磨菇湯貴$20，但有鮑魚、帶子、鮮蝦和三文魚籽，非常足料。帶子夠大隻，入口微彈，鮑魚彈牙，鮮蝦爽口，但亮點絕對是湯底，因為creamy得來能飲得出冬陰功的微辣，很待別的一個fusion湯。蒜香辣味鮮蝦意粉($188)意粉簡單以橄欖油和鮮蝦、番茄等食材炒，意粉軟硬度適中，橄欖油令意粉不會黏在一起，以意粉來說味道其實不錯，不過與之前的前菜相比，就少了一點驚喜。燒西班牙黑毛豬肋肉($188)整碟豬助肉約有八條，原先以為是骨多肉少，但食落才知道完來沒有骨，全部是肉來的。旁邊還伴以番薯蓉和蔬菜，西餐多配以薯蓉，番薯蓉都是第一次見，比起薯蓉多了一股甜味，配搭幾新鮮。豬肋肉燒得香口，但略嫌過油，每一次咀嚼都清楚感到油份在豬肋肉中揸出來。雖然事隔上次光顧已有一年有餘，但食物質素絕沒有因為名氣而下降，侍應亦勤於換碟，基本上每吃完一道有醬汁或有骨的菜式，他們就會主動換碟，即使價錢不算便宜，但絕對值回票價，非常適合朋友慶生或情侶慶祝記念日。…查看更多

很多餐廳都會有幾款特別高質的菜餚，同時地又會有幾款叫人失望的菜式，如果是先吃前者後吃後者，多數會敗興而歸；反之先吃後者再嘗前者，則會給人喜出望外之感。但今晚的晚餐，卻能令我由頭到尾都帶給我驚喜連連。餐廳內的黃燈光有些昏暗，地方比較淺窄，分左右兩邊，廚房在中間位。裝飾以簡單為主，掛了些相片，最特別就是會變色的招牌。餐巾都印有餐廳名稱。前菜點了松露煮法國原粒蘑菇，蘑菇新鮮，肉汁豐富，松露又香又濃，配埋西班牙肉腸，蘑菇沾上松露香之餘還有肉腸的咸香味，令蘑菇不會太過單調，整個前菜都提升到另一個層次。忌廉鮑魚冬陰海鮮湯$88海鮮湯非常足料，有帶子、鮑魚、蝦，海鮮全部都很新鮮，尤其是帶子，肉質非常嫩滑，入口無渣，而鮑魚爽口煙韌，口感甚佳；冬陰公忌廉湯，有香濃的冬陰公香料味及微辣，忌廉湯有效調較冬陰公的稀稠度，加上蟹子，湯底濃稠，又有蟹子的口感，整個湯令我吃不停口。燒西班牙黑毛豬肋條肉$188西班牙黑毛豬是以橡果餵飼，肉質很又稔又滑，身體內的油份全是來自橡果油，所以帶著陣陣的橡果香，豬肋肉還帶有筋膜，咬落去肉爽筋煙韌，吃完一件，再吃件新鮮菠蘿中和油膩感，另外紫薯又香又甜，味道濃郁，口感還帶有少許薯肉。餐廳食物質素平均地高，款式多，除了豬外，還有慢煮牛，羊架，海鮮等等，前菜及沙律款式更達廿款，很有創意，值得再去光顧。…查看更多

為慶祝老公快將脫離苦海，決定去豪一豪。約左老公七點在尖沙咀的Chef Stage撐枱腳，地點方便，鄰近尖沙咀站A出口，行五分鐘已經到達。餐廳不太，約有十多張枱，一邊望海景，另一邊望商廈。裝飾簡約，掛牆有老板Eddy Chu的做菜相片，燈光柔和。餐單有套餐及單點。冬陰西班牙煙腩沙律現在只要經openrice訂枱，就能免費送一客指定的沙律。雖然叫沙律，但只有少許的沙律菜、蕃茄仔、芒果粒及荔枝爆珠配上黑醋汁，整碟的主角是煙腩肉配上碟底的冬陰汁，煙腩肉味濃郁，燒得香脆，雖然是腩肉，油脂應該是比較多，比較肥膩，但事實上油脂已在燒的過程迫出來，咬落脂肪位都是爽爽的，完全不會爆到整口油，另冬陰汁味道充滿冬陰公的香料味，有少許微辣，跟煙腩味道很夾。松露煮法國原粒蘑菇蘑菇跟松露簡直是天衣無縫的組合，蘑菇煮得很好，完全保留了蘑菇的原汁原味，一咬下去蘑菇肉汁爆出來，非常juicy；另外松露汁煮很香濃及creamy，完全可以當湯飲；配上西班牙風乾腸，咸咸香香，前者味淡加上後者濃味，平衡兩者味道。焗法國連殼食田螺田螺殼裏面包著田螺，表面有蒜蓉及香草做成的醬汁，下面是薯蓉。田螺殼的質感似是威化餅，很鬆但不夠脆；田螺肉味道不鮮，吃不出是田螺，但口感是煙煙韌韌；蒜蓉香草醬應該是自家制的，非常香口；薯蓉都應該是手制，吃得出有少許未壓爛的薯粒，味道調較得不錯。黑松露蘑菇湯這個蘑菇湯並沒有像平時外面喝的隔渣，反而攪碎後連蘑菇渣一起煮，所以湯內仍然留有蘑菇肉，啖啖都能吃到蘑菇肉，黑松露香味十足，令平淡的蘑菇湯提升更高檔次。忌廉鮑魚冬陰海鮮湯有鮑魚、帶子、蝦及草菇粒，鮑魚跟平時酒樓宴席的很大差別，這個鮑魚能夠令我嘗出鮑魚的鮮味，煙韌爽口；帶子煮得剛好，肉質嫩滑；蝦肉新鮮爽口彈牙；另外湯是冬陰公配忌廉，有少許辣之餘還很creamy，配上蟹子，每啖湯都充滿蟹子粒，不斷在口內爆開，此湯給我帶來的震撼感絕對比黑松露蘑菇湯有過而無不及，加上價錢只是貴$20，絕對不能錯過。雜菜薯仔煙豬腩法國鴨脾原隻鴨脾下面舖有煙豬腩、雜菜、薯仔，下面所有配料都吸收了鴨及煙豬腩的味道，配料比鴨脾更為吸引；另外鴨脾炆得很淋，但肉味依然濃郁，加上有煙腩互相輝映，兩者味道融合一起，互補長短，鴨脾吸收了煙腩的咸香及豬油味，而煙腩則吸收了鴨脾的肉味，兩者都充滿咸香。另外還配有紫薯蓉，紫薯又香又甜，味道香濃，還有絲絲的薯肉。燒西班牙黑毛豬肋條肉西班牙黑毛豬以橡樹果實為糧，肉質很軟稔及嫩滑，肥瘦均勻，黑毛豬果味重，帶橡果甘香，豬肋條已經去骨，全部都有少許的筋，表面燒得很香脆，吃下去又爽又脆，有肉質纖維，很有咬口，主要是橡果的油份，所以感覺不似平時吃豬肉的豬油味，配以新鮮菠蘿，中和口中的油膩感。神秘雞尾酒$68及神秘無酒精雞尾酒$58兩者皆用新鮮的紅莓汁及糖水製成，味道酸酸甜甜，還有少許紅莓子浮在面，非常開胃及去油膩感；後者的酒味不太濃，味道反而不及前者，兩者顏色鮮艷，令人食慾大增。店員有禮貌，有問必答，主動解答客人問題，收碟快，每次上菜都會講出菜名，及解釋有那些食材。總括而言，食物質素高但主菜價錢不算貴，尤其是黑毛豬肋條肉、忌廉鮑魚冬陰海鮮湯及松露煮法國原粒蘑菇；店員服務優質；餐廳還有景觀座位，是不可多得的一個好去處。…查看更多

今晚友人約我去食法國菜，其吸引之處是菜式很法式，但用貼近我們的方法呈現出來，大廚利用法國入口的食材，做出傳統法國菜，更會煮出創意菜式。Sweet white wine $58，用新鮮水果浸泡在酒中，可中和酒的澀味，變得很香甜更順喉，一般都用紅酒的，但這裡紅/白酒也有浸泡著水果的，原來白酒也很夾水果味。神秘雞尾酒 $68，有陣陣士多啤梨和野莓的香味，雖然用了兩款酒，但volka的酒精度味不重，只有輕輕的酒味，很適合女仕飲，非常香甜易入口。艾迪乳鴿$98，估唔到西餐都可以食到乳鴿，鹵得十分入味，雖然皮不脆但很香，肉質細嫩且多肉汁，連骨頭都想食埋，起初都用刀叉切開，但食乳鴿還是用手食才夠滋味，最後都用手食得津津有味，餐廳很貼心提供濕紙巾。燒牛脷熱脆包 $88，先食口新鮮菠蘿清一下味蕾，襯熱食熱脆包。包身薄薄的，非常脆口，夾著柔軟厚切牛脷，嫩腍質感加上味道濃郁，微微芥末更添風味。松露煮法國原粒磨菇 $98，用的都是上等食材，法國入口的原粒磨菇和西班牙的辣肉腸。磨菇頗大顆，很厚肉多汁，配creamy帶有濃濃松露香的醬汁同食，味道已經很好，清淡的味道再配辣肉腸的咸香味，微辣更令磨菇更添惹味。忌廉鮑魚冬陰海鮮湯 $88，個人十分喜歡的湯，除了用矜貴食材，味道更是令人難忘。濃湯有泰國冬陰公的香料味與辣度，用奶去中和其辣度的調配也做得剛好，比一般的冬陰公湯更溫和，且又不失其特色。還有鮑魚、帆立貝及蝦，鮑魚充滿彈性，越咬味道越突出，帆立貝很大粒且肉嫩，蝦也很爽彈。香燒正宗法國鴨髀配紫薯 $178，鴨髀也是法國入口，煮法複雜步驟多，先燴煮再雪藏，食前再焗脆。鴨肉雖然不算嫩，但鴨味濃郁不膩，多份家禽的酥香味。配菜有紫薯蓉，粉綿香甜，比薯蓉更美食，而且也飽肚健康。燒美國牛肉眼配茄汁扁意粉 $198，肉眼熟度大約4-5成，擺盤很吸引，用鑊仔上菜。粉紅色的肉眼扒，十分嫩腍且無筋，咬下滿口肉汁，味道也很濃郁，非常喜歡這道菜。不要小看 茄汁扁意粉，令我驚喜的是意粉也煮得保持彈性的al dente口感，茄汁酸甜調味到位。甜品是白朱古力慕絲蛋糕，偏甜有明顯的白朱古力味，味道較單一，也沒有特別香味，反而伴碟的生果完熟很香甜。…查看更多

每個月的月底是跟另一半的紀念日, 我們會輪流在網上搜尋餐廳及訂座, 今個月又到我了今晚訂了位於亞士厘道的西餐廳, 先乘電梯上19/F, 在電梯上升期間已經慢慢看到尖沙咀的夜景, 到達門口後便等候侍應安排坐位, 入座後侍應先為我們鋪上餐巾, 其後問我們需否先點飲品, 西餐的正統禮儀, 未進食已經感受到飲品點了一杯無酒精Fruit Tea Cooler, 果茶配上幾款果汁混在一起, 帶生果粒充滿熱帶風味頭盤先點一份香燒日本吞拿魚腩沙律, 加上黑醋汁的沙律菜配上菠蘿及蕃茄粒, 特別之處是沙律中竟然發現有荔枝味的爆珠, 主角魚吞拿魚腩共八件, 四四方方的放在底部, 並加上淡淡的wasabi沙律醬醬汁, 味道沒有被搶, 吞拿魚腩煎得香脆, 魚肉爽實, 味道越咬越出, 仲可以將吞拿魚自行壓碎跟沙律菜一起進食食完第一道冷盤, 店員便換上另一隻碟, 沒有任何污跡的新碟子, 是熱的松露煮日本年糕, 年糕本身帶點咸咸的味道, 每一塊都切得夠薄, 醬汁可以完完全全地黏在年糕上, 口感除了應有的煙靱外, 更帶來多一份軟滑, 松露醬內加上洋蔥及白酒在等候另一道菜的期間, 侍應亦不忘幫我們更換新碟此店的廚房是Open kitchen, 亦分開凍房及熱食兩邊, 眼見大廚都是親力親為為食客煮菜Bb乳鴿, 味道非常入味, 相信是醃製時間長, 帶上少少酒香, 肉質嫩滑, 中式乳鴿食得多, 西式都是第一次, 食起上黎時不覺得困難隨後, 分別點了兩份湯share黑松露磨菇湯, 加入大量野菌加入打成碎, 口感實在, 再加上適量黑松露醬點綴, 亦唔會蓋過野菌味, 整體味道更為特出, 湯夠晒熱, 第一口更是燙口忌廉鮑魚冬陰海鮮湯, 奶白色的海鮮湯, 湯頭內加入香茅碎, 蟹籽,令每一啖都非常濃味帶少少辣, 有泰國風味, 食到蟹籽時更卜卜聲, 海鮮份量好足, 半生熟帶子, 鮮蝦, 鮑魚一整隻雖然份量不算多, 但貴精不貴多, 已經足夠, 煮得非常出色, 大推主菜燒西班牙黑毛豬肋肉條,下檯時侍應提醒先食一點菠蘿後才食豬肋肉條, 隔著進食, 目的是減低油膩感, 菠蘿粒加上香葉, 多了一份香氣, 豬肋條外脆內軟, 切下去時肉汁更慢慢流出, 一客6-7條, 多人分享絕無問題食肉獸的我倆更點了一份燒美國牛肉眼配茄汁扁意粉,肉眼成數大概4成熟, 上檯時已經碎上, 牛肉眼扒充斥著陣陣牛香, 咀嚼後在口內徘徊, 扁意粉夠挺身, 配上自家製茄醬有新鮮蕃茄,茄汁及蕃茄蓉, 每條都沾著茄醬時間過得好快, 一下眼已經食了兩小時, 整晚氣氛非常好, 服務員照顧周到, 不會趕著翻第二輪檯, 每食完一道菜後主動換新碟並不是間間餐廳會做到, 頭盤/湯/主菜, 跟足西餐的次序…查看更多

呢間餐廳嘅口碑唔錯,呢晚終於一試.入口旁邊係廚房,雖然唔係半開放式,但就有玻璃窗,可以睇到廚師用心烹調嘅情況.另一邊就係水吧,凍櫃入面擺咗各式各樣嘅酒精類飲品.窗邊位睇落唔錯,有啲位仲可以睇到維港景,但就要預早訂位.氣氛方面唔會令人太拘謹,可以輕鬆咁享用西式fusion菜.呢度有一至二人套餐,唔啱心水嘅話都可以一款款咁叫.Sparkling Juice即係白提子味嘅有氣飲品,個樣有啲似香檳,當中仲有切粒嘅鮮雜果, 味道酸酸哋咁.Mandy’s Cure嘅中文名譯做文迪嘅治療,都幾得意.成份包括紅莓汁,西柚汁同青檸汁,清新酸甜.香燒日本吞拿魚腩沙律入面嘅紫生菜,車厘茄,鮮菠蘿等等堆疊成一座蔬菜山,同埋有啲半透明嘅荔枝味爆珠,加埋黑醋食感覺醒胃.日本吞拿魚腩被埋藏晌蔬菜之下,煎得焦香,肉厚之餘腩位又夠爽口.松露煮日本年糕,醬汁加咗黑松露,又香又滑溜,同埋仲有蘑菇同洋蔥,扁平嘅日本年糕就煙韌有米香,都唔錯.焗法國連殼食田螺,平日嘅法國田螺要起肉嚟食,呢度就可以直接將成隻放入口度.其實田螺殻係用麵粉整,我覺得佢脆脆哋好似威化餅咁,中間釀咗香草醬,田螺肉彈牙,墊晌田螺殻下面嘅薯蓉軟綿,可謂創意菜式之一.黑松露蘑菇湯,湯入面有大量嘅蘑菇碎,口感滿足.忌廉鮑魚冬陰海鮮湯,睇到個名時的確既驚訝又期待.中間放咗鮑魚,帶子,中蝦,草菇同蟹籽,賣相討好.湯嘅味道微辣微酸,同埋滲出淡淡嘅香茅清香,忌廉亦令湯質比一般嘅泰式冬陰公順滑.湯料方面鮑魚有咬口,帶子同中蝦亦算甜.燒西班牙黑毛豬肋條肉,平時食豬肋條都係連骨嘅,而家就啖啖肉食得幾方便.餐廳採用嘅係用橡果做飼料嘅西班牙黑毛豬,所以會建議燒到八成熟,如果怕太生嘅都可以另外要求,不過就可能會稍稍影響肉嘅質感.豬肋條肉淋咗燒汁,幾有嚼勁.伴碟方面都好豐富,茄子燒得香口,法邊豆脆身,芋頭蓉微甜粉嫩,撈咗羅勒葉嘅鮮菠蘿仲可以解膩.燒牛脷配日本芥辣蜜糖汁,牛脷切得厚而細長,外脆內爽嫩,單食都夠濃香,亦都可以蘸日本芥辣蜜糖汁嚟食.是日甜品日日都唔同,呢晚就係甘筍合桃蛋糕,氣孔比海綿蛋糕粗大,口感紮實但唔嚡,甜度唔高感覺健康.餐廳特登將啲用嚟裝食物嘅碟整熱,咁樣就可以保持食物溫度,都幾細心.…查看更多