寿司の神

📍$780特上お任せ膳 • 刺身4品🦪 • 料理1品🥩 • 壽司8貫🍱 • 雲丹盛🪺【味道】 • 前菜🥗 有蒸蛋🥚，沙律，同一啲酸酸地嘅日式🇯🇵前菜，比如海帶，蘿蔔🥕，蒸蛋🥚有少少黑松露味，又熱又滑，蒸蛋🥚唔錯👍🏻• 刺身4品🦪 有赤背🐚，生蠔🦪，魚🐟刺身，同八爪魚🐙，排名分先後，赤背🐚生蠔🦪真心好食，畢竟夠新鮮，點少少豉油既魚🐟也不錯，不過個八爪魚🐙就有啲失望，話說佢炆左8個鐘，但我覺得肉質好老，點解唔上加工前嘅八爪魚🐙俾我？ • 料理1品🥩 炆咗好耐嘅牛肉🥩唔係唔好食，不過食廚師發辦，我prefer食生嘢，或者少量加工嘅新鮮食材，而唔係食啲炆都好熟嘅餸• 壽司8貫🍱 記唔晒啲魚嘅名，如果有張紙睇住會好啲，咁樣有得食又有得學，印象中有兩件拖羅🍣，右口魚🐟，帶子🐚，甜蝦🦐，兩款拖羅都好食😋，好多魚油好肥美，其他都係嗰句啦，日本嘢我會想食生多過想食熟，唔係唔好食嘅• 雲丹盛🪺 其實係海膽同魚子🐟嚟，個presentation係靚嘅，亦都係好食嘅，不過只係普通食材，唔明點解大部份食評對佢讚口不絕• 麵豉湯🥣 食咗咁耐凍嘢終於有啖熱湯入吓口，正正常常，唔錯唔錯• 檸檬🍋啫喱🍨 呢個反而我最欣賞，之前喺日本🇯🇵試過，食完晒咁多道菜，有一道subtly酸酸甜甜嘅啫喱作結，好開胃好soothing【環境】餐廳喺元朗市中心，週末附近好難泊車🚘話說係全元朗國唯一嘅omakase，價錢唔貴又有好多好評，所以特登入嚟食，不過試一次都夠其實食物嘅質素同服務都唔錯，職員服務態度好好，又有心機講解，如果住開元朗嘅話應該會鍾意，不過如果由其他區特登入嚟，呢個價錢喺元朗認真冇乜吸引力，同樣嘅價錢喺上環尖沙咀都搵到，而且質素comparable因為個人喜好，我食日本嘢唔鍾意食啲煮到熟曬嘅，所以冇大驚喜…Read More

其實已經久仰大名左壽司之神好耐，機緣巧合之下有機會入到元朗同埋可以食到呢間既omakase lunch😍我地叫既係$780 特上set, 有4款刺身、1款料理、8款壽司同海膽飯，非常豐富！連前菜都有3款，仲會有甜品😋前菜：茶碗蒸、沙律同酸酸地既蒟蒻麵刺身4款，個貝好爽口！生蠔好鮮甜，同埋佢用左柚子汁去調味，成set 刺身都好清爽料理係燒獅魚骹(唔肯定係咪咁寫😂)，魚肉好滑嫩，成舊魚啲肉都好甜，好似比啲好甜既高湯浸煮完咁，但個魚皮仲係脆，連埋啲蔥一齊擺入口好好食😋之後既壽司掛住食無舊舊影，但好記得北海道銀鱈魚，帆立貝同最後上菜既腦天(吞拿魚天靈蓋) 都特別鮮味🤤 同埋咁岩師傅就係我正前面，每舊都望住師傅整所以舊舊都好期待🤣最後就係必食既海膽飯!!! 除左滿滿既海膽之外其實仲有好多三文魚子😍 跟本係鋪滿晒見唔到啲飯，一羹畢起係海膽多過飯，啲三文魚子多到係咁跌返落碗影唔到相😂🤣總括來講$780 呢個價錢真係物超所值，滿足過我係銅鑼灣食既過千lunch omakase好多！不過book枱係有啲難度，但絕對值得再黎！👍🏼👍🏼👍🏼…Read More

☕️ 食物：👍🏻👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5慶生之旅第一站，竟然來到新界北區的元朗區「吃好西」！😋 是久仰大名的寿司の神 啊！🍣 之前在社交平台經常看到這家有名吃omakase的小店，感覺令人嚮往。想不到老公有如此心思，特意早早就預約(要先付訂金)，平日的中午設12pm和1:30pm兩段時間，我們訂了後者，餐廳依然滿座，足見其吸引人的威力～很喜歡餐廳的裝潢，讓人有如置身日本的高級餐廳，12個高檯座位可讓顧客面向壽司師傅，欣賞師傅熟練的手藝之餘，同時在師傅細心介紹每一款食物時，進行面對面更密切的互動 🤜🏻🤛🏻 在輕柔的音樂下，享受著一級的美食，每道菜都用上上乘原材料，而且看到經悉心烹調的細緻度，真是人生一大樂事！😍 (我們的午餐由女師傅一手包辦，她的話不多，但非常願意與客人分享所有食材的來源、知識等)💋 特上お任せ膳 ($780/位)套餐包前菜、4款刺身、蒸魚、8件壽司、刺身飯及甜品 🥬🐟🍣🍚🍮🥬 前菜：1）牛蒡漬 - 質感爽口、味道偏濃2）麵豉醬蒜頭 - 從不愛吃蒜頭的我，第一次把生蒜頭鯨吞！蒜頭吃下去非常爽口，沒有一絲辣味，完全不像蒜頭！麵豉醬味道濃郁，原來是從日本直接入口（店員介紹可提早向餐廳訂購此產品）3）蘿蔔漬 - 入味軟腍，完全沒有筋4）燉蛋 - 超滑的燉蛋，內裡有帶子粒和蟹柳等，略嫌質感較稀5）汁煮蛞蜊波菜 - 蛞蜊和波菜都非常鮮甜，味道很不錯🐟 4款刺身：1）活赤貝 - 活赤貝就是與普通赤貝有很大分別，那新鮮度和爽口感，完勝！2）深海池魚 - 深海池魚與一般池魚的分別就是肉質帶點咬口，一點都不腥3）胺康魚肝 - 從來不吃胺康魚肝的我，又再一次挑戰成功！全因它是醃漬過的，汁醬輕輕的把魚肝味道提昇，整體味道變得清甜兼可口，讚～4）北海道生蠔 - 生蠔本身不算太濃味，但質感滑溜且creamy，不錯～🐟 蒸魚：吞拿魚鮫 - 用特製醬汁烹調的魚鮫位置，味道甜甜的，入口即溶，口感更有點像肉類，真是新體驗！🍣 8件壽司：1）元貝 - 厚切的元貝上面灑上柚子皮和岩鹽，味道清新之餘，新鮮度和口感都非常上乘2）墨魚、馬糞海膽 - 新鮮墨魚的膠質感、黏稠度一流，配上馬糞海膽同吃，味道昇華，非常合適3）甜蝦 - 用上全世界體績最大的甜蝦品種，加上自家蝦膏醬，除了夾口彈牙的質感，還有那味道更濃郁的鮮甜味4）灸燒北海道銀鱈魚 - 銀鱈魚經灸燒後再輕輕灑上岩鹽 ，溢出香濃的油脂就在口裡徘徊不散5）醬油漬赤身 - 赤身相對是吞拿魚較瘦的部位，加上七色芝麻同吃，整體還不錯6）吞拿魚腩 - 再來是魚腩部位，用上野生吞拿魚(魚身較深色)，稍微配上魚子醬和金箔，整體口感、油脂分佈和味道都一流7）腦天 - 套餐中最特別的就是這件吞拿魚腦後位置的一小塊肉，師傳說必定要灸燒至半生熟狀態，吃下去才不會太韌，它的味道非常濃郁，入口即化，味道真是好吃得難以形容呢！8）灸燒右口魚 - 平常只多吃左口魚，原來右口魚是不常動的懶惰魚，所以肉身質感較有咬口，而油脂量比左口魚更濃郁，吃過以後讓人更喜歡～🍚 刺身飯：馬糞海膽、醃漬三文魚籽飯 - 小碗子盛載着份量滿滿的馬糞海膽，鮮甜度爆燈，加上三文魚籽是用自家製醬汁醃漬過，味道帶甜，而且每一粒都很飽滿，咬下去有脆爆感，還有點點的食用花作點綴，幸福感爆登啊！🍮 甜品：柚子啫喱 - 貌似普通的啫喱，夾著淡淡清香的柚子味，感覺清新，底部更有柚子蓉，是用心之作！…Read More

Omakase 廚師發辦初體驗🥂表妹話難得我咁遠水路走入元朗，所以要帶我食好東西。呢間壽司之神喺元朗都幾出名，有食客會專程老遠入元朗食～同表妹每人order一個【廚師發辦壽司13貫 $290】另外再加【刺身定食 $280】，雖則話午市嘅食材唔係即日由日本運到，但每款都算唔錯～▪刺身定食 $280鯖魚 - 面頭配上薑花絲&芝麻鮮銀鱈魚 - 經過炙燒帶點油香吞拿魚 - 從來不喜歡食，但呢個又唔錯喎，厚切又不會太肥/太瘦，剛好深海池魚 - 爽口，但感覺唔太深刻帆立貝 - 點粉紅岩鹽有提鮮作用，帶點檸檬香氣，好味甜蝦 - 呢款真係好好食，面頭掃上一層用蝦頭蝦膏淆煮咗兩日嘅蝦汁，香甜濃郁好味道真鯛 - 印象模糊，不過不失表妹特意叫我試試刺身拼盤中的紫色小花，原來係紫蘇花，咬咬下會食到梅香，又幾得意喎～▪前菜漬物麵豉蒜頭、芝麻牛蒡、酸蘿蔔、酸薑麵豉蒜頭好有驚喜，完全冇蒜頭嗰種重口味，反而好似食馬蹄咁爽脆清甜每款定食都包括前菜、茶碗蒸、凍豆腐、麵豉湯、甜品，我哋叫咗3份定食，每樣都有3份😋▪廚師發辦壽司13貫 $290我掛住傾計又掛住食，中間有三件冇影到相，都唔記得係咩喇😁蜜柑鯛 - 這種鯛魚從小食蜜柑飼料長大，所以肉質都會帶有蜜柑清香，味道唔錯帆立貝 - 唔算特別鮮味，有少少失色春子鯛 - 鯛的幼魚，肉質比之前食嘅蜜柑鯛嫩滑油甘魚 - 配上柚子胡椒，辣味慢慢滲出嚟，咁配搭又幾好食蟹肉軍艦 - 蟹肉撈埋蟹膏，味道好正，啖啖肉好滿足穴子 - 海饅，上碟前炙燒一下再加饅魚汁，入口微暖肉質鬆軟好味甜蝦 - 又係配上個香濃蝦汁，讚讚香蔥吞拿魚軍艦 - 只食到滿口蔥味，而且食到呢件開始有啲膩吞拿魚醬油漬 - 口感同味道都幾特別嘅海膽軍艦 - 大愛呀，滿到瀉出嚟，凍冰冰感覺好似食雪糕咁，鮮味十足，真係好鬼正，為呢個廚師發辦壽司定食畫上完美句號～最後仲有抹茶豆腐布甸同芝麻雪糕，布甸好好食，唔太甜又好香抹茶味🍵…Read More

不嬲中意食日本野，要數OMAKASE，相信大家都知元朗高手雲集，今次就黎試下一間係元朗都十分有名既「壽司之神」點左$900既SET前菜分別係八爪魚、大蝦、大根蘿蔔配Parma Ham同埋柚子啫喱。大蝦鮮甜彈牙，大根蘿蔔本身冇咩味，配咸味重既Parma Ham好合適子薑、牛蒡、准山牛蒡可以一口食哂，酸酸地，而且師傅仲沾左啲芝麻係頭，個感覺好似欣欣杯。第一次食准山係有wasabi 汁，食到最後都忍唔住問師傅可唔可以refill，師傅都好好人比多左幾舊。仲有子薑，本身少食日本餐廳啲薑，一黎本身唔太鍾意薑味，但呢舊就好易入口唔會好抗拒，食完師傅都有主動refill榨菜頭通常榨菜都好酸，特別係榨菜頭，反而呢舊就無乜酸味。真鯛第一道上既壽司，師傅話由淡味開始食起，呢款就真係清清地但又不失其魚香深海池魚食落比起一般既池魚爽口，重油份，但油而不膩，剛剛好油甘魚眾所週知油甘魚係出面食都好貴，亦都好受歡迎，有幸可以係壽司之神試到，不負所望，好好食，特別之處師傅係上面放左d柚子胡椒，柚子味同胡椒亦恰到好處。石垣貝今次見到師傅點處理石垣貝真係耳目一新，師傅將舊石垣貝放左係舊飯之後，會拍一拍，石𢬎貝頭/尾就會微微捲起。筋子好大粒三文魚籽！顏色亦唔係常見既橙色，呈深血紅色，食落好有口感，好滿足！鰹魚鰹魚湯就聽得多，就咁食真係好少見，食落去比普通再酸少少拖羅係傳說中既拖羅！香港有一股拖羅熱，師傅話係赤拖羅，超好食，師傅特登將拖羅快陪住醋飯食，個飯就咁食有啲酸酸地，好特別。秋刀魚師傅話係in season，成條都好肥美，但佢話下個月條魚會再肥啲，美中不足，不過已經好正赤鯥魚又一款炙燒，師傅話燒完可以逼佢啲魚油出黎，食落去更香，果真魚油味好重，但油而不膩牡丹蝦蝦既品種唔洗講，師傅再炙燒完蝦膏好似醬咁放係隻蝦上面，入放落口好濃既蝦膏味海膽手卷係傳說中既馬糞海膽呀！！！！師傅都毫不猶豫咁放左好多好多係手卷入面！好鮮甜！蟹肉面豉湯面豉湯一般都係得個咸字，呢碗就相反，仲有真蟹肉沉哂底，貨真價實富士山蘋果配杏仁豆腐一個甜味出既富士山蘋果配上淡口味既杏仁豆腐，看似簡單但其實都唔易整既杏仁豆腐，質感滑嘟嘟，清清地做今晚總結…Read More

另一半好少食OMAKASE，難得同佢去食，一去當然要帶佢去間好啲既～如果你中意食日本野，「壽司之神」你一定識，全部師傅都有返咁上下質素！今次就揀左最入門既$900 set，包括左前菜、壽司十款、湯、海膽手卷及甜品坐係bar枱望住師傅整同時又處理緊薑處理得好似雕花咁細心刺身放係師傅中間，師傅會望下入面，再諗下一道上咩比你前菜有八爪魚、大根蘿蔔配巴馬火腿同埋柚子啫喱。八爪魚好彈牙，柚子啫喱外形好似迷你西瓜咁好得意，但我自己唔係好中意柚子，所以唔岩我口味伴碟(牛蒡、准山、子薑、面豉蒜頭、榨菜頭)開頭有牛蒡、准山、子薑，牛蒡用WASABI醃過，好爽口鮮甜，好食到食哂叫師傅再refill食到咁上下，師傅再會比其他伴碟，就有面豉蒜頭同榨菜頭準備開始第一道壽司！望住師傅握壽司都係一種享受真鯛壽司一開始當然係由淡口食起，真鯛清新鮮甜，魚油不多，作開首好適合深海池魚壽司食落就爽口，油份會比鯛魚多一啲油甘魚壽司油甘魚上面放左一丁點既醬料，主要由柚子整成，味道偏咸酸，用以中和油甘魚既油份，但我自己覺得冇醬料好食啲石垣貝壽司石垣貝仲係生既，上枱前師傅會打一打石垣貝，等佢神經收縮，佢就會一下捲起，收縮後會更加爽口，食落好鮮甜，焾口得黎但又爽斤子壽司即係新鮮三文魚子，師傅話佢地有再加工過，食落去甜而不膩，粒粒油份係口中爆開好滿足！仲帶軟筋，而紫菜都唔馬虎！係係一個一直烘緊既鐵盒到拎出黎，以保持紫菜爽脆鰹魚壽司口感會有啲似拖羅，呢款鰹魚比平時食既唔一樣，平時既色澤係偏鮮紅，而呢款就偏粉紅啲，入口溶化，再經師傅燒過後，油脂更出拖羅壽司選用O拖羅，係拖羅最肥既部，接近赤拖羅，用上赤醋飯，配魚味重既用赤醋飯可以中和返兩者。呢款拖羅魚油好香，接近入口即溶但又有咬口秋刀魚壽司師傅話8月係秋刀魚旺季既開始，係最肥美，9月會再勁啲，食落魚味濃厚，唔洗點咬赤鯥魚壽司食落有少少似三文魚，同樣燒過，令其魚油更加出！係咁多款中魚油最重，會擴散係成個口中，食完之後條脷會仲有久久不散牡丹蝦壽司好有心意既一最後一道壽司，師傅話牡丹蝦上面放既係佢地用蝦膏蝦頭自己整成，再用火槍燒一燒，令香味更出，食後去牡丹蝦肉夠厚，先爽後稔，蝦膏味亦好岀，做十道壽司既最後一道果然一流海膽手卷用上北海道馬糞海膽，每份都舖上一整行既海膽～仲會用紫菜包住個底，唔驚佢跌出黎，好細心。海膽滑口，連不愛食海膽既另一半都食哂而且大讚好食！蟹肉面䜴湯蟹肉份量正常，飲落蟹味唔太出，呢個比較一般富士山蘋果配杏仁豆腐杏仁豆腐杏味好出！豆腐唔會好易爛，質感好綿滑，而且係一個冇負擔既甜品，女士食都唔覺得罪惡呢一餐大約食左2小時，呢2小時係視覺同味覺既享受，一邊望住師傅整，跟住食完一件，師傅先再整第二件，當然，因為一個師傅同時整幾枱不同客人既食物，所以都要「排隊」等師傅整我地果份，但唔會覺得等到唔耐煩，我自己覺得食OMAKASE都要咁食先係嘆！…Read More

精緻的前菜✨ 元朗壽司之神的廚師發辦Omakase 🍣。我懷疑大家都看不到食物在哪裡了😂 因為擺盤實在太華麗了！。除了漬醃魷魚外，最令人驚艷的就是自家製的南瓜豆腐！真的充滿濃郁的南瓜香和豆香！。而沙律是用上了蛋黃醬調上少許醋，十分清新醒胃。。漬物我也十分喜歡，尤其是牛蒡，爽脆美味！。廣島蠔肥美得有令人升仙之感✨。整體而言，我偏愛夏季的菜單，因為爽口清新成了晚宴的主調，略帶酸味的菜式更是我的至愛！讓微酸成了優雅出彩的配角✨✨✨。又務必要預約吧枱！！壽司一次過去來有一種去了普通連瑣壽司店的感覺。…Read More

Omakase!!! 元朗壽司小店！壽司之神！🍣非元朗人的我們，山長水遠來到這裡，久違了的轉搭輕鐵，哈哈，真的像時光重回兩年前😌 有回憶也有痛苦🙈Omakase 即是廚師拍板，由壽司師傅決定用上甚麼最時令的材料，來為客人鋪寫一場盛宴。壽司的編排多是由淡而濃而淡，像一幅卷軸水墨畫般，起承轉合。所以，不管是編排還是食材的處理都極能彰顯師傅的功架！是日十二件壽司的套餐，最得我們歡心的絕對是這兩件：1. 岩蠔：十分肥美，金屬味不濃，更見岩蠔的美味。2. 火炙拖羅：脂肪多的魚料火炙是鐵定美味的！十二件壽司，連上前菜、湯，甜點，盛惠$1400，相對中上環同類型的店，這絕對是價比性之選。難怪這晚才星期四，吧枱也坐無虛席！。PS. 雖然這不是重點。。。但師傅實在是十分英俊🙈…Read More

早前在"蘋果動"看了一個報導，元朗的高級日本料理由壽司之神，壽司源和鮨文形成三分天下的格局。如此高級的餐廳當然想試下，但一次只能吃一間，三間如何抉擇？我揀了歷史最悠久的壽司之神。今晚來吃的是廚師發板，由師傅話事。前菜除了常見既牛蒡，還有鮮准山，爽口鮮准山帶有微微wasabi味，好有驚喜。花蟹拆肉蒸蛋蒸蛋中間有拆肉既花蟹，表面有金簿，豪華感覺十足。蒸蛋不似平時食開既結實感覺，似啫喱質感，口感嫩滑。目仁奈薄切目仁奈本身味道較輕，師傅會加入來自日本的芽蔥，令到目仁奈食起嚟更有口感，同時清新的芽蔥能夠帶出目仁奈的鮮味。深海池魚搶眼的銀色部分係深海池魚的標記，厚切形式更能突顯實在的口感，深海池魚的味道鮮甜。野生油甘魚野生油甘魚擁有深紅色的魚肉，加上厚切的魚身，十分重魚味，吃完之後口腔仍留著強烈的魚味。燒新鮮銀雪魚師傅會用火槍輕炙銀雪魚表面，令到銀雪魚香味更突出，而且加熱又會產生魚的油脂，配以沙律醬同蔥花，新鮮銀雪魚入口即溶的感覺令人回味無窮。新鮮北寄貝壽司北寄貝壽司是常吃的壽司之一，但咁新鮮的北寄貝都係第一次食到。師傅先將活北寄貝拍落枱上，立即會見到北寄貝有反應，而入口亦十分爽口，足以反映北寄貝的新鮮程度。甜豉油立魚壽司魚邊稍為炙過，已經有陣陣魚香。壽司少有地配上黃芥辣，而兩者卻出奇地夾。大拖羅壽司大拖羅口感肥美，加上魚油香，只需要由蔥帶出鮮味，再加上少量醬油，已經成事。北海道馬糞海膽幸福，滿足，食完呢個海膽只能夠這樣形容。海膽唔腥唔咸，非常鮮味，很期待可以吃一整板的北海道馬糞海膽。雪花煮紫菜湯十分清甜，將炸廣島蠔放入湯中能夠緩減煎炸的感覺，而且炸廣島蠔夠肥美，令整個湯感覺提升。綠茶味雪糕最後甜品食番個清清地既綠茶味雪糕。在品嚐食物的同時，我特別鐘意留意一下師傅的手工，因為這是日本料理值錢的地方之一。餐廳背後都甚有淵源，所謂一山不能藏"三"虎，其實三間餐廳的主理人是同門師兄弟。不論中間故事發展如何，對元朗人來說實在有福，能夠有三間如此高水準的日本料理在自己的社區。而今晚我就見識了其中一間，果然眼前一亮。…Read More

因為本人住將軍澳區，所以都很少黎元朗，屯門一帶。聽講《壽司之神》很出名，又係Omakase 佼佼者，決定前來品嘗。大約7點多來到，客人不算多，氣氛優雅，環境很清潔。首先品嘗前菜，有豆腐，很嫰滑，白子配合特有既汁很醒胃，虎蝦配上魚子醬感覺很高貴，漬物最喜歡牛旁，爽脆。真正既戲玉係壽司，首先有左口魚，深海池魚，竹籤魚，針魚，獅魚，最鍾意深海池魚很鮮甜，口感軟滑。另一邊有帆立貝，金目鯛，黑木魚，拖羅 同 馬糞海膽，拖羅入口即溶，比放題店吞拿魚高幾班，馬糞海膽濃郁甘甜，令人回味卷物鐵火卷很有咬感，雪花煮既湯清甜，最讚係蕃薯味雪糕，很特別。這餐Omakase, 每人盛惠$770元，有點肉赤，味道是好，但感到有點肉赤丫。。…Read More

元朗另一間Omakase鮨店 - "寿司の神", 風頭同樣一時無倆, 言師傅同樣出身自“見城”, 一不離二, 光顧過"鮨文"後, 離不開要一探元朗Omakase的始祖 - "寿司の神"的底蘊。 相比"鮨文", "寿司の神"作風較為低調, 地點更偏僻, 跟市中心有段距離, 相對門面顯得較為親民, 沒太多花巧, 像是實事求是般。 因為平常也會經過這邊, 所以對元朗人來說並不太陌生。 同樣設有壽司檯和散檯, 相比下座位稍多幾個。 格局來得樸實, 燈光也較幽暗, 壽司檯後的師傅們頓成焦點。 有了“鮨文”的經驗, 這次不是主力食Omakase, 所以訂座時並沒有主動求坐到壽司檯。 Omakase的格價和內容有5款選擇, 由六百玩起跳, 甚具彈性。但我們想嚐到壽司同時, 可以嚐到其他美味, 於是除壽司刺身是Omakase外, 其他都是自選。另外午市的價錢較相宜, 可給予"入門版"淺嚐Omakase的滋味。 先來一碟: 前菜 $90由三星漬豆腐、溫室無花果、黑松露虎蝦和螺組成的前菜, 賣相精緻美。 三星漬豆腐加入的漬物, 強勁的鹹和酸, 平衡味淡的豆腐。 溫室無花果加了麻醬, 與味甜的無花果很配合, 清新一下剛才的豆腐鹹味, 也很開胃。 黑松露虎蝦黑松露香濃味道加鮮甜彈牙虎蝦, 雙鮮互相平衡。 螺肉沒有太重海水味亦沒有沙, 入口彈牙帶少許鹹, 淡淡的螺香, 爽口鮮甜。 緊接到正題: Omakase 3款刺身 $300 鯛魚淡粉紅的魚肉晶瑩剔透, 肉質細膩柔軟, 魚味清淡甘甜, 表面加了辣蘿蔔蓉, 中間捲上芽蔥, 令鯛魚變得多層次味道。 鯖魚正值季尾的鯖魚仍然脂香豐腴, 配上薑蔥而不蘸醬油, 薑蓉跟蔥花一起食, 帶出鯖魚的鮮美, 猶勝醬油。 鰤魚即是野生油甘魚, 厚切的淺粉色, 肉質柔軟爽口, 油脂不算多, 清雅甘甜, 蘸上wasabi跟醬油, 新鮮即磨的wasabi 味道淡淡中帶點甜, 沒有嗆鼻感, 與鰤魚非常配合。 Omakase 7貫壽司 $900 伊佐木來自九州, 夏天當造的伊佐木, 師傅將其火炙燒過, 白色的魚肉質感清爽帶微滑, 味道甜美, 不過置面的薑蔥茸稍稍蓋過魚的鮮甜。 秋刀魚差不多到"水尾"的秋刀魚, 要把握一嚐的機會。魚味濃而不腥, 口感黏性適中油潤不膩, 散發油脂甘香, 齒頰留香的滋味叫人牢記牠的甘味。 深海池魚早已塗上醬油於魚面, 半透明的肉質結實細緻, 口感厚實肥美, 魚脂香幽幽的滲出, 不錯。 細棘蟹由蟹膏、蟹肉和蟹籽組成的軍艦, 滿滿的, 肥美蟹膏, 結實蟹肉, 入口非常鮮甜味美, 香濃豐富的蟹味在味蕾上爆發, 十分滿足! 炙燒銀雪魚 微微火炙過的銀雪魚, 帶點焦香, 早已混入沙律醬, 蔥花上帶點辣蘿蔔蓉, 燒過後魚油更豐腴。壽司飯混入赤醋, 微酸的醋味, 與銀雪魚十分配合。 海膽 海膽, 又是海膽! 只怪不是我杯茶, 益了嘴饞的老公。用上北海道馬糞海膽, 味道濃郁鮮甜, 口感厚實, 這都是他的評價。 牡丹蝦 白而通透的蝦面塗上蟹膏汁, 鮮上加鮮, 蝦肉香甜又嫩滑, 肉質綿軟, 柔中帶黏口, 鮮味十足。 另外自選叫上: 蒲燒鰻魚 $90/半客 厚身的燒鰻魚, 肉質爽口結實, 蒲燒甜味香口, 也頗入味, 魚皮表面更燒得一層焦糖脆香, 入口綿滑, 美味得不住回味, 做得很出色的一道。伴碟的白飯魚乾片, 脆身香口, 同樣好食。平常不太食鰻魚的我, 這碟讓我改觀, 重新愛上這食材! 雜錦天婦羅 $120淡黃泛光的天婦羅包括有: 海蝦、日本蕃薯、日本南瓜、日本茄子、紫蘇葉石班、舞蓉菇和素麵。 海蝦 - 大小適中, 蝦肉彈牙結實, 炸漿薄薄的恰到好處, 輕輕蘸上醬汁已好好食。 日本蕃薯、日本南瓜 - 兩者都非常香甜, 質地結實糯口。日本茄子 - 外面香脆, 內裡多汁, 好食。 紫蘇葉石班 - 這個配搭頗新穎, 脆口的紫蘇葉包著嫩滑石班, 鮮香清爽。 舞茸菇 - 雖然炸過的舞茸菇味美可口, 我還是喜歡燒過後仍帶菇汁的狀態。 素麵 - 造型像一把扇子很漂亮。素麵炸得香脆可口, 味道淡淡的又不油膩。 不止刺身壽司優質, 炸物亦很出色, 這碟天婦羅質素水準很好, 當然不能與天婦羅專門店相比, 但溢出的油份不多, 每樣食材既新鮮又熱騰騰, 好味! 尾聲來一碗魚湯: 翠肉瓜魚湯 $40 用魚熬製的湯味濃鮮甜, 加入翠肉瓜, 和點點紅橙的米通粒, 令鮮味及口感都增加, 熱烘烘的魚湯飲過後盡是滿足。 最後送上兩杯: 自家製雪糕 鹽味雪糕 - 鹹中帶甜, 雪糕質地十分滑溜, 很不錯。 栗子雪糕 - 非常香濃栗子味, 還帶有點點栗子蓉, 幼滑美味, 很想多吃一杯啊~!! 雪糕伴碟的竟是玉子燒! 雖然是不熱辣辣剛煎起那款, 蛋味亦未算香濃, 但那紮實質感, 凍食也很美味。 "寿司の神"與"鮨文", 同門師兄弟的同區較量, 令Omakase變得白熱化, 各有美味之處, 各自亦有不足之處, 刀功跟技術不相伯仲, 唯一相同處就是對自己的出品品質很有信心。 良性競爭可讓實力不斷提高、進步, 最後受惠的也是食客們的舌頭。將高級日本料理以較平民式演繹出來, 令大眾不用花費數千元也可嚐到鮮味美味, 享受到Omakase的樂趣! …Read More

今年開始踏入職場，媽咪生日當然要帶佢食返餐好嘢。媽咪喜歡食日本菜，每次去日本都會去居酒屋，今次就特別啲帶佢嚟到元朗的壽司之神。呢間餐廳既特別之處係師傅會根據客人的喜好及當日空運的食材，為客人提供刺身及壽司。餐牌最貴是1200元的套餐，我們點了1000元由廚師發板的套餐，價錢元朗嚟講都算高價位，不過媽咪生日豪一次都唔緊要拉。原來吧枱一早比客人book晒，我們只好坐四人枱。前菜宮城縣粟米刺身生蠔刺身超正！拖羅一擺入口會隨著口腔溫度慢慢溶化，肥美又濃郁的魚油香氣在味蕾上停留，久久不散。海膽軍艦超！正！份量十足海膽軍艦，完全沒有苦味和腥味，非常甘甜，入口即溶。雜錦天婦羅呢碟天婦羅有南瓜，茄子，蝦子，舞茸菇，白麵。天婦羅剛炸起，外脆內軟，沾上天婦羅汁食，無得彈！條魚炸得好香，魚肉炸完唔會好乾，我同媽咪連魚頭魚尾都食埋。魚湯真係要比滿分，魚湯是用新鮮既魚煲成的，完全無魚腥味道。甜品抹茶布甸賣相這裡的抹茶布甸一定要食，抹茶的味道是苦苦甘甘的配上布甸的，剛好中和了。這樣優質的質素比得上很多高級日本餐廳，在市一定要雙倍價錢，值得入元朗一試！…Read More

阿女話元朗有一間有水準日本料理，想和我去吃下這間有人氣日本料理，這間有別一般日本料理，它由師傅根據當時食材整給客人食用，價格不是太平。阿女由她請客，食店不是太難找到，我和阿女入座之後，由師傅即場整給我們吃，由前菜開始，見到師傅整前菜。十分有刀功，三文魚十分鮮甜美味，北寄貝亦都美味可口，天婦羅炸得好好味，這些賣相十分精美，地方並不是太大，座位坐得舒適，價格的確貴佐些小，1000元一個在元朗日本料理已經叫貴，我和阿女覺得物有所值…Read More

日本旅行回來，一直很想念那邊的美食。於是寶寶便我到最近朋友間都推介的寿司の神。簡單的門面，木為主的裝潢。BAR檯前可看到師傅仔細地為客人準備食物。小小的空間讓我有種置身日本的感覺。這裡除了A LA CARTE以外，當然少不了OMAKASE。小食為宮城黃金粟米和靜岡蕃茄。宮城黃金粟米每粒粟米都很飽滿多汁，雪至清涼，咬落去啖啖粟米汁，甚是香甜。而靜岡蕃茄雖然只有小小的半個，加上一點微酸的醃菜放在上面，清新開胃。而且果醋酸汁不會太搶味，反而突出了蕃茄味的清新。刺身拼盤，先吃貝類，再由較淡味的白肉魚開始食，至味濃的紅肉刺身。響螺帶有淡淡的紫蘇香味，肉質爽脆，完全沒有腥味。深海池魚，魚味較淺，肉質比較結實有口感。伊左目，肉質較軟，味道較魚濃一點，魚皮爽脆帶點彈牙。鯖魚，個人很喜歡食燒鯖魚，反而很少食鯖魚刺身。刺身味濃，肉質柔軟。輕燒甘目鯛，稍為火炙過帶有點炭火香味之外，更讓其魚味更突出。左口魚(包芽蔥)，芽蔥即是蔥最末端，但味道不會刺鼻，完全沒有搶走左口魚的鮮味。加上有點柚子味昆布在底，更能突顯左口魚的魚味。不過個人覺得左口魚最好食的原因不只是因為其味香甜，而是其彈口感，更為之添分。吞拿魚TORO，單看已經看得到其分明好看的油脂，咬落十分肥美香濃。肉質軟到有入口即溶之感。魚油很香，但食落不會過分油膩，甚是好味。刺身豉油味重，由於刺身本身很鮮味，我完全沒有沾豉油食。壽司岩鹽白蝦，每隻白蝦都小小的，比較淡口，所以加上殅點岩鹽以提味，肉質Creamy柔軟。真錭，很重魚的鮮味，口感爽脆。油甘魚，我最喜愛的魚類之一，加上柚子更提味，令餘韻更香，魚肉偏結實。生秋刀魚，味道很濃。飯煮得剛好，而且味道不會太淡或太酸，影響整件壽同的平衡。燒魚燒至骨脆肉香，就連皮都十分脆口。或者用鹽醃製過，所以魚皮比較咸，一定要連魚肉一齊進食。不過有部份魚肉燒到太乾。三文魚籽軍艦，每粒三文魚籽都很有光澤，咬落去粒粒爆水，但一點也不腥，十分清新。海膽軍艦，聞落已經有海水味，質地Creamy，不會刺鼻或喉嚨，十分新鮮甘甜。軍艦最重要是讓紫菜能保持乾爽。天婦羅，炸粉十分薄身，不會掛油太多。日本蕃薯十分香甜。舞茸菇，炸過後還保持到菌類的鮮味。大蝦，份量十足啖啖肉，而且新鮮彈牙。奶白色的湯水，用飯粒加在其中煮成的湯，質地偏稠。飲得到十分濃的魚味，加上清新脆肉瓜，令人有添飲的想法。鹽味雪糕，淡淡的監味更提出奶的香味，可能奶的成份都幾重，所以質地很結實幼滑。綠茶Pudding，面層的黑豆煮得十分甜，甚至比紅豆更甜，而且煮到很綿，個人十分喜愛。而布丁只有很淡的綠茶味。雖然每道菜式都很精緻，份量不多，但食得很滿足，而且份量十分夠。…Read More

家住屯門已經快廿年，對於近在咫尺的元朗其實都不是太熟悉，而壽司之神，係一年前從另一間壽司店的師傅口中得知， 早前朋友問起兩間之中那一間值得試，因為我只食過另一間，所以未有評論。結果襯生日就嚟試一試，從中畀啲參考朋友。壽司之神在元朗市近大坑渠，那晚師傅還說有很多水性的Pokemon捉～    廚師發板有幾個唔同嘅價錢，最平嘅六百元起，當然也會有單點供應～喜歡近廚得食的感覺，每次食Omakase 都會指明要座吧台，一面食，一食望住師傅準備食材，有不明白仲可以即時發問，滿足晒我的好奇心。廚師發辦是時令做食材，當然師傅會問有什麼食材不吃的，作出微調。前菜包括有靜岡番茄及北海道粟米。北海道粟米不同平時金黃色的外表，而且是生食的，口感爽脆清甜無渣，已脫皮的靜崗蕃茄大大顆，上面淋有洋蔥的醬汁，令到佢嘅清田更突出。長畸小長井真蠔 真蠔有如男生手掌的大小，加了一些蔥花麵豉辟腥，蠔身肥美海水味輕而不霸道，作為前菜非常不錯吃。接著就係刺身啦～出場的次序都係由淡味到濃味，第一款出現的是左口魚刺身師傅刀功了得，把左口魚切到超薄身近乎透明，再包著嫩蔥，口感比較實淨，魚味淡淡的，另一款則加上柚子皮及岩鹽，酸酸地令味道更加突出。響螺刺身，見著師傅上菜前輕輕拍一下，見到響螺有收縮的反應，微微的彈起，因為它其實仲有生命的，打它的肌肉就會收縮感，口感會更加爽脆，上面放少少海鹽提味～完了爽脆的白身魚就開始魚油比較多的魚類，油甘魚刺身肥美無渣，肉質結實。金目鯛刺身，用火槍輕輕一燒，把魚油都迫出來，師傅把魚皮放回魚肉上，魚皮脆身帶少焦脆感，魚肉滑溜，一次過嚐到兩種不同的口感。而且仲有小小藝術的感覺。最後一款刺身就係大拖羅刺身大拖羅是比較近根位，這片食落有少少根未夠盡慶，但因為魚油豐富，入口即溶效果依然明顯。完咗刺身之後就係壽司嘅部分啦，一如以往都會由淡味的刺身開始第一件就係深海池魚壽司，肉質爽滑，師傅呢將佢加咗啲醬油，一如想像是比較淡味。秋刀魚壽司夏天至初秋是秋刀魚的當造季節，而且呢種魚保存時間短，當然要一試為快，肥美肉質細嫩，魚香夠而不腥。白蝦壽司 晶瑩剔透的白蝦山上面放了一朵紫蘇花，除了增加視覺的效果，仲可以增加食味，不妨試試把紫蘇花放到醬油中，味道會更加清香，白蝦味道比較清淡，口感笠笠地，自己就並唔係太喜歡了。仲有呢個花蟹的蟹膏壽司，花蟹是人手拆的，蟹黃蟹肉紫菜是最佳配搭，只是蟹膏份量略少，味道亦不夠突出，覺得有點不夠喉。吃完壽司已經到了熱盤啦，熱辣辣的天婦羅併盤海鮮類有虎蝦，蔬菜有南瓜茄子松茸蕃薯等，天婦羅炸漿夠薄身，而且不會好油膩，蕃薯粉甜，大虎蝦彈牙，整體都不錯。翠肉瓜魚湯奶白色的魚湯魚味濃郁，膠質豐富，送上台時溫度剛好，而且飲落順喉，沒添加的味道，入面的翠肉瓜亦好細緻的做成互扣的鏈狀。甜品是雪糕，當晚就有綠茶奶茶芝麻味雪糕以供選擇，我揀了大路的綠茶雪糕，有少量回甘，但未算好特別。終於都叫做試勻兩間差不多的食店，另一間我一星期內再去了一次，點了差不多價錢的套餐，感覺另一間質素好少少，這裡不是不好，只是有點細緻位需要微調。…Read More