Fans要集邮!最新明星餐厅
2017-08-09
好多明星艺人都锺意跨过界开餐厅食肆,进军饮食界。明星效应固然系有吸引力,但都要有实力先得嘅!呢排有好几间新餐厅有明星老板坐镇,各位fans,准备好去追星未?

陈柏宇麻辣火锅 云长小龙坎老火锅
陈柏宇早前喺青衣戏棚卖薯条,仲亲自落场帮手,今次又同朋友喺铜锣湾开麻辣火锅,系国内有300多间分店嘅人龙名店嘅香港分店,好多明星捧场!招牌麻辣汤底由成都直送,富牛油香带甜味,配内脏配料如鹅肠、毛肚最夹! 要唱返首你麻辣锅,我亦麻辣锅太合衬~ 

A post shared by JasonChan (@ckw720) on


图:lsm1115

傅佩嘉台式料理 三星台菜食堂
其实系傅佩嘉同台籍老公一齐开设,多年前喺天后开过台式火锅反应唔错,可惜最後结业收场。今次卷土重来开餐厅,主打地道台湾菜,有牛肉面、卤肉饭等,连Wyman食过都赞好!难怪一开业已经超爆场,一位难求呀!

 
马德钟生蚝吧 Oyster Nest
上年马神马德钟曾同家人合资,喺尖沙咀开设日本料理,今次再於黄埔九号水产内开蚝吧及酒窖。他称锺意食生蚝而开店,每日有十款新鲜生蚝空运到港,现时多产自法国及爱尔兰,亦有西菜供应,位於餐厅隔离的酒窝则主力卖酒。


唐诗咏卖蛋糕 Petite Merveille
芝士蛋糕店其实已开咗一排,但最近先发现原来老板娘系唐诗咏,仲亲自落Sogo巡舖。虽然蛋糕唔系唐诗咏亲手整,但系北海道名牌,由北海道函馆直送,更连续7年获得「国际品质评监大赏金奖」。香港店不时有新口味,北海道、嘅蛋糕、味道都几好!

A post shared by Nat Tong (@natalietong_tsw) on



萧润邦生煎包 正宗上海生煎皇
睇中文名唔知边个?即系前组合Bliss成员Oscar,江若琳男友呀。旺角上海生煎皇总店其实开咗一段时间,不过今年大展拳脚,分店不停开,仲冲出九龙於港岛插旗,喺铜锣湾分店刚刚开业,生煎包系唔错又抵食嘅。

 图:happy kiwiki918

司徒瑞祈外卖饭堂 阿水厨房
今年4月离开TVB嘅阿水哥哥司徒瑞祈,喺慈云山开咗间特色早午餐小食外带店。店子用阿水喜爱嘅多啦A梦蓝色去布置,加埋装满多啦A梦收藏品嘅格仔柜,好吸引。更吸引嘅系,售卖嘅小食名字好盏鬼,如救命茶、原只多啦A梦蛋多士、天天不同芝士焗意粉、一口西多士、低调台式卤肉饭等,成为区内街坊嘅新食店。
图:阿水厨房 Facebook
图:阿水厨房 Facebook


即将开业:
鼎爷私房菜
李家鼎(鼎爷)因为烹调节目大show精湛厨艺,打低Chef Le Mon成为近期最红明星厨师!原来即将於铜锣湾开设私房菜馆,主打佢最擅长嘅古法粤菜,暂定於8月或9月开业,鼎爷称3个月的订位已爆满,似乎大家都好期待喎!


文:Perrins
关键字
明星
艺人
火锅
台菜
生蚝
生煎包
蛋糕
私房菜
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
更多
收起
本月热门
【2020回顾】海外超人气过江龙抵港一览
2020-12-28
西营盘新开台式Cafe 推介即煎铁板吐司/芋圆仙草/黑糖奶盖茶
2020-12-28
12月份好评餐厅十强
2021-01-05
【牛年新春】盆满砵满 早鸟优惠盆菜推介
3天前
观塘海滨旁新开Cafe 必试「2019」咖啡+Tiramisu窝夫
5天前