沙田18

獲獎無數嘅沙田18供應正宗東莞同北方菜式 仲有一系列點心同fusion創意甜品🏆人氣之選一定係北京烤鴨同玫瑰露叉燒 有師傅現場表演架👨🏻‍🍳.📌茶芥 鐵觀音茶底濃醇 正常發揮🫖前菜醃蘿蔔 口感爽脆 酸酸甜甜 好開胃 仲可以添架🥕.📌傳統北京烤填鴨 $718/隻嚟到當然要食呢度嘅招牌菜 book位就要預訂埋 揀左一食🌟師傅會即場將原隻烤鴨片成三碟 分別係鴨胸皮, 鴨胸肉同連皮鴨腿肉🔪鴨胸皮香脆酥化 入口即融 滿滿鴨油脂香 沾上甜甜白砂糖 出奇地好夾 仲中和到油膩感🦆鴨胸肉同連皮鴨腿肉就可以用軟熟煙韌麼麼片 連埋香口大蔥, 爽脆青瓜, 香甜黃麵醬一齊食🫔重口味啲 加少許辛辣蒜泥 味道口感層次更豐富 超惹味🧄烤鴨香而不膩 肉質結實得嚟又軟嫩 唔乾柴 鴨味濃郁🥰最鍾意連皮鴨腿肉 油脂感冇咁出 皮脆肉嫩👍🏻不過一定要趁熱食 凍咗會比較油膩🔥.📌禮雲子鱈魚粒炒飯 $298好推介呢個炒飯 勁有鑊氣 上枱已經聞到陣香味😍米飯乾爽唔油 粒粒分明🍚鱈魚粒炸過 幾特別 外脆內軟 不過就好易淋 有陣油溢味🐟加入鹹鮮蟹膏醬炒香 金黃色 味道昇華💯.📌明爐烤蜜汁叉燒 $260好多人都推介堂弄玫瑰露叉燒豬油撈飯 我今次就試下齋叉燒🍖蜜汁香甜味唔濃 反而鹹味會重一啲🍯叉燒烤到有脆邊 幾香口 肉質唔柴 但唔夠嫩滑軟腍 整體都幾普通 不過都算肥瘦均勻 仲有少少筋爽口位嘅🐷.📌松露菌生啫龍躉斑球 $398龍躉肉大大嚿 魚皮爽彈 肉質超滑溜 冇骨啖啖肉 好滿足🐟配料有濃郁松露菌粒, 爽脆香口西芥同大量清甜大蔥🍄🌱大蔥勁入味 不過好吸油同埋有啲燶🙈.📌黑蒜牛肝菌帶子餃 $70餃子皮煙韌Q彈有咬口 頂端有粒香甜黑蒜 幾特別🖤牛肝菌味唔濃 食落都好似冇帶子👀內餡係蝦仁, 露荀, 菇同紅蘿蔔粒 似口感好豐富嘅蝦餃🦐整體味道幾清淡 配搭輕盈健康😆.📌黃豆醬杏鮑菇炒西蘭花苗 $230杏鮑菇片好厚肉 爽嫩多汁🍄西蘭花苗花嘅部份好索味 偏鹹 莖會好啲 口感爽脆🥦除左鹹香黃豆醬 應該仲加左薑汁 味道有啲似炒芥蘭🫚…查看更多

本是安排去年團年飯地點，疫情下最終取消，今年放寬不需限制人數即在一個月前定位，只需按時入席即可。一行十三人安排特大廳房環境舒適，食得安心。菜單首選一:傳統北京烤填鴨三食(一食.片皮,胸肉,腿肉。二食.生菜片鴨鬆。三食.紹菜豆腐鴨骨湯。)專人席上片皮選二:堂弄玫瑰露义燒豬油撈飯。(只供廳房六人以上享用)選三:松露菌生啫龍躉班球選四:咸蛋黃魚皮蝦球選五:沙田18特色甜品拼盤(烏龍茶雪糕(需時40分鐘)腐乳芝士泡芙南瓜薑汁法式燉蛋綠茶紅豆意式芝士蛋糕焗黑芝麻湯丸酥皮批柚子桂花紅豆糕柚子朱古力貝殼蛋糕)。…查看更多

疫情下為契妹同哥哥慶生，一眾長輩決定避開人群去遠少少入沙田，一嚐有名嘅酒店中菜「沙田18」 。「香港沙田凱悅酒店」位於大學站旁，即使由港島區出發坐地鐵都好方便。五星級家庭渡假酒店樓底極高，用餐大堂開揚通爽，空間感足。十人派對安排於廂房內進行，光線充裕，闊落舒適。雖然限聚令下要分兩張枱坐，但勝在私隱度高，有好多梳化位擺放隨身物，仲有專人招待，經理Raymond哥哥更親自跟進，酒店級服務實在周到。房間設有最低消費額，週一至四為$6,500，週五至日及公眾假期為$8,500，精明嘅XO仔當然係預訂好菜單啦！（52頁餐牌可於網頁上下載：https://www.hyatt.com/content/dam/hotel/propertysites/assets/regency/shahr/documents/en_us/dining/sha-tin-18/Sha-Tin-18-A-La-Carte-Winter-Menu.pdf）精選酒品價錢合理；如顧客有意自攜佳釀，紅酒、白酒、汽酒之開瓶費為$400/枝標準裝及$800/枝雙瓶裝。每位席上都擺有齊備嘅自用及公用餐具。所有食物由服務生於一旁代為分派，作序嘅三款前菜先以拼盤呈上。麻醬拌菠菜（$128）：以麻醬調味嘅菠菜冷盤濃甜香嫩。話梅冬瓜（$128）：同樣凍食嘅冬瓜條清爽多汁，散發出嘅話梅味酸甜芬芳，新穎嘅組合醒胃消暑，勁啱auntie們口味。鮮紫蘇蒜醋帶子牛油果（$205）：牛油果真係好少喺中菜出現，新潮地配上軟嫩嘅帶子，當中嘅紫蘇及蒜香提鮮得黎相當輕盈。湯品共點咗兩款，其中鮮腐竹龍躉斑片勝瓜魚湯（$120/位）可續碗叫。分開坐嘅番薯uncle同哥哥都讚賞奶白色嘅魚湯柔滑清甜，應該都飲得過。八寶冬瓜盅：壽星女點嘅冬瓜盅原盅上，以示其真材實料！厚厚嘅冬瓜件半爽半腍，混入咗瑤柱、蟹肉、瘦肉、青瓜等煲製嘅高湯鮮濃甜美，絕對足料。傳統北京烤填鴨（$658/隻）：鎮店名菜之一嘅北京填鴨雖然唔洗預訂，不過餐牌上寫明製作需時約七十分鐘。原隻叫有師傅即場堂片，帶哂手套都片得勁快手，邊片啲煙即從鴨肉上飄出，明顯鴨鴨熱力十足！「一食」包咗片胸皮、胸肉及腿肉，另跟薄餅、青瓜、大蒜絲、黃麵醬、蒜蓉及白砂糖。片皮鴨傳統食法同細佬平時食開嘅不同，應建議於鴨胸皮灑上砂糖後就咁食，有厚度嘅胸皮咬落脆巧得黎半化於舌上，酥香尤甚。第二碟左邊嘅鴨胸肉嘅皮已經起哂做第一碟，右邊連皮嘅則為鴨腿肉，應自己嘅喜好加入青瓜及大蒜絲，塗上甜醬及蒜蓉，再以軟薄暖手嘅薄餅皮包住黎食，DIY北京填鴨卷肉香鬆潤，可口味佳。風味椒鹽鮮魷（$285）：炸至金黃嘅椒鹽鮮魷外層酥化，鮮魷彈牙有嚼口，送酒佳品也。避風塘鱈魚粒（$428）：鱈魚粒外脆內嫩，香辣惹味。禮雲籽鮑粒煮滑豆腐：豆腐粒香軟滑溜，以鮮濃嘅禮雲籽同柔韌嘅鮑粒點綴不單令菜式更鮮，同時亦可令口感更豐富及有層次。鳳眼果紫蘇花螺肉爆炒鮮豬腿筋（$338）：爽彈嘅花螺肉拌炒煙韌帶脆嘅豬腿筋外表看似平平無奇，但配搭卻鮮濃芳香得很！生炒豬油渣菜心（$180）：油光閃閃嘅菜心色澤翠綠，幼嫩得黎同舖面啲豬油粒一樣咁脆卜卜，席上無一不讚，香口正菜當真必吃！堂弄玫瑰露叉燒豬油撈飯（$100/位；六位起）：必先預訂嘅懷舊飯品只限貴賓房內供應。堂弄叉燒嘅火焰效果震撼非常，大師傅快速嘅刀功亦是一絕，男女老幼嘅觀眾都咁投入興奮！明明未食到單尾個個已經話飽飽，睇完精彩嘅表演後，面前嗰碗熱辣辣嘅叉燒飯實在魅力沒法擋，八成人都成碗食哂咁堅！砵中嘅白飯粒粒肥潤飽滿，撈入另上嘅甜豉油及豬油足以添上香滑，頂面嘅叉燒肉厚少肥，肉汁豐沛，每件同樣鬆潤甜美，絕對係XO仔食過最正嘅叉燒，相信食神都要行埋一邊呀！鮑魚北菇撈麵（$295）：長壽撈麵軟腍入味，鮑魚及大大隻北菇均厚潤鮮美。爵屎壽星女揀咗酒店聞名嘅「沙田蘋果批」做生日蛋糕，全程力撐MY APPLE PIE！同時用上青蘋果及紅蘋果製出嘅招牌蘋果批混入咗天然蜂蜜，故其酸甜度分外和諧，加上批皮香口夠鬆，食落一啲都唔膩滯。甜品環節同前菜好對稱地以拼盤呈上，其中打包唔到嘅「五糧液朱古力雪糕」（$48）醇香微甜。不過小肥真係食唔落其他兩件「焗黑芝麻湯圓酥皮批」（$68）及「腐乳芝士泡芙」（$68）。酒店中菜廳「沙田18」雅致衛生有氣派，服務生體貼好客，集齊懷舊、潮派、傳統嘅菜式高質美味，於廂房內用膳可大飽眼福之餘，以指定信用卡付款更可享九折優惠，平均每人約九百大元個個都話抵食，雖遠赴沙田都深覺不枉此行！不過下次再黎可以減去甜品，以控制打包量。…查看更多

朋友話呢間片皮鴨係香港數一數二, 今次一行四人就叫咗半隻片皮鴨, 再叫咗好多小菜同甜品四喜烤麮 - 雖然未係友人心目中傳統味道, 但屬正常水準傳統北京烤填鴨 - 我地淨係叫咗二食, 冇要到湯, 先嚟係將用鴨胸皮沾白砂糖, 充滿鴨油香又鬆脆; 跟住就係連同煙靭軟熟嘅薄餅皮包上juicy鴨肉、青瓜、京蔥和黃麵醬, 傳統食法; 最尾就生菜片鴨鬆, 生菜清爽解膩明爐烤蜜汁叉燒 - 食完鴨開始上主菜, 但我地仲未食叉燒喎, 一問原來係漏單, 不過有得食就好, 尚算軟糯入味肉鮮彩椒鳳梨咕嚕肉 - 用新鮮菠蘿都比較酸, 咕嚕肉皮脆肉嫩, 醬汁唔會過多過濃, 幾好孜然紅蔥炒羊肉 - 小辣香口, 羊肉唔羶, 羊肉迷可能會有少少失望窩蛋牛鬆焗菠菜 - 煲仔上熱騰騰已經好吸引, 搞開窩蛋撈埋落菠菜, 索哂牛肉味同蛋嘅香滑食過咁多道菜係時候用甜品round up, 估唔到佢地甜唔品都有咁多選擇, 今次揀咗3款花雕話梅雪葩 - 清爽話梅, 花雕味唔算好濃但夠香五糧液朱古力 - 呢到除咗片皮鴨, 另一個signuture就係佢,  估唔到五糧液加朱古力效果咁好, 加埋面頭塊焦糖脆片錦上添花焗鳳梨山楂酥 - 山楂味唔夠突出, 但酥餅夠鬆脆下次要再組團包房食埋豬油撈飯…查看更多

聽講沙田18口碑唔錯，片皮鴨尤其出色。我同媽咪都好鍾意食片皮鴨，所以預早喺openrice 訂定枱媽咪生日嚟食。片皮鴨需要預訂，訂枱時喺remarks度寫明就可以。餐廳地方唔算大，但枱與枱之間距離唔會太近，唔會太嘈坐得舒服。松露菌生啫龍躉斑球一上枱就好香，龍躉斑球件件都大件又厚肉，表面滿佈松露醬。龍躉魚肉結實得嚟又滑，魚皮充滿骨膠原松露味好香但唔會搶龍躉嘅鮮味，係個好好嘅配搭龍躉底下鋪滿咗大蔥，煮熟咗嘅大蔥食落好甜，表面微燶好香口。主角片皮鴨終於上枱，一碟係鴨胸皮，一碟係一半淨鴨肉一半鴨肉連皮。配料有最基本嘅青瓜同白蔥絲，調味醬料就有甜麵醬同生蒜泥。鴨胸皮非常酥脆，油脂豐富，鬆化到近乎入口即溶。蘸白砂糖食令成件事更加邪惡🙈鴨皮烤色均勻，賣相一流有油脂得嚟皮下脂肪唔會過多。而且火喉剛剛好，鴨肉唔會烤得過乾，但未至於嫩滑。一件連皮鴨肉加一件淨鴨肉，包喺厚薄適中嘅麵皮入面，個人認為係最佳比例。加啲生蒜泥就更加惹味特色東莞炒米粉炒得夠乾色，有鑊氣得嚟唔會過份油膩除咗主食質素高，餐廳仲有多款甜品選擇，其中好多都係一般中菜餐廳唔常見嘅創意甜品，好吸引！腐乳芝士蛋糕聽落好新奇有趣，當然要試下！其實腐乳味道同芝士都係好相似，用嚟整芝士蛋糕毫無違和感，令芝士味更加香濃確認訂枱時叫咗餐廳寫生日牌，手字幾靚值得一讚之前都食過五糧液軟雪糕，酒味雪糕基本上一定好味。呢個配埋朱古力就更加正黑朱古力味道香濃，雪糕非常細滑食一球真係唔係好夠喉…泰式珍珠奶茶個色水唔太似泰奶，泰奶應該係偏橙色。冰感比較重，稍嫌唔夠滑，但茶味都算突出。珍珠煙韌，如果可以先用黑糖煮過，甜啲就更好。焗黑芝麻湯圓酥皮批呈金黃色，賣相好靚。酥皮香脆帶蛋香，裡面黑芝麻湯圓煙韌有咬口，黑芝麻餡香濃唔會太甜整體嚟講食物質素好高，招牌菜烤鴨果然好出色，其他餸菜都好味。而甜品多選擇之餘，有創意又好味。期待下次嚟飲茶食點心…查看更多

聯同數位教友，到沙田凱悅酒店為牧師慶生，共享美味佳餚。因為叫了很多東西，所以北京填鴨只要了半隻一食的。鴨皮、鴨胸及鴨腿肉配上醬料、青瓜條和大蒜一起吃，極之香口；其中較有特色的是黃麵醬，令填鴨包不會一味的甜，還帶著微微的鹹意。北方豬肉餃子的食味跟其外觀一致的平平無奇，不是不好吃，豬肉餡有些疑似冬菜的物體，鹹中帶鮮，只不過以酒店中菜廳而言，出一碟這麽普通的餃子，未免有點那個。蟹粉小籠包就對辦得多了。包裡有汁是必然的，竟然還吃到蟹味，証實蟹粉的而且確落的不少。熱烘烘上桌的龍躉斑球斑肉結實，松露香發揮得淋漓盡致，好滿足。另一驚豔之作乃菠蘿咕嚕肉兩面黃。炸麵底的面上是咕嚕肉，效果出奇的好，咕嚕肉還是脆的，配合酸甜有致的汁，是一個出神入化的組合！又到食蟹的季節，我們叫了一客豉香蒸膏蟹砵。一整隻巨蟹降落在蒸蛋之上，蟹蓋本身已是有膏的，下層的蒸蛋更是啖啖蟹膏，加上豆豉的鹹香，驚豔之作！除了餃子之外，每一道菜都令人回味，值得細意品嚐。…查看更多

傳統北京烤填鴨我超愛食北京填鴨, 好多朋友叫我去沙田18試下, 今次終於有機會.平日食北京填鴨, 只會一味蘸黃麵醬 + 大蒜 & 青瓜配薄餅食原來傳統食法係會刁鑽啲店員細心講介每一部份的享用方法👍🏻.⭐️ 鴨胸皮特別酥脆, 唔會油淋淋, 沾上白砂糖就可以食如果無沾上白砂糖味道會太單調, 白砂糖⭐️ 鴨胸肉就跟隨一般食法, 黃麵醬 + 大蒜 & 青瓜配薄餅, 連皮的鴨胸肉更可以加入少許蒜泥.二食 - 生菜片鴨鬆.三食 - 紹菜豆腐鴨骨湯...好好飲, 入口清清地, 鴨骨味道慢慢滲出可惜一人分得一碗😞.沙田18 (沙田)沙田澤祥街18號沙田凱悅酒店4樓#沙田kgrams香港|中式➡️ #中式kgrams#hkig #hkfood #hkfoodies #instafood #foodpornhk #相機食先 #yummy #852food #fdsgathering #hkeats #hkfoodpic #hkfoodies #hkfoodblog #吃貨#hkfoodblogger #foodlovers #片皮鴨 #北京烤鴨…查看更多

又來到姐姐放假的七一假期，真的很懷念早前在沙田凱悅酒店的渡假時光... 今天，繼續分享酒店內的美食，首先是一到埗在 沙田18 品嚐的烤鴨午宴～我們參加的夏日家庭度假營是下午2時開始登記入住，素仰餐廳大名已久，我們決定入住前自在這裡吃午餐，之後就剛剛好 check-in。18 含有幸運、富足之寓意；餐廳設4個開放式廚房，供應正宗東莞及北方菜式，曾獲不少獎項及殊榮。而無論是餐廳門面或食物選擇，都與澳門君悅酒店的滿堂彩有八成相似！ 　不過有點 沙田18 比 滿堂彩 更優勝的，就是這青綠迷人的園林景緻；其實這是沙田凱悅酒店的吸引／成功之道，由這刻時間，一家人的旅行mode都完全啟動了！　老公點了香口好喝的香片茶 ($20/位)，有點意外是埋單時沒有收取囝囝茶錢，另外漬蘿蔔及鹽香花生都沒有收芥錢，十分大氣。　其實甜魔媽媽並不喜歡吃漬蘿蔔，不過這裡做的實在香甜爽脆，還帶點話梅香氣，十分好吃，這天吃了不少；同時妹妹也爭著要吃！小兄妹出門前吃了一點粥仔，不過來到又開始餓了，首先為他們點了一份 滋味鮮茄蛋煨刀削麵 Braised tomato, egg, hand-shaved noodles, broth ($118)，正好試試北方麵食水準。鮮茄蛋其實是四川老鄉的菜式，當年帶囝囝回鄉常常靠它餵飽小魔；酸甜開胃又有小兄妹極愛的蛋蛋，兩隻都很喜歡吃，而麵條也甚有口感，就算浸泡一會都不會太腍，幾好。　　也點了兩款點心一起分享；有小兄妹在，點心都算他們適合的，分別是蝦餃及叉燒包。　識食囝囝可是超級喜歡吃蝦餃的！而這裡的 傳統筍尖蝦餃皇 Steamed shrimp, bamboo heart dumplings ($60)，碩大飽滿，蝦隻又鮮又爽，加上厚薄適中的澄皮，令人滿足。　　　蠔皇叉燒包 Steamed barbecued pork buns ($54) 也同樣足料香甜，包身又鬆軟可口，也是高質素出品。蝦餃妹妹吃不了，叉燒包就可以大快朵頤了，為食妹一臉滿足！　 　來到這裡，必吃 傳統北京烤填鴨 Traditional Peking duck。烤鴨分為一食、二食及三食，首先片胸皮、胸肉、腿肉的一食，定價$550隻 / $340半隻，我們當然只要半隻就夠。　　師傅在我們面前手起刀落，很快的，一碟鴨皮就給片好；然後又到胸肉，最後是腿肉連皮上檯。連同青瓜、大蒜、黃麵醬、砂糖、芥末、薄餅（共兩籠）等，堆得豐豐富富的上檯。　　先吃片胸皮，這純皮的部分油光透亮，晶瑩剔透卻一點肥膏肥脂都沒有，拌上砂糖來只，只感清脆清甜，像吃威化餅一般，囝囝愛極了！ 一連吃了很多件。　然後再吃沒有鴨皮的淨胸肉，這部分單吃是會較悶，一定要點連上青瓜、大蒜、黃麵醬，捲著薄餅吃，才帶來較豐富多變的好滋味。　最後是腿肉連皮，這部分也是甜魔媽媽最愛吃的，淨食或包著薄餅吃來，都很美味。　妹妹還小，只有淨吃薄餅皮的份，大個仔則試了不同的吃法，最愛始終是吃皮！ 　我們也點了二食的 生菜片鴨崧 Wok-fried minced duck, iceberg lettuce ($145隻 / $105半隻)，鴨崧加芽菜炒得香口，包以生菜來吃清新中見酥香，好吃不過兩口子分也有點膩；好久都沒吃那麼多鴨子了！　　 　還好沒點下三食的 紹菜豆腐鴨骨湯 Duck soup, Chinese cabbage, beancurd ($50/位)。不過選擇全食的話，定價會較優惠，分別是 $765全隻 / $480半隻。人多來可以考慮。吃得超飽了，不過還是想試甜品啊！因為這裡的甜品選擇十分豐富多彩，考慮一陣決定點下 甜品併盤小 ($255)。這份小的甜品併盤陣容也不野少，共有六款甜品包括：時令鮮果盤、綠茶芝士蛋糕、腐乳芝士蛋糕、芒果凍布甸、雪耳杞子杏仁糕、椰子飯雪糕。下面附上甜品散叫價給大家參考。　　首先品嚐 綠茶芝士蛋糕 Green tea tiramisu ($70)，也是個人心水至愛，那綠茶味清幽沒有太濃，與香滑的 Mascarpone 完美結合，面層是脆餅，另外蛋糕質感及濕度也對辦，甜魔媽媽超喜愛很推介！ 但老公覺得略甜了一些。接著的 腐乳芝士蛋糕 Chinese preserved beancurd cheese cakes ($62) 入口真有腐乳獨特的氣味！其實與芝士蛋糕又幾夾，還加上杞子增加天然甜味及中式風情。雪耳杞子杏仁糕 Chilled almond jelly, silver fungus, wolfberries ($55) 富大量雪耳，非常爽口，也很過癮。芒果凍布甸 Mango pudding ($62) 無花無巧，就是芒果布甸，但由於超級足料，果肉佔了差不多一半，出來效果清甜迷人、軟香好吃，也很喜歡的！這裡的自家製雪糕 ($40) 口味特別，最想試是 五粮液朱古力 Chinese wine chocolate，但小兄妹在場不點了；這 椰子飯 Coconut milk, rice 真有粒粒米香也不錯，令我想起 Lab Made。最後是 時令鮮果盤 Seasonal fruit platter ($65)，每款水果均清甜好吃，特別喜歡清甜無渣、入口即融的番石榴，又勾起四月遊台的回憶了～以恆生白金卡簽賬可享九折，這開心又滿足的一頓 $972，吃完剛好是時間 check-in 了！另外當晚的 咖啡廳的豐富自助晚餐也是滿意經歷，明天再記吧。…查看更多

十二月十三日 (星期五)早已聽聞沙田18的大名，一隻北京烤填鴨，一件蜂蜜蛋糕，真是街知巷聞還記得，上年的聖誕前夕，新朋舊友聚首沙田18的一幕，過了精彩開心的一夜以為地點有些僻，原來乘港鐵在大學站下車，不用十分鐘的腳程便可直達，真是既方便又快捷這晚的菜單，幸有友人打點，不用煩惱，真的要先多謝安排一行十多人坐好，先來頭盤明爐烤蜜汁义燒拼脆皮燒五花腩肉這裡的烤鴨馳名，其他燒味也應該不錯义燒入口鬆化，帶蜜甜，邊位的焦香也很誘人而五花腩肉也是肥瘦比例均稱，皮更是香脆無比芥末籽西芹鴨掌鴨掌軟稔帶爽，只嫌芥末籽的味道不夠突出西芹以前不愛吃，不過其實乃十分有益的菜蔬非常爽口清新，要多吃紫蘇蒜醋牛油果如菜名，牛油果用紫蘇,蒜蓉和黑醋作調味結果是，既帶着牛油果的清新，又混合又咸又酸的味道來得清爽，其實是挺醒胃的前菜湘辣蒜泥粉皮牛展屬挺重口味的前菜，牛展質感較實，味道香濃辣勁十足，若伴一點粉皮來吃，無論整體質感和辣度都得以中和吃罷前菜，重頭戲隨即上演傳統北京烤填鴨如不少烤鴨名店，也有師博在客人面前片鴨就有如澳門滿堂彩的做法一樣，師傅會切出三款不同的配，分別是胸肉,胸皮和腿位的皮連肉部份隨了大家吃慣的方法，大家也用了配白砂糖的傳統食法，半溶的白砂糖令吃起來帶着香脆，不過就是覺得這個味道配搭有點怪怪的，大概是吃不慣的原因吧~好! 還是以薄餅包着來吃最合意，個人不喜歡加太多配料，只加大蒜和麵醬便成只吃剩肉的話，實在會有點嚡口感覺，而且鴨肉味道不算太濃郁，結果味道就是由麵醬領着走若吃腿部的肉連皮，效果會好得多，皮帶着脂香，味道得以昇華，其脆口感也當然幫上了忙~這晚吃到的，不是差，就是沒有傳說中的好，原因是我們遲了很久才開飯，早早預訂好的烤鴨也等我們不耐煩，下次真的要再試過吃完填鴨，就是一系列的主菜豉香蒸鮮膏蟹砵以大膏蟹作主調，再加入蛋,豬肉和豆豉來蒸豆豉香味十分突出誘人，精華不只在蟹，還有盡吸蟹肉香的蛋，整體配搭不錯十分喜愛這味鄉下仔田魚蝦毛魚毛蝦毛也十分香脆，還有花生粒，滿滿的脆口感味道則以咸香作作主調，中間夾着點點鮮甜味道，整體來得香口惹味，實在一吃不可收拾眼看已知辣度十足的是水煮斑片果真，辣勁十足，還有一點麻個人不肆辣，不過眼前是嫩滑可口的斑片，又按奈不住忍辣再吃!小蒽蜆芥肉鬆芋頭砵小蒽蜆芥的確將這碟菜的味道提升，伴以肉鬆也挺好吃芋頭煮得未夠軟稔，沒有入口即化之感乾蒽鮮竹撈芥菜就是很簡單，將以上三款配料拌勻即成鮮竹最讚，富黃豆香，芥菜實在不是我那杯茶，而乾蒽則相當香口滋味年糕炒虎蝦段實在是一個精彩的組合，既有小丸子(可惜她當晚不在)最愛的年糕，又有比利最愛的虎蝦虎蝦的鮮蝦盡滲年糕內，令年糕也散發着誘人的蝦之鮮香煙煙韌韌和年糕和爽口的鮮蝦肉又帶來不同的口感層次雖然大家也飽得很，但仍很快將之消滅!川芽肉鬆燴陳村粉陳村粉就是靠醬汁帶出味道用川菜的做法，自然也帶着辣勁，來得香口惹味陳村粉質感挺幼滑的，伴以肉鬆來吃口感更好魚湯燕皮餃清香鮮甜的魚湯，帶來一點清新感覺燕皮餃甚富肉香，煙韌可口這裡的甜品糕點一大特色，就是以不同中式食材入饌，所創製出來的款式絶對是坊間少有既然一場來到，又有一大班人齊分享，另一嚐味旅程又展開喇，實在是誇張得過份的甜品陣紅棗軟蛋糕質感鬆軟，紅棗味道也挺特出話梅芝士卷忌廉質感軟滑，入面是話梅粒，酸酸甜甜的感覺，很特別挺喜歡腐乳芝士蛋糕，芝士味濃軟滑，帶着陣陣腐乳氣味雪耳杞子杏仁糕，是滋潤的一客糕點，味道來得清新龍眼花生巧克力餅可可味濃郁，又帶着龍眼的甜香苿莉花茶雪糕，帶着茶的幽香，感覺輕盈多款特別口味的雪糕中，最愛就是這款五粮液朱古力雪糕朱古力味與酒味同時爆發，強強之爭，原來也可拼出理想效果大滿足，這晚吃到的菜式給人感覺新鮮，可看出大廚的心思但願下次再來，可吃到烤填鴨的真正水準吧!…查看更多

香港眾多中菜之中，位於沙田凱悅酒店內的沙田18一向也是我想到訪的餐廳，憑著一道傳統北京烤填鴨三吃而譽滿全城，當人們一提起烤鴨便是這間了，令我更加有興趣一試。另外，還有自家製的甜品雪糕也相當吸引，以中式食材製作，味道新奇有趣。中菜很著重頭盤，無論什麼菜系，頭盤都佔據著很重的份量。今天的頭盤款式不多，只有明爐烤蜜汁叉燒拼脆皮燒五花腩肉、紫蘇蒜醋牛油果、芥末籽西芹拌鴨掌及湘辣蒜泥粉皮牛展。不知是否用上的炭爐質素好，所做出來的燒味都非常好，燒腩肥瘦相間，皮脆肉嫩，叉燒鬆化帶蜜味，但如再燒燶一點會更香口。當中的紫蘇蒜醋牛油果是重點推介，將牛油果以紫蘇、黑醋及蒜蓉來調味，除去了牛油果的草青味，亦減去了那種油膩感，感覺清爽，而且酸中帶點咸的味道更能增加食慾，不清一會已被清碟。相比之下，芥末籽西芹拌鴨掌顯得有點失色，鴨掌雖然非常爽口，但調味不夠濃重，沒芥末籽的味道，不知是否先吃牛油果後的影響。四款之中，要數湘辣蒜泥粉皮牛展味道最濃，肉質偏向結實，辣度亦相對不輕，以粉皮拌吃確有減辣之用。頭盤後便是傳統北京烤填鴨登場，師父在客人面前以俐落的手法切出了三款不同的部位，分別是鴨胸皮、鴨胸肉及連皮鴨腿肉。我們一眾人仿傚傳統吃法，將鴨胸皮沾上白砂糖來吃，微微的餘溫令砂糖半溶，確是帶點香脆，彷彿有點像吃乳豬皮。接著便以薄餅皮包著鴨胸肉、大蒜、青瓜及麵醬來吃，鴨胸肉有點兒鞋口，而且鴨味略為淡，所以不是太喜歡只有鴨肉的吃法。最後便以薄餅包著連皮鴨腿肉、大蒜、青瓜及麵醬，再在皮上添加蒜泥，味道的確比一般吃法更為濃郁，不錯的吃法。雖然傳統吃法能吃出三種味道，但我還是喜歡以自己的一套來吃，就是以薄餅皮包著有皮的肉，加入麵醬及青瓜，最能感受到油脂的甘香與鴨肉的香味。主菜先是小蔥蜆芥肉鬆蒸芋頭砵打頭陣，賣相確是普通了點，可是味道都幾惹味，配上白飯一定更加適合，但有點挑剔的是部份芋頭未夠軟綿，還有點硬，不夠均勻。豉香蒸鮮膏蟹砵是相當的具份量，用上一隻大膏蟹以豆豉、雞蛋及豬肉來蒸，一出來豉香濃郁，蟹的鮮味已滲進雞蛋內，但好像有點結實，而且我還是不太好豆豉的味道，感覺一般。水煮斑片的紅油已給人一種辣的威力，斑片入口嫩滑，蓋上一層辣油，有點麻，辣度果然強勁，都幾刺激。與啡啡紅紅色調對沖的乾蔥鮮竹撈芥菜就是解辣的好幫手，怎能將豆味香濃兼軟滑的鮮竹與甘苦爽口的芥菜結合在一起呢，就是那撮惹味的乾蔥，相當簡單，但產生了意想不到的效果。接著的沖菜燒肉蒸春菜的評價有點反面，大家只感到一個 “咸”字，我也不懂得如何形容。可是另一道同樣以咸香為主的鄉下仔田魚蝦毛，卻深得我心，咸香得來帶著一股相當鮮甜的味道，而且魚仔及蝦毛都炒得相當香脆可口，還加入花生粒來提升層次感，送酒一流。反而越後越精彩，這道滋味年糕炒虎蝦段實令人留下深刻的印象。年糕吸收了虎蝦及醬汁的鮮甜味道，令淡而無味的年糕充滿著鮮濃的蝦味，加上煙煙靱靱的質感，一流佳作。另一道川芽肉鬆燴陳村粉同樣惹來搶吃，香濃惹味的醬汁帶點川菜風，有點香辣，再配上滑溜的陳村粉及鬆化的肉鬆，好吃得令人停不了口。魚湯燕皮餃也是不俗，燕皮餃肉味香濃，魚湯鮮甜濃厚。吃到此時已經很飽，可是甚能放棄一直期待的中式甜品，便把第二三個胃也搬了出來，因份量實在豐富。普通的朱古力餅(Brownie)也吃得多，但加入了龍眼的龍眼朱古力餅相信應該第一次，而且配上白芝麻的雪糕，甜中帶咸，感覺新鮮。紅棗軟蛋糕有點像鬆糕，質感鬆軟，以茶香清新的茉莉花雪糕，正好像飲花茶中享受著蛋糕般。要數最喜歡的甜品必定是這個話梅芝士卷，軟滑的忌廉中藏著話梅粒，酸酸甜甜，清爽不膩。另外一款是腐乳芝士蛋糕，相當軟滑，芝味濃郁中帶了淡淡的腐乳香，但相比之下，還是話梅芝士卷突出一點，而且更受歡迎。雪耳杞子杏仁糕相信是最滋潤的甜品，雪耳加上杞子已是補物，加上清甜不苦的杏汁作糕，軟滑中脅點雪耳的嚼勁。到最後亦是最瘋狂的一刻，十多人叫了二十多球雪糕。味道包羅萬有，喜歡酒香的要嚐酒味與可可味同樣強烈的五糧液朱古力雪糕，要酸酸甜甜解膩的可嚐花雕話梅雪葩，要滋陰補氣的可選人參蜜糖，甜中帶著回甘，最後更可來一個黑糖薑蕃薯來暖一暖身，吃後的確有股暖流由胃而上，各款雪糕都是佳品，配搭新穎又美味。回想這餐，皇牌烤填鴨雖然有點普通，但其實絕對不俗，其餘菜式都也有過人之處，例如組合上都幾新鮮，可是一到甜品時間，絕對是令人欣喜若狂的。無論味道及配搭，都給人一種意想不到的新鮮，而且更能令人留下深刻印象，希望下次到來時，填鴨的水準會比今次出色。…查看更多